張公子

营业中

休息中

朋友介紹去位於觀塘駿業街電訊數碼大樓3樓嘅「張公子」中菜廳飲茶………一出lift, 就見到一張好大好大嘅石枱.. 幾有特色，環境都不錯，座位寬闊，感覺舒適👍因為我倆不是太肚餓，所以只是簡單叫了幾款點心…..鵝肝甘荀鹹水角，甘荀造型，幾別緻😝口感好香脆唔錯🤭金網香芒鮮蝦卷，好別緻😍個醬也是芒果醬，好香脆！帶子豆苗餃，夠新鮮！將公子招牌腸，原來是脆口的，餡料菇菌味道不錯蟹粉小籠包同叉燒包味道都OK

2023年12月25日 (星期一) 6:00pm 16°C 環境光亮整潔，餐具乾淨。 我喜歡瓷杯、瓷碟均印有中國梅花油畫圖案，秀麗典雅，散發一種淑女氣質 ❤_❤ 每個座位都各自提供公筷和私筷，衛生意識高，值得一讚！ 當天為聖誕節，大部份香港人外遊或北上，故此只得五枱食客，環境反而更寧靜舒適。 侍應上菜非常快，八款菜餚很快已經齊全呈上。 人數：5 人 HK$2XXX 家人於 3 天前訂座 不用排隊 百花釀蟹鉗 - 熱騰騰，脆卜卜，大大件，啖啖蟹肉，滋味無窮，正呀！【推介之選】❤❤❤ 燒雞 - 雞皮烤得香脆，薄片不肥膩，內裏肉質嫩滑，全家也讚揚。【推介之選】❤❤❤ 脆皮慢煮安格斯 - 張公子出品的炸物真的一流，脆口無比，牛柳以猛火油炸，手法創新，無損肉質，外脆內軟，本人第一次品嚐，驚喜萬分！【推介之選】❤❤❤ 蟹粉扒豆苗 - 蟹粉水漾，甜美不鹹，豆苗綠意盎然。【推介之選】❤❤❤ 上湯大蝦球花膠伊麵底 - 蟹肉五件，一人一件，矜貴啊 ~ 蟹肉彈牙，伊麵麵條滑溜，湯底不算太鹹。 蛋白蟹肉炒飯 - 飯粒呈長形，清晰可見，炒得不會乾硬，鹹度適中，添飯啦！！ 紅燒竹笙雞絲翅 - 味道十分濃郁，濃稠

第一次嚟到張公子食飯估唔到佢上樓個格局都咁氣派不凡，果然不枉公子呢個名我哋點咗佢嘅招牌將公子叉燒其實就係黑毛豬叉燒，本身黑毛豬質素已經好好，加上燒得好香，同埋有蠟燭保持溫度，令到成個菜好精緻，同埋叉燒嘅肥肉唔會因為凍而變硬，keep住軟腍腍的另外我哋亦都點咗必點嘅魅影蝦球蝦球好大舊，識落新鮮有蝦味，唔似急凍蝦嘅質素，加上酸酸甜甜嘅汁亦都好開胃，不過由於太大舊嘅關係都有少少油膩另外仲有一個招牌菜就係銅鍋魚湯石春爆桂花魚佢係將桂花魚切片，然後放入銅鍋，利用石春爆香桂花魚，桂花魚咁樣整好嫩滑，另外奶白嘅鮮魚湯亦都好有鮮味，飲完成個人暖笠笠，好正另外仲有奶油白菜，同埋甜品都好唔錯，下次諗住同屋企人嚟試埋佢嘅點心不過聽阿姐講平日飲茶都好full,建議大家去之前要book枱

👧🏻😋👅🍽✨款款都超驚喜 招牌叉燒冇得輸 🔥 -張公子 🇭🇰 觀塘駿業街58號3樓 🇭🇰-🥢開業未夠一年, 但食物質素口碑好, 抵佢平日夜晚都坐滿晒🥢仲有抵食套餐, 做冬同節慶岩晒-🐖 黑毛豬叉燒 $258💯張公子七大名菜之一, 半肥瘦叉燒超厚切但都好腍, 少少燶邊焦香, 蜜糖味完美融入唔分離-🦆 北京烤鴨 $448✨勁大隻鴨脹卜卜好肥美, 原隻鴨喺客人面前切, 大部份都係皮連肉食落唔會太油✨烤鴨皮唔吝嗇, 仲一直用蒸氣熱住, 食到尾都熱辣辣好軟熟-🌾烤鴨二食 黑松露鴨崧炒飯 $118💯因隻鴨好大隻, 所以勁多鴨肉崧炒飯, 炒飯底配黑松露味勁香-🦐 花雕醉蝦 $128✨大頭蝦有蝦膏, 蝦子; 蝦肉新鮮爽口✨成隻蝦都充滿花雕酒味但唔會太突出, 同蝦肉鮮味平衡, 仲有少少花椒油味好香-🐑 孜然脆羊肉 $188💯酥炸唔算超脆但好香口, 羊肉用左肥腩位, 入口日即化勁邪惡🤤💯只有輕輕灑左孜然吊味唔會太搶, 都係食返羊肉鮮味-🍅 秘製陳皮蒸番茄 $105✨大癲, 想叫碟菜但驚食唔晒就叫個番茄開下胃✨梅粉灑面酸酸甜甜, 溶係熱湯成個湯都勁清甜仲帶出陳皮香味

嚟到觀塘，想搵間舒服啲嘅中菜，朋友推介我嚟張公子試下！一入門口，就見到張公子的牌匾，很有氣勢呢～點了龍井茶，唔錯，幾香～艷影蝦球，張公子七大名菜之一～ 金黃色脹卜卜的炸蝦球😍上面淋上由芒果汁、沙律醬及蛋黃醬調製而成的醬汁，底下用檸檬片墊住，蝦球外脆內彈，蝦味濃郁、酸甜清新，好好味，必食！火焰松露野菌文昌雞，上菜時，店員會先點火燃燒著用錫紙包住的松露野菌文昌雞，待火焰熄滅後，店員將錫紙打開，香噴噴的黑松露撲鼻而來，雞肉質感結實，味道濃郁，配上野菌口感更豐富咕嚕黑豚肉，半肥瘦咕嚕黑豚肉，炸至外脆內淋，酸甜開胃，個汁調得唔錯，菠蘿香甜、無渣！鮮腐竹蕃茄浸菜苗，蕃茄湯味道濃郁，唔會太酸，配上豆味香濃的鮮腐竹及白菜仔，健康之選～星期三的晚上都幾滿座，睇嚟很受歡迎呢！

星期日，當然要做個孝順女帶阿媽去飲餐茶，估唔到觀塘有間超高質，而且有特色點心嘅酒樓。生拆蝦餃皇 (四件):餡料使用了新鮮的蝦肉，口感鮮嫩多汁，外皮薄而有彈性，製作精細。蠔皇叉燒包 (三件):叉燒包外皮白嫩鬆軟，內餡搭配蠔皇味的叉燒，肉質鮮嫩多汁，蠔皇的風味提升了整體口感。金網香芒鮮蝦卷 (四件):賣相精緻吸引，外層酥脆金黃，內餡有新鮮的大蝦，配搭香芒醬，每一口都能感受到蝦肉的鮮甜和芒果的清香，口感層次豐富。張公子招牌腸:腸粉質地細嫩，入口即化，腸內包住炸米網、西芹、紅蘿蔔等，有不同層次的口感，十分推介。

這間中菜廳整個裝潢都是中式風格，感覺高貴舒服，這裡的經理非常友善，不僅向我們推介了美食，還詢問了我們對食物質量的看法。整體來說，所有的食物都非常美味！點心精緻，食物款式也非常特別😆張公子的叉燒是侍應推薦的招牌菜，上桌時還放在小火爐上保溫，確保保持熱度。叉燒肉片厚切，入口濃郁多汁，蜜汁醬汁非常美味，果然是招牌推薦，非常好吃😋艷影蝦球是必點的菜品，醬汁的調味非常出色！我忍不住問服務員是什麼醬汁，原來是由芒果汁、沙律醬和蛋黃醬等調製而成。蝦球上還放著蘆筍，帶有一點清新的味道，蝦球非常大隻，蝦肉很多，外皮炸得香脆無比，非常值得推薦😆👍另外，鮮腐足蕃茄浸菜苗是我們點的第三道菜。茄湯浸著的菜苗非常新鮮，湯的味道鮮甜，菜苗也保持著新鮮的狀態。這道菜也是非常推薦的✨

張公子放工帶咗個客去公司隔離食晚飯，近近地去咗搵張公子。一入餐廳裝修我個客人話餐廳裝修好有中國色彩。佢好鐘意。睇吓餐牌食咩先。要叫啲廣東菜式比我個客食。張公子叉燒餐廳招牌菜。叉燒肥瘦均勻，又大舊食落好有口感，好味道。原來配碗白飯食仲正。豔影蝦球皮薄香脆，蝦球大粒蝦肉新鮮爽彈。配埋個汁好好食。翡翠筍殼魚球筍殼魚球食落啖啖肉，夠哂鑊氣，配埋西芹分外惹味。米皇淮山浸菜苗菜苗新鮮幼嫩，淮山爽口健脾，一味好健康既菜式。

二訪張公子｜高級精緻中菜｜寬敞大氣一訪再訪去咗一次之後一直對張公子念念不忘。朋友問食中菜都大推呢間，裝修高尚雅緻，寬敞大氣，用料上乘。再有機會二訪當然興奮至極。🥢招牌叉燒上次已經推介過，今次都一樣保持水準。外表焦香，厚肉大件，仲有甜甜蜜汁。🥢花雕醉蝦誠意頭盤，仙氣不斷湧出嚟，香氣撲鼻。酒香濃郁，連蝦頭都有味，食埋。🥢龍皇吐霧酒香鮮鮑魚視覺效果一流，打卡必叫。爆破一刻煙霧瀰漫，令人有「龍皇吐霧」仙境嘅感覺，蔚為奇觀。以秘製鹵水汁浸泡得十分入味，鮑魚味道鮮甜。🥢張公子牛肋排本地最好食牛肋排，軟腍好咬，配以大量蔥花，入口即溶。舌尖上的享受。🥢銅盤焗臘味飯暖身至極嘅臘味，風味十足，當季必食。臘味油分滲進飯中，米粒不會太過黏實，粒粒分明。張公子的確一訪再訪都值得，係嚟緊做冬一個好選擇！

今日放假約爸爸去觀塘駿業街張公子飲茶。張公子的環境不錯，裝飾具中國風。張公子的點心有水準，水滾茶靚，是和家人朋友飲茶的好地方。推介生拆蝦餃皇，大大粒，皮薄饀靚，蝦肉彈牙，皮煙韌。蟹子蒸燒賣都好食，又係大大粒，豬肉和蝦肉的餡結實有鮮味。金網香芒鮮蝦卷香脆美味，蝦肉甜，和酸甜的芒果很夾味，配埋個醬更正。鵝肝金荀咸水角有特色，賣相可愛似紅蘿蔔，餡有蝦米肉碎冬菇和鵝肝，好食。鴛鴦臘腸卷夠懷舊，唔係成日食到，是爸爸至愛，爸爸好欣賞，話好食有風味。我鐘意公子招牌腸粉，腸粉包住網香脆脆，香菇和蔬菜絲，食落有口感，不肥膩。爽滑薑汁糕健康好食，薑味不太濃，少甜。店服務不錯，價錢合理。

觀塘樓上新開特色中菜｜必試黑毛豬叉燒之前中秋節已經到訪過，每次都會回味蝦球。今日閒日唔算多人，好寬鬆，最好多人都要訂位。Menu裡面有7 大名菜都想試下，可惜胃唔夠大，叫左叉燒。🥳叉燒大讚啊，雖然價錢唔算好平，肉質真係嫩滑😁，連瘦肉都係🙈雲南野菌蒸雞，好有家煮的味道🤭，食得除下係新鮮雞煮，好爽口🤔𓇟黑毛豬叉燒𓇟疊影蝦球𓇟 雲南野菌蒸雞𓇟 番茄豆苗腐竹最後食碗糖水，木瓜雪耳潤喉🥰🥰🥰

今日一如以往同朋友一齊行開觀塘玩，咁行咗咁耐就順便食啲嘢食，咁就去咗張公子睇下有冇好嘢食， 咁其實呢度都開咗一排㗎喇， 咁我見佢啲中菜應該都ok，咁就入咗去，廢話少講睇下我食咗啲乜。張公子叉燒：張公子叉燒內部肉質鮮嫩多汁，帶有著誘人的甜味和香氣。每一口都能感受到豬肉的豐富口感和獨特風味。叉燒烤至完美的，肉質保持著適中的嚼勁，搭配著獨特的調味料，讓我回味無窮。秋葵芥末炒帶子：秋葵芥末炒帶子是一道令人驚艷的中餐菜品。新鮮的秋葵和鮮美的帶子完美結合，芥末調味為這道菜式帶來了辣味和清新的風味。秋葵的口感鮮脆，與帶子的鮮甜互相襯托，而芥末的辣味則為整道菜品增添了層次感。這道炒菜給人一種清爽的感覺，是一道營養豐富且美味的選擇。羊肚菌竹笙花膠湯：羊肚菌竹笙花膠湯是一道豐富而滋補的湯品。這道湯以羊肚菌、竹筍和花膠為主要成分，湯底濃郁鮮美。每一口都能感受到湯品中的鮮味和滋補成分的風味。羊肚菌的質地鮮嫩，竹筍的口感清爽，而花膠則為湯品增添了豐富的口感和滋味。這道湯品溫暖身心，非常適合作為寒冷天氣的暖胃選擇。銅盤焗臘味飯：銅盤焗臘味飯是一道令人垂涎的中餐菜品。這道飯菜將各種精選的臘味經過烤製，在銅盤上與米飯

以前成日去孔夫子飲茶，原來而家已搖身一變成張公子，環境依然舒適，座位闊落，除咗增添送餐具嘅機械人之外，整體服務同食物依然有水準。今晚嗌咗唔少炸物，因為呢度嘅出品真係唔油膩又夠脆，八味豆腐炸漿薄身豆腐嫩滑，椒鹽沙𩺬魚連骨食都冇問題，最出色係招牌菜艷影蝦球，酸甜醬汁配上彈牙蝦肉不得了。食完炸野都嗌返啲健康小菜，火焰松露野菌文昌雞有大量野菌，黑松露味道突出，雞肉新鮮醬汁惹味。鮮腐竹蕃茄浸菜苗係今晚最清新嘅菜式，上湯帶啲蕃茄味幾開胃。

今次我地放假諗住輕輕鬆鬆hea下，就揀左去飲茶，雖然都想陪下父母飲，但我地有時差，一個早起身一個晏起身，咁就我地自己飲算啦😂呢間茶樓有個非常好既特點，就係呢度好闊落，平時飲茶通常枱與枱之間係放得好貼，空間大左自然冇咁應聲，飲茶傾計唔洗好大聲就傾到計，對食客黎講真係好大既優點👏🏻👏🏻蠔皇叉燒包（三件）（$42）叉燒包可以話係飲茶熱門點心之一，呢個叉燒包餡料飽滿，都幾大個，唔錯生拆蝦餃皇（四件）（$60）蝦餃整得幾大粒，皮身厚度適中，蝦肉新鮮彈牙，整體口幾好豉汁蒸鳳爪（$42）呢個鳳爪整得腍滑好味，d醬汁又唔會太多太咸百花釀魚肚（$50）個魚肚大大舊，整得好入味，索曬d精華咁，上面既蝦滑係爽口彈牙香煎芋絲糕（$45）呢個芋絲糕係好有層次感，面頭係煎香既既脆芝麻，咬落就有d煙韌，最後就係好味既芋頭蓉餡料張公子招牌腸（$50）呢個招牌腸算係大開眼界，表面簿簿既一塊腸粉皮包住裡面脆脆既炸皮，而餡料係一d素菜類，有芹菜，香菇，洋蔥等等，成個夾埋口感好正，好出色呢間茶樓我覺得環境真係佔好多分，而食物都係有質素，成餐飲茶都係食得滿意咁離開😁

生拆蝦餃皇蝦餃非常大粒，晶瑩通透皮薄餡靚，蝦肉幾彈牙，有荀尖增加口感。百花釀魚肚厚厚既蝦滑釀係爽脆既魚肚上面，蝦滑味道鮮味濃郁，整體口感爽彈，仲有蟹籽作為點綴。金網香芒鮮蝦卷金黃色的炸米網卷，裏面好多爽口蝦同香甜芒果，外皮酥脆唔算好油膩，配上芥末沙律醬，幾醒胃。X.0. 醬煎腸粉煎腸粉用左開少XO醬，醬料惹味但唔會太辣而搶走腸粉既味道，腸粉煎得有焦香口感，色澤吸引，仲有蛋絲。蠔皇叉燒包麵包軟屬帶甜，叉燒粒大粒分明有咬口，醬汁調味好重玫瑰露味。