彩福喜宴

营业中

休息中

星期日例牌同兩老飲下茶🫖～呢間彩福喜宴日日都爆滿好受街坊歡迎～因為食物同服務都唔錯，地方亦夠大～*星期六日及公眾假期 午市茶芥$17/位***依加已經係用電子落單啦！** 呢排推出兩款午市點心優惠！♥💲1 彩福蝦餃皇 4件（受人數限1制） ♥ 💲39 棉棉兔蘿蔔酥 🦐 《 彩福蝦餃皇 💲1 》 蝦大假鮮甜爽脆，4件漲卜卜只係$1😮必點！🐰🥕《 棉棉兔蘿蔔酥 💲39 》有兩隻用棉花糖剪成嘅可愛兔仔，兩粒鵪鶉蛋同埋兩件紅卜卜嘅蘿蔔絲酥卷～ 酥脆可口，有飽滿嘅蘿蔔絲餡～ 🫑 《 鯪魚肉煎釀虎皮椒 💲31 》大條多肉～而且去晒啲籽唔辣岩我～🐮 《 醬皇金錢肚 💲31 》牛肚唔韌又入味，下底仲舖咗清甜嘅白蘿蔔～🐔 《 生滾鮮淮山雞粥 💲33 》粥底綿，加咗淮山口感天滑同滋補～🦐🫓 《 櫻花蝦京蔥煎薄餅 💲31 》呢個煎得好好食～放涼嘅仍然邊位同餅底都微脆香口，中間就香軟料多～我地仲另外加甜醬食！ 星期日好爆場，但職員仍會主動添水及換碟，而且幾友善，下星期再嚟先～

同事既朋友都係呢頭返工話呢到D 點心幾好食本身都冇咩感覺 覺得咪又係"連鎖式出品"早排team lunch俾阿姐拉左出黎食 點心又出奇唔錯wo點心大大粒 好飽滿個叉燒包外軟 裡面嘅叉燒肉餡多汁又香 雞包仔入面有股香濃嘅姜蔥味，實在係意外之喜，呢種味道喺其他地方都唔多見另外 佢哋嘅牛肉腸滑得嚟又嫩，咬下去好似融化咗炸春卷熱辣辣上枱 好香脆真係估唔到出品幾好但服務真係有待改善10問9唔應 / 唔想理人既態度希望佢哋可以改善下

服務態度奇差，縱使食物尚可，到永久Blacklist不會幫襯兩點開始下午茶，到三點近乎所有員工忙於執碗set場圍板準備晚市， 感覺上趕人走要人埋單，係等人埋單又冇人理， 最後自己出去埋單，點知比收銀姐姐鬧我哋話呢間分店客人係需要坐喺自己個位叫員工埋單， 唔可以擅自去收銀處埋單…期間另外一位女侍應加入然後質問我點解要自己行出嚟埋單？我解釋話喺個位等咗好耐都冇侍應你哋啲侍應全部忙於執枱set場，佢好串咁話點會呀？如果係嘅話我哋都執咗啦，態度非常惡劣仲要呢不停喺度埋怨我自己行出嚟埋單…好啦，最後拎張八達通比錢， 點知員工用極之差嘅態度話我哋集團唔收八達通.食完都背脊骨落，下次都唔會幫襯

北角呢間酒樓勁多街坊食，閒日都坐滿晒蝦餃皮薄又彈牙，新鮮蝦肉大粒腸粉D皮夠薄好滑包皮不會粘口，叉燒夠腍，餡汁流出好味 燒賣肥瘦適中 真材實料有隻大蝦仁 點心質素唔錯👍🏻 但係成日都唔夠人手 服務有待改善—𝗋𝖾𝗌𝖾𝗋𝗏𝖺𝗍𝗂𝗈𝗇𝗌: yes𝗐𝗈𝗎𝗅𝖽 𝗋𝖾𝗏𝗂𝗌𝗂𝗍: yes💳 𝗉𝗋𝗂𝖼𝖾 $100-200 𝗉𝗉 (lunch)🌟 𝗈𝗏𝖾𝗋𝖺𝗅𝗅 7/10📍 彩福喜宴北角英皇道255號國都廣場3樓

請間酒樓服務態度極差1, 唔係熟客坐底食野，叫人冇人理，侍應子同熟客傾計，叫人叫左20分鐘都冇人睬你，要好大聲哎，先至望一望。2, 加左2個甜品，一個楊枝甘露，一個椰皇燕窩，上左楊枝甘露，食完，燕窩冇一直出現。3, 冇人理，自己走去埋單，話坐返低，有人幫你，我話我搵唔到人幫才自己行出來埋單。話點左燕窩冇來，佢哋話我哋都冇燕窩，我話單上有才落單，落單果時又唔講，浪費時間等了又等。

Worst dim sum I have ever tasted. The fruit salad crispy wonton is absolutely disgusting. It was just fruit salad on top of the fried dumpling wrapper. There was no filling or any stuff in the wonton. Just wonton wrapper. The price of 3 of that wonton wrappers with fruit salad is 30 dollars. 10 dollars a piece. What a scam!!! The prawn dumpling is the best thing in the restaurant. Still I will give the prawn dumpling a 3.5 out of 5. My overall rating is 1.5 out of 10. Wouldn’t come back.

必食推介⭐️芝心海皇千絲春卷：外面一條條脆絲，裏面包住芝士和特別材料，別出心裁。另一特色推介⭐️原隻鮑魚燒賣皇：燒賣上的鮑魚仔鮮甜好味😋旋風黃金流沙包：要趁熱食，裏面的餡料流出來，做到流沙嘅效果，好好味。💪🏻四寶滑雞扎：唔係咁多地方有得食，補身又有骨膠原😋💕

新年成班教會兄弟姐妹約左姐妹同她屋企人新年見面～大家都是喜歡食好野既人😁😁😁一行6人就叫左6人餐😋恩典滿滿，弟兄們埋左單我地姐妹同家人都可以免費食大餐😋😋😋真係飽到上心口～6人餐包括左有我最鍾意既芝士龍蝦伊麵👍咕嚕肉👍炸子雞👍翠玉瓜蝦仁炒鮮魷👍北菇菜👍魚😋👍全部都好唔錯😁😁呢間菜樓可以比鄰近既酒樓價錢貴小小😁但水準就保持到～不經不覺就食左十年啦～😋😋希望之後都可以keep到～ 會持續幫襯😁😋😁

唔係熟客就唔好晒時間等位啦。個個熟客唔使拎飛自己直接上去問啲企枱有冇位。下面啲客就戇居居等。咁大間酒樓一個鐘頭淨係叫咗一張四人枱同一張二人枱。問前台嗰個點解咁耐都未有位，佢就話啲人book咗枱。我尋日打過電話去想book枱，佢哋又話冇得book，淨係大枱先可以book。咁請問啲人點”book”嘅呢？ 奉勸唔係熟客嘅拎咗飛再上去望一望，如果見到一大咋人企喺架𨋢附近同埋靠牆企等緊位，就諗吓自己係咪有咁多時間去晒/或者盡早離場!

家中老人聚餐，提前兩個星期電話訂位，話不可以訂位，8點開始只能walk in, 今日提前來到，話有宴會所以要等2個鐘！問為何不提前告知？無回覆。又問等散檯不可以嗎？答散檯都有booking！！極度憤怒！！店大欺客嗎？！！！

北角呢間酒樓勁多街坊食，閒日都坐滿晒，充滿熱鬧的聲音兩個人食咗三道菜🥢🐮沙嗲粉絲金菇滑牛煲💰$108啲牛又真係好滑又大塊，好入味；金菇粉絲一樣多，汁好夠，熱鍋上保持到熱辣辣，冬天必叫一個煲👍🏻🧄蒜茸炒豆苗💰$108秋冬推介嘅其中一款，我哋乜菜都鐘意食，豆苗少食啲所以出街多數食豆苗，清清哋蒜茸炒都好夠味，豆苗幼嫩🥔金薯燒汁牛柳粒💰$120酒樓又係必食薯仔牛柳粒，呢到嘅特別啲，牛係炸過嘅，出面有炸粉，食落有啲顛倒我平時食嘅味道口感咁🚩彩福喜宴 (北角)📍北角英皇道255號國都廣場3樓

常来这里吃饭，经常是座无虚席，如果没定位，还吃不上呢，所以人多的地方一定有他的优势。经常换菜式就是一大优点，今天吃了杂菌石头豆腐煲，非常出色的制作。豆腐煲上桌的时候，还是热腾翻滚的，在鍋裡吱吱响，香味四溢，豆付外面是焦黄，里面是雪白嫩滑，伴以不同的菌类如冬菇，杏鲍菇，还有几片生菜，这个菜式健康又好吃，用来下饭，更是美味，而且价钱也不贵，98块钱一大锅。 除了豆付，再點一个荤菜，蒸石斑鱼，就是健康又美味的一个晚餐。

本人是這家酒樓多年以來常客雖然職員有時比較冷漠，但因為位置方便鄰近屋企，食物質素有保證，週末或有親戚訪港亦會介紹他們。但今晚食完後一肚氣！是日一早已訂位 （知道Walk in未必有位，常常爆場），一大班親朋戚友高高興興去到。當想叫最出名的片皮鴨時，侍應說已經賣完，想食要訂定（心諗冇辦法啦，自己冇提早預訂）之後想落單，附近幾位侍應見到我哋舉手但扮睇唔到！然後終於有位侍應過嚟落單，落單後一心諗住等上菜，過咗一陣間侍應回頭說其中一道菜 油雞已賣哂，問我哋介唔介意轉其他雞，開頭我哋話唔介意，他便轉身去廚房下單但之後我哋醒起叫嘅油雞係特價菜，問返侍應嘅時候佢話轉左其他雞就沒有特價（咁如果我哋冇問咪收多咗我哋錢！？)家人: 點解你唔講轉左其他雞會收多咗錢？侍應: 係咁㗎啦，其他雞係其他價錢 (語氣理直氣壯）我:🤯咁我哋其他餸都唔要啦，因為我哋想要食嘅菜式你哋無，落單前又唔講清楚賣哂，改咗菜式唔同價錢亦都冇同我哋講清楚侍應此時就叫男經理過來男經理: 唔好意思，今日就係冇油雞，嗰位話有嘅職員，聽日唔會再見到佢。我可以送甜品我: 送甜品係冇用，我哋唔介意俾原價，但係你哋應該要預告定俾我哋知男經理：明白嘅

星期日，family Day 一行八人，最好緊係去飲茶啦。香港復常可惜市面人手唔夠，所以掃碼點餐開始普及。其實我個人認為數碼點餐幾方便！唔使叫極都冇人嚟落單！又唔會落錯單（因為但係自己落嘅，錯都係自己）椰皇燉燕窩～清香椰皇燉蛋白，又滑又香，再配上燕窩養顏！而且不會太甜。👍🏻脆皮燒腩仔～做得很好，不但皮脆，肉的部份肥瘦均勻，入口即化！旋風流心黃全包和蜜汁叉燒包～味道不錯👍🏻大人小朋友都喜愛。老少咸宜。腸粉類則退步了，腸粉皮不夠滑。不推薦！沙薑大雞腳～味道可以的，但可惜肉質比較淋。

本人乃這酒樓常客，但今午對於收銀處員工態度惡劣，實在忍無可忍，今午原本叫咗「菜遠肉絲湯米」，部長轉頭嚟話「無雪菜」先至知落錯單。後來嚟啱咗2碗「菜遠肉𢇁湯米」。到「埋單」，我無留意單據項目下，照舊找數。後嚟發覺單據項目「肉絲湯米（加雪菜）」仍未改返「菜遠肉絲湯米」，懷疑價錢唔同，於是搵部長向收銀員查詢，對方拒絕改單。本人即時去收銀處查問，對方態度惡劣，堅拒改單並聲稱唔怕任何人投訴，佢點都會無事🥹😅⋯⋯這是否今天應有的服務態度？一間公司能否進步是要繼續聘用這種員工？難道全香港無人可以做到收銀員或無人可以替代如此劣質的員工？一間公司的聲譽非一朝一夕所得，只要有一個半個劣質的員工，已可以影響公司形象。希望有關管理層會跟進改善