彩福欣宴 (已結業)

一家人食晚飯最好嘅選擇就係酒樓，餸菜大份又好食～今次選擇左佐敦嘅彩福婚宴酒家。一入到去已經覺得地方寬敞，坐得好舒服，坐位間亦都唔會好擠迫。上湯焗波士頓龍蝦龍蝦分量十足，而且肉質鮮嫩彈牙，好抵食。加上伊麵底吸收哂所有龍蝦鮮味，即使知道係極邪惡，都無阻我地食哂成碟涼瓜炆頭腩涼瓜甘而不苦，頭腩數量都幾多，亦都炆到好稔，送飯一流～脆皮旺金南乳雞大大隻雞燒到肉香皮脆，再沾上少量南乳醬，即刻將雞味更加提升，分量大、賣相靚、好好味，係必點之選～海鮮帶子雜菜煲佢個名特意寫帶子，原來係代表佢會有好多大大隻帶子，一上台已經覺得誇張，點知真係食極都有，仲要隻隻都大過五蚊銀，好抵食～瑤柱蛋白炒飯我地沒叫白飯而叫左一個炒飯，飯炒到粒粒分明，味道岩岩好，不太濃不太淡，用來送餸岩岩好～

今日中午同同事去咗彩福飲茶，farewell 同事。佐敦間彩福成日都好旺場，不過等咗一陣位就入得了。叫咗個瑤柱蛋白炒飯配叉燒例牌，算係幾岩大眾食。瑤柱蛋白炒飯粒粒分明，炒到幾金黃。蛋白唔會話炒到老晒，都都幾鮮。最重要係個飯唔會炒得濕，如果炒得濕，就會一舊舊同埋好稔，反而呢碟炒得好高水準。叉燒例牌有7/8舊左右，半肥瘦，燒得幾甜，好似話彩福啲燒尾不嬲幾好食。鮮蝦腐皮券一如正常，香脆可口，鮮蝦都多，每一卷都有2-3舊蝦，算係咁。朋友話紅棗糕係好好食既，我地叫完一籠試用下，又真係好好味，唔係落咗好多糖，因為紅棗本身都好香甜。結果我地叫咗一籠唔夠分，仲叫多咗一籠。

今晚呀媽話唔想煮飯，落咗order 話想食中菜，睇睇下見到啲婚宴酒樓環境幾好就求其入去試吓啦，竟然有驚喜！首先，前菜嗌咗燒腩仔，皮脆肉嫩，肥瘦融為一體，雖然好大罪惡咁但不得不讚。另外小炒王都好出色好足料，有帶子，有蝦，菜脯，拼埋綠色嗰啲好配合同腰果，層次好有口感。另外帶咗半隻例牌燒雞，不過不失，亦都好滑，啲皮燒到好脆。另外嗌咗個西蘭花炒帶子，碟送入面起碼有超過10粒厚切帶子，不過覺得舊西蘭花太大舊，可以切細啲就好啦。最後甜品我哋嗌咗椰皇燉燕窩蛋白，姐姐話椰皇當做，椰皇超大個，燕窩亦好多，香滑細嫩，食完甜品係一個好好嘅作結。

早前親戚包房在此擺了幾圍菜，所以有幸嘗到平時少點的菜色，當晚食既菜色都算唔錯，味道都幾好，份量又足。一上場既係乳豬，燒得幾好，皮夠脆，又唔油，肉都幾滑，仲有乳豬香。印象最深刻嘅係呢個龍蝦伊面，係我近期食過最好食嘅！龍蝦啖啖肉，又鮮甜，份量仲好多難得連d伊麵都好好食！又唔會太咸太淡太林，諗返起都想食🤤至於其他菜色，都幾好味，又唔會有好味精既感覺，炒野都穩陣。蒸魚又夠滑。甜品都擺得好靚，呢個心型糕好可愛！

又到家庭飯聚，今次仲係同其中一員慶生，都係揀反食開既酒樓，婚宴裝潢，食物有水準，但價錢很親民，性價比高~我地揀左一份晚飯三寶再加其他小菜，晚飯三寶有三個選擇，我地叫左最貴果款都係$398，三寶包括金獎叉燒拼脆皮腩，原忠豐料燉湯，啫啫龍等頭腩煲，相當抵食~豐盛的慶生飯~燒汁松子繡球珍菌炒花枝柳 $88想食健康d必試呢款小菜，甜豆，繡球珍菌，彩椒，花枝，以燒汁炒，再加上松子仁，口感相當豐富，清爽健康~臘味糯米飯 $98天氣涼反少少，又想食下蠟味飯，糯米飯軟糯煙un，夠香，很暖胃飽足~三寶裡既金獎叉燒拼燒腩呢度叉燒係必食，肉質鬆化，燒得好香，蜜汁豉油無得輸燒腩仔肥瘦肉層層相間，外皮超級脆，唔覺唔覺會一舊接一舊咁食，絕對係邪惡之物~附上部份餐牌:

今日係小弟牛一，外父話要請我食飯，我當然要投其所好，揀反佢最愛嘅飯堂彩福婚宴，而為左方便大家我哋就喺最方便我哋嘅佐敦分店。裝修上同上次一樣，婚宴場地佈置，水晶吊燈，大舞台，寬闊舒適嘅座位，仲有同外父好好傾嘅樓面姐姐(可能就係佢中意嚟嘅原因之一)。酒樓依然做緊晚飯三寶，即係由廚房部，燒味部同海鮮部各選一味餸嘅套餐，好適合二至三人晚飯。今次我哋廚房部就點咗原盅豐料燉湯，實物同睇相一樣果然係豐料，嚮螺烏雞瘦肉湯，火喉夠，味道清甜，飲落仲有膠質，相信來自雞腳。燒味部當然點咗招牌蜜汁叉燒拼脆皮腩仔，叉燒依舊肥瘦均匀，入口帶有蜜汁焦香，而腩仔口感到位，唯獨個人應為今次味道有點失準，咸香味唔夠，一定要芥末醬提味。海鮮部所點係啫啫龍蠆頭腩煲，頭腩份量好多，姜葱爆得相當惹味，可能咁所以失去啫啫感，變得似姜葱感強啲。除左三寶我哋亦點咗栗子准山雞煲，近年自己嘅飲食習慣添加中意食准山呢樣食材，養生之餘嗰種爽脆口感都係令我喜歡嘅地方。而雞煲中除左准山同栗子，師傅加入椒葱提味，好好食送飯感強。燒汁松子繡球珍菌炒花姿柳，雖然係燒汁但味道比想象中清，但反而將每樣食材原有鮮味，重新組合好夾，爽口嘅繡球珍菌有嚼勁嘅花姿柳

平日去彩福飲茶就飲得多， 很少到彩福食晚飯，原因擔心它會很貴！但今天我們一起到哪兒食飯， 一點兒都不覺得貴， 我覺得很抵食！一共六個人， 食了一千元共6个餸！ 而且每個餸都好大碟好有份量！1. 例牌燒肉: 以為例牌好細碟， 點知每人都有約三至四嚿燒肉， 皮脆、 肉鮮、 肥及瘦嘅比例剛剛好!2. 小炒皇: 有鑊氣之餘， 蝦乾能夠帶出整碟菜的鮮味， 不會太鹹 、韭菜非常之香甜， 名副其實的小炒皇！3. 蠔豉髮菜: 蠔豉大大粒, 沒有腥味， 新年頭真有意頭； 髮菜夠入味， 混入醬汁想起兒時的蠔豉髮菜， 好耐未食過咁好味的蠔豉髮菜。4. 帶子秋葵炒蛋: 蛋非常之香 滑得嚟又唔老， 又有些少香口感，帶子非常鮮甜 ，秋葵淋淋地混在蛋漿中，簡直有說不出的感覺！5. 海鮮雜菜煲: 材料十足 ，海鮮十足 ，味道夠，清清地！6. 清湯菜苗: 這個比較單調 及菜苗比較粗糙 有點失望!縱觀全晚， 一致好評!

今日約了媽媽行街睇戲食飯直落，第一站投媽媽所好，先去了飲茶。因為我同彩福幾年前已經結下不解的緣份，所以就決定同媽媽去彩福飲茶。星期六的下午，原來都幾多人去飲茶，去到已經好多人等緊位，等了十分鐘左右，可能太多人，侍應開了上層座位（以我所知應該是擺酒時的麻雀房），所以就好快就清了長長的人龍，我亦好快就有位。在等位期間，見到主用膳的地方好開揚，好高樓底，又無柱位，真的好適合擺酒。而午膳的餐點選擇亦好多，有粥粉麵飯、套餐、小食、當然仲有不同的中西點心。涼瓜龍躉頭腩炒河因為無食早餐，有少少肚餓，所以首先叫了一碟涼瓜龍躉頭腩炒河，殊不知涼瓜龍躉頭腩炒河來到，份量超級豐富，$88元一碟竟然有七、八件龍躉，仲要話就話頭腩，有一半以上全件都是肉，變了龍躉扒，賺咗。龍躉無腥味，食落好新鮮，爽口彈牙。炒河炒得好有鑊氣，河粉條條都炒得好均勻，是一條條的不是一嚿嚿，好惹味，簡直係物超所值。原隻飽魚燒賣見到有原隻飽魚的燒賣，當然不能放過。燒賣粒粒飽滿，豬肉肥瘦比例適中，入口彈滑。鮑魚仔雖然比較細隻，但入口爽嫩唔韌，味道入味，連媽媽都讚不絕口。難怪多年來都當選為香港旅發局美食之最大獎得獎點心。濃湯鮮蝦水餃皇說來話長

新年與家人飲茶，選了這裡，打算食好一點。新年的關係，等到一陣終於有位。一行四人，食了好幾樣點心。最推介的是奶黃包，包的外面有芝麻香味，奶黃不會太甜，但是流行的狀態，比好多中式酒家出色。原隻鮑魚燒賣王，不單有原隻鮑魚在頂，而且用上很多蝦，燒賣亦十分大粒，口感彈牙，肉質鮮美，十分有驚喜。腸粉皮薄彈牙，亦十分好吃。其他的點心份量亦多，炸物亦不會太油。最後有甜品紅棗糕，質地煙軔，配上淡淡的紅棗香味，令人回味。這裡點心十分有驚喜，比起很多酒樓集團還要精緻好吃，值得跟家人來吃好東西!

新正頭當然是一家人一起去飲茶拜年的日子。今次去了這間婚宴專門店，四個人吃得飽飽，而點心更是意想不到的好吃。比起很多連鎖大酒樓出色。推介的點心以奶黃包最好吃，熱熱的奶黃包配以香滑流心的奶黃，十分好吃。燒賣配以鮑魚，不單賣相霸氣十足，燒賣亦有真材實料，十分爽口彈牙。炸魷魚十分香口，感覺亦不油膩。至於傳統的點心，傳統的點心亦十分出色，腸粉的皮幼滑，餡料充足。點心既有綽頭，又不失手工，值得欣賞！！姐姐亦都服務有禮，推介！

今日約了媽媽飲下午茶☕️，享受一下😊。於是選擇了佐敦「彩福」酒樓，聴講由香港旅發局榮獲得奬點心👍食，又試下啦！進入酒樓環境很有氣派，座位都寬敞，很舒適☺️點了一籠得獎點心🌟《旋風黃金流沙包》🌟＄30流沙包食落爆漿流出👍👍，香濃味美😋再又點了一籠得獎點心《原隻鮑魚燒賣皇》＄35，每粒燒賣配上一隻鮑魚上面😍，咬落鮑魚夠淋，燒賣食材用蝦膠，爽口彈牙😋掛爐燒鵝飯多汁好味，肉質較淋，味道一流😋黑松露小籠包，肉汁豐富😋彩網沙律蝦卷，香脆可口😋椒鹽九肚魚，九肚魚大大件，很有口感😋

農曆年後與舊同事聚舊，因她住在九龍區，所以今次選擇了位於佐敦彌敦坊的彩福婚宴。彩福酒樓的點心一向有水準，部分點心還獲獎呢。彩福受歡迎的程度，由我們中午前到達時，這裡已人山人海可見一斑。幸好地方也大，我們等了約半小時便可入席。午市孖寶：蜜汁叉燒配瑤柱海皇炒飯（$138），蜜汁叉燒一向保持水準，肉質鬆軟，外皮香濃。瑤柱海皇炒飯以蝦、瑤柱、翠玉瓜及蛋白炒飯，清淡健康，飯亦炒得乾身不油膩。燒汁煎魚腐，厚身魚肉煎得外表微脆、肉質鮮嫩，淋上甜甜燒汁，加添美味。蟲草花素粉果外皮軟熟，餡料豐富。煎紅棗糕，紅棗味濃，較一般蒸紅棗糕有些不同，這種煎法口感較似中式年糕，較為煙韌，甜度適中。整體而言，近期很多朋友（包括自己）都喜歡到彩福旗下的酒樓飲茶☕️，因它於港九新界都設有酒樓，地點方便，點心美味及選擇多，還有環境裝修都給人一種新穎整潔的感覺。

今次第二次去彩福，去佐敦分店。年十八，食春茗宴，跟同事去總共兩圍枱。正呀～飲茶最好係咁，可以試多d點心芝心海皇千絲春卷大驚喜！鮮蝦餃皇亦有水準～黑松露小籠湯包，無乜特別，無驚喜～底部皮薄但頂部都略厚，無乜肉汁咇出黎～由於唔夠分，部份點心我無食到～蜜瓜炸脆奶都好好味，不過如果原味會夾d⋯⋯

今日約左同親戚飲茶拜年假日飲茶真係好多人好彩有訂位咋迎合新年時節，啲點心名都好有意頭我就要左金銀滿屋&招財進寶蝦頭油海皇銀芽鴛鴦米呢碟炒米一點也不油膩炒得好乾身用左蝦頭油炒，味道更加好味材料都好豐富有珊瑚蚌、帶子、蝦球鮮蝦菜苗餃個皮有點厚，如果可以薄啲會更好！而餡料除左有菜苗、鮮蝦外，仲有菌類口感更有層次豉汁蒸鳳爪鳳爪全部size都差唔多喎而且豉汁唔會好杰身之前係其他酒樓食過啲汁成pat野咁所以呢個係好食布拉白腸粉招財進寶呢碟一黎到既時候，我終於理解點解會叫招財進寶因為形狀似元寶呢個真係好好食，用腸粉皮包住春卷，春卷仲係脆卜卜熱辣辣的而餡料係蘿蔔絲金銀滿屋其實係流沙奶黃包，一咬開，中間既奶皇就好快咁流出黎呢度既流沙奶黃拿捏得好好唔會過多奶味，仲食到蛋皇既沙粒口感添

上次去過石門的彩福，比較有信心，今次有親友生日，我二話不說就提議了彩福，不過地點改為比較方便各人的佐敦彩福婚宴。見到menu的套餐很合口胃，價錢又合理，就叫了自選套餐。紅燒花膠海皇羹非常足料，其他不用多説，花膠大大隻已值回票價。清蒸沙巴龍躉大條龍躉，很生鮮，很鮮甜，簡單清蒸已很好吃。碧綠海螺鮑片海螺鮑片夠名貴，味道鮮美。紫醉金迷這個是紫薯製的甜品，有很香甜的奶味，好吃。壽包生日當然少不了壽包，這個壽包很大件，入面有原隻鹹蛋黃，加上蓮蓉，吃到飽了！總括來說，彩福價錢合理，招呼不錯，味道好，環境寬敞，和家人聚餐是不錯的選擇！