影片
港铁将军澳站 C 出口
继续阅读
营业时间
星期一至日
全日休息
公众假期
全日休息
以上资料只供参考，请与餐厅确认详情
今日一行12人到咗將軍澳嘅彩雲軒食晚飯，因為訂咗枱嘅關係，所以唔使等位。1. 蒜蓉開邊蒸海中蝦半斤，蝦夠大隻同新鮮，肉質彈牙，美味。2. 石板黑椒咸豬手粒，上枱時熱辣辣，啫啫聲豬手啖啖肉，好味。3. 海皇醬蝦仁帶子豆腐，海皇醬味道適中，不偏咸，帶子略為較少。4. 海鮮雜菜煲，蔬菜總類多，上枱同樣熱辣辣，海鮮亦足料。5. 石板窩斑頭腩，上枱時頭腩上面充滿豆腐，豆腐吸晒腩汁，送飯一流6. 欖菜肉鬆石窩豆腐，夠熱。7. 香妃切雞，肉質鮮美，雞肉唔鞋同唔肥。8. 燒味雙併：叉燒、燒鵝，份量唔算多，叉燒夠淋，有濃邊，燒鵝無特別。9. 加拿大芝士焗龍蝦伊麵㡳，芝士面焗得香口，伊麵份量足夠，龍蝦亦多肉，肉質同樣彈牙問職員有冇糖水送，最後送上飯後蘋果 😂整體滿意是次中餐。
继续阅读
今日同屋企人食生日晚飯，去咗將軍澳嘅彩雲軒，食自定嘅海鮮餐🦐🦀🐟。屋企人首先三四點去打麻雀，打到差唔多就開飯喇，一睇張單據就知道今日嗰餐係好豐富嘅海鮮餐嚟嘅！😍第一道餸先飲咗個潤喉嘅湯先，就係蘋果🍎雪梨🍐雪耳湯，清甜清新，非常好飲，最啱係入秋嘅乾燥天氣潤下喉嚨。睇到個湯渣就知道好足料喇！👍🏻第二道餸就係蒜蓉開邊蝦🦐🦐。有蒜蓉說令啲蝦增添唔少嘅香味。個粉絲底係成碟菜嘅精髓，吸晒蒜蓉同蝦嘅鮮香味。第三道係鮑魚炒西蘭花🥦🥦。睇返菜單係八頭鮑魚嚟嘅。味道係好唔錯嘅，但因為係炒，所以鮑魚會比較硬身一啲。如果炒來多一陣林新少少，咁會更加出色好味。第四道係清蒸蘇鼠斑🐟🐟。佢哋話呢一個叫做沙皮魚，個皮係比較QQ彈牙嘅，魚肉比較爽口，唔夠幾分鐘條魚得返排魚骨，連個魚頭都比我屋企人食晒啦！第五道菜係豆豉蒸扇貝。可能之前食過呢一間嘅扇貝，感覺唔係特別出色，豆豉味太濃，蓋過咗扇貝嘅鮮味，所以我一嚟就已經搬開咗啲豆豉，只係食扇貝同埋粉絲，咁就好好味啦！最後一道係芝士麵包蟹焗烏冬🦀🦀，即係今日嘅重點。隻麵包蟹唔係雪藏架，係新鮮游水嘅，所以今日嘅麵包蟹蓋唔單止膏多，仲係鮮味十足👍🏻👍🏻👍🏻。個芝士底烏冬，都做得好出色，但係就會有一啲heavy，食少少就已經飽咗啦！屋企人生日當然唔會少得有壽包啦！個壽包皮薄蓮蓉多，仲有半隻出油既鹹蛋黃，十級好食，👍🏻👍🏻就算幾飽都要自己食晒一個。🥰🥰最後經理準備咗一啲甜品俾我哋，當中有芒果🥭pancake，水果果凍，楊枝甘露糕，椰汁西米露，紅豆沙。因為太飽嘅關係，就揀咗個楊枝甘露糕食，真心正。👍🏻甜度適中，勁多餡喺裏面，口感一流。有間房，就食得好舒服。而姐姐都服務得好好，適時會幫我地換過啲碟，令到我哋可以好好享受呢一餐海鮮大餐。姐姐抵讚👍🏻因為係自訂菜單，所以唔係餐牌裏面有架，要留意番呀！
继续阅读
親戚飲宴，包房聚餐，連開數席。都是結婚酒席的常見食物配搭，有飯有麵，有雞有豬，有魚蝦蟹有翅。每款食物都很正常ＯＫ，不過偏偏火腿高山菜出事！ 意大利巴瑪火腿扒高山菜 個人覺得PARMA HAM和金華火腿，都是同一種類的食物：粉色的豬肉，亞硝？和那個特別的鹹香。以其鹹香來吊味，是很正常的用法。 可是這碟意大利火腿最出事：太大塊，亦太厚身。 意大利火腿煮熟後，肉質收縮，已經難以咬開。即使整塊包著娃娃菜來享用，也未能減卻意大利火腿那勁鹹的特質。此刻馬上變為缺點！ 全枱親友都覺得：鹹得太過份。 一般的金華火腿娃娃菜，火腿都是碎上／切細件。 這種低級錯誤，根本可以避免。 雖然巴瑪火腿扒高山菜出事，但酒席其他食物都不錯呀！ 鴻運金豬全體 乳豬上枱後，依然熱辣辣，豬皮卜卜脆。 魚子銀龍釀玉環 粒粒橙色的小東西，是否蟹籽壽司那個東西？ 銀龍＝蝦，玉環＝節瓜 享用之時，都是熱辣辣。 黃金炸釀鮮蟹拑 剛炸起，熱辣辣。入口彈牙，但因為蟹拑太熱，所以舌頭只感到熱力，嚐不到蟹拑的味道。 花膠雞絲燴大生翅 嚐過這碗液體，已經有半飽。 清蒸游水沙巴龍躉 軟綿綿魚肉很適合長者囉！但豐富的奧米加３很滋潤眼睛呢！ 蠔皇金錢花膠玉掌 鵝掌很大件，軟綿綿，膠質很豐富。花膠紋理明顯，相信是真花膠。 彩雲一品燒雞 肉質夠滑，但偏鹹。富貴海皇炒飯＆菜遠上湯生麵 因為很飽，無食到。 精美甜品 精選美點 有中有西 臭草綠豆沙 以小盅上枱，感覺高貴。享用時，盅內綠豆沙仍然熱辣辣。應該係預先分為小盅，放在爐內保溫，待酒席尾聲，依然保持熱辣辣。 保溫又高貴之餘，又可減少綠豆沙份量，一舉三得。TIRAMISU 綠茶芝士餅 青BB的提拉米蘇，因為當時大家已經很飽，所以無食到。只是隔離枱有人想打包回家，可能好好味。合時鮮果 樣樣都美味，就係那意大利巴瑪火腿扒高山菜，竟然有這種低級錯誤。
继续阅读
位於將軍澳Popcorn 商場的假日酒店六樓彩雲軒，開業初期走高檔路線，飲茶和晚飯的價錢頗為昂貴，可能由於區內食肆林立，競爭激烈，平日午市特別推出折扣優惠，今天早上10點半特來飲茶，發覺顧客眾多，我開了壺茶，看看點心紙，幾乎不能相信有如此優惠。我點了陳皮牛肉餅飯、蟲草花排骨飯、芥菜咸排骨粥、家鄉蒸魚球和自選生滾粥。雖然以優惠價供應食客，但品質都相當不錯，尤以家鄕鯪魚球為例，魚肉新鮮無腥味，以涼瓜墊底，頗有新意。埋單兩人合共$108，簡直喜出望外，較快餐店的價錢還平。
继续阅读
同朋友一早做完運動後，打算飲早茶， 看見假日酒店樓上有間彩雲軒就試下，上到六樓看見平日都差不多坐滿，但都安排到坐位。 雖然這間在酒店之內但原來價錢非常相宜，平日星期一至五早茶和下午茶有七折， 中午時段都有八折， 但最緊要食物質素是否ok。order了芥菜排骨粥， 粥底配芥菜夠清，鹹排骨夠入味。香煎藕餅，蓮藕多又香脆煎得一啲都 唔肥膩。蒜蓉蒸鮮魷，非常入味配埋粉絲底好正。香煎糯米雞，外香脆內軟。 平靚正飲茶之選。
继续阅读