彩

营业中

休息中

前排好興食沾麵，呢間久仰大名既沾麵係元朗開左一段時間，有好朋友都有推薦所以就諗住去試試佢。呢間拉麵舖店面細細間，由日本人主理，好似去左日本咁，bar枱圍住open kitchen，我地7點去到都已經要等位。等既時候，店員已經比定單我地叫定先。我同個frd都揀左是日限定既伯爵茶麵配蝦湯底。好意外地，d麵睇落份量唔算多，但都食唔曬，麵身好結實，咬耐d都食得出茶味。湯底好濃郁，仲配埋有招牌彩字紫菜同流心蛋，可以話無得輸。人均大約80-100左右啦，唔算貴，但因為多人等，所以想坐耐少少都唔得，但都值得一去。

男朋友介紹左好幾次，終於的起心肝來試試。餐廳下午會落場，6點再開。入面只有10個座位，我地6:01分到，啱啱好只有2個位剩，唔洗等。餐廳只提供沾麵及飲品，餐牌一眼睇哂湯底我選了黑蒜油湯，麵底就選了黑胡椒。男朋友選了原味豚骨配小麥麵。當日的special 就係羅勒。湯底係黑黑的，配上兩塊日式叉燒及溏心蛋。湯的味道好濃好惹味，唔會好鹹，但唔係好夠熱，平時我好怕蒜頭，但呢個我覺好香，個人好鍾意。麵就有少少失望，較硬身，而且冇咩黑椒味。男朋友的豚骨湯，有D驚喜，味道不比黑蒜油差，湯底都好濃，叉燒好林，溏心蛋都好出色。整體都幾不錯，但我地兩個返到屋企都覺得個胃有少少唔舒服，好似消化唔到，可能對我地黎講，個麵真係有點太硬。

哩間沾麵係元朗相當出名，兩年前排左成個鐘隊先成功朝聖，估唔到而家變到唔洗排隊都食到🤪(聽講冇咗日本師傅質素下跌😅)佢地主打沾麵，麵底同湯底都各有三種選擇，麵底可以揀小麥、黑胡椒或者是日限定，個日去食係柚子🍋覺得怪怪地所以我地都係揀番小麥同黑胡椒😂湯底就有得揀原味豚骨湯、黑蒜油湯、蝦味噌湯🍜我地揀左原味(有2塊燒豚肉、香筍、香蔥、配一隻糖心蛋)味道唔錯但略嫌個湯唔夠熱，好似只係暖暖地咁，而且食完有啲口渴🤥試完之後我同朋友都係覺得好似以前日本師傅係度坐陣嗰時好食啲咁🤧雖然整體味道唔差但就無咗以前果種驚艷，以前食完係會想即刻再食多幾碗啊🙈遲啲諗住去西環分店try try，希望可以食返以前嘅水準啦🤫

見呢間沾麵咁出名決定去試下，門面冇寫招牌有啲唔明顯難搵，排隊排左好耐下。不過個麵質幾特別，幾硬同彈口，叉燒肥得黎幾香口當日麵底可以揀羅勒，好似係香料黎，幾特別。得閒可以試下。

店子仍然得那十個位 人龍一樣繼續長🕴🏿🕴🏿🕴🏿🕴🏿🕴🏿🕴🏿可想而知這小店的實力👍🏿🌟😍這裹的#沾麵 除了好吃 還有手打出來的人情味🍜.濃濃的櫻花蝦湯底 想直接飲一啖然後將一注注既麵放入湯裏面浸一浸 每一啖麵都索晒啲湯 先開始食我覺得呢個就係沾麵既精粹同拉麵唔同 因為湯底會比較濃而麵質亦都會保持爽嫩其實每次經過 都忍唔住想入去食返碗!🤤

彩依間沾麵一早略有所聞，但因為唔係幾就腳。今日咁岩出元朗，所以決定黎試試～～星期日夜晚大概7：40到，唔洗等位，直接有得入座。湯底有原味豚骨、黑蒜油湯同埋蝦味噌湯3款，麫底就有小麥、黑胡椒、是日special紫菜3款，最後愛麗絲揀左最愛既蝦味噌湯同比較有興趣既黑胡椒麵底。湯入面塊紫菜都幾有心思，雖然浸完落湯都已經淋左一半，食都係一啖食入口，但佢竟然係空心既「彩」字～～筍幾爽脆，叉燒半肥瘦適中，冇燒香過，不過夠稔身，都有肉香味。溏心蛋流心效果值得一讚。麵既份量比一般舖頭少，亦冇得揀份量，唔加底得180g，不過食完都有七成飽既。胡椒麪令我有少少失望，麵條雖然混有胡椒粒，但就食唔出有胡椒味。湯底既蝦味都幾香濃既，未到驚為天人既好食個人認為都有少少咸，因為沾麵湯底一定比一般拉麵湯咸既。最後食完麵就加左熱湯再試飲一下，味道都係咸左少少，所以只飲左幾啖咋～之前聽過好多人對彩有好高評價，但今日一試，又覺得未到非食不可既level，後來先聽聞原來日本師傅好似走了，所以可能導致食物水平稍稍下降吧？

由最初至少排一個鐘先入到食到而家唔使點排隊，彩嘅沾麵喺我心目中一直係香港嘅頭幾位水準都唔會點走樣，佢哋嘅每日新鮮自製佢哋嘅麵每日新鮮自家製，每日都會玩下唔同花臣整下唔同口味，試過比較特別嘅有薄荷味、伯爵茶（太多不能盡錄😂😂）但常駐軍黑椒口味始終都係我嘅至愛，今次就點左蝦味噌湯配黑椒味，但今日個麵就發得唔係好夠，以致麵餅有小小痴埋一舊😅😅半肥瘦叉燒不過不失，蝦湯就保持到水準，蝦味香濃😋😋

今晚屋企突然無飯食, 醒起有間彩沾麵成日都話想試下, 就去睇下有無位, 因為有次都想去, 去到見排長龍, 門口個牌仲寫住無嵇再排, 因為無晒麵. 但係今次好出奇地去到就有位, 排都唔使排.見到有蟹味噌湯沾麵 (元朗店限定), 就揀左佢, 因為未佞過, 麵底就揀最傳統既小麥, 穩陣D. 等左一陣就有麵食, 塊紫菜都幾特別, 有個”彩”字係上面, 都算有heart既, 不過D蟹肉就有D hea囉, 好似超市買個D蟹柳咁, 又無蟹味. 個湯就好濃味, 麵質就ok喇. 個人黎講, 覺得沾麵比較黏口, 都係純正既日本拉麵比較好味.臨走時見到有樽黃黃地色既液體, 裡面有2塊檸檬, 唔知咩黎. 可能係醋呱.

之前行過都好多人排隊，琴日（六）19:00前去到，就可以3分鐘內入座。.座位感覺比一般拉麵/沾麵鋪開揚，除左因爲櫈後走廊寬，仲因座位同廚房之間既只係1米5都唔夠既矮牆。矮牆好唔好就見人見志，個人覺得雖然油煙會直接迎面傳出黎，但坐喺度都可以望住師傅煮好一碗麵，feel good。不過店內音樂頗為大聲，尤其播band song 時汁都震埋，就算客人想細聲傾計免得嘈到其他客人都唔得，食麵食慢D都會覺得耳仔痛。.與同行人各叫左一款沾麵，我既係蝦味噌小麥麵，同行人既係黑蒜油黑椒麵。2款汁都夠濃味，料足，但偏油膩，不過食完後飲一杯水就足夠。有一個弄巧反拙既缺點，就係紫菜上打左「彩」字既窿。明白咁係《彩》既特色，但紫菜已經得一塊，面積仲少比一般細一半，加埋無左「彩」既部分，紫菜量太少，唔係死罪但十分可惜。.小麥麵正常好食，黑椒麵感覺有少少兀突，似為落而落，同湯汁唔夾。不過如果平日都中意食麵落黑椒既人應該幾適合，因黑椒打入麵團內一定灑落湯面平均。而麵既硬度無得選擇，對於偏好硬麵既我黎講一定係太軟。不過無特別愛好既同行人都覺得偏軟。.總括黎講只係一般。味道ok，口感ok，店面ok，服務ok，無野差，但除

朋友特等黎元朗食呢間沾麵，嗰晚大概8點，前面排左10個人，勁好彩我地4個係最後一檯客，超開心！其實我地幾個都係第一次食，係門口已經聞到好香嘅豬骨湯味！🐽小小嘅舖頭，我諗最多只可坐大概10人。店員會係排勁隊嘅時候落單，店員好用心向我地講解每一款湯底同麵底。湯底可以揀好常見，但呢到連麵都有唔同嘅味道，好新奇。當日嘅special係黑芝麻。⚫️店裡面放左幾枝特別嘅汽水，其中櫻花味可樂🌸同靜岡可樂（綠茶味🍵）最為少見，我地叫左枝綠茶味（$22），雖然係綠色，但飲落同普通可樂差唔多，餘韻會有少少茶味。🍜豚骨湯配小麥麵（$78）🥢湯底超濃厚！味道偏鹹，唔可以就咁飲。🥢叉燒肉質鮮嫩，有陣被煙燻過嘅味道。🥢小麥麵屬粗麵，有質感，而且同其他店唔同，呢到嘅麵係熱嘅！♨️🍜蝦味噌湯配黑胡椒麵（$88）🥢蝦湯味道好鮮，反而無豚骨湯咁鹹🥢淡淡嘅海鮮味加上黑胡椒麵，估唔到又幾夾喎！🥢每碗麵都有「彩」字紫菜，靚得黎仲好有日本feel！😽-成日覺得拉麵正過沾麵，因為成碗食到最後都熱辣辣。不過彩嘅麵係暖嘅，所以個人黎講覺得唔錯！會再黎食，希望下次唔使等咁耐啦！💓

經常路過都見到好多人排隊，所以一直都未有機會試，今晚難得無人排隊，一於去試下。店舖位於後巷，大約只有10個座位。見到只有元朗店限定的蟹味噌湯沾麵，一於試下。蟹味噌湯沾麵麵的味道有3款選擇，有小麥、黑胡椒同埋羅勒，第一次食就試下傳統的小麥味先，麵的質地較硬身，有點難夾開，因為第一次食沾麵，不知道沾麵的質地是否這樣。蟹味噌湯的蟹味非常濃郁，除左有蟹柳，仲有蟹膏。紫菜非常有心思，有「彩」字圖案。另外仲有叉燒和流心蛋。

話說早幾日聽朋友講話，元朗有一間食日式沾麵嘅拉麵屋幾好，咁今日入開去元朗就梗係搵呢間鋪頭去試一試啦，果然不負眾望，今日小編order左一個原味湯底，另外亦都聽咗老闆娘介紹食佢哋今日嘅特別麵櫻花蝦味嘅麵，兩者配合得唔錯，湯底睇落好似好油，但係食食吓又覺得唔係想像中咁肥膩，亦都同個麵配合得好好，啲蛋同埋塊日式叉燒都好高質，朋友果然冇介紹錯呢間日式拉麵店，小編會encore的，大家入開去元朗都不妨嚟到呢間拉麵店試一試啦。

以前一直都係食開拉麵🍜🍜，第一次接觸沾麵就係因為彩。仲好記得以前鋪面有好大塊藍色布寫住個「彩」字。之後因爲某啲原因結業了一段時間，知道佢會開返都好開心，不過就一直都冇時間再試。今次再嚟元朗食，位置不變，去到都係大排長龍，等咗掌個鐘，鋪面少咗塊「彩」布。今次我就叫咗個蝦沾菠菜麵$88賣相雖然同以前食過幾乎一樣，不過食落口麵質就比以前淋好多，而且食落去好濕，令到麵沾落湯嘅時候，湯汁掛唔到上麵度。相信係個麵煮完之後脫水唔夠耐或者個力度掌握唔夠。至於湯比以前鹹好多，蓋過咗其他配料嘅味道，食落去會令你不停想飲水。整體感覺都比以前失色不少🙁好味嘅沾麵回不去了😭😭😭

已經唔係第一次幫襯，但今日真係一肚氣，完全black list哩間店！一朝早明明間店得嗰兩個人，都係要等齊人先入，好我咪等囉！點知第二個男人唔齊人又可以入，請問咩玩消法！到我齊人喇！都係要不停地企晌門口等而唔比人入去！咁入面既人又點解可以呢！咁既服務態度唔會建議任何人再幫襯！我真係未試過食一間野食到一肚氣！

><之前經過一翻風波 到開咗西環分店都記唔起最後食個次係幾時難得平日放假 抱着唔會好多人嘅心態去食排緊隊個陣 聞到竹筍個浸獨特嘅味蝦味噌湯($88)麵底有得揀味 有時仲會好特別今次個麵有d黏 硬綁綁 好難夾得開😪有d失望 如何沾麵lol味噌湯飲到有淡淡蝦味 唔錯唔錯叉燒都軟腍最後請店員幫忙加清湯 湯底變得冇咁濃郁可以直接飲用><><><><><><><><><><><><><彩 aya元朗建德街26號益利大廈地下14號舖