廣麪子

营业中

休息中

平日係公司附近食lunch，對食物要求都唔會咁高最緊要就係近、快、方便食同埋價錢合理呢度係做到既 👍 比起一般茶餐廳或者舊式粉麵舖，呢度就明顯剩一籌，雖然都係人多都係要等位，但係起碼地方乾淨企理我地一行兩個人，叫左魚皮黎share魚皮跟左碗清湯 🥣魚皮既份量幾多，一大包都真係絕不欺場（我地最後係食唔曬既🧎）魚皮好脆同乾身，但略嫌粉較厚，牙唔好既人最好將塊魚皮浸湯耐少少先食 白灼菜心 🥬菜心新鮮翠綠，有蔬菜本身應有既爽甜，健康之選！魚蛋魚片河 🐟魚蛋爽彈，湯頭鹹淡適中，無咩可以挑剔掛住食，呢個切腩墨魚丸雙拼米就無咩影到相 😂我加左$10要紫菜 😋加左紫菜簡直就係錦上添花，同埋食多啲紫菜都健康架～切腩份量唔多，但入口都係軟熟香口既反而墨魚丸值得一讚 👍佢唔係我地平時出去打邊爐會食到果種墨魚丸味，呢度既墨魚丸比較似我細個係粉麵舖食到果種傳統口味我自己就好鍾意啦 ❤️ 可能都有啲懷緬過去既情懷既 😂我食得辣，就加左佢檯面提供既自家製辣椒油 🌶️好得喎！佢好香而且味道係有層次既，同普通買現成既辣椒油明顯唔同我厚多士問店員啲辣椒油係點整既，跟著個姐姐答我原來係佢地舖頭既祖傳秘方，要用十幾款材料炮製而成

🏮今日同老公在灣仔利東街欣賞美麗的花燈裝飾外，行行下被發現一間已有傳統5️⃣0️⃣年粉麫味道的【廣麫子】店舖！🕋🛠🔨⛏️⚒️店的簡約裝修風格讓人感到舒適。牆面以淺色調及至愛藍色為主！配合木質的桌椅，營造出放工後嘅輕鬆心情。照明選用光猛燈光，讓整個空間顯得明亮而不刺眼。📜📃📜📄餐牌圖文並茂及價錢十分清楚，職員替其點餐方便利落！🖊🖋🍲三併湯河粉 💵54牛丸、雲吞及墨魚丸：牛丸彈牙，肉質鮮嫩，每一口都能感受到肉汁的鮮味。雲吞皮薄餡靚，內裡包裹著鮮肉及蝦仁，湯底清鮮，讓雲吞的味道更為突出。墨魚丸富有嚼口又有彈性，味道鮮美，三者搭配河粉~加上店舖祖傳自家製辣椒油選用10多款材料炮製，果然有獨特既味道！絕配……🍲🍲切腩四寶湯粗麫 💵62🍲🍲切腩四寶撈粗麫 💵72四寶：魚蛋、魚片頭、雲吞及牛腩~牛腩有較多纖維部份，帶有皮之餘沒有多餘的肥膏，咬落口不嚡，肉質很稔及帶有牛肉味！~湯底不鹹！簡簡單單一碗湯粗麵已很滿足！~撈粗麫：具有豐富的口感，麵條粗而有彈性，表面光滑，能夠吸收醬汁的味道，帶來濃郁的口感！🍲🍲🍲酥炸魚皮 💵26店舖日日新鮮炸，外層酥脆，咬下去時發出清脆的聲音，既有酥脆又有柔軟的魚皮，配上一碗湯還可選擇

平時諗唔到食咩嘅時候魚蛋粉就喺我既Comfort Food❤️ 呢間50年歷史嘅老字號果然有料到🫶🏻魚蛋食得出用料高質🥹不得不試嘅係佢嘅秘制辣油🌶️ 加上十幾種材料辣中帶鹹香配上魚蛋畫龍點睛☺️⭐️ 切腩四寶撈粗 🍜魚蛋牛丸同雲吞都好爽口用料有心思🐮切腩入味唔會太肥🥓 係好道地既滋味⭐️ 原條切魚片 🍥必食既高質推介🩷魚味鮮甜而且好彈牙🌊喺外面食唔出嘅新鮮感⭐️ 墨魚丸湯粉 🦑食到一粒粒真材實料嘅墨魚肉😚清清地唔會太鹹不錯👍🏻⭐️ 酥炸魚皮 🐠魚皮炸得香口但保留了魚味好有水準呢😉⭐️ 蠔油菜 🥬新年食得多揀咗啲菜心清吓腸胃💚新鮮夠健康⭐️ 西多士 🍞炸得黃金又酥脆真係好邪惡🧡如果牛油份量多啲就會更完美🧈⭐️ 鮮忌廉紅豆 🫘紅豆冰再加上鮮忌廉🍼濃郁既紅豆上面增添一份幼滑😀

過年度度都冇開，見到佢哋咁勤力就試吓。Menu 有撈就試吓。四寶撈，粗麵，已經撈好，每條麵都上汁，而且上得好均勻，碗底一滴汁都冇，麵身好乾爽。如果你鍾意多汁，可能🤔要佢另外俾。我自己都鍾意，不過多少少汁可能我更鍾意。片頭一舊，好食但正常嘢。 黑椒牛丸，好好，丸多汁，而且黑椒好多，真係食到細細碎粒。白魚蛋反而正常嘢。最好食係雲吞，蝦有鮮味，雲吞皮已經糊糊地，但勝在味道好。牛腩都正常唔太黐牙，但未算好腍。呢種麵一定要辣椒油，佢哋聲稱自己制，辣度正常，但少咗潮式辣椒油香味。一般啦。

今日心血來潮想食返啲本土粉麵，見到呢間咁多人排隊，一於就試下佢！中間1點幾2點都仲排晒長龍，由我地入座到食完走都仲有人係門口排緊，成間鋪人山人海好熱鬧呢到主打傳統牛腩同魚片粉麵，咁難得排隊入黎，緊係乜都試下！切腩四寶撈粗，一次滿過幾個願望，最impress到我既係佢啲撈麵，完完全全索晒啲汁好入味，應該係腩汁，後勁有少少甜味，好好食！面頭牛腩好軟身一啲都唔會硬，魚片亦爽口出色朋友叫既切腩魚片都話好好食，忍唔住叫多一碗魚片魚蛋呢到亦出名呢個自家製辣椒醬，試左少少唔算好辣，食落有啲咸香唔係淨得死辣，不過個人唔太食得辣淨係試左少少黎到當然唔少得試埋啲小食，炸雲吞自細就中意食，值得一讚既係雲吞皮係有鹼水味，呢個先係炸雲吞既精髓，配上甜辣醬食完全停唔到口！西多士即叫即炸，上到枱睇住面頭牛油慢慢熔化，加上蜜糖我諗唔洗多講大家香港人都好中意食！如果可以中間夾埋花生醬就無得輸

今日lunch叫咗個最人氣嘅四寶撈粗，差到我要專登寫篇食評講個事實比大家知。正如圖片所見，所謂嘅切腩係瘦肉咁，完全唔知個腩位係邊，仲要個厚度係仲薄過幼過我隻手指，令人超級失望！！同佢張相係唔一樣，違反哂商品說明條例！！其他材料只係正常發揮，個麵唔加湯係好咸，根本就咁係食唔到。大家仲要有心理準備隨時比人叫你搬位坐呢度、坐個度，幫舖頭砌好枱嘅人數賺到盡，但服務員嘅態度係唔憂做，差！總括而言，唔會再食！😡😡😡😡

大王東街有好多食肆，呢間排晒長龍就知一定好出名，已經有50年嘅歷史啦，簡單一碗粉麵整得好食的確唔容易，呢度就完全超乎水準啦🤗 最出名係切腩同埋魚片魚蛋，過到嚟一定要試😍切腩四寶湯粉/撈麵 🍜呢個係佢嘅招牌，四寶包括切腩、魚蛋魚片、牛丸同雲吞👍 切腩精心烹煮，魚蛋魚片爽口彈牙，雲吞皮薄餡正，可以揀湯粉或者撈麵都得，仲可以另加紫菜添👍鮮油奶多士 🥪呢個超邪惡啊，烘咗多士入邊夾住奶油同埋牛油，入口即溶，真係超好食 🧈 鮮忌廉紅豆 🧋好耐冇飲過呢個飲品啊，超多忌廉仲有紅豆🫘 熱檸茶 ☕️另外都叫咗杯熱檸茶暖暖胃 🍋 炒菜心 🥬菜可以揀菜心或者生菜，可以揀清湯或蠔油調味，菜心好新鮮👏

店名: 廣麪子地址: 灣仔大王東街2-4號安興大廈地舖灣仔站B2出口，行5分鐘環境: 4/5價錢: 4/5味道: 4.5/5廣麪子係灣仔都有得食啦‼️今次黎到，當然要試下佢哋嘅招牌牛腩😗淨沙爽腩❤️❤️❤️❤️❤️$190沙爽腩又名崩沙腩，牛腩之中地位十分高，今次叫咗淨食，滿滿嘅牛腩，肥瘦均勻，入口軟嫩，牛味十足，果然名不虛傳🤩切腩四寶撈粗❤️❤️❤️❤️❤️$72分別有切腩、魚蛋、魚片、牛丸同雲吞，撈粗麵身好彈牙，加上招牌切腩同四寶，一次過食到各種風味🥰鮮油奶多士❤️❤️❤️❤️❤️$16多士中間夾住一片厚厚牛油🧈再加上煉乳，入口濃厚嘅牛油香，超邪惡🤤消脂青檸❤️❤️❤️❤️❤️$30食完邪惡多士，飲翻杯就好解膩🍋‍🟩雜果賓治❤️❤️❤️❤️$30飲落滿滿嘅果香，加上梳打，完美嘅配搭😌

今日灣仔放飯唔知食咩好 經過見到呢間傳統麵店 陸續都好多客人入嚟 店鋪以深藍色為主 加上木系枱凳 環境幾舒服唔會逼 落單後唔洗十分鐘就上哂啲嘢食 真係快靚正👍🏻 🍜切腩四寶四寶有切腩 魚蛋魚片 牛丸同雲吞 牛腩肉汁多有咬口 +8轉左伊麵 伊麵煙韌彈牙 加埋由十幾款配料調配而成辣椒油 香辣好開胃🍜四寶（雲吞 墨魚丸 牛筋 牛腩）自由搭配既四寶河粉 雲吞必食 餡料好多蝦肉係入面 牛筋炆到好腍身 河粉根根分明 浸耐咗都唔會漲🐟酥炸魚皮魚皮好脆好香口！後尾得知原來係日日新鮮炸 唔怪之得咁好食🥪鮮油奶多士 熱辣辣厚多士中間夾住一塊牛油🧈加上煉奶 好邪惡🍫熱朱古力 +$8🍋‍🟩消脂青檸青檸梳打 冇落糖漿唔會好甜反而清新解渴📍廣麪子 (灣仔)灣仔大王東街2-4號安興大廈地舖

話說，最近同朋友去咗灣仔嘅廣麵子，真係好開心！呢間麵店主打廣東咸炸麵，味道正宗又好食。麵條煮得啱啱好，彈牙有嚟，配上豐富嘅配料，包括魚蛋、炸蛋同埋酸菜，每一口都令人垂涎欲滴。其實都係等唔使10分鐘，有好多人幫襯好熱鬧，同埋最緊要快慳返食飯時間店內環境簡潔乾淨，氣氛輕鬆，好適合與朋友一齊去。服務員態度親切，用餐時亦好有禮貌。除咗咸炸麵，佢哋嘅炸醬麵同炸豆腐都好好味，推薦給大家。總括嚟講，廣麵子係一間值得推薦嘅麵店，無論同朋友聚餐定自己一個人去都好啱。🍜😊

灣仔美食處處，魚蛋粉都有好嘢。是夜走到廣麵子試試。餐牌熟口熟面，原來是安利大排檔的副線，有50年的傳統老字號。小食炸魚皮厚身香脆不過鹹，每日日新鮮炸起，難怪。四寶撈粗，限時推廣+$1 轉崩沙腩，肉味濃郁，連住軟稔橫隔膜，片頭魚蛋鮮味不過鹹，黑椒丸彈牙，加入自家製辣椒油，必食之選。淨魚蛋魚片十分足料，魚味清香，魚片香脆。菜心香甜爽脆，火候剛好，配上滷水腩汁畫龍點睛。炸雲吞皮薄饀靚，蝦肉彈牙，佐酒一流。餐飲青檸梳打清爽無糖，清喉解渴，完美作結。

最近在灣仔發現了一間隱世小店：廣麪子。環境懷舊又親切，原來係來自西灣河一間經典麵家。切腩四寶撈粗麵四寶有切腩，魚蛋魚片，牛丸同雲吞。切腩肉質多汁，其餘三寶新鮮又足料，粗麵彈牙，充滿了傳統五十年嘅風味。切腩湯米粉 (轉沙腩)切腩肉膜相連，肥瘦相間，入口即溶，湯底清甜鮮美。米粉吸滿湯汁。可以加一蚊轉崩沙腩，配上祖傳自家製辣椒油，有十幾款配料製成，非常之回味。酥炸魚皮用紙袋包起上菜，防止潮濕，每日新鮮炸，酥脆無比，而且每塊都係大大塊，非常抵食！鮮忌廉紅豆檸檬可樂

肚餓左一日，終於搵到一間自己想食嘅麵鋪，叫左個切腩魚片頭撈麵，粗麵好彈牙入味，魚片頭又好彈牙，切腩係屬於較瘦嘅手腩，食落好有口感。一定要試佢辣椒醬，好正㗎 ？個紫菜湯好好飲好大碗只係$20，滿足的一餐因為附近仲有好多甜品店！

5個人可以只落單3個麵，等咗成20分鐘先話漏落單，然後收檯成兜麵倒落客人身上，sorry都冇句。當聽唔到。 好少有餐廳咁蠢，5個人點會order 3個麵，但飲嘢又上咗5杯wor. 食物都係平均水準，之前都一個星期幫襯一次，但之後唔會再去。埋單時再提起件事，收銀個同事冇任何反應，都係繼續扮聽唔到，真係好少見餐廳咁差既服務態度，可能真係覺得生意太好唔憂做。價錢唔係特別平，服務咁差真係畀錢搵氣受。下不為例，灣仔大把其他餐廳可以選擇

order講明轉粗麵 菜心走油 一樣都冇理到貨不對板佢俾咗河粉 同大量蠔油喺啲菜心度 其實唔係人人都鍾意河粉、蠔油同重口味唯有盡量用湯嚟浸走啲蠔油味好少見餐廳咁死板 咩都唔肯轉/走 唔食河粉同走蠔油唔算係唔合理嘅要求啩？ 定根本唔會理任何要求是是但但？食物非常普通 只係普通魚蛋粉麵 唔知點解咁多好評同有人排隊 價錢又唔係特別平 亦要等5-15分鐘只係試吓好唔好 食咗幾啖放棄 因為真係討厭河粉同蠔油下不為例 都係食返其他魚蛋麵舖頭算數