彥膳坊

营业中

休息中

和同事們到大埔教育大學進修，午餐到大學的canteen是必然選擇，食物種類都算多，價錢相宜，叫了雙餸飯、肉醬意粉，其中肉醬意粉份量非常大，而且肉醬味道不錯！雙餸飯的餸菜味道還可以，以30多元的價錢來說尚算OK！

早排行過ccan見到5:30pm就轉晚餐menu，最有趣係竟然有火鍋！轉咗公司，連menu都有趣啲！見到有得打邊爐，成班同學都異常興奮！決定5:30落堂就去試試。Ccan有火鍋專區，俾完錢拎飛，去專區搵位等嗌號碼就可以。廚房執食物都好快，但可能忙中有錯，我同朋友都係叫一豬一牛，結果我有2牛，佢有2豬，之後大家交換返。個火爐都幾高質，靚過其他餐廳。櫃面有齊醬料自己加，有豉油、麻油、蔥花、辣椒、蒜粒等等配料。醬料隔離有幾壺湯可以添，仲有個叔叔幫手，唔使自己出去添湯。肉就正正常常，份量適中。另外一兜有菜、蟹柳、菇、米線、粟米等等。鍋入面都有菜。平時食完要自己擺盤，但火鍋呢邊就唔使，叔叔話危險驚我哋整親，好貼心呀～

來canteen食飯次數屈指可數。今晚在圖書館館溫書溫到累了便下來品嚐一下美食（幻想一下）吧！來到飯堂已經7點9，飯堂人流疏落，菜單很多食物已售罄，選擇不多，唯有在即炒一列上試吃吧⋯⋯等了5分鐘，期間飯堂大叔不斷大聲叫喊號碼取餐，那個聲線實在嚇人，每一次叫喝，我們一群人眼睛忍不住看去取餐人的餐盆，看看他吃什麼，取餐人被看的尷尬非常。「592！」終於到我了！我實在不好意思傷了大叔的幼嫰喉嚨，未等叫喝第二次便衝去取餐，免得成眾人焦點.....好吧，我說說重點，就是這個炒飯實在對不起他在外間的美名，我想像中的菠蘿雞粒炒飯應該是炒得飯粒晶瑩剔透，粒粒分明，配上大量鮮甜菠蘿作綴，雞粒滑嫰有咬口，然後再灑上滋味肉鬆調味。想當然，我在作夢。在飯堂要求怎可這麼高！34蚊一碟飯怎可能有頂級米，新鮮菠蘿，走地鮮雞.....而這餐就我FF的情況下吃完。我放張照片吧。值得稱讚的是大廚沒怎麼下油，也就是為什麼拍上來米粒沒有反光的感覺。看上去好像好健康，綠綠黃黃的伴菜好像都是蔬菜的樣子⋯⋯主菜雞粒好像消失了...好了，看完，起筷。也不算太差，起碼有6粒雞粒，雖然每粒都小得可憐，而且除了菠蘿、雞粒外，還有碎蛋跟翠玉

因為友人緣故，長途跋涉到了大埔半山上的香港教育大學參觀，並一嚐他們學校canteen的午餐。保守地點了一般茶餐廳都有的常餐，點了一碗價值$22.5的燒鴨米粉。沒想到僅$22.5的燒鴨米粉竟然有一大隻鴨腿，啖啖燒肉。肉質較''鞋''稱不上是上品，但是勝在多汁肉厚，配上酸梅汁令人回味無窮。整體而言，教育大學的環境清幽雅致，餐廳外是一望無際的山景及三門仔的景致。味道及份量不過不失，沒有令人感到意外的食物。但價錢偏向便宜，所以對學生來說應該是不錯的選擇。

西多士 x 炸薯條因為入ccan見到d人食茶餐d薯條今日ok，於是就單叫。見到相雖然唔會覺得好好食，但已經系ccan超水準既發揮，大家唔應該咁多要求。但係好似炸得太耐，為至於變啡色，但每條薯條食落都好多油咁，食一半已經好濟，d薯肉都係油……大家想象下都知咩事。平時食茶餐配薯條，可能量唔多就唔多覺，今次自己一個人食一兜，食一半已經停手，適合2-3個人share。西多士就都一樣好鬼多油。相都見到，已經多油到冧曬，外面小小脆都無。搽左牛油同糖漿都救唔翻，喊出來。下次都係叫翻麥麥多士，呢個搞唔掂。同薯條一旦旦，麵包入面都係油，唉。放棄。

今次叫鼓油雞脾，都係薯條，另外加$6.5煎蛋面，配杏仁霜。其實蜜糖 / 鼓油雞脾都ok，炸雞脾無order過，因為覺得ccan D 油應該好污糟，可以食少d就食少d啦。蜜糖 / 鼓油雞脾都算ok，果日去到ccan睇下人地個餐，邊款ok D就落邊款order。煎蛋麵，umm，煎蛋正常，就咁煎好難有咩問題。面就都係果隻面，純粹for你飽肚，唔好旨意好味道。咪係咁樣，鹹鹹地，有配菜，一篤面。多數男仔一個雞脾同dd 薯條唔夠就會叫。杏仁霜今次好稀，應該系姐姐心情唔好，祝大家下次好運。

雞脾 薯條 麥麥多士如果你系女仔就會有多D薯條，明顯呢個餐系男仔去拎，薯條少到喊出來。如果想食薯條建議另外叫薯條，$11，同埋叫女仔去拎餐plz。 呢個系蜜糖雞脾，其實無咩蜜糖味，我自己再落左好多番茄醬，for點雞脾食，唔系成個都無咩味，無蜜糖既甜味，都無鹹味。麥麥多士系少有食落ok既食物，相度可以見到，烘得都ok，唔會太窿。搽做牛油，落多多煉奶。（個人建議拎果陣問佢再落多d，唔系咁大舊包唔夠食的）D煉奶會慢慢自己順住d 嚹位流落去，之後每塊麵包都會有煉奶，好好食。不過包皮好硬，建議唔好食。

ccan 早餐 雞扒，蘿蔔糕，杏霜。再加$6.5加香菇肉絲面。雞扒…um，只可以話熟既，跟住，如果佢落多D汁比我就好啦，完全唔夠。D蛋就系乾針針既，同M記D蛋無得比。粟米都係好乾，好似唔夠水用咁喊出來。腸仔擺得太耐都係好乾，得雞扒因為有汁好少少，但係汁都係唔夠。蘿蔔糕有眼見，勁細塊，出去飲茶都大舊過ccan。香菇肉絲面…um，其實ok既，$6.5姐，好似唔應該要求太多。香菇肉絲ok，但係面好難食。不過都無得揀既啦，D $6.5既面全部都係咁樣既，已經死心。杏仁霜就每次睇姨姨心情，心情好濃d，心情唔好淡d，唉，睇運氣。Anyway，早餐系ccan來講都係其實ok既la，但係ccan對比其他餐廳真係不如食屎，大家自己衡量；啦。

今日同友人又到教育學院食飯 環境不錯 有充足嘅位置。我食左個兩餸飯(腐乳通菜+粟米班塊), 朋友叫左個特價飯(蕃茄雞柳飯)攞野果陣 大部分服務員都比較木口木面 @@ 粟米班塊冇粟米味...... 腐乳通菜唔feel到腐乳嘅存在....... 兩者都係重口味 比較喊特價飯就不得喇 蕃茄嘅味道應該唔係由蕃茄而來 比較奇怪最後 食完大概半個鐘 我同友人個肚都唔多舒服 希望唔關呢間 canteen事

自選扒餐有豬扒,雞扒,吉列魚柳,漢堡扒可以揀。 再係燒賣/炒蛋/煎蛋/太陽蛋/腸仔, 揀2樣。 最後士多/蘿蔔糕,二選一。 我今次揀左 吉列魚柳, 炒蛋x2, 同多士。去到拎餐既時候先話冇多士,俾左個蘿蔔糕我 都算喇, 個蘿蔔糕係未熟咖, 仲爽口既, 真係唔得掂! 個吉列魚柳太大油味, 炒蛋份量係多既, 但係太多油喇, 唔健康。 至於杯可樂就冇乜氣。整體一般般，有待改善。至起碼蘿蔔糕係熟，可樂唔會係冇氣既先 ...

係教育學院讀書，CCAN係每個學生都食硬的。夜晚730pm落堂，如是同同學去ccan簽到。夜晚有d counter已經收左，得翻【茶餐廳】同【越式風味】。茶餐廳兩餸飯最多人叫，但夜晚臨收去多數都無得揀啦，蒸水蛋，肉碎蓮藕，中湯，堂食，$25。中湯、西湯、糖水，三樣入面仲湯最多人叫。糖水有時會好難飲（例如 西米露煮到爛，毫無口感，又好稀，喊出來）西湯also，試過一次就唔敢試第二次。中湯反而感覺好似良好d，落真材實料，有蘿蔔有肉（其實分量都好少），多多少少有種屋企既味道。蒸水蛋最保險，唔會中伏，來來去去都係果隻味道，似屋企煮，口感適中，但算不上好味。蓮藕夠脆，但肉碎好少。白飯就....（不予置評）扎肉豬扒飯，$35。唔好食。 首先好多油，眼見覺得D飯都拎曬來吸油而唔系拎來食。扎肉普普通通，正常好味。但係豬扒就炸得太乾，同埋好多油。之後仲要加蔥油，Orz，一定係驚我唔夠油食