御名園

营业中

休息中

今晚去咗荃灣一間酒樓食晚餐，舖頭喺千色匯，地鐵行過去都好方便。見到個優惠餐牌入邊啲海鮮幾抵食，就叫咗個蒸蟶子同蒸鮑魚試吓。蟶子就蒜蓉粉絲蒸，嗌咗兩隻，蒸完都幾大隻，來貨應該都唔錯，配埋啲蒜蓉粉絲最岩送飯。鮑魚呢就用咗果皮蒸，睇落嗰個size都幾大隻，蒸嘅時間啱啱好，鮑魚仲係好爽口，食得出好鮮味。我地仲嗌左個孖寶套餐，都幾抵食，嗌咗一個本灣肉蟹煲連埋一個XO醬炒海螺片。本灣肉蟹就一定新鮮啦，肉蟹大細都啱啱好，肉質好鮮甜，薑蔥炒就夠野味。XO醬炒海螺片，海螺片口感好爽口， XO醬應該係佢哋自家炒嘅，食到有少少蝦米，連埋啲西芹一齊炒，好爽口，食得出呢間鋪啲小炒都唔錯喎，有鑊氣。

餐廳裝修瑰麗堂皇，冷氣不會太冷，適合怕凍的人士，又環保。陳皮脆香燒鵝皇可能是我味覺遲鈍，吃不到陳皮味，但燒鵝皮脆肉嫩，鵝肉鮮甜有口感，不軟爛，不錯。薑蔥焗美國桶蠔很有煲仔小菜的鑊氣，上桌時仍然吱吱渣渣作響。份量頗多，蠔比手指更長，多肉肥美。金蒜銀絲蒸鮮元貝大方得體，宴客也絕不失禮。元貝開邊後仍然厚肉，配上粉絲和蒜蓉一起吃很滿足。蔥香油鹽焗軟蟹每位限點一隻，但絕不欺場，上桌時新鮮熱辣，炸得金黃，外脆內軟，蟹肉入味，而且蟹身很濕潤，廚師應記一功。西米露本來想點杏仁茶和焦糖燉蛋，但因為太晚已經售罄，唯有吃西米露。西米露加了椰果，令口感更豐富。下次再來的時候我會預早點杏仁茶，以免向隅。

等到灰既飲茶，並不是排隊等入去等到灰，而是等點心等到灰，等左成半粒鍾先有點心上，然後每樣點心都係分開上，每樣點心等候時間10到30分鍾，茶都飲完，又要等職員加水。

飯廳明亮開闊，餐具精緻，坐得挺舒服。前菜一般酒樓都是花生，這家很特別，是海苔雜果仁，非常可口，吃到停不下來。雪梨椰皇燉竹絲雞湯材料豐富，很喜歡雪梨，令湯帶清甜味道，因為有椰皇也有淡淡椰香，$28.8十分划算。陳皮脆香燒鵝皇例牌份量也不少，色澤亮麗，鵝皮脆，肉緊實帶甜味，高質之作。蔥香油鹽焗軟蟹雖然是特價優惠，而且每位只限點一隻，但味道出乎意料的好。軟殼蟹炸得香脆，完全不油膩，而且肉汁豐富，很少吃到如此外脆內軟多汁的軟殼蟹， 100分滿分我會給100分！馬拉盞豚肉啫芥蘭帶鹹香的一道菜，非常下飯。芥蘭鮮嫩，豚肉有點像豬頸肉，帶點爽脆的口感。上菜時會有特別的餐車在你面前翻炒幾下，像表演一樣，光是觀賞就值回票價。手磨薑汁千層糕薑汁味濃，但不辣，是不錯的甜點。

同家人好耐無食中菜~所以去荃灣御名園食晚餐先🥢平日晚上人流都不少~原來7月轉咗新菜單，多咗好多海鮮優惠!🦀 晚市組合 B 💲328組合有「揀手本灣肉蟹」同自選一道小菜。肉蟹有2隻，共約1斤8両。可以薑蔥炒或豉蒜涼瓜焗🤤我地揀咗薑蔥炒，好正🔥見到肉蟹都好大隻，啖啖肉。肉質好鮮嫩，調味好香好惹味！小菜有好多款，我地就揀咗「鮮菠蘿咕嚕肉」，醬汁酸甜有致。咕嚕肉外皮炸得香脆。🍛 鮑魚一品砂窩飯 💲188好中意去酒樓叫炒飯，因為真係好有鑊氣💯 炒飯粒粒分明，好飽滿。入面有迷你鮑魚同海鮮。呢窩飯份量好多，4個人用都可以👍🏻📍 御名園荃灣眾安街68號荃灣千色匯I期5樓5A號舖

餐廳環境闊落，裝修高雅新淨，茶壺都特別靚，三個人都俾六人枱，幾好。羊肚菌南北杏燉花膠湯 $38.8非常足料，湯料多到差啲放唔到隻匙羹落去😂湯鮮甜，唔覺有味精，雞肉唔韌可以食埋都無問題。美國桶蠔（薑蔥焗） $168蠔超級大隻，蠔邊煎得脆卜卜，肉嫩滑唔腥，加薑蔥非常香口惹味。金銀絲蒸聖子 $38/隻聖子唔算好大隻，但呢個價錢絕對收貨。肉質好易咬，唔韌，蒜蓉豉油調味適中。椒絲腐乳通菜 $88餐牌上面無，但家人好想食，職員好好幫手問廚房，成功做到出嚟，家人好開心😆養顏棗皇糕 $28棗味香，口感煙韌，又唔會死甜，好食。整體嚟講呢餐味道同服務都滿意，匯豐咭主餐牌仲有88折。

趁住Weekend唔洗返工返學，同屋企人嚟飲啖茶食個包。原來呢度仲有點心放題。呢間酒樓坐得幾舒適，有啲款式好精緻「鮑魚燒賣皇」燒賣加蟹籽食得多，上面加隻小鮑魚，高級哂我都係第一次試，原來又幾夾架喎「鮮味蝦餃皇」外層皮夠透薄，咬開裡面蝦肉好飽滿「潤燒石岐乳鴿」即叫即炸乳鴿，外皮香脆，好味「鳳梨咕嚕肉」見到小炒，最鍾意食咕嚕肉，熱辣辣即食係最正，酸酸甜甜好醒胃。「千層飄香榴槤酥」糖果造型好可愛，外皮好酥脆，包著暖笠笠嘅榴槤蓉，陣陣飄香「海皇醬蒸鳳爪」超多醬汁嘅鳳爪，夠哂惹味「安蝦鹹水角」每次飲茶必食鹹水角，熱辣辣脆卜卜，裡面餡料夠飽滿。下次要再嚟晚飯

以前細個最唔鐘意就係飲茶, 每個星期一次好悶咁, 不過人大咗先知道, 有d 幸福唔係必然, 慢慢地鐘意咗飲茶呢個節目, 今日去咗 ❥⧽御名園 ❥⧽同媽媽嘆茶。酒樓環境好舒服, 枱與枱嘅距離好足夠, 一d 都唔擠迫。𓊈極品花膠灌湯餃𓊉灌湯餃脹卜卜, 餡料有花膠, 蝦肉, 豬肉同少少菇, 湯底味道鮮甜, 落埋紅醋一齊食酸酸甜甜咁, 好味!𓊈水晶鎮江餚肉𓊉豬皮, 蹄肉同上湯豬皮膠嘅比例幾好, 晶瑩剔透, 肉質細嫩爽口, 蘸埋黑醋一齊食, 可以平衡咗膩滯感, 好開胃。𓊈拾味椒鹽魷魚鬚𓊉魷魚鬚炸得好香脆, 炸粉比例唔錯, 我鐘意呢度嘅魷魚鬚係一條條, 唔係一排排, 比較容易咬開。𓊈鳳梨咕嚕肉𓊉咕嚕肉整得外脆內軟, 即使有醬汁但外皮都唔會淋咗, 醬汁酸甜度適中, 配埋新鮮鳳梨, 好好食!𓊈黑椒海鮮炒手打烏冬𓊉酒樓嘅炒粉麵真係好有鑊氣, 個烏冬炒得好好食, 海鮮方面有大大隻嘅蝦同好多好多粒帶子, 份量都幾多。✧✧ 整體食物都好好食, 職員好有禮貌, 個個都好attentive, 基本上唔使舉手示意已經留意到個水壺無水然後fill 水, 值得去呀。

家人食晚飯訂咗呢間御名園話抵食。最抵係佢個孖寶$218，四隻蒜蓉蒸蟶子/帆立貝 + 一個小菜，我哋就叫咗半隻炸文昌雞。另一個孖寶$328仲有兩隻肉蟹+小菜添，可以薑蔥炒或者豉蒜涼瓜焗，星期六日都係貴$20。可以係酒樓舒舒服服咁食都唔錯。另外又叫咗薑蔥焗桶蠔、咕嚕肉、同埋蒸咗一條沙巴龍躉，全部食物都係水準之上，冇投訴。桶蠔有6大隻，隻隻都焗到乾身香口，咕嚕肉都夠脆，條魚蒸得啱啱好，佢哋仲有D特色燉湯可以叫期期都唔同。

近期很多酒樓也推出不同的，跟家人到荃灣附近慶祝生日。這裡的晚市也幾近滿座，幸好一早訂座留了一個好位置。十分欣賞餐具好乾淨，完全不必要自行再沖洗。餐前小食雜堅果類，有核桃、腰果、果仁等等酥脆香口又健康。晚市組合B - $348揀手本灣肉蟹即本地產，為蟹中的上品，一共有兩隻，足足有1斤8兩，每一口也是結實又清香的蟹肉，尤其是蟹鉗，而且已預先敲碎，非常易食用；蟹殼也有不少甘香的蟹膏；以薑蔥炒惹味又提鮮，或可選豉蒜涼瓜焗。鮑魚汁花膠炆豆腐數片口感軟滑的花膠，膠質豐富，入口好清香；還有不少嫩滑的豆腐和花菇，鮑汁的鹹鮮味好入味。XO醬翡翠炒海螺片 - $98/例薄海螺片脆嫩爽口，入口好鮮美，鮮香濃郁XO醬散發海鮮滋味正好提鮮，還有少少三色椒和西芹帶點清新感。瑤柱茶樹菇燉唐排 - $28.8本身想叫另一款黃金石斛燉響螺，不過售罄。真材實料的燉湯非常鮮味，純天然完全沒有添加，有整粒瑤柱和很多味道獨特的茶樹菇，更有數片豬瘦肉。

🥢招牌灌湯小籠包，皮薄之餘，入邊仲有超多嘅肉汁！輕輕一咬穿個小籠包皮，😍湯湧出嚟，口感真係好震撼，應該係手工包，所以皺褶位都好靚😙🐑香煎東北羊肉鍋貼，鮮味羊肉餃嘅味道，哩一個係出邊真係好少見到👍佢嘅賣相都非常唔錯！下邊仲有一層金黃色薄薄嘅鍋貼，配上羊肉餃嘅餡料，🔥除咗可以食到香酥嘅羊肉之外，更加可以食到松露嘅香味🍄。🥳極品花膠灌湯餃，花膠湯非常之濃郁奶白色飲落好香滑，🤩而且花膠富含大量骨膠原，對於女仔嚟講，更加可以養顏🥰灌湯包嘅份量好大，而且入邊嘅餡料都好足，皮薄餡靚，再飲一啖湯，💕盡是精華。

酥脆芝士拔絲紅薯卷，😙拉絲芝士，更加有香脆嘅麵包糠皮。🧀食起身都好脆，亦有濃郁嘅芝士香。四川香辣金錢肚，🌶辣得嚟都好入味，金錢肚有一層層嘅層次感，所以食落去口感會更加豐富。🐮食到濃郁嘅牛味，更加有醬料去提昇味道。😍巧手潮州蒸粉果，晶瑩剔透嘅水晶皮，入邊仲有好豐富嘅餡料！🥜脆卜卜嘅花生，一定係我嘅最愛。🦐鮮味蝦餃皇，飲茶當然要食隻蝦餃，佢哋呢度嘅蝦餃都幾大隻，👍所以性價比好高，食落去好有滿滿嘅蝦肉，所以我同朋友都好鍾意。🐤紅燒乳鴿，上到嚟發現，🔥好大隻，皮脆肉嫩。

隨著疫情放緩，之前一直約嘅朋友飯局，終於能夠落實!酒樓環境頗新，餐具也沒有裂紋崩口油漬等。加上套餐内容合適，每人也是$200左右，絕對適合慢慢食慢慢傾。套餐內容有9道菜，有頭盤，主食，及甜品。份量亦十分足夠，有男有女一齊食份量亦夠。而且服務不俗，收碗碟，上菜，片鴨，分湯亦做得頗細心。還有，他們沒有什麼花生小食需要另外收費，呢啲都係值得加分嘅地方。👍🏻頭盤菜式有鮮沙薑豬手及陳醋高山貓耳朵 （雲耳）鮮沙薑豬手。豬手軟硬得宜，即使冷盤也沒有硬到咬不開問題，沙薑及醬汁調得開胃，食多2件也沒有油膩感。陳醋高山貓耳朵。爽口開胃小菜，秋葵驚喜出現，醋酸味得宜，還有一點點芥末調味，朋友們都喜歡。主食第一道上菜，片皮烤鴨（一隻）店員上菜時會先將片皮鴨原隻先上枱給你過目，再到旁邊即場片皮，片完之後，鴨肉鴨身就會留二食備用。本人喜歡二食，炆煮炒都可以，而且感覺避免浪費一點。但最驚喜是片皮鴨配菜，一般配菜也是青瓜及京蔥，配乳豬醬。但呢度配菜除了青瓜京蔥，還有菠蘿條。醬汁方面，除了一般乳豬醬，還有芥末芝麻醬及菠蘿水果醬，貌似奇怪，但配搭嘗試一下又頗清新！可以去掉片皮鴨的油膩感。包皮也做得頗細心，用紙每塊分隔，上

無心插柳，遇上位挺好的中醫師，每星期五早上11時，陪媽媽到荃灣綠楊坊覆診，之後在中醫診所附近吃午餐。連續２個星期五到荃灣千色匯御名苑吃午餐第１次點了：#川貝椰皇燉鷓鴣：每天供應２款燉湯，定期更換，清熱潤肺，化痰止咳，老幼皆宜。#手拍黃瓜併海蜇頭：天氣酷熱，適合吃這個消暑。#金蝦風乾鹹雞煲仔飯：蝦乾很大隻，米飯吸收了蝦乾和鹹雞的香味，好吃，風乾鹹雞口感像臘鴨，雞肉很韌，咬不開。第２次點了：#貓耳朵湯鮮竹卷：貓耳朵是小雲耳，豬肉餡有鮮味，好吃！#金網生煎菜肉鍋貼：金網好硬，不好吃，乾脆剝開不吃；鍋貼皮太厚，不喜歡。#海皇醬蒸鳳爪：鳳爪不夠軟，一般。#黑豚叉燒飯：黑豚叉燒是合成的，用瘦一點的豬肉包裹肥肉，８分肥２分瘦，近期吃到最差的叉燒飯。後悔來第２次！

爸爸生日，一家人到御名園點了<御饗宴>，套餐共九道菜，適合4至6人享用，搜羅各款新鮮食材入饌，當中少不了時令海鮮，如龍蝦及片皮烤鴨等，是味蕾的饗宴，令人暖意窩心。鮮沙薑豬手沙薑豬手充滿骨膠原，質感綿糯，沙薑帶出豬手更豐富的肉香，入口濃郁惹味。·陳醋高山貓耳朵冷盤十分適合夏天享用，貓耳朵口感爽脆，吸收了陳醋汁，酸甜醒胃，清新怡人，令人胃口大開。宮廷片皮烤鴨（一隻）烤鴨油光亮麗，師傅在客人面前，把鴨皮切起一片片，令人食慾大增。把鴨皮包入薄身麼麼皮上，再塗上甜麵醬，搭配清新菠蘿肉、脆口的青瓜絲，帶來驚喜。大口咬下去，鴨皮酥化，充滿肉汁，加上菠蘿汁甜香，鴨肉油香四溢，脂香美味。 瑤柱海皇冬瓜盅熱辣辣冬瓜盅，充滿海鮮配料: 瑤柱、鮮蝦、冬菇及夜香花，冬瓜肉十分綿軟，入口清潤之餘，鮮甜消暑。金湯焗西澳州龍蝦（伊麵底; 1斤重）龍蝦肉質肉質肥美彈牙，焗至金黃色，賣相吸引。龍蝦伊麵煙韌，每條麵掛滿柔滑上湯，細滑咸香，輕輕敲碎蝦腳，內裡有嫰滑的肉，滋味舔舔脷。古法蒸黃花魚黃花魚以古法蒸製，將醃過的蟲草花、薑蔥絲舖在魚身上，魚肉柔嫰，慢慢澆上蒸魚豉油，吸收了鮮味精華，簡單而滋味。薑蔥枝竹炆