影舞者

营业中

休息中

打工仔最開心除咗加人工，應該就係平日早收工，或者到星期五晚 Happy Friday，你、我、他都是一樣吧？ 在尖沙咀有很多酒吧、餐廳，放工後來輕鬆一下最好。這間 Imagine，我也經常會去的，地點就腳，消費很大眾化，同埋全場唔可以猜枚同玩䯈盅，人客不會太雜。 雞翼兩款，味道都好。炸雞翼酥脆香口，鹵水雞翼入味，各有捧場客。 兩款炒飯，「鹹魚雞粒炒飯」有點清寡，很單調的説。 「辣肉碎印尼炒飯」則好太多了，只是辣辣豉油炒飯，香葉及肉碎碰上煎得剛好的荷包蛋， 產生化學反應，令冷飯變得不再平凡。荷包蛋的底煎得焦脆，又保留了流動的蛋汁，撈着飯吃，一流。同樣是炒飯，只用了不同配搭，讓效果相差這麼遠，可說是「小改變，大改善」。 「炸魚片頭」，佐酒類零食，平時吃不覺怎樣，在這裡吃就襯絕。 「炸薯條」也走不了： 作為兄弟閒聊、男女溝通、閨蜜開會的場所，間中到酒吧都具有紓解生活及工作壓力的功能

朕有段時間是經常去「Imagine」happy hour；地點就腳，不會 hard sell 啤酒，加上嚴禁猜枚，環境尚算不錯。與好友邊飲酒邊吃小食吹吹水，就這樣幹掉了數碟小吃。「炸魚片頭」稍欠香脆，炸得不夠乾身，有點油。「烤魷魚乾」魷魚這東西，一烤就香氣無比，用來送啤酒最好不過。「炸魚薯條」這個炸魚好吃，點些沙律醬，就這樣秒殺了。放工後來一杯，就是減壓的最好良方！

香港作為前英國殖民地，有好多常用嘅廣東話都係源自英文譯音，例如：的士 (taxi)、＂車立" (lift)、 狄娜 (Tina) 等等。。。唔講唔知，查實「砌生豬肉」呢個詞語都係源於英文。話說喺 191x年，香港仍屬於英國殖民地，當時唐人少不免會廣東話英文夾雜。本來英文「charge」一字嘅譯音係「砌豬」；後來以訛傳訛，讀讀吓變咗「生豬」。當時人鬼馬地認為既然有「生豬」嘅出現，不妨加個「肉」字，令到俾人「屈」時都較為生動有趣，於是便有咗「砌生豬肉」呢句俗語。是晚光臨的酒吧「Imagine」，中文名是「影舞者」，都是譯得一絕，啱音之餘亦絕對有張立基「Electric Girl」的影子！食物的味道也是出奇地好。烤魚翅 - 下酒一流，轉頭已經無哂串燒拼盤 - 有點像去 BBQ 燒的雜糧，平凡味道卻親切椒鹽鮮尤 - 鹹鮮鬆脆，巧巧食呀燒豬頸肉 - 燒得焦香肥美黑椒牛柳粒 - 這個太鹹了 XD印尼肉碎炒飯 - 亮點絕對是那個荷包蛋，伴均香葉肉碎同吃，超好下飯這裡勝在唔煙唔嘈唔劈唔雜，價錢仲要唔貴，絕對無屈機。大家路過尖沙咀時，不妨入來「影舞」一番！」

嗰晚一行人15個,朋友生日第一次上去,環境都算舒服,好有英式Feel,枱同枱分得好開又夠大張,幫親嘅客人都好斯文唔雜,我哋選擇咗任飲,男$250女$150啲侍應仲同我哋講10位以上送一支大酒,當晚我哋揀咗Jim Beam,啲侍應好識做知道我哋有朋友生日,送咗個由Shooter做嘅蛋糕比我哋,我都係第一次見,真係大開眼界,玩完一陣酒精上腦要揾嘢食,睇睇餐牌原來好多選擇,其中好多都係泰國菜,我哋叫咗泰式無骨鳳爪.生菜包(大辣)勁好味.黑椒牛柳粒.海鮮拼盤.焗芝士青口.烤白飯魚乾.特別要講就係燒雞翼(十個讚),聽啲侍應講話呢到開3:00p.m.-重點(早上)8:00咁早都有人飲架咩,真利害!今晚玩得好開心,我哋巳經約定下星期再來,今次要留定肚食雞翼!相機無電,下次影多幾張相比大家睇!

在廣東道食完日菜飲完sake, 轉戰酒吧再坐一會, 成間吧無三成客, 大把檯任揀.依然做wine promotion, 但幾個月前同一枝酒賣$190, 上個月$200, 今日正價要$220, 咁嘅市道依然有勇氣連番調整價錢, 支持佢叫一枝四個人飲. 得朋友指正原來枝merlot產自Bordeaux而非智利, 俾個tent card誤導了. 再叫了鴨腎及雞翼佐酒, 幾個人邊飲紅酒邊歎雪茄, 人生一樂也, 可惜下年連酒吧都禁煙了, 何處可容下我們呢?

與友人在附近用過晚膳, 隨後便上來享受歡樂時光, 時值週末晚上七時半, 約有一半檯是空的, 可想金融海嘯影響之大, 相信過年後不少食肆酒吧會撐不下去而陸續倒閉.有wine promotion, 三人先後喝了兩枝智利merlot, 點了一客鴨腎佐酒, 特價只須$22, 紅酒和鴨腎都合口味, 壁上黑板所示, 還有幾款小食比起原來正價便宜了差不多一半, 坐到十時終於有九成客, 但今天是星期六啊, 那星期一至四如何敖過?

星期四一班老友聚舊, 朋友選擇這裹, 五個大男人坐booth都唔算逼, 叫了兩款小食, 牛柳粒及炸雞中翼, 一般酒吧水準, 生啤選擇亦唔算多, 勝在人唔雜, 唔似的local劈場咁嘈, 而且價錢唔貴, 每人都飲咗三四杯, 可以再去.

有日去食晏，都成點零兩點鐘，諗住都無乜人喇掛，點知走到去樂道澳門茶餐廳，都仲成村人排隊，唔係掛﹖原來茶餐廳樓上有一間甚唔起眼o既餐廳，「商務午餐」都係三十蚊，又幾抵喎……叫o左「豬扒意粉」，仲有餐包、餐湯同凍飲。豬扒意粉o既意粉就少o左D，但味道唔差，豬扒就有兩大塊，連加一都係三十三蚊就走得，抵！可惜環境甚為酒吧feel，黑黑沉沉，食晏o者，開多D燈得唔得﹖