御石燒 (已結業)

午飯時間，旺角周圍都人山人海，一個人想慢慢食個lunch，行遠少少到廣華街絕對係一個好選擇，今日就搵到呢間抵食石燒牛餐廳。餐廳主打石燒牛，但午飯時間亦有丼飯及定食，既然一場黎到，就梗係要試佢地嘅石燒牛啦。御燒特級牛小排 :落單無耐食物就到了，枱上有燒肉教學，先用牛脂肪令石板上有充足嘅油，之後攞走牛脂就可以開始燒了。個人喜歡原汁原味，牛小排就最啱我。牛小排紋理清晰，油脂分佈平均，兩邊各煎幾十秒就食得，入口牛味香濃，肉汁四溢，配上特製燒肉汁，味道甜甜地更加惹味。雖然可以加錢轉紫菜味素飯，但個人更喜歡白飯，無其他味道下可以吸收晒牛肉肉汁，食落更滿足。

餐廳環境乾淨裝修日系，坐得幾舒服。Menu 上除咗石燒燒肉外，仲有定食同鍋物。呢度主打石燒牛，咁就試下佢啦。御燒極上級吉列牛 配白飯 佢既份量都幾多，仲要每一塊既吉列牛都好厚身，所以咬入口啖啖肉，牛味都好足夠。石板夠熱，所以啲牛都可以好快燒得熟，同自己可以控制生熟嘅程度。啖啖肉再配上白飯，係幸福嘅感覺。御燒特級牛小排 配 椰菜絲沙律特級牛小排呢一個份量都係好慷慨，就算男仔食都一定滿足。個人比較鍾意食呢個牛小排，雖然佢薄身過吉列牛，但係佢嘅脂肪平均啲，牛味會再出啲。除咗白飯之外，仲可以配上椰菜絲沙律，生酮飲食嘅朋友都啱晒呀。

御石燒今次要介紹旺角一間價錢好親民高質石板燒肉店，燒肉店入面座位唔算多，一到Lunch大把學生OL等都入去食，而我就等佢哋食完先慢慢入去，店員好好人，幫我搵一個適合嘅位置比我坐，店內空間唔算大，枱面唔大，放兩個套餐加兩個石板爐已經好逼，逼到唔記得咗同食物合照，我每去一間同食物合照都係指定動作，今次真係失策！仲有仲有店員一見到我石板爐無火就好快幫我點火，店員非常細心，雖然店內非常繁忙，但佢一眼關七都唔夠，係一眼關七百，非常厲害！呢間石板燒肉店門口有一級，雖然門口一級都算高，好彩我都入到，我用緊嘅迷你斜板開始唔夠我用，我越食越高級，我係指門口一級，喺時候考慮買長一d斜板啦！🤣🤣🤣1.御燒嫩牛舌芯$108+紫菜味素飯+流心蛋+無糖可樂$22（10/10）呢個御燒嫩牛舌芯個套餐真係非常抵食，有薄切嫩滑牛舌芯11片，仲可以加$22有好香紫菜味嘅素飯、一隻流心蛋加罐裝無糖可樂，真心非常好味，暫時係我嘅石板燒肉天花板！2.御燒極上級吉列牛$118+紫菜味素飯+流心蛋+芬達$22（9.5/10）呢個御燒極上級吉列牛個套餐真係好抵食，吉列牛有10舊，外面已經鋪上炸粉，只要將吉列牛每邊燒三分鐘就食得，點解

今日去旺角行街行到有D肚仔餓、周圍去覓食望見呢一間、位於廣華街嘅御石燒、整間有多款不同肉類豬、牛、雞選擇🤔、同時都有好幾款抵食套餐！.御燒特級牛小排(配白飯)或椰菜絲沙律套餐$158起可轉升級紫菜味素食+流心蛋+麵豉湯/飲品午市+$22/晚市+$35.今次試吓呢一款牛小排一人石燒爐自己燒、牛小排雪花紋理清淅🤔、牛小排薄切肥瘦適中、係用石燒牛小排輕輕一燒又夠香口😚、肉質腍嫩滲出油脂口感可口美味😋入口即溶、配埋自家製醬汁更加美味好正、再配埋椰菜清爽甜口、紫菜味素飯食到入口惹味又好食粒粒口感、加埋流心蛋食夠哂滿足🤭、整份套餐我覺得都好豐富、價格一般親民價格、食到高質食物好抵食👍！

早前去日本旅行食左吉列牛覺得好好味，所以返到香港後又想再食啦！當日行過旺角，見到呢間石燒牛就入左去試下啦。上網睇返呢間店係最近新開架。店舖都幾寬闊，坐得都幾舒服。枱上面有個牌會教你點樣燒吉列牛，而落單既方式就係掃QR CODE。我同朋友分別叫左御燒特級牛小排同埋御燒極上級黑松露吉列牛，我就另外加左錢升級紫菜味素飯+流心蛋+麵豉湯。 如果唔食牛既話， 仲有吉列豬排同鰻魚可以揀。🟠御燒特級牛小排石燒上面會有舊豬油俾你，用豬油燒可以更多香口。一上到黎見到份量好多，牛小排少筋，所以都幾易咬開，大家可以按鍾意既熟度去燒。🟣御燒極上級黑松露吉列牛牛肉外層炸粉加左黑松露後好香濃，牛肉味嫩口，油脂分怖平均，而牛肉比牛小排厚身，食落去啖啖肉。調味醬料甜甜地，沾上牛肉後更加香口。如果想一解日本吉列牛癮既，可以黎一試！

今晚約左人旺角交收！順便食個飯，未收工已經喺公司search吉列牛啦！就呢間啦180個哈哈笑！好意頭吖😂又同老公撐枱腳👀我叫左御燒極上級吉列牛眼望唔覺得個圍邊脆，但燒完食時又幾脆，都juice! 又冧，比想像中有牛味！好食過上次係大阪食果個。甘日本餐廳4,5百蚊既會超級好食同入口即溶😎配左紫菜味素飯，爬曬成碗飯，好在唔多似喺日本米，如果唔係會好漏架啦。老公叫左御燒特級牛小排一般般，無牛味，有啲韌。如果放少少海鹽煎就會好啲！店員好好，會主動加火。有新開張活動，送哈根達斯雪糕👀但我無join到，耶~今日唔想食雪糕。用埋最後一啲火炒埋個椰菜絲😎會再幫襯，要試埋個牛舌😛

放工約左朋友去旺角買野 佢話想食鐵板燒 仲話bookmark左呢間想試 唯有跟隊啦 呢到主打係燒牛肉 有御燒極上級吉列牛御燒極上級黑松露吉列牛同御燒特級牛小排唔食牛既可以揀 豚肉/吉列豬排/ 鰻魚 朋友揀左御燒特級牛小排賣相好唔錯喎 份量都好多 有成十三四塊石板先放左舊牛胸油 店員話夠油就可以拎起自己燒嫁啦石板好夠熱 牛肉放上去兩邊燒十秒到就食得鐘意熟d 就燒耐d 按自己喜好食落好淋 好軟熟 牛味都濃郁 包飯食一流完全唔洗調味本身係跟白飯/椰菜絲沙律但可以加$35轉紫菜素味飯 流心蛋同麵豉湯即刻又豐富左我叫左上級吉列豬扒因為係即刻炸 所以要等十分鐘 但黎到就覺得值得了 炸起脆卜卜 炸粉唔會好厚豬排食落鬆化 唔會靭沾埋個醬汁一齊食 酸酸甜甜 更開胃同朋友一樣加$35轉紫菜素味飯 流心蛋同麵豉湯食完超飽超滿足耶日

去日本旅行食過石燒牛肉，好味到不得了,最近去了廣華街行街睇模型，經過附近見到這間特色“御石燒”餐廳，即刻諗起石燒牛肉味道，餐廳環境相當舒服，簡約時尚裝飾，給客人可以輕輕鬆鬆享受石燒套餐，每張檯預備一個石頭烤盤，跟自己喜愛熟成要求，慢慢燒烤牛肉，店員服務比較忙碌,但仍然好友善又專業幫手👍御燒特級牛小排配沙律套餐牛小排最喜愛自己可以控制，烤得剛剛好肉質鮮嫩多汁，每一口都充滿了濃郁的肉汁。外層烤得微微焦香口感嫩滑，配搭新鮮蔬菜與特製的醬汁，為整道菜增添清新，御燒極上級黑松露吉列牛強烈推薦厚切的牛肉，肉質鮮嫩多汁，感受到濃郁的牛肉風味。加入黑松露層次更有奢華感散發出香氣。真是超級美味的享受。總括這家石燒餐廳，環境美食值絕再來.

朋友book咗呢間石板燒肉。位置方便，就喺廣華街最多食肆嗰度。夜晚7點左右嚟到，好彩唔洗等位，但都差唔多滿座。我點咗御燒特級牛小排 配沙律特級牛小排望落雪花紋路幾靚、脂肪平均。一份大概有20片，自己逐片放上熱石上面燒。講下味道先。啱啱燒起嘅牛肉焦香，食落有肉汁，牛味濃郁。牛肉無筋唔韌，一口一片啱啱好。沙律醋好fresh配燒牛肉，可減低油膩感。朋友就點咗御燒極上級黑松露吉列牛 配白飯吉列牛就每片切片較厚身，啱啲鍾意食大啖肉嘅朋友。雖然佢係厚切，但食落口感竟然都係唔韌，好易就咬開。推介大家點吉列牛。口感方面好特別，中間係肉汁飽滿嘅牛肉，加上鬆化嘅吉列脆皮。呢款黑松露味來自個吉列皮，松露味都好濃烈。另外套餐加咗麵豉湯同糖心蛋。糖心蛋水準發揮正常，蛋黃橙黃色半流心👍🏼夠入味店員換gas速度快，又會提我地小心石頭熱唔好辣親。總括嚟講，食物質素唔錯，可以再返嚟encore吉列燒牛。

好耐冇食過石板燒 今次同朋友一齊揾咗間試 食完我地一致覺得值得分享！餐廳坐位不多 店內設計好似日本的小店 餐牌除咗提供石板燒 仲有好多唔同主食揀 我地叫咗兩個餐share🔸 御燒特級牛小排跟套餐牛小排嘅份量好多 一份有成十幾塊牛 職員好親切介紹燒法俾我地 過程又主動幫我地加火 牛小排一放上石板好快就傳岀牛香味 牛係薄切所以一塊大概前後各燒十秒就啱啱好 肉質有香濃牛味 我地加咗$35轉套餐可以埋有紫菜素味飯、流心蛋仲有麵豉湯三樣野 性價比高🔸 蒲燒原條鰻魚跟套餐一上枱見到個賣相已經覺得好吸引 鰻魚非常大條 size大到可以遮住成個飯 鰻魚肉質口感厚實 鰻魚汁味道咸甜剛好 配合埋套餐嘅紫菜素味飯一齊食非常下飯 最後埋單兩個人除開每人先至百幾蚊 性價比好高 已經bookmark咗要再去食

喺日本旅行曾經食過石燒牛肉，真係好食到不得之了。香港旺角我發現咗有一間餐廳都有得食，而且肉類嘅質素好好，價錢非常相宜。店內環境裝修新淨，牆壁有掛畫，入咗去裏邊就好似離開咗旺角鬧市一樣。店家好貼心咁準備咗石燒肉類嘅步驟。當日點了石燒豚肉同埋石燒牛小排。豚肉同埋牛肉鋪滿一碟，份量頗多。套餐可揀跟飯或者跟椰菜，因為豚肉脂肪較多，跟椰菜就可以中和油膩感。當日嘅豚肉非常新鮮，肥瘦相間賣相十分吸引。燒咗之後脂肪融化變得透明，有微微焦香，配送椰菜真係一流。石燒牛小排真係不得不推介，肉類嘅脂肪較少，而且牛肉冇筋， 十分新鮮。擺上去石燒上面發出吱吱聲響，好快就變到焦香嘅顏色，令人垂涎欲滴。肉類沾上甜甜地嘅醬汁，更可以將味道昇華，亦有助減低油膩感。同白飯簡直係絕配。

最近我同朋友幫襯咗係旺角既一家石燒店，我點了牛小排套餐，而朋友選擇左吉列黑松露牛肉套餐。我們兩個都加錢升級套餐，包括糖心蛋、飯素飯同一罐汽水。這家石燒店以其自主控制牛肉熟度既特色而聞名，而且不收取服務費。我非常喜歡自己掌握牛肉既生熟度，因為這樣可以根據自己既喜好來享受，每一口肉既鮮嫩和多汁。牛小排質地非常優良，每一口都能感受到牛肉既原汁原味。套餐還提供了糖心蛋，都係一個驚喜，糖心蛋蛋黃流心，蛋白鮮嫩，為整個套餐增添了豐富的口感。我朋友點既吉列黑松露牛肉套餐。牛肉非常特別，配上黑松露增添了豐富既風味。牛肉質地嫩滑，帶有微妙的黑松露香氣，令人回味無窮。同樣地，我朋友也可以按照自己既喜好控制牛肉生熟度，這是這家石燒店一大亮點。值得一提既係，這家石燒店不收取一服務費，這讓我們感到非常貼心。服務員既態度友好且專業，及時提供了所需的服務，令人印象深刻。環境整潔舒適，讓我們在用餐過程中感到輕鬆愉快。

位於鬧市既餐廳雖然唔算好大，但裝潢簡約時尚。每張餐枱都配備左一個石頭烤盤，等客人可以親自燒牛肉服務員態度親切，會耐心教導顧客如何使用石頭烤盤，並提供貼心的建議**石頭燒牛小排**牛小排肉質鮮嫩多汁，油脂分布均勻。烤熟後外酥內嫩，香氣四溢。肉質鮮嫩**石頭燒吉列牛**石頭燒吉列牛是御石燒的招牌菜之一。吉列牛厚度適中，經過石頭烤盤的高溫炙烤烤熟後，外層酥脆，內裡軟嫩，口感唔錯外層的焦香與內裡的嫩滑形成鮮明的對比，每一口都令人回味無窮**紫菜飯素飯**飯粒粒粒分明，口感軟糯。配上香脆的紫菜飯素，好快就食晒成碗

衘燒極上級吉列牛衘燒極級牛小排份量好多：吉列牛10塊，牛小排16塊，而且好厚身流心蛋：調味得好味、蛋黃好流心紫菜味素飯：紫菜味素份量好多，夠撈成碗飯，而味道好滋味，好多紫菜同肉鬆味，唔辣椰菜絲沙律：可 refresh 味蕾飲品：多款選擇，我地揀左地道烏龍茶 同 Zero Coke

復活節連放幾日假緊係出去搵下好野食啦 見好耐無食過吉列牛今次就嚟試下呢一間 地點係地鐵站附近嘅廣華街 都幾就腳呢度除咗有石燒系列之外 仲有野菜鍋 小食等等 如果係第一次食石燒都唔洗驚唔識操作 枱面會有指示教客人正確嘅燒肉次序 職員亦都好好 會時刻留意住有無客人嘅火唔著 一旦無火就會即刻幫你加火御燒極級牛小排牛小排嘅份量十足 足足有成14塊! 而且雪花紋理好靚 食落鮮嫩多汁 就算唔小心燒耐咗肉質都唔會靭御燒極上級黑松露吉列牛一上枱已經見到牛肉好厚身 都有成10塊咁多 燒完之後黑松露同牛肉嘅香味都出哂嚟 而且食落外脆內軟 呢款嘅口感會比牛小排豐富另外晚市仲可以加配$35有埋紫菜味素飯 流心蛋 同麵豉湯 仲可以另外再加野飲 將沾滿醬汁嘅牛肉再連埋大量嘅飯素同紫菜用嚟撈飯真係一流阿!