弘文館

营业中

休息中

總分：8.43🐑宋嫂魚羹-清幽淡雅-7🐑小籠包-肉汁豐盈鮮香-8🐑清燉獅子頭-原盅燉，肉本身冇乜醃味，食嘅係肉本身嘅原味，夠膽唔落味，先係真功夫-8.5🐑豬腸豆腐-咪睇佢樣衰衰，豆腐係師傅自己做，夠幼滑、夠豆味，豬腸亦鹵得好，有應有嘅彈性，汁底帶少許辣，好醒神-9🐑魚香茄子-唔會好似一般港式嘅咁做到咁油，雖然冇鹹魚喺入面，但仍然做到惹味可口-8🐑揚州炒飯-首先係用嘅米種，叫泰州一號米，內有白米、黃米同紫米，十分幼身，但充滿彈性，飯入面有火腿粒、海參粒，材料可謂非一般-9🐑紅棗薑茶-紅棗、圓肉、薑，簡單配搭做出天下美味，我終於搵到比滬江更好味嘅薑茶-9.5🐑

諗住搵信和廣場附近有咩好食，又想地方冇咁嘈吵，又想座位坐得寬闊啲，想環境事事正正，OpenRice map睇吓附近有咩食，就搵到呢間，出奇地評價好少，相信係新餐廳，見到啲相幾精緻，就膽粗粗就去食同行有兩個BB ，冇諗過呢間餐廳都會有BB座椅，同埋BB餐具，雖然國內好流行，但係香港唔係間間餐廳都有，呢個都幾欣賞👍🏻入返正題，總括嚟講啲嘢食都好出色，午市$198/位，食物十分精緻，真係一人一啖，質素真係幾高，個人覺得佢個蝦球🍤好好食，因為係配有鹹蛋黃。好老實，依家大環境，如果平時做嘢食飯未必會選擇，但係假期放鬆吓，一班人聚一聚，見吓客，想要舒服環境，唔想要咁嘈，食物質素又要得，呢間真係銅鑼灣首選🥇

早前同屋企人一齊去試呢間新開嘅江南菜館，上到去見到餐廳分開咗好多間房，睇嚟係方便附近公司預訂見客或宴會用，普通冇book 位嘅就坐大廳，雖然地方唔大，但座位間空間都夠大，都坐得舒服，同埋餐廳裝修採用中式優雅風，又放置好多盆栽，都幾適合打卡影下相。我哋總共叫咗6道菜，因為係秋天蟹季，所以叫咗好幾道蟹粉菜式，當中最值得一試嘅蟹粉獅子頭，本身好驚成口肥肉或者好韌，點知係入口即融，口感好鬆化，完全唔似食緊肉丸咁！另外，江南菜中必試嘅一定係河蝦仁，河蝦比海蝦細粒，不過口感比海蝦彈牙好多，配合蟹粉一齊炒，鮮味十足！其他菜式都好食，聽職員講好多食材都係新鮮由中國揚州泰州直送過嚟，以份量同味道嚟講，價錢非常公道，下次如果有新季節菜單，都會想再試下。

係朋友介紹，第一次上到黎，都抱住唔大期望去試吓，因為人流唔太多，但其實呢個地方唔方便，銅鑼灣地鐵站勁近，但呢度私隱度都幾高，又有好多 VIP房，最估唔到既係食物出眾😍點咗既餸菜有當季既蟹粉河蝦仁，蟹粉小籠包，蟹粉扒豆苗，河蝦仁食落都幾新鮮幾彈牙；而蟹粉小籠包就是正常水準，都算皮薄餡靚；豆苗份量都算大份，豆苗都幾嫩口，味道不錯 。想講吓個蟹粉獅子頭，入口鬆化即溶，從來冇試過喺香港食過呢種口感嘅獅子頭，一定係必食之選，真係大力推介👍🏻另外都要講吓個揚州炒飯，啲飯超煙靭，口感好特別，聽個名以為普通嘢，但係食落真係都幾驚艷，都係必食之選😋

同朋友行過銅鑼灣廣場，見到有一間新開無耐嘅中餐，正確嚟講係江南菜，之前都未試過，一於試下。上到10樓，餐廳中式裝修真係好靚，好優雅，唔怪得餐廳個名都好有文學氣式。首先我地叫左個前菜，芥味繡球菌，好清爽同帶有wasabi味，但味道唔會令人食落唔舒服，成個配搭都好match，十分推介。適逢蟹季，餐廳都出左好多用蟹做材料嘅菜式，我地叫左個蟹粉河蝦仁，話哂平時出面都好少食到，清爽蝦仁加上新觧蟹粉，令味道更有層次。點心我地叫左蟹粉小籠包，皮算薄而湯汁好飽滿，幾好食。之後呢樣，簡直令我回味無窮，以為一個好普通嘅牛柳粒，點知好食到回味無窮，充滿牛香，完全唔硬，好好食。菜方面叫左蟹粉扒豆胚，清甜嫩滑，菜都好新鮮。店員推介我地食揚州炒飯，話用左3種唔同地方嘅米嚟炒，果然令我好驚喜。第一，炒得好乾身，食得出米飯一粒粒感覺，另外每啖都食到唔同米帶出嘅層次，呢樣出面真係食唔到！最尾叫左個糖水，糖桂花蓮子，估唔到份量咁足，桂花味調配得相當出色，蓮子煮得岩岩好。

呢間新餐廳以高水準嘅氣氛同方便嘅位置自豪，但係真正閃耀嘅係佢哋嘅食物—絕對值得一試！由開胃菜開始，醉係有一股濃烈嘅酒味，沒有太苦，但每口嘅新鮮質感。上海小籠包就係我預期嘅樣子—冇驚喜，但絕對冇投訴。煎包底脆、包子軟綿、內餡多汁，特色嘅煎包脫穎而出，令我欲罷不能。「獅子頭」肉丸亦經精心製作，肥瘦適中嘅豬肉完美平衡，配搭嘅湯汁風味豐富令人心曠神怡。涼拌海蜇令人驚喜，質感同味道都一流。切成較大嘅一口份量，帶嚟滿足嘅口感。至於小蝦就比較普通—冇特別令人難忘嘅地方。最後，胡蘿蔔點心做得精美，展現出迷人嘅層次。整體而言，呢間餐廳以優質嘅食物質素超越期望，絕對係任何想享受美味餐點嘅人必試之選。我期待返去再次品嚐同探索更多佢哋嘅菜單！

同朋友去咗呢間新開嘅餐廳食中菜，發現呢度係將中式設計和食物嘅當代優雅重新定位！一入門口已經被室內設計吸引，好簡單好低調好優雅嘅設計，反而令我有好舒服嘅感覺！枱同枱中間嘅空間好闊，座位亦都好舒服！四周圍放置咗好多鮮花擺設同埋盆景，再加上實木嘅中式傢俬，係一個好嘅配搭！簡潔嘅主色調，再加上孔雀藍點綴！令人覺得好有品味好高雅！再講食物，小籠包皮薄，裏面嘅湯很鮮甜。而陳醋嘅香氣跟裏面嘅鮮肉係一個絕佳嘅配搭！醉鴿嘅擺盤好精緻！花雕酒嘅香氣基本上係一上枱已經聞到！而鴿本身亦都好有鴿肉嗰種獨有嘅香氣！都係一個唔錯嘅選擇！而酒糟四寶包括咗毛豆，豬肚，蝦同埋鴨舌。每一樣嘢都做得好精緻，味道亦都好到位！唔會話過鹹或者係味道唔夠。同醉鴿一樣，嗰個花雕酒嘅香氣真係一流！跟住就係蘿蔔白鯽魚湯，魚湯極濃！黑椒味好香！好有飲胡椒豬肚湯嘅感覺！而蘿蔔絲同埋白鯽魚佢會幫你喺湯度攞上嚟，作為一個小菜，亦都係鮮甜美味嘅！但係講到佢招牌嘅紮五花肉，就有一啲遜色了！肉質比較嚡，而豬皮上面嘅豬毛佢只係燒乾淨，但係忘記咗皮入邊仲會有毛髮嘅根，所以其實佢應該係用鉗掹乾淨而唔係就咁燒乾淨就算數，不過個汁係好味嘅。講到黃鱔，佢有兩個選擇

朋友介紹這新開的淮揚菜館，果然掂👍🏻👍🏻 裝修清雅寬敞又夠寧靜，服務好又貼心。我們叫了餐廳的主打菜，清燉獅子頭，肉嫩爽滑，湯濃郁。稻草扎肉，肥而不漏，入口即溶，超正，有驚喜😋 茶王煙燻脆皮雞，食唔到茶同煙燻嘅味道，但脆皮雞做得很出色，皮脆肉嫩。炒雙色淮山好特別。醉乳鴿就一般般，唔夠酒味。清炒河蝦仁ok冇乜特別。另外烤麩、素鵝、蔥油香茅餅、蘿蔔千絲酥都好味。因為朋友生日所以預訂了壽桃，壽桃裏面的蛋黃唔夠油，唔夠鬆化。整體而言性價比算高👍🏻