開餐達人

营业中

休息中

平時食開鮮茄菠蘿豬扒意粉超好食又抵食有埋檸檬茶突然想試試新野黑椒司華力腸煙鴨胸焗意粉。本身充滿期待但一打開就發現腸仔同鴨胸都係焗到好似炭咁但意粉黑椒味十足真係可惜配料唔掂。

觀塘飲食日誌day 16真係好抵午餐原價49蚊13:50後入座打七折於是35蚊正餐包埋飲品真係仲平過早餐價食物質素一般偏鹹偏濃味但唔難食牛舌兩塊咁多但整體份量是足夠的而且意粉唔會焗到淋哂其實早去都冇用因為座位唔多我兩點去到都爭啲無位坐其實佢枱同枱之間係逼的但每個座位都坐得舒服的不過未夠兩點就打折自然有佢道理位置有點隔涉爭啲搵唔到入到去又有浸霉味上菜都幾慢等咗10分鐘先有嘢食我對面仲等咗半個鐘所以就算唔為打折都唔會繁忙時間嚟幫襯

之前有食過其他流水蝦店，呢間應該是價錢黎講較平，眼見座位都是卡位，旁邊獨立有水缸，比較寬敞及方便，不過冇乜冷氣，燒到一半覺得好焗！贈送的牛和海鮮都很一般，大頭蝦就同平時吃的一樣都是新鮮多膏～始終都係即夾即燒～另外有炸物、熟食蝦、冬陰功、水果、沙律、甜點、雪糕及肉類仼食～都係普普通通，冇乜特別～ 主要係Encore大頭蝦及沙律，其他嘢覺得唔估冇特別去試～總括嚟講如果係鐘意食大頭蝦嘅呢間價錢打折後算係OK

好差既體驗，食開另一間流水蝦（銅鑼灣太遠），見到觀塘有新開既流水蝦就唸住試下。一入門口，地下痴笠笠，每行一步路都被地下痴住，座位同檯面都好唔乾淨，油笠笠咁樣，做得流水蝦應該更加注重衛生。另外野食款式好少，而且極不新鮮，放左好耐都拎出來比客人食，尤其d水果，完全唔知自己食緊咩，味道又差口感又差。最後價錢不值，折左都要300幾一位。想講生意唔係咁做，唔係跟風做流水蝦隨便就做得起，咁既質素配咁既價錢，差到極點。

上網睇到廣告就走去試啦流水蝦放題餐廳環境有少少污糟，好焗，坐得唔舒服流水蝦魚缸都幾多死蝦，話送5款牛拼盤話係頂級美國牛肉，d牛都唔知放咗幾耐變哂色一岩一忽碎上，送海鮮船只限每人有一隻鮑魚，扇貝，蜆1粒 and竹籤蝦係梅的，唔新鮮.......仲有條大眼雞要同侍應講先有，無放出嚟，海鮮唔係任食架。。。自助形式，冬陰功湯可以係凍嘅，熟食有煎餃子薯條咖喱角係凍冰冰淋哂嘅，有大量丸同埋醃咗嘅肉，重點係個爐燒乜嘢都好耐先熟，牛肉腸仔丸都燒咗好耐呀🥵個爐以經較到最大，兩個鐘都完全食唔到d乜。食物質素差不特止，呢個價錢收費仲要無乜嘢落過肚，甜品有幾款口味嘅雪糕 但係d雪糕係溶溶地嘅。總之就係非常失望！

初入到店，覺得環境尚可，但到燒嘢時，燒咗成15分鐘都未燒熟隻蝦，我一行4人，燒咗成個鐘先得每人2隻蝦加一件牛扒，所以向店員要求换枱，結果好不情願下换咗枱。室內冷氣不足，一路燒一路滴汗。因為有朋友生日，預先買咗蛋糕，當我請店員攞蛋切時，她就放低離去，碟，叉無攞，枱面垃圾又唔清理，咁都算吧，到最後結賬，我在訂位時已講明有一位生日優惠，到結賬時竟收哂4位全費，到我詢問時，才要求証明及改單，而賬單銀碼竟以¥來做單位，天啊！我竟來到一間垃圾食店，如果要評分，應該負分！

無限wfh之又到左要解決lunch嘅時間🕜今日試左一個新嘅外賣平台🦘new joiner有50% off！💰於是我就揀左呢間嘅🥩8安士西冷牛扒配黑椒汁意粉➕奶茶🍵見到原價係$100，依家只要$50💸雖然頭先先發現有mark up⛓原來堂食只要$58😅食物方面對於$50蚊都算唔錯👾但我本身係expect $100質素💮所以......🤪

之前食過餐廳堂食，知道原來餐廳還有獨立包場房閒。今日係朋友生日派對，我地book左開餐達人的獨立派對房間。估吾到房間比一般party room更大，有起碼千幾尺，各種設施應有盡有，最重要係呢到係餐廳的獨立包場房閒，最大好處當然係有餐廳級數的食物，又有得玩又有得食。電動麻雀，游戲機，唱歌，夾公仔機，足球機,borad game........我地玩到太盡慶，搞到場地好亂，真係吾好意思呢到員工好好平時吾會打擾我地玩不過有需要既時候就好helpful。重點係好平，二百幾蚊又玩又食。呢到海鮮肥牛真係好正，又靚又新鮮平時去其他地方包場貴好多，又無野食，之前吾知呢到甘抵玩下次再搞聚會一定再來呢到包場

今日同男朋友想食火鍋跟住係open rice 揾食見到開餐達人個名幾得意跟住就訂左位上來食以樓上餐廳來講位置都幾就脚而且來到發現生意都幾好呢到裝修好有80年代扒房feel我地點完湯底後湯底好快來到跟住點既海鮮船都好快來海鮮重點有鮑魚同日本元貝都好新鮮大只好好味啊估吾到百幾蚊任食有甘好既海鮮食                肥牛質數都好好肥瘦均匀而且有大量海鮮任叫任食整體來講真係抵到爆我地食左差吾多4個鍾食到回曬本先走

呢幾個月都無打邊爐啦啦，真係好想打邊爐，疫情一好轉，我就即刻越左3個朋友一齊來打邊爐。好耐無來，一開動就停唔落來，今次一定食到餐廳蝕本........我都算係呢到既常客。今次來食物質素進步左，肥牛質素好高，海鮮都超新鮮，我地都食到好滿足。百幾蚊呢個質數，真係性價比超級高阿......今次來到冷氣特別凍，好似加多左冷氣，完全唔會熱。最怕其他地方冷氣唔夠凍。朋友都話下次聚會要再來呢到打邊爐。期待下次再来，再来食到餐廳蝕本，哈哈哈......

平時帶開飯既我，一星期會有一次出街同同事食依間之前都食過一次，都覺得ok見到$58 有豬柳有鰻魚有滑蛋，依個價錢，特登試下伏唔伏點知。。。除左塊滑蛋，其他野都係凍或者室溫。。。感覺係d 野一早煮好擺哂係度，炒完個蛋就將佢地組合甘。。。鰻魚汁都係甘既味，鰻魚口感果d 正常，豬柳明顯急凍無乜味果d, 最好味係滑蛋，因為有d 溫度。。依個價錢其實都預左伏，但估唔到唔係衰係食物本身，係衰係煮食方面。。講真，係甘易煮下熱熱地都覺得ok, 但翻煮都唔煮。。

是日唔係太舒服，本來想食齋菜，但望一望地圖覺得好遠。企響觀塘鴻圖道大街，食飯時間人來人往，難免有啲不知所措。到處都係傳單紙仔飛來飛去有啲又要上樓落樓左兜右兜，嗰頭有啲暈嘅我真係頂唔順。近近地就得有個阿姐遞上一張$3折扣券，叫我上樓上。見啲食物都似樣，就試吓啦。行樓梯上咗一樓， 佢開門就搵到啦佢開門就搵到啦，午餐選擇唔算多，但有齊豬牛羊雞飯或意粉，而且西餐有茶有咖啡算係咁，餐廳環境都是正，有電視有新聞睇。好想食意粉，胃口唔大食唔到扒餐，就點左個意式香草什菌焗牛扒條意粉。好快上菜，佢將啲牛扒切到一條條超方便，牛扒條又多又抵食，仲要個白汁香草菇菌好好味。一盤意粉唔好睇佢細細兜其實好大碟。唯一失色係個咖啡，好酸有啲難飲。講食物就真係滿分。

今次去咗呢間樓上Cafe鋪，特別之處唔止係可以以平價打到邊爐之外，仲有好多好多嘢玩令到你食嘅過程都好開心。邊爐嘅食物就一般啦唔可以話非常之好但係都對得住個價錢嘅。食品種類就唔會話太多但係都唔會少到冇嘢食。至於玩方面，鋪頭提供左整棉花糖機，雞蛋仔機，八爪魚機，煎pancake機，爆谷機同埋炒雪糕比客人可以任玩。真係唔玩都唔知一啲都唔易整。鋪頭亦提供左switch 比客人打機。如果唔介意，仲可以唱卡拉OK俾全餐廳嘅人聽添㗎。

一早來到觀塘，總有一兩間店是令人懷念的，偶爾也會光顧此店，無他，性價比高。想飽的建議點麵餐，但我早上減少澱粉吸收，所以改為點扒餐，一般走焗豆，有點鐵味。雞扒大塊，是炸的不是煎的，調味大路，鹽糖雞粉豉油，尤好沒有炸乾。炒蛋大方，火腿正常貨。多士乾硬，質素略差，多士烘不夠，牛油太吝嗇。熱咖啡，一般不下糖，一般茶餐廳水準，可以的。整體而言，今年應該加了一元，現在28元正，我還是很滿意。樓下的茶餐廳，大概貴5元，而份量更少。

假日下午茶火鍋放題 💲98✅ 火鍋三色湯底任君選擇🍲 配料選擇足🥰✅ DIY手作坊多選擇👍🏻 牆上貼埋指示 值得試玩🤣✅ 唱K桌遊Switch樣樣齊🎤♟🎮❌ 店員並唔係好主動咁協助我地整手作😣👅Taste：3.25/5💰CP值：4/5🙋🏻‍♀Service：3/5👁‍🗨Stylishness：3.5/5