彩福喜宴

营业中

休息中

友人約食飯揀咗依間酒樓，以為都係一般中菜晚飯，點知，有驚喜喎。酒樓光猛整潔，服務尚可。食物就勝價比幾高，值得推介。先嚟上湯龍蝦兩隻加伊麵底，好好食，龍蝦好多肉，抵食！👍🏼👍🏼👍🏼友人話「蜜汁叉燒」係得獎菜，我哋都叫嚟試吓，果然唔錯！👍🏼👍🏼👍🏼脆皮南乳雞半隻，呢碟就冇乜特別。豉椒炒蟶子王，依碟又係好好食！無咩補充！👍🏼👍🏼👍🏼金銀蛋莧菜，正常！仲叫咗碟瑤柱蛋白炒飯，炒得好乾身，粒粒分明！我哋四個人最後食剩半碟打包。茶錢每位$15，計埋加一服務費，呢餐$954，平均每人$240。價錢非常合理！

一般來講我都好少去酒樓食飯，最近見到彩福出咗個套餐係食龍蝦，屋企老人家話真係好抵，即刻約去食😂😂$688 龍蝦伊麵套餐，好抵呀！嘢食都幾OK，係服務質素一般～龍蝦伊麵係真係好多肉，亦都有鮮味，出到去個龍蝦缸見到🦞好生猛，唔怪之得食落都幾有鮮味～ 套餐仲有包埋燒雞，蒸魚，仲有兩碟小炒咁，仲送埋紅棗糕，如果係四個人去食都一定飽🤔另外我哋仲叫咗個片皮鴨，$288，燒得好香，皮好脆，仲有專人來切片皮鴨可以打卡。。。唔。。。不過姐姐一睇就知，手起刀落，唔係切開片皮鴨嘅專家😂 建議彩福可以訓練下啲經理，等啲經理訓練有素，唔好切到一啲薄，一啲切到好厚，變咗「厚皮鴨」😂順帶一提，帶咗生日蛋糕，經理話唔收切餅費👍🏼

中午飲茶，點心選擇不多。質素不過不失，普通叫左4點心，2甜品。大概＄180＋賣單後無耐，已企左個熟客向我地張抬隔離（熟客仲四圍同侍應打招呼）真係未試過飲茶賣單賣到咁趕個熟客企住向到等我地執嘢，賣單一向飲茶都係慢慢斯然賣單仲可以慢慢執齊嘢先離開大佬！今次咩事癡線，以為去左快餐店吃嘢忍唔住同個侍應講，以家吃快餐店咩？！😠😠😠仲話以家多人係咁🤬🤬🤬我眼見唔覺有客企住你隔離等坐你個位咯真係唔會再食！！咁樣樣都得💩💩💩

認識兩位何老闆十多年，彩福出品我投以信心一票。它獲獎點心是大概八九年前旅遊發展局所舉辦之比賽。當年一試我驚為天人，評打破傳統，開創潮流之先。不論味道、外形、創意皆近滿分，成功擊敗眾多知名酒店對手。自此彩福成為比賽黑馬，在那年代很難想像一間街檔酒樓可以拿到廚師比賽冠軍。再與何老闆交談，獲益良多，印象深刻。他肯花時間了解基層員工工作，知道清潔馬桶需用熱水才能去臭；他首創給予侍產假生日假予員工，提升員工忠誠度，讓員工長期留效； 他執著食物出品，即時補錢叫未達質素之廚師離職。來到炮台山，走上彩福吃幾籠得獎點心。先來一壺鐵觀音靚茶，依舊堅持使用茶葉，不如其他酒店酒樓般改用茶包。使用茶葉很難清洗的，每次重用茶壺都花額外時間人手，要將鮑魚刷伸入刮洗，更要沖水多次才能將舊茶洗掉。但彩福只為食客味蕾著想，堅持使用高質原片茶葉，來貨成本昂貴，熱水撞擊茶葉，迫出茶香，喝後甘香喉內回味。【龍皇野菌腸】原來不是這樣子的! 當年比賽是用新鮮斑腩起肉包在春卷皮油炸至金黃，再包米漿切件上碟。賣點說含有大量Omega3魚油健康元素。那時品嚐，外層米漿軟滑，中層春卷香脆，內層斑腩彈牙，魚油四溢，完全不需豉油增味。隨即詢問

今日諗住同兩老去飲茶。心諗依家多返人出嚟食飯，所以就大約十一點左右去攞位。去到已經有好多人等緊位，我攞飛要等成十幾張枱。大約半個鐘都只係入咗兩張枱。之後見到一家三口遲過我哋半個鐘嚟去櫃枱攞飛。嗰兩位明顯唔係本地人嘅夫婦同個仔不停喺櫃枱附近行嚟行去，不停用佢哋嘅鄉下話同櫃枱個阿姐傾計。之後佢哋就唔駛等就有枱。而我哋明明人數一樣，攞飛等位就要繼續等多十幾張枱。之後都有其他等緊位嘅客人投訴個櫃枱阿姐，因為好多人唔攞飛就直接入去見有位就坐低，或者好似頭先個一家三口咁，傾吓偈就有位。但係個櫃枱阿姐扮晒嘢話咩都唔知。之後有位婆婆同我哋講，話嗰啲熟客仔，成日俾利事，所以唔駛排隊。哦，咁不如唔好開門淨係做熟客仔/同鄉生意喇，或者同等緊嘅人講熟客優先，你哋慢慢等啦。最後我哋等咗一個多鐘左右先有位。

今年第一次吃彩福的過年紅棗年糕，味道不錯。紅棗年糕可以蒸來吃或煎來吃，我選的便是簡單和不需用油去煎的方法。糕經切片後便可放在碟上，隔水蒸一會兒便即可食用。蒸過的紅棗年糕是熱騰騰的，糕身軟熟而且微微煙韌，好有口感。味道清甜的紅棗糕又不會過甜，嚐到紅棗的味和香。

平時去北角飲茶會去利苑或粵，今日兩間都冇位，母親提議去佢飲開早茶嘅彩福。我好多年冇來，想唔到改善了很多。現在的裝修，坐得舒服D，點心質素唔錯，滷水豬腳$65有八大件，有肉兼夠味。原隻鮑魚燒賣同流沙包不愧為攞獎點心。唯一是等位都幾耐。

港島最愛飲茶之選必定係彩福📍 彩福喜宴北角英皇道255號國都廣場3樓價錢親民 食物質素有水準👍🏻每項都好好味無論點心炒飯定甜品😋每次必叫！5年榮獲點心大獎🏆1.龍皇野菌腸💰$302.原隻鮑魚燒賣皇💰$353.芝心海皇千絲春卷💰$35甜品原個椰皇燉燕窩💰$45馬拉盞櫻花蝦帶子炒飯💰$92份量好大 又足料 炒飯粒粒分明 櫻花蝦炒得好香仲有炸魷魚鬚 椒鹽九肚魚 石鍋XO醬煎腸粉 八味脆豆腐粒 都係力推比大家🤤人均消費💰$100 食到飽而有質素🥳

中秋造節晚飯預訂彩福，要先付訂金一律$500。這晚食客多，一半地方間了房間。晚飯只供節曰菜單牌，是方便廚房起菜使客人盡快吃完，造至少兩輪枱的生意。我們點了八款菜，其中值得推介反而是普通菜式。由於不想吃白飯，部長說厨房忙不接受散叫炒粉麵，只得楊州炒飯或瑤柱蛋白炒飯兩個選擇。最後選了楊州炒飯，賣相一般，不過吃後覺得炒得不錯，配料十足有蝦叉燒等，炒得粒粒飯香。柚子香茘蜜梅骨，梅骨有咬口但仍是腍，可能是走過油後使外面脆但裡面則不會實的的，包住梅骨的汁醬剛剛好，吃落有果香令人開胃。燒味拼盤叉燒倂燒腩仔，密汁叉燒夠腍有蜜味，燒腩皮脆有肉汁。

約埋三五知己出嚟飯局，今次揀咗 北角砲台山站這邊的"彩福喜宴", 朋友近日搬到這區，發覺這間"彩福喜宴"唔錯， 平日夜晚時段都差不多坐滿, 這裏環境舒適，出面一個大廳，原來另外一邊大廳都很寬敞， 又有電視收睇。適逢好友生日, 梗係要食得豐富， 這裏晚飯小菜推介非常多， 價錢亦不貴我們選擇了很多海鮮, 這條沙巴龍躉只是$148， 新鮮蒸得剛剛好.這個蒜蓉粉絲蒸聖子王$188， 蒜蓉粉絲惹味，蟶子皇爽甜新鮮好掂松子沙汁蜜桃青瓜蝦球，外脆內面的蝦肉新鮮鮮甜爽口配埋沙律醬和青瓜水蜜桃非常fresh。還有大壽桃包作飯後甜品， 這麼豐富的晚餐每人只需$200左右，大家都食得很滿足又愉快

今天早上又到彩福飲茶，點了低食的自選孖寶。$34 自選孖寶A，八款選二家鄉炒米粉，配料有西芹、紅羅卜絲、火腿、韮黃，炒得不夠乾身，但下鹽時可能未兜勻，有部份米粉很咸。鮮蝦韮菜餃，一籠四隻，皮很薄有韮菜香，饀亦夠份量，做得不錯。$36 自選孖寶B，六款選二燒汁煎釀鮮冬菇，冬菇有肉爽口，豬肉餅煎得夠香口，燒汁味可口。金菇叉燒腸粉，腸粉比較硬身了，食不到金菇，有幾嚿叉燒帶悍味，要扣分數。孖寶C $30薑汁雞包仔配皮蛋瘦肉粥，雞包包皮不會黏口，吃中式包若包皮做得不好，很難入口，雞肉爽口。粥底稀杰適中，加點胡椒粉調一調起，味美好吃。這個孖寶低吃。三人連茶錢加一共$140

今天在炮台山工作，收工已是晚上八時多，於是到附近國都廣場內的彩福喜宴吃晚飯。彩福集團旗下分店遍布全港九新界，這間我還是第一次到訪。距離炮台上地鐵站只有數分鐘路程，酒樓入口設於商場三樓，客人在接待處確認安排座位後便可從樓梯上一層或從入口處旁乘搭電梯。大堂十分寬敞，枱與枱之間非常闊落，我們被安排坐在旁邊的四人枱，坐下來感覺舒適，不會與鄰座相近。環顧四周，原來大堂也劃分了不同區域，另一邊還有一個內廳。因樓底也高，故感覺開揚。這邊廂有魚蝦蟹水池，有專人負責，目測水池十分清潔，海鮮非常吸引。小菜款式不少，我們一行二人要了兩款小菜後，並要了一些海鮮。，松子沙汁蜜桃青瓜蝦球這樣道菜式十分醒胃，蝦球炸得微脆彈牙，混和沙拉醬及灑上松子點綴，配以清新口味的青瓜和蜜桃，值得一讚。南非十頭活鮑魚（果皮蒸）2隻眼見南非十頭活鮑魚才只是$38/隻，我們選擇了以果皮蒸的做法。鮑魚十分新鮮，彈牙有嚼口，連同果皮一起吃，又多添一份甘香味道。蒜蓉粉絲蒸大元貝（2隻）大大隻的元貝以蒜蓉舖面清蒸，粉絲吸收了海鮮味道，跟元貝一起吃非常入味。荷塘蔥菜南瓜蒸斑球廚師把厚切的班肉放在南瓜片上，下面鋪着一大片荷葉，再把薑蔥放上一起清蒸

早上到北角彩福飲茶，接待處的等候座位已坐滿人。還好的是等了五分鐘左右便有細枱。要了壼香片，比起平日叫普洱好些，有點茶香味。义燒包，包皮不會粘口，熱吃包汁流出且適中味美，义燒夠腍。魚肚蒸雞，三大嚿魚肚，兩大嚿雞件再加兩片冬菇。魚吐爽口腍滑有味，雞肉帶點雞油膏很滑溜。早市自選孖寶$34，點了鮮竹卷和鳯爪排骨飯。鮮竹卷，鮮竹煎後再蒸，內有蝦、豬肉、芹菜等，軟腍得來有𡁻口。鳳爪排骨飯，排骨帶點肥肉吃來滑腍，豉汁鳯爪也爽腍，米飯蒸得適中。二人吃了共四個點心，加茶錢十一點半前埋單$107。

只要你有喺北角炮台山返過工或者住附近，你就會知道有少少裝修同食物有質素的酒樓選擇少之又少。開場白是提你要預早訂台，呢個畫面是八點半第二輪晚餐之全院滿滿滿。裝修後食過幾次，但上幾次都係食午市點心，今次終於試到晚餐。有煲呢度啲相都一定見過呢隻性感脆皮南乳雞（半隻）皮薄又夠脆，視覺上已經贏曬！肉嫩兼啖啖肉，真半隻雞非常足料，而且價錢仲好吸引。我們食唔曬打包第二日煎返都仲保持水準。青瓜海哲唔使多講，海哲夠彈夠粗就是王道吧？乳豬！阿姐問我們要乳豬拼定淨乳豬，識叫當然係叫「淨」！只係百幾蚊所以我本身預例牌只有八至十塊，點知… 咁樣…就算咁夜先去乳豬皮仍超脆唔油，肉身微暖應該有幫我們加熱先上碟，我鍾意佢唔會太咸，就算淨食都無問題。金銀蛋津白，其實自由任你叫，酒樓嘅好處就係咁，你想金銀蛋通菜都得 hahahaha 一坐就坐到人地打烊，證明係好坐嘅！

燒腩仔海蜇這個是套餐包的，非常好食 😋燒腩仔皮好脆，海蜇爽口 👍🏻亦是套餐金銀蛋白菜 🥬味道好味，好足料，亦好大份 🤩俾我食左一半的蘿白糕煎得好香，蘿白亦好好味 😆石鍋 xo 醬腸粉熱辣辣腸粉，配上惹味 xo 醬，非常美味 🥰椒鹽炸豆腐細細粒，炸到出面脆卜卜，味道一流這個是我超推介的魚塊淮山麵只係 $138六人分量左右，魚示煎過，好香囗淮山麵亦唔會浸 lam 魚湯亦配搭得好好價錢合理，如果飲茶一定要食呀 👍🏻👍🏻👍🏻