彩虹煮意 (已結業)

屯門覓食👅今次黎到置樂街坊大推既💛彩虹煮意💛 親民價錢 高質西餐😲「蝦蝦霸霸燴飯」🦐🦀 $128好足料丫材料有紅蝦同大量蟹肉，食得出用埋蝦頭蝦膏熬製，好鮮味好濃郁😍 燴飯火侯剛好，軟硬度適中，真係食得出粒粒分明；炸軟殼蟹成隻上，炸到外脆內軟～ 真心好出色‼️「西班牙黑豬扒配菠蘿沙沙」🐷$168Pork chop 好難好好食，呢塊出色；一咬勁juicy，啲肉汁完全鎖得實！配左個唔係好濃既燒汁加埋菠蘿沙沙，食哂成塊扒都唔會好膩。配料同樣用心製作，蔬菜唔會焗到黑蚊蚊，蕃薯🍠有稍微炸過，外脆內甜度高，連粒蕃茄仔都好鮮甜🥹一定會再幫襯，原來屯門都有咁出色既西餐😋❤️

要形容欣賞呢間餐廳嘅程度，用性價比高，隱世餐廳亦不能滿足到我，店內不能久坐是唯一挑剔的地方。💯小店共三位員工，座位十個，除咗要處理輪候堂食的客人，亦要處理不少外賣，店員不慌不亂，對答仍彬彬有禮。💯酒店級水準，食物品質同味道，配搭上至食物擺盤也是酒店級別。💯庶民級價錢，以呢個水準同口碑收多十元八塊絕對不過份，偏偏大部分午餐都是兩位數收費。且無加服務費。💎 燒西班牙豬腩肉蘋果沙律$98目測豬腩肉嘅品質已經值回票價，擺盤精緻，三種不同嘅醬汁不是只作點綴，配上碟上食物令味道更見突出。豬腩肉不是下欄貨，無特別調味，豬味濃，估計應該係焗完再煎，皮脆juicy。💎 泰式雞扒配冬陰功飯$82兩塊雞扒煎完香口，雞皮燶邊，雞肉多汁。冬陰功飯用上意大利米，粒粒飯也沾上冬陰功味道，飯不黏口且冬陰味濃。人均消費💰 ： ＄ 93總結✍ ： 性價比超高，回頭率超高。不得不試。

ʀᴀɪɴʙᴏᴡ ᴄᴜɪꜱɪɴᴇ 彩虹煮意 (@cuisine.rainbow )⋯位於屯門置樂橋底嘅隱蔽餐廳集齊晒四大美食hashtags：#良心小店 #西餐 #高質 #價錢親民連住附近嘅街坊都好推薦當日星期五去 7點幾入座想試嘅main course竟然賣晒🥲e.g. 新英倫燴海鮮配酸種包🥘不過今次試嘅都幾滿意重點係親民價但足料！⋯𝙊𝙍𝘿𝙀𝙍𝙀𝘿＊經典燒牛肉沙律＊比利時有骨豬鞍扒配炸蕃薯條＊刺身級帶子大蝦燴飯(海膽汁)＊豬油撈蟹肉天使麵⋯🪧 屯門青河坊2號麗寶商場地下4-5舖

之前放假約朋友食好西😋朋友話見到呢間屯門置樂的彩虹煮意 都唔錯😋食完真心幾正🤟.其實佢嘅lunch set選擇就唔算多，我哋叫咗個加拿大保濕豬肉眼$92，同埋一個蝦肉蜆肉扁意粉$72，價錢合理，不過質素真係唔錯👍.嗰個加拿大保濕豬肉眼，雖然我唔明點解佢叫做保濕但係食落又有少少明白。因為咁大咁厚嘅豬扒佢都可以煮到咁嫩，中間唔會鞋同乾，難怪佢可以叫做保濕🤣佢嘅size都幾大塊, 配埋下面嘅茄子椰菜同薯仔，真係幾足料，擺盤仲幾有fine dining 之感😋.蝦肉蜆肉扁意粉味道都唔錯，感覺多汁同濃郁，但係入口又唔算好濃，對於我呢啲重口味嘅人士來講偏淡，而且意粉偏硬身，不過不失咁啦😀.不過我諗佢呢度出名係食扒，而佢哋處理啲扒真係唔錯，我見網上好多人都推介佢嘅西冷牛扒，有機會一定要試吓佢嘅西冷😋.店名：彩虹煮意 💛地址：屯門青河坊2號麗寶商場地下4-5舖

大蝦肥嘟嘟鮮甜鑽石蜆扁意粉澳洲GKO牛油香味多汁牛小排西班牙爆汁軟嫩豬鞍扒澳洲M9和牛爆汁份量十足漢堡🌟🌟平民餐廳好食過酒店扒房🌟超高質🌟專業大廚介紹食材食完飯仲可以買走食材因疫情關係多左煮飯，估唔到餐廳裏可以用性價比超高價錢買到高質食材豬牛雞海鮮🐷🐮🐟🐚（請致電查詢訂購Tel:5237 3212)今次買🐮牛肉、同我最愛💍鑽石蜆，返屋企隨自己心意切定薄片打邊爐🍲、煮麵，切厚小小韓燒、牛扒、牛肉粒炒飯，點整都得😆隨時都有靚材料煮飯，所以一定要團貨，打爆屋企個雪櫃。P.S.：💍鑽石蜆，簡單油鹽水煮快靚正，已經好好味😋鮮甜

//< 彩虹煮意 >呢間位於屯門既餐廳算係置樂好出名既小店～ 小編係安定輕鐵站落車，行左一段路就到喇！😆 環境有屋村小店嘅感覺～- 番茄椰菜湯 -番茄🍅椰菜湯🥣都唔錯！好足料，帶有少少creamy! 裡面除左有好多椰菜仲有少少煙肉😃- BB帶子虎蝦扁意粉 $78 -成個意粉都好creamy，個sauce有一定thickness但係又唔會好膩所以好好食😆 意粉依然有咬口，煮得啱啱好😋虎蝦🦐非常爽彈大大隻，唯獨較淡，差少少調味🤏BB帶子雖然細粒d，口感唔係魚蛋😂如果可以煎一煎令到外層脆啲口感會好～～- NZ草飼西冷牛排 $108 -我地叫咗七成熟，不過上到嚟就覺得偏熟咗少少，裡面唔係粉紅色～但係好在食落去一啲都唔韌，而且都有牛味😆薯條外脆內軟都好好食😋整體唔錯唔錯🥰- 凍檸茶 +$3 -茶味偏淡少少🤏🏻 係light版嘅檸茶🤣🤣- 凍奶茶 +$3 -奶味重過茶味，都okay😊評分：7/10

隔了一陣沒來，午餐餐單換了新面孔，欣然入內。幸好排在第一位，差不多10分鐘可以安排入座。在沙律與紅蝦意粉兩者中爭扎，最後選了意粉。由於廚房不能兼顧太多，只專注供應午餐，餐牌食物未能供應，深得我心的海皇湯，只能在晚餐才能品嚐。阿根廷紅蝦蟹肉燴扁意粉，3隻大紅蝦是主角，中段已去殻，兩面煎得金黃，肉質結實，蝦味濃郁，頭部蝦膏甘香。 隨後的顧客點這道食品，可惜阿根廷紅蝦已售罄，餐廳以帶子及蝦代替。另外配上蟹肉、蟹子，意粉混合翠肉瓜粒，醬汁掛在意粉，意粉有嚼口。一盆份量足，滿意的週六午餐。

我終於試到喇～～～啲野真係好食，最鍾係個蜆意粉，蜆肉好香甜又冇沙，個牛都煎得啱啱好，唔太生又唔會太熟，製作用心，真心屯門高質嘅西餐唔多，一定會再幫襯！仲有好多野想試☺️😋

每次黎都會見到老細冷酷嘅面孔。佢嘅熱情應該去晒佢嘅食物度！因為每一次食都覺得好滿足，份量夠而D 味道真係好好！地方較細，如果weekend lunch 的話，要早少少去排隊啊！期待彩虹老細有新menu! 

知佢係置樂名店，所以星期日一起身就坐uber過去食，因為之前試過晏左少少都要係門口排長龍，11:45去到，好彩仲有一張床，即刻開門入座啦，叫左兩個餐，一個係雞胸腩肉枕頭包，另一個係牛翼板扒，一杯凍檸茶一杯凍朱古力，到左十分鐘上左杯凍檸茶，伊，無檸檬？以為好似有d鋪咁落左檸檬汁就當檸茶，再望下隔離枱，人哋有既😳原來係漏左比檸檬😟到杯朱古力上喇，少冰到室溫咁，不過算啦，唔出聲喇，當唔飲咁凍啦🙄前後都坐低左20分鐘先話無個牛翼板扒，叫我轉第樣😤一來坐低咁耐先講，點解唔係落左order無耐就通常換第樣？要過咁耐先講！二來我一早就到，又係星期日，你無個個餐點解唔係你個推介水牌到刷左個餐佢？！仲比人order？而個侍應又好似未訓醒咁😡咁都無計啦叫過個牛扒餐，到個枕頭包上，個包面燶哂都照上，真心攰🙄無心情同佢反映，只係想上埋個牛扒食過就走，個扒我叫5成，佢就煮到全熟，我真係唔明係我當黑，定人哋個d咁好彩食到正野！我唔會再去！

今日嚟到屯門騎牛牛，平時好少入嚟，今日竟然有機會試到呢間咁高質嘅西式小店：彩虹煮意🥰🥰午餐奉送蘑菇湯一客，蘑菇味香濃，成個湯好creamy，好飲🥰🥰雞肉煙肉燴飯 $74意大利米整成，好creamy，配料有好充足，有粟米粒、牛油果🥑、雞肉同煙肉，咬落去有唔同層次嘅口感，唔係粒又吸收晒佢執嘅精華，好高質❗️❗️❗️另外餐飲就叫咗熱咖啡，咖啡味香濃，唔會太苦澀，算幾高質整體嚟講食物質素上升，但要留意嘅係由於店面細同烹調需時，趕時間嘅就唔好嚟😂😂

除左紅橋之外 置樂都係屯門出名多野食嘅地方 入面有一間平民價位超高質西餐廳 熟悉屯門嘅朋友先會知 依家就介紹比大家知啦!!🤣🤣香煎西班牙豬肉眼配薯菜 $88🥩一見到呢塊豬肉眼扒咁足料 就知唔惹少 肉質地爽嫩 完全唔鞋 適當嘅油脂亦都令件扒食落有唔同層次薯菜新鮮有咬口 爽呀！燒春雞配薯條 $78😋春雞比頭先豬扒更勝一籌 勁濃香草味混合少少檸檬酸味 真係perfect match!學生幫襯仲有9折添 抵到爛！👍👍

今次黎到屯門既置樂， 呢邊既餐廳多數都係平民餐廳，價錢相宜份量又唔少，選擇都算多，而且鄰近屯市，都算方便嫁！😆😋西班牙栗子豬肉眼配薯菜 $92呢個栗子豬寶係好厚切好大份！ 而且真係好驚喜！ 😄估唔到算係平民街坊既餐廳既豬肉，會有高級餐廳既水準！豬扒咬落完全唔un ，又唔會咬落一絲絲好柴既感覺！😆佢係好軟熟好juicy，而且完全冇豬臭味！反而係好香既豬肉油脂香味！😍肉同脂肪既比例好好，唔會太油，真係好正！ 😋蘑菇湯有粒粒既蘑菇粒係入面，好真材實料！😆而且唔會太多忌廉太漏， 係岩岩好幾開胃嫁！😄

呢間特色既黃色小店，真係令我一次又一次encore，由於店鋪好細得好小枱，我都慣左外賣拎返屋企食，通常打完去，等25-30分鐘就有得拎。叫左個黑汁意粉，一個海鮮意粉，一個芒果大蝦沙律，仲配左兩個蘑菇湯。賣相依舊咁吸引，大大碟，足料，味道同五星酒店一樣！

彩虹煮意本身係置樂非常出名，每星期嘅Menu都會唔同，今次叫咗個海鮮扁意粉配乾蝦醬，外賣返屋企食。因為堂食要等好耐位。一打開就嘩左一聲，唔好睇佢細細盒但係其實非常足料，又青口、鑽石蜆、蝦、魚柳。味道拍得住啲大型連鎖西餐廳。