張公子

营业中

休息中

今天要介紹呢間餐廳位於觀塘電訊數碼大樓，是一家裝修風格較新式既中式酒樓。張公子其實係張公館飲食集團旗既餐廳，食物質素有一定既保證而且有點心同小菜供應。餐廳裝潢有中國風，環境寛敞，給人整潔既感覺。花雕醉蝦（5隻） $128擺盤有心思，上菜時會用乾冰製造薄霧。呢款花雕醉蝦非常入味同好香花雕味。蝦應該用左小龍蝦，比起普通蝦有更多膏同更重蝦味。張公子叉燒 $258叉燒是呢度其中一個招牌菜，餐廳選用半肥瘦的黑毛豬梅頭肉，每一塊都係厚切同沾有蜜汁，食落鬆軟有彈性，而且碟下有蠟燭溫著叉燒可作保溫之用。張公子牛肋條 $398另一度招牌菜，牛肋條係原條骨上，上碟已經起左牛肋條肉放係牛肋骨上面，加上鋪滿大量蔥蒜，食起上黎非常惹味煮得夠腍。蒜蓉豆苗 $108非常大碟 ，單用蒜蓉炒已經好惹味。📍張公子觀塘駿業街58號3樓港鐵觀塘站 A2 出口, 步行約5分鐘

同屋企人周末飲茶 平時都係黎張公子食 有質量保證😆.｜生拆蝦餃皇飲茶必點😆 粒粒蝦肉都好大 原隻蝦咁🦐 皮薄餡靚～.｜張公子招牌腸腸粉皮入面包左好多餡 有菇 洋蔥 蔬菜絲 重點係有層網紋薄脆 多重口感🙌🏻 好食！.｜蠔皇叉燒包最鐘意熱辣辣個陣食 叉燒餡好多 醬汁偏甜🙌🏻.｜豉汁蒸鳳爪鳳爪都係一開二 食落好方便～ 呢個位好貼心豉汁濃郁 仲有墊底既紅椒青椒香氣😋.｜八味豆腐外表好薄好薄 一放入口就溶左咁 好正😆 食極唔停口

最近成日都食西餐，一於搵間中式餐廳轉換下口味🤣呢間新式裝修風格粵菜餐廳位於觀塘，環境寛敞雅致😝，光線充足，裝潢富有中國風特色，感覺舒適❤️- 張公子叉燒🐷 $258叉燒是餐廳其中一個招牌菜‼️，絕對是一大亮點✨，餐廳選取半肥瘦黑毛豬梅頭肉，肉汁豐沛☺️，厚切叉燒色澤紅潤，肉質鬆軟😳，表面帶有微微燒焦香味，加上甘香蜜汁🍯調味，油脂入口溶化，另一加分地方是碟下有蠟燭🕯，可以一直保溫叉燒🥰- 艷影蝦球🦐 $108蝦球外層炸得酥脆，包滿濃厚酸甜百香果醬汁😗，味道濃郁，蝦肉🦐鮮嫩彈牙，入口不會太油膩😋- 火焰松露野菌文昌雞🐔 $268錫紙內放滿雞件🐓、雜菌🍄，加入酒精點火，火焰🔥效果令雞肉、雜菌味道更入味香口😋，雞件肉質嫩滑，松露香味濃厚，野菌炒得焦香軟淋👍🏻- 鮮腐竹蕃茄浸菜苗🌱 $138鮮腐竹豆味濃郁😎，口感有嚼勁，但味道偏甜😂，配上新鮮嫩綠菜苗及蕃茄🍅，清爽健康素食之選👍- 紅豆沙🫘 (送的)紅豆沙煮到起沙🥳，紅豆煲至軟淋🫘，口感綿密，更保留紅豆粒粒軟綿口感👌🏻雖然餐廳價錢定位略為進取🤣，但勝在食物質素高質💯，侍應服務亦很到位，不時主動加茶換碟，而且餐廳空間感大，可以慢慢舒服地用餐❤️📍 張公子

上次食過呢度嘅招牌叉燒一試難忘，上星期特意再訪，質素keep住咁好！🫶🏻🫶🏻🫶🏻.✨ 豔影蝦球 $168.0蝦球有驚喜！醬汁用上檸檬調味，酸酸甜甜好開胃，蝦球新鮮爽口😆✨張公子叉燒 $258.0叉燒保持高水準，蜜汁甜甜地好好食，肉質軟稔✨火焰松露野菌文昌雞 $268.0上菜時火焰效果好吸引，松露味好香✨鮮腐竹蕃茄浸菜苗 $138.0蕃茄湯鮮甜，菜苗吸入湯汁味道唔錯.📍 張公子 (觀塘)觀塘駿業街58號3樓

張公子喺食肆林立嘅觀塘工廠區， 平時飯市就勁常爆滿，估唔到星期六過嚟食午飯都同樣人山人海🥳🥳😛😚😚金網香芒鮮蝦卷🦐 $48外層網絲香脆，內餡鮮蝦彈牙，香芒甜滑，完全做到外脆內嫩嘅多層次口感，即使唔沾額外嘅芒果醬，就咁食都非常出色，必點😊🤩🤩😋XO醬煎腸粉🍝 $63腸粉滑溜香嫩，xo醬有瑤柱絲，蝦米等等，微辣口味令腸粉變得惹味♥️♥️😛😚煎釀虎皮尖椒🫑 $45尖椒係微辣，唔食得辣嘅要注意一下，釀嘅肉餡應該加咗墨魚粒，爽滑彈牙😋😋🥳🤩百花釀魚肚🐟 $50魚肚好厚，每一啖都係滿滿嘅膠源蛋白，真係女士恩物， 肉餡似同尖椒係同一款，除咗墨魚粒，應該仲有蝦肉及魚肉🥰😙😚😚蠔皇叉燒包🐷 $42滿滿嘅香甜叉燒料填滿整個包，包本身無癡牙🤩🥳😛😛差唔多12 點半時，都坐咗有9 成客人，睇嚟街坊都係張公子投下信任嘅一票呢😄♥️♥️🤩張公子地址：觀塘駿業街58號3樓電話：8118 2299

地點都算方便，環境唔錯！全部d菜色好普通！差過酒樓食！選左個4人餐！1980元迎春花開宴！伏到不得了！味道普通，仲衰過大排檔！無下次！埋單仲要收加一！跟住我話餐牌1980唔係已經包埋茶錢同加一！跟住先改翻張單！

年初一，同長輩拜年，想找一間舒服及食物不錯酒家，在Open rice 找到張公子，見食評讚不絕口，所以慕名而來。今日年初一可品嚐到了。蝦餃及燒賣，蝦肉彈牙。腸粉皮薄。魚腩煲夠鑊氣。鮑汁花膠絲撈粗麵夠入味。桂花杞子椰汁糕很精緻。整體食物質素高，值得推介。

一向屋企人都係鍾意食中菜多辛苦佢地平時屋企煮飯俾我食就慰勞一下佢地😚平時去嘅酒樓又太過嘈吵 想安安靜靜一家人食一餐中菜咁岩觀塘有間中菜望住幾舒服又大😳💕去到的確都真係幾舒服 裝修環境偏柔和❣️張公子叉燒 $258呢到食開嘅客人應該都唔會唔知呢份叉燒🙈係張公子嘅招牌菜式之一叉燒會係厚切上 好有肉地🐷🐷咬落好有彈性 啖啖有口感蜜糖都落得好足 每口都有蜜糖嘅味道出現🍯叉燒底下運用蠟燭令叉燒長期處於保温狀態🕯️❣️火焰松露野菌文昌雞 $268會先煮熟雞件🐓野菌🍄再用錫紙包起上菜用酒精燃燒起火焰🔥燒一燒令味道更加出更加香口文昌雞件食落亦不鞋口而野菌完全吸收松露味 只需咬一啖就足以感受到😋❣️竹笙扒翡翠 $138上到枱先知翡翠原來係指豆苗😂😂竹笙同豆苗多到呢 成碟都滿曬感覺自己吸收左大量纖維🥰不論竹笙定豆苗都係煮到好淋身🤩食落鮮甜爽口❣️八味豆腐 $50豆腐外皮脆脆 內裏嫩滑😍香脆外皮唔會太過厚身豆腐一粒一粒👍🏻做到一啖一口帶有少椒鹽味道同時又唔會搶走豆腐原有嘅味道

這家真的是我最近發掘到很高質的觀塘粵菜，比起不少在商場的粵菜更佳，食材用料佳，和同事食過一次之後覺得唔錯，馬上再安排跟家人吃服務很到位，會主動加茶，也有設有包廂適合和好友聚餐黑毛豬叉燒喜歡食叉燒的必點！差不多每一台都會點，高質黑毛豬梅頭，味道濃郁，叉燒表面有少許燒香，但是吃下去有點半溶的口感，有小火爐微微保溫更加分，配上秘製的叉燒醬很好吃花雕醉蝦不單止擺盤出色，上菜時會有薄霧飄出好仙氣，而且花雕酒清香不會太嗆，吃得出蝦是新鮮好貨，蝦膏同蝦子多到爆出嚟，夾埋花雕醉香，很出色的冷盤秋葵芥末炒帶子很有特色的菜式，帶子爽口彈牙好大粒，秋葵讓芥末變得溫和容易入口，有鑊氣非常惹味香炸欖角骨味道特別由帶少許甜的小菜，用的一字排新鮮多肉，鹹甜鹹甜外脆內軟，炸衣厚薄適中，剛好可以鎖住肉汁—————————————————張公子 (觀塘)觀塘駿業街58號3樓—————————————————

這是家中菜餐廳，由經驗豐富的大廚主理，炮製傳統各式和點心和高質的粵菜。招牌菜張公子叉燒：厚切大大塊，肥瘦相夾，肉質軟腍，口感豐富而有層次。艷影蝦球：有金黃色檸檬墊底，翠綠色蘆筍點綴，色澤靚麗，擺盤精緻，令我食慾大增。秋葵芥末炒帶子：買相十足，帶子鮮甜嫩滑，口感一流。生煎蓮藕餅：香口夠水準。主菜奶湯雲吞煲：奶白色湯底清甜暖胃，大大粒鮮蝦雲吞，蝦鮮彈牙，真材實料，分量十足。餐廳環境舒適，裝飾光線充足，具有中國風氛圍，是親朋好友相聚吃飯的理想場所。

同屋企人嚟觀塘辦年貨，正所謂「三軍未動，糧草先行」，咁就一於醫咗肚先。有人想嘆茶，揀咗駿業街呢間「張公子」，餐廳裝潢典雅，以中式圓鼓作設計主題，配襯工業風鎢絲燈泡，富時尚韻味。餐廳主打精緻粵菜，午市有點心供應，我哋點咗👇生拆蝦餃皇：蝦餃賣相很漂亮，唔單止外形飽滿、摺紋清晰，而且內裡放了全蝦肉，食落爽口彈牙，鮮味十足。蠔皇叉燒包：叉燒包送上時仍熱辣辣，包身雪白鬆軟，入面嘅叉燒粒粒有咬口，醬汁比例亦啱啱好，入口鹹甜適中。蠔皇鮮竹卷：呢客鮮竹卷嘅味道唔錯，表皮薄滑，芡汁不糊，餡料有蔬菜，無全肉餡咁膩，入口有蠔油香。帶子芋蓉盒：芋蓉盒嘅造型好精美，荔芋炸至外酥內軟，入口細滑粉腍，啖啖芋香，加上內裡鮮嫩多汁嘅帶子，滋味滿分！另外呢客金網香芒鮮蝦卷亦值得畀個 like，入口外脆內爽彈，蝦肉鮮嫩多汁，同微酸微甜嘅香芒好夾，點埋旁邊嘅芒果醬汁，多重口感，清香醒胃。

張公館飲食集團既張公子，位於觀塘電訊數碼大樓🏢星期日去到估唔到都咁多人，樓上舖黎講假日唔開工既觀塘區人氣都幾旺。🌟生拆蝦餃皇🌟D蝦饀多到呢！！🥟勁大隻，實實正，點少少辣椒油提下味👍🌟張公子叉燒腸粉🌟馳名既黑毛豬叉燒，午市就點個叉燒腸粉試下，叉燒腸粉唔算肥，肉質新鮮🐖🌟百花釀魚肚🌟其中我最愛既點心之一，蝦膠好大件，魚肚好正，軟綿綿咁~😋🌟金網香芒鮮蝦卷🌟香芒酸味味，零舍開胃🥭🌟鵝肝金荀咸水角🌟賣相好盞鬼，原來放扎芫茜上去咸水角即刻變左甘筍🥕➡️我地點左鐵觀音，茶壺KEEP住用蠟燭點住，D茶就可以保暖了📝門面氣派十足，空間感充足

此餐廳book VIP房需另收加一及每位客人另收茶錢HKD18.00, 因我們共有28人共2圍， 當我們入房時已經覺得不夠冷氣亦好焗， 當時已向職員投訴及了解，職員只是說由於間了房間所以冷氣未能足夠，職員亦只回覆已開冷氣等一下，但一路食飯一值都很熱很焗， 老實說我們 book vip房前已經知道要另外收費亦都同意的，但現在给我們的vip房根本不是vip, 連坐大廳不需另外收費的客人都好過我們，直到尾聲再找經理投訴如果沒有冷氣而室內空氣又不佳就不應該提供這間房我們， 應該安排我們坐大廳，因為我們有老人家亦有小朋友根本坐得不舒服， 但經理只是一直向我們say sorry說對不起及不收取3罐可樂费用，但堅持都要收取vip加一服務费及每位客人茶錢，合共2仟多元是另外vip收费, 只想講生意不是這樣做的， 最重要的是這日天氣都非常寒冷我們都覺得很焗很熱， 如果是夏天沒有冷氣怎樣是vip房呢？ 要收取客人服務費必須先有服務，客人才會比得舒服， 但現在只能說一肚氣😡😤😡😤

本人和家人一起訂了兩圍晚飯，房間是需要特別加茶芥和圍餐再加一的，如果是服務好是應該的，但房間內完全沒有冷氣流通，我們到達未開餐時已投訴2-3次，侍應告知由於是間房，冷氣無法進入，但房間內是有冷氣風口？ 最後結帳時再投訴及請他們經理到我們房間感受焗及熱的情況，只是不停講對不起及會檢討，我問他這種情況你還要收茶芥及加一？你只是提供房間而沒有提供舒服的環境給客人？這是什麼服務？酒樓還是堅持要付😡😡，希望洒家老板能看到這篇文章而檢討。這些價錢是有很多選擇的。

1. 張公子招牌腸 腸粉皮好薄好滑，入面有一層薄薄既脆皮裹住啲爽甜嘅茜芹香菇，同埋有啲生洋蔥絲，口感好豐富入面有好多重口感。🌟 評分: 7.5/102. 帶子芋蓉盒 (3件)每一個芋蓉盒入面都有大大隻鮮嫩的帶子，配上芋蓉香滑好香甜，口感綿密，又一驚喜，是一道令人垂涎三尺既功夫點心。🌟 評分: 8/103. 香煎芋絲糕 (3件)外層鋪滿芝麻，金黃香脆，內裡係滿滿嘅香滑芋絲，口感豊富。🌟 評分: 7/104. 生拆蝦餃皇 (4件)蝦餃皮好彈牙咬落煙煙韌韌，皮好薄，入面蝦肉好飽滿，有大約3隻蝦左右，每一粒蝦仁都好大粒，蝦肉好爽口，食落幾新鮮。🌟 評分: 8/105. 蠔皇叉燒包包子皮蓬鬆柔軟，同樣餡多，入面嘅叉燒餡好多，食到一片片叉燒，蠔皇醬提升了整體風味。🌟 評分: 7.5/10🎖️整體評分🎖️❤️ 味道: 7/10🧡 環境: 8/10💛 服務: 8/10💙 性價比: 7/10 📍 張公子 (觀塘)觀塘駿業街58號3樓#hkoverfood_觀塘