張媽餛飩 (已結業)

留意左間野好耐，因為行過都會有香味最近因為晚上要返學，所以行過天橋就入去睇吓有咩食，剛好有我想食嘅雞飯，叫咗個手撕雞飯，老闆娘好好人又親切💓一碟手撕雞，一碗白飯，手撕雞下邊有幾舊大青瓜薦底，聽到老闆娘喺廚房入邊即刻設定，手撕雞份量好多，味道適中，雞肉滑滑，胸腿均勻，面頭的薑蓉是有特別炮製過的，不同普通燒臘舖食到好滿足！好想試埋餛飩，不過一個女仔真係能力有限，需要節制，等下次叫埋朋友先再試😋下一堂返學，等我試埋餛飩同花雕雞先😋

張媽餛飩 - 尖東這間店舖位於新東海中心，接駁往尖東的天橋經過會見到的位置，位置不算得非常顯眼。店舖細細裝修簡單，落單時店舖的電話都響過不停，因為很多人叫外賣自取，但店員同老闆娘的手腳都好快手，大約等左5分鐘，好快就有得拎個外賣。手撕雞飯 +凍飲 - 50$今次就叫左個手撕雞飯，手撕雞的份量算很多，但雞絲底部放有幾舊大大粒既青瓜墊高左，所以睇落雞絲多到逼滿飯盒，但50$黎講已算是對得住個價錢。大部份雞絲肉質實淨但又不算得嫩滑，但都算雞的香味，配上面頭的芝麻同蔥油很香口。

路過買咗一次，完全surprised到！質素幾好，肉質鮮嫩，量都很大份！第一次買咗手撕雞米線，好好食！第二次試下手撕雞飯，都有驚喜😋贈送嗰例湯仲好飲過鴻福堂🤣🤣有雞，有飯，有湯，只得48盛惠以後都會繼續幫襯！

無圖，因為次次食都係打電話叫外賣，無咩好影。佢都幾準時，話佢知幾時會到，佢會按時間去整好俾你去自取店面雖小不宜堂食，但勝在量夠味道好，價錢合理，更重要係近理大!!! 對於在理大上課想食下出面野食但又趕project的人係一流的選擇!!!食過韮菜餛飩10隻，椰菜餛飩10隻，小雲吞，花雕雞同手撕雞，水準同份量都不錯!! (不過值得一提係個人覺得佢餛飩似水餃xd🤣🤣)餛飩10隻對部分大食的男仔可能唔夠，但我覺得夠但唔好飽幾好(70-80%)。對於女仔... 有朋友食左8隻已經飽到食唔落xd最後... 佢個餛飩湯底有誠意，佢個辣醬都好食👍

🇭🇰張媽餛飩·因為個日落雨 我地費時行咁遠 所以就係openrice按距離搵餐廳 就比我地發現左呢間😈😈·花雕雞米線 l 手撕雞米線$48佢呢度D野食真係超級大份 份量好多 佢個花雕雞花雕味好重 而且佢係有少少辣油既 食落好惹味 而且佢個雞仲要超滑超嫩🐤之後佢個手撕雞又係份量超多 而且完全唔會乾 不過佢調味主要就得麻油 所以就咁食無花雕雞咁惹味 不過加左佢D蔥油就即刻變到好正🤤🤤之後佢個米線就正正常常啦 質感ok既 不過食落就清淡D 可能拼飯會好味D🤔🤣🤣·#rbyeat#rby港式#rby尖沙咀·📍尖沙咀科學館道9號新東海商業中心1樓1088號舖

D1出口沿天橋行到尾再轉右行約30秒，向左望會見到一條小樓梯，走進去會見到張媽店。點了花雕酒雞飯+2有凍飲（$50），老闆給我雞髀的部分，雞髀肉質嫩滑，酒香陣陣，啖啖肉！好味😋。下次會再幫襯！溫馨提示：店內堂食空間有限（約能坐4人），大部分客人都外賣自取。

Mr. Friday之前同朋友偶然遇到呢間米線，一試就愛上，仲不斷係Miss Friesday面前大讚米線又滑，花雕雞又入味，仲要價錢平靚正，性價比好高。👍🏻終於Mr. Friday同Miss Friesday可以一齊去試下，真係好令人驚喜！花雕雞同手撕雞都好入味，仲有米線嘅湯底係用海鮮熬出黎，味道好鮮甜，食嘅時候有d細細嘅蝦米，食得出張媽整湯底時落左好多心機。👍🏻仲有碗米線真係好大碗，Miss Friesday都俾左半碗俾Friday生去食，真係大碗加抵食！環境雖然細細，只擺到一張二人枱，同埋有3個位嘅吧枱，但地方都幾乾淨。閒日夜晚唔算太多人堂食，外賣人數比較多。同埋張媽好有人情味，附近黎買野食嘅熟客會特登俾折佢地，又按佢地要求俾唔同份量佢地。👍🏻小店黎講，絕對係抵食，而且有誠意之選！😊

公司喺上年八月由旺角搬來尖東第一件事最頭痛嘅係晏晝食咩好如果喺朗豪坊返工周圍都有好嘢食同埋又平所以一直都好擔心嚟到尖東會冇嘢好食同啲同事經過一輪嘅搜羅之後竟然發現呢一間食手撕雞飯嘅小店以前第一份工都係返尖東都係喺新東海返工所以都好熟悉呢條小路平時搭巴士返工經過呢條行人天橋轉入去估唔到而家竟然會有三四間餐廳即刻買盒手撕雞飯試試先手撕雞飯$48 (有湯送，加$2有凍熱檸茶或檸水)一打開盒手撕雞有好香嘅蔥油味啲雞好滑佢哋嘅手撕雞係即叫即撕手撕雞底層有青瓜薦底等你可以吸下啲雞油佢哋嘅手撕雞份量亦都唔少肥瘦適中我竟然可以K.O.晒一盒飯，一啖手撕雞一啖飯仲要有手撕雞淨可想言之份量真係唔少但係佢哋送嘅湯反而有少少油可能因為雞有問題但係個湯都好夠味估唔到喺尖沙咀竟然可以$50搞掂一個午餐仲要有埋嘢飲當然除咗快餐店之外啦呢盒手撕雞飯已經成為我每個星期必食嘅午餐之一喇

之前喺新文華一段時間都無食過，之後搬咗過新東海，前前後後都有幾年，今日突然醒起想試下😌。旁邊嘅天橋雖然人來人往不過個個都怱怱忙忙未必留意倒呢間小店👜，舖細細，得幾個位，所以我都係決定買外賣返公司食。點咗個張媽餛飩麵，HKD40, 落單先俾錢只收現金，好有效率大概3mins 就有👍。打開有2個汁跟，係醋同辣椒油🔥，有啲唔環保，不過又幾貼心👍，兩樣我都加少少落個湯度，除咗有餛飩外仲有紫菜，菜心，榨菜同蝦仔，配料都算豐富💕，餛飩入面嘅椰菜唔夠爽囗，不過整體嚟講都唔錯。

位於尖東的小店，叫了個上海面底，仲有米線可以選擇。傳統上海餛飩，豬肉同菜比例各一半一半，十分健康有營。最特別係湯底有蝦皮、榨菜、同紫菜，幾種口感混雜在一起，十分夾。朋友點了個手撕雞飯，個份量都幾多，雞肉下面仲有好多青瓜。雞件夠滑，加埋辣椒油食更加惹味。蔬菜應該用上雞湯滾灼，充滿油香，為單調的菜帶來另類口感。老闆娘十分好人，不斷問客人夠不夠飯，如果不夠可以免費添飯。我想只布小店才會有這些待客之道。因為食店主要做外賣，所以堂食位置比較少。另外小店位置比較隱蔽，位於天橋入口，需要細心留意。

中午經過，點了一份小餛飩，16粒。肉質算唔錯，我覺得湯底好特別，因為加了蝦皮，仲有紫菜榨菜，d配料全部都好好味。大概等了10分鐘。下次試下手撕雞，原來咁多人推介。小店只有幾個座位。

2018年8月23日。尖沙咀。雨。朝早喺附近做嘢，做完嘢只有唔夠半個鐘時間搵嘢食喺Openrice搵到附近有呢間小店，好似幾特別，就諗住去試下啦～點知搵間舖頭嘅路途非常崎嶇一開始以為個地址係東海中心，上到1樓，兜極都見唔到佢落去問人先知原來係「新」東海中心，行到街尾就係啦～咁唯有再闖啦，行到去新東海中心，感覺唔多對路，因為似係成棟都係寫字樓，邊度會有餐廳呢一場來到，都搭上1樓睇睇啦果然1樓只係辦公室，無餐廳死死地氣落返大堂問人原來1樓有個暗位，可以通出去平台，餐廳就喺平台度啦～歷盡千辛萬苦，終於搵到間餐廳啦舖位細細，似乎都唔預人堂食舖頭名叫餛飩，但我怕食雲吞唔夠飽，都係叫返個手撕雞飯填肚以小店來計，佢個價錢都唔平喎手撕雞飯製作需時，都等咗成20分鐘雞肉好多，非常足料，但肉質有啲嚡，味道偏淡，無想像中咁濃味而且食到底好多油大份但味道還好，隨飯附送嘅雞湯幫佢加埋唔少分佛手瓜煲雞湯清甜好味，湯入面都仲有幾舊雞肉如果有機會再試，我會試下餛飩

小店位於尖東天橋林昌記隔離 但面積好細 lunch主要做做附近office既外賣生意 堂食得幾個位有d逼...店名雖然叫做雲吞 但係呢度既手撕雞飯反而比較受歡迎 我叫咗個手撕蔥油雞飯 $48手撕雞堆到好似山仔咁高 份量都幾多 肉質嫩滑 不過雞味唔算太濃 同埋唔係expect中啖啖蔥油 蔥油香唔夠突出 反而間唔中食到一團團胡椒帶有麻辣既香料 味道都幾得意~套餐仲送白飯例湯 其實可以添飯架 不過食雞都食飽啦 係尖沙咀用呢個價錢食到佢都唔錯架啦

日前路過，肚餓，晚飯就在這兒解決。蔥油手撕雞香氣撲鼻，新鮮美味，有驚喜。配上白飯一碗，飽肚。本來想試下餃子，但已經吃不下了。食飯期間不斷有人來外買手撕雞飯，看來是招牌菜，廚房新鮮即製。小店座位少，坐得不太舒服，但在尖沙咀這個位置，這個價錢也不能要求太多。餃子應該是店家自己包的，見到有客人買生餃子回去。下次可以試試。

地方很好找，在尖東新東海商業中心，從理工大學走去尖東的天橋那裏過去很方便。店鋪面積很小，只有5到6個座位。上次來吃的是餛飩，這次吃的是蔥油手撕雞飯。傳統的手撕雞是用口水汁加辣椒油拌的，味道香辣。這裏的蔥油手撕雞是用香港特色的蔥油汁拌的，雞肉的肉質本身已經很鮮嫩了，再加上鹹香的蔥油汁，別有一番風味。這家主要是賣餛飩的店，偏大陸口味。一同去的朋友來自浙江，點的是小餛飩。他說吃出了家鄉餛飩的口味，很是正宗。喜歡吃大陸餛飩，還有手撕雞的朋友都可以來試一下，很便宜，味道又好。