廿一堂

营业中

休息中

好多時都會過黎食午餐，因為價錢都算平，終於記得寫番個食評。🐂廿一香葱漬厚切牛舌丼 $64一碗有五塊厚切牛舌，份量都幾多，牛舌燒得好香，唔韌。加埋醬汁很好餸飯。係我最常叫嘅丼。🐷廿一香葱漬燒豚丼 $62 （走葱）豬五花片都燒得好香，豬五花下面有啲洋蔥，洋蔥都幾甜，又可以增加口感。係我心中嘅第二位。🐷滑蛋吉列豬扒丼 $70外皮好厚，好似食皮多過食豬扒。滑蛋又唔係好滑，但係調味好食嘅親子丼醬油味。係試過一次就唔會想再試第二次嘅味道🤔🐂牛肉65度温泉玉子讚岐烏冬 $67牛肉份份量都幾多，唔算好難咬👍🏻鰹魚湯烏冬，正常嘅湯底，烏冬上有啲昆布，增加返啲饍食纖維。但價錢少貴🤔

姐姐🧍‍♀️放假🏖️，又啱啱過咗下午茶☕️時間，媽媽👩🏻話買既嘢買唔到，爸爸👨🏻求其😑買，買咗豬牛關東煮🍢鰹魚湯烏冬（$74，$75同$77），仲有外賣🥡盒加$9，媽媽👩🏻問仲乜唔外賣🥡apps一早叫定，爸爸👨🏻答Pokemon Go City Safari去到1800。陳皮妹等外賣🥡等到急尿，等咗大約12分鐘外賣🥡，兩大袋，趕1830 shuttle bus，有最後兩個位，隔離三人櫈有四個人坐。返到屋企開餐，原來正餐皓大碗，食唔哂，媽媽👩🏻話正餐應該叫兩碗就夠，另一碗留返第二🥈日晚餐🥣，我食關東煮🍢嗰碗，飲咗啖仙草個胃就唔舒服🤢，要食胃的素，休息😴咗一陣再食關東煮鰹魚湯烏冬，都係唔舒服🤢，俾咗魚餅🍥同獅子🦁狗陳皮兩妹食，自己食咗菇、大根、福袋同腐皮，仲有少少🤏烏冬，面豉湯太淡，大福皓食，仙草留晏d再飲，又係一飲又唔舒服🤢，可能🤔真係唔受得，成晚腸胃咕嚕咕嚕瞓得唔皓

試過早餐和午餐，cp高！店內姐姐整體親切有禮，氣氛良好。環境闊落舒適、乾淨和採光良好。桌與桌之間有適當距離；在香港實屬非常罕見，播放的日文歌list 好聽。如果早餐多士有牛油或果Jam 跟就更好 ！早餐公仔麵軟硬度keep到水準的，希望烏冬會有扁身稻庭烏冬供選擇，温泉旦很好吃！試過幾款燒肉飯也好吃，以這價錢、不用排長龍、又坐得舒服，每星期也會來。早餐咖啡、奶茶還可續杯添飲 ，非常棒呢！哈哈哈….. 現在已經沒什麼餐廳供此服務了。

姐姐🧍‍♀️放假🏖️，踢完波⚽️喺樂富買埋廿一堂先返屋企，喺地鐵🚇搵到廿一堂QR code入定外賣去到即刻攞。叫咗鰹魚湯讚歧烏冬配關東煮🍢加芝麻手羽（兩隻）配忌廉$85，同鐵版芝士🧀漢堡扒配日式咖喱🍛湯讚岐烏冬配面豉湯$85。拎到返屋企仲熱，鰹魚湯烏冬既湯鮮甜，多昆布有咬口，烏冬又滑，關東煮新加蟹柳唔錯👍🏻，但最皓食真係大根。鐵版芝士🧀漢堡扒純粹叫嚟睇下外賣🥡點鐵板，喺外賣袋時漏汁，打開時發現係錫紙盒栽咗漢堡扒同芝士🧀加大量鐵板燒汁，皓皓食，芝士🧀收埋哂喺汁入面，漢堡扒ok，不過薯仔🥔就唔皓食，面豉湯ok。芝麻手羽皓食外脆內滑

厚切牛舌丼飯估佢唔度係咁好食 勁啱我口味 因為有蔥油+啲牛舌好入味 佢係加咗黑椒係入面🤤🤤 啱晒重口味人士 另外配菜仲有洋蔥 啲洋蔥係有少少爽口都幾好食 晚餐$74 包埋飲品、大福 大福係抹茶味 我自己本身啱太鐘意食抹茶 所以覺得個甜品麻麻地 如果有其他味可以揀就好啦！美味：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️回頭：⭐️⭐️⭐️⭐️⭐️ 廿一堂 (樂富)📍樂富聯合道198號樂富廣場A區1樓1161-1162號舖

一段時間冇嚟Menu轉咗少少，除咗有火鍋，夏日海鮮丼之外，原來仲有雙併豚肉同牛肉丼😯 啱晒我呢D貪心嘅人😬👅香蔥漬合盛丼（豚、牛）兩款都超級重調味😅😅 好多辣粉，好多黑胡椒，亦都偏鹹🙈但牛肉偏乾偏韌，豚肉好食啲，難怪佢係人氣第一位😂飯似係日本米，煙韌有咬口，而且有燒肉汁係底，係好食既！湯就真係得D昆布，豆腐都無粒比較清同寡😂如果鍾意重口味嘅，呢間都係方便快捷之選黎～#樂富美食 #廿一堂 #燒肉丼 #日式快餐 #咖哩鳥冬 #日式牛肉丼

姐姐🧍‍♀️放假🏖️，去廿一堂買外賣🥡，上網搵咗QR code，order咗去到就攞，叫咗日式關東煮🍢配元氣野菜丼飯$82，飲忌廉同加$12要溫泉♨️蛋，另一個餐鰹魚湯讚岐烏冬配關東煮🍢，飲忌廉同加$18芝麻手羽2件。我個餐ok，關東煮🍢有獅子🦁狗、福袋、大根同冬菇，不過關東煮🍢既上湯唔夠味，反而烏冬既湯皓飲d,溫泉♨️蛋正，一啖啪咗。屋企人打開佢個餐先知冇咗手羽，屋企人皓嬲，係咁鬧人，但又打唔返去分店，反而post咗上社交平台後，廿一堂CS秒回話會補返手羽俾我，但因為都過咗shuttle bus尾班車🚌,只可擇日再補

今日甘岩黎到樂富，天氣好焗熱所以到番間冷氣大既餐廳黎個快lunch。估唔到又比我搵到間幾高質既牛丼飯！廿一香蔥漬燒牛丼，賣相非常吸引！因為叫左個大盛，所以追加左個特別要求，多牛汁！見到佢既時候已經聞到好香既香蔥味！ 牛肉唔係平時牛丼個隻厚度，係比較厚。而牛肉亦都應該有爆炒過，外面都有少少焦香。吃落口好香，越咬越有牛味。洋蔥好入味，但比較腍，如果有番少少口感就正啦！ 香蔥漬非常香，撈埋飯吃真係一流！ 好快甘已經吃曬個飯，好滿足！

姐姐🧍‍♀️放假🏖️，我落山買外賣🥡，搵到廿一堂QR code落定order，叫咗鰹魚湯牛肉65C溫泉♨️玉子讚岐烏冬配忌廉少冰（$70），另一個餐天婦羅🍤虎蝦配鰹魚湯大根讚岐烏冬配仙草凍奶茶🥤（$99），落到去即攞再上返shuttle返屋企。打開仲熱，烏冬同湯分開，自己倒埋一齊，鰹魚湯好有鮮味，正，牛肉足料但過熟有d韌，烏冬一般，天婦羅🍤虎蝦有醬not good🫨, 仙草凍冇筒都唔知點飲？😅

1️⃣熟成牛柳玉子配燒魂丼🐄套餐(配甜品大福、凍咖啡)肉質軟嫩多汁，有牛味，肥而不膩～啖啖肉大量紫菜 超滿足，可撈成碗飯2️⃣吉列朱扒日式咖喱讚岐烏冬 (配甜品大福、凍宇治抹茶)豬扒外脆肉嫩，皮肉唔會分離，唔油膩，唔乾柴，肉質口感ok結實，唔會淋pat pat日式咖喱唔 spicy胡麻椰菜沙律 新鮮凍宇治抹茶 偏奶味3️⃣廿一香蔥漬燒牛丼(配甜品大福、熱檸檬柚子蜜)味道滋味，但牛有些筋，影響口感熱檸檬柚子蜜 足味4️⃣牛肉溫泉肉子讚岐烏冬（蕃茄湯底）(配昆布漬物、熱奶茶)加配：北海道帆立貝漬物整體 味道ok，冇乜特別帆立貝細細粒，肉質ok甜品大福喜 外皮煙韌，內裏有cream，偏甜

早上時間經過樂富，正在思考食什麼早餐好呢～ 就看到這間廿一堂，門口是沒有人的，有2個自助售賣機，以及一個無人既櫃位，可能繁忙時間會有收銀員收款吧～ 今朝早未看見😆 正在看早餐時，有2個人在背後也在預備買早餐，聽到言談中(不是偷聽，但很近)，聽到後相信這家店都幾好食，就決定食一個早餐試試吧～ 🤗反正都是3x or 4x左右，我看到沙爹牛肉或沙嗲雞扒類的早餐，平時喜歡食牛的我，今次我想試食沙嗲雞扒36蚊包一杯飲品，另外+4蚊可以轉烏冬（其實我都幾敗家🤪，另外有一個腐皮烏冬早餐35蚊，就不用加4蚊便有烏冬😁 好了，買好早餐便進去~ 地方都幾大，時間已經是早上9點幾，所以都無乜人了，選好位置坐下，等候自取早餐~ 自助水是免費提供的，沙嗲雞扒烏冬 個湯底唔錯，我竟然想飲曬個湯🤪🤪不錯，下次會再來，畢竟40蚊有沙嗲雞扒太陽蛋和厚餐肉，真係好抵，味道又好食

廿一燒牛丼+大福+汽水:HK$72(晚餐套餐)可能是被火燒烤，所以牛肉咬起來有脆的口感。對於大福有些好奇，成為吸引我嘗試這間餐廳的因素之一。內餡好似是忌廉？共消費HK$72。個人評價是除了脆香的牛肉沒有深刻的印象，是日式餐廳會提供的食物。該店舖是自助式餐廳(自行取餐、自行歸還)且不收取服務費。

一朝早食早餐，想試下新野，但又唔知食乜好，諗住都係要食返超大型美式連鎖店嫁la喺樂富商場行緊去嘅時候，路過廿一堂，見佢門口d menu圖介紹，又好似幾吸引咁喎，仲要有大把位，一於試下佢佢係自助點餐，入到去自己揀位，到你個號碼就會顯示，就自己出去取餐，食完就自己還返d盤成個早餐好出色，蛋好滑，炸魚好滑，炸雞唔會老，牛角包都好食加左個蕃茄湯嘅螺絲粉，都好食

廿一堂原來有多間分店，今日到樂富工作完，肚子餓，但大雨天又唔想四處貢，於是就在商場內解決⋯⋯用自助機，方便落單，很快取餐，方便快靚正⋯⋯番茄濃湯豚肉溫泉蛋$75~大大碗，番茄味令食慾大增，大大碗，要來填飽是一個不錯的選擇。豚肉餃子$24~加推餃子，但炸得過火，太硬。麵豉湯跟餐不用加錢，但味道扁淡，加埋餃子$99，一佰元大大份，夠晒飽。整體來說一個人唔使煩，眼見有幾張枱是一個男士到來壽喜燒，味道中規中矩，但大大碗，一個人的晚餐算是一個不錯的選擇。

上星期去左呢間廿一堂食晚飯，見到門口有新餐牌係熟成牛柳玉子配燒魂丼鐵板定食，好吸引🤩 即刻叫返份先! .原來成個set係包括有一份熟成牛柳，煎蛋、紫菜飯、小食同湯或飲品，我地兩個人都叫左呢個set，一份配麵豉湯同小食，一份就配甜品同汽水。熟成牛柳好好食，肉味濃郁，肉質軟腍多汁，加埋醬汁好惹味，每一口都好好味! 然後將蛋放入紫菜飯，讓蛋汁流入紫菜飯一齊撈來食，好滋味! 特別要講下，紫菜飯係勁多紫菜，呢個真係好好食！.小食係荀，而甜品係大福，裡面有忌廉，好香甜👍🏻 整體來講很不錯👍🏻