御花園咖啡室

营业中

休息中

近期好想食龍蝦，所以想去食自助餐食個夠，睇到尼間有6折，一衝動就book左位，滿心期待…點知…一入到去就覺得個場好細…食物應該晤多…但最失望系d龍蝦一d都晤掂…咩味都沒…真心失望，由滿心期望到食到想提早走…最好既可能系個中式湯芝士龍蝦就好dd啦，但都系晤掂…食到對龍蝦斷左想法…真系一次好失望既自助餐。晤想再幫襯，但其它尼講，服務各等就晤差既，廚師一人負責好幾個位，都幾忙。但態度好，防疫措施晤錯既。但都比d食品降低曬分。

銅鑼灣富豪酒店而家做緊6折自助餐，折完後每位只需$425，係$425蚊你就可以係咁食龍蝦🦞。今次主題係圍繞住龍蝦，而且係唔會斷供，真係會食到你唔想食，主打有凍龍蝦，薑蔥龍蝦，芝士龍蝦，龍蝦伊麵，龍蝦湯等，另外Movenpick同煎鵝肝都係任食，性價比真係超高。呢間自助餐因為疫情，所以模式有些少唔同，出去拎嘢食時候，你唔可以自己夾食物，會由開放廚房夾埋食物比你，只要你講要啲咩，同要幾多就ok，雖然可以減少交叉感染，但真係辛苦班廚師了，重要招呼埋客人，而且服務態度好好🙏重點要溫馨提示下嘅係，自助餐款式唔多，係真係主要圍繞龍蝦，如果你唔係龍蝦愛好者，真係唔建議你去，因為你選擇會好少，值得一提龍蝦之外，極力推薦個煎鵝肝，超級出色，我冒著高膽固醇危險，自己食左8舊🙈

真心後悔試咗呢間六折嘅自助餐以後真係唔會再貪平網上book咗7點遲咗少少7:15到行咗個圈已經知道中伏....真心冇乜嘢食有嘅味道都只係一般溫馨提示：記得自己問嘢飲，因為每人包一杯嘢飲記得自己問長腳蟹海鮮拼盤記得自己問薑蔥炒蟹，不過今晚佢轉左薑蔥炒龍蝦因為以上嘅你唔自己問既話係冇人會同你講有的我都係自己開OpenRice，然後俾啲相佢地睇問佢地仲有....雖然呢個薑蔥炒龍蝦、海鮮拼盤係可以添的但係記住記住要早啲！我8:15分再訂兩客薑蔥炒龍蝦嘅時候8:30侍應姐姐走來同我講 話煮薑蔥龍蝦個師傅已經收咗工所以唔好意思，已經冇薑蔥龍蝦供應我同女朋友每人只係食咗半隻芝士焗龍蝦跟住出邊擺放芝士焗龍蝦個櫃已經冇再添加過都算啦....估唔到薑蔥龍蝦都只係每人得半隻唉.....真係好嬲！啲嘢食少都算啦難得有兩樣算係好食啲嘅芝士焗龍蝦&薑蔥龍蝦都冇得添食8點幾就同我講話整龍蝦個師傅收咗工.....🤦🏻‍♂️真心....從來未試過咁差嘅自助餐兩個人折咗$921 ...... 抵唔抵食自己判斷啦🤷🏻‍♂️🤷🏻‍♂️成晚最滿意嘅就係雪糕所以影咗相🤦🏻‍♂️ 其他嘅.....唔想再提....

Staycation方興未艾，早前一家就參加了銅鑼灣香港富豪酒店的「密室逃脫」住宿計畫，除了可享用酒店設施外，套票仲包含 Cafe Rivoli 自助餐。而今次主題正好係勁受歡迎的龍蝦。由於疫情關係，自助餐只在星期四至日提供。餐廳方面，差不多所有食物都由專人夾比客人，部份菜色更是送到客人檯前，務求做到衞生可靠。除了海鮮外，薑蔥炒麵包蟹都是位上，仲要係原隻麵包蟹，隨手一隻都爆膏，真係難以置信，所以記得要留肚。另一個位上的是龍蝦Risotto，份量不多，兩口便吃完，煮得有點夾生的口感，好對辦，但可能放耐左，食落有點凍。Seafood Platter最佳回本位就一定是凍食原隻波士頓龍蝦，因為可以任食嘛，而且每次都由專人服侍，確保衞生可靠。或許大家會忽略了熱食既三色芝士焗龍蝦，因為放在長檯最後的位置，不過焗得幾香口，尤其是溶化了的芝士更吸引。為了衞生，所有海鮮都是另上，每盤都有長腳蟹爪、青口、海蝦及翡翠螺，吃畢，可以任意要求添加。前菜都是龍蝦做主角，大蝦龍蝦杯清新怡人；而龍蝦海鮮藜麥沙律夠健康；至於龍蝦沙律配薄脆就口感多變。前菜仲有紅菜頭沙律、煙三文魚、田園沙律及蜜桃燒雞沙律。刺身坊間有部份酒

一連幾日假期，疫情仲係咁梗係冇得飛，老伴竟然book 左 #Staycation ，去酒店玩2日1夜當渡假！個package仲包埋我最鐘意嘅Dinner Buffet，真心抵！呢期主題係龍蝦🦞 淨係龍蝦已經有好多款式供應 ，有芝士焗啦，有凍食啦，有龍蝦伊麵，龍蝦壽司，龍蝦湯,  龍蝦沙律… 仲有每枱都有一個sea food platter， 包括有翡翠螺，青口，海蝦同蟹腳，淨係呢碟sea food platter 同龍蝦🦞已經值回票價！熱食仲有牛扒，仲出奇地好味添！仲有仲有，呢期係時令芒果甜品！真係食到捧住個肚走！超滿足！值得一讚餐廳嘅安排，拎嘢食當然要戴口罩，大部份去拎嘅嘢食都係有玻璃櫃封住只開一個小窗口交食物，真係得安心又放心。 非常大滿足嘅一餐 ！ 

最近富豪酒店經常推出不同的快閃優惠，每次都不同，還不定時，我都搶了好幾次才搶到優惠，這次成功搶到了價值198元的漢堡包餐，可以用半價來吃，那就馬上訂了位置準時到達現場大吃一餐了！當時正值聖誕節，餐廳都佈置得很有聖誕氣氛，門口還放著大大的聖誕樹。上座後我馬上點了這個漢堡包，當上桌後我真的震驚了，漢堡包竟然那麼大的一個，而且還有薯條配上，還有酸青瓜和沙津。這也難怪要賣198元，真的很有份量！漢堡包有雙層漢堡扒，煙肉，芝士，生菜，蕃茄等配菜，拿在手上很有重量，而且太大個了，一口也吃不到全部，只能咬掉部份慢慢吃掉，但漢堡扒的肉汁不斷流出來，弄得整隻手都是油，真的很浪費，真的恨不得把他全部吃掉！以自助餐廳的漢堡包來算，這算是很不錯了，當然跟專門吃的還有差距，但能以這個優惠價吃到真的超值！薯條也很高質素，他比普通的炸薯條不用，外面還包裹住脆漿，所以香脆程度更進一步，而且還有一定厚度，內裡還能嘗到薯溶！配上茄汁真的是吃不停手！酸青瓜就沒什麼感覺因為不太能接受，他還給我兩大條！

未試過呢間既buffet，於是今日同老公黎試下呢度lunch buffet，做緊特價有7折，果然特價係冇貴價食材，最貴已經係龍蝦鉗，其餘都算應有盡有，牛都唔錯，不過最好反而係甜品，每人300唔洗既情況下算係可以接受

我的上手手提電話跟「開飯喇」戶口，因為電話故障報銷而無法正常運作，遺留下一些光顧過又未寫食評，需要重頭光顧享用，然後重頭寫新食評，又未結業的食店，就只剩下銅鑼灣「怡和街」旁邊的酒店「富豪香港酒店」。我指的「富豪香港酒店」，其實是「富豪香港酒店」裡面的自助餐餐廳「御花園咖啡廳」。「御花園咖啡廳」位於「富豪香港酒店」的一樓，食客可以選擇經旋轉樓梯直接到達，又可以選擇坐升降機。另一方面，由於「御花園咖啡廳」跟隨「富豪酒店」旗下所有自助餐餐廳的政策，所以沒有即場提供新鮮生蠔，令餐廳失去一個可以吸收食客的賣點。所以餐廳只能在網頁訂座服務裡面，為自助餐價錢提供幅度不少的折扣優惠。我上次光顧「御花園咖啡廳」的時候，正在光顧晚餐自助餐。不過「御花園咖啡廳」晚餐自助餐的實際收費一點也不便宜，即使在「開飯喇」線上訂座服務的相關價錢折扣優惠，也彌補不回原來流失的性價比。另一方面，由於阿媽在西貢墟的食店舖頭，在農曆新年前提早關門休息，令我急需自行選擇享用午餐的場地，所以我選擇了透過「開飯喇」訂座，享用「御花園咖啡廳」裡面的午餐自助餐。「御花園咖啡廳」裡面的午餐自助餐，跟晚餐的最大分別，就是午餐自助餐裡面欠缺了

我覺得呢度嘅buffet lunch只能叫勉強合格。自問對野食唔係特別高要求，但我真係唔會想來第二次。最大問題係，不論冷熱菜式，個溫度都係唔熱唔凍，即係熱又吾夠熱，凍又吾夠凍。款式吾係特別多，但無一樣野比我深刻印象。甜品又係唔知想點，不至於難食，但我講吾出好食餐具、環境係合格，但埋單近$300，我覺得吾值

諗住搵間酒店同男朋友食自助餐慶祝生日😍朋友介紹咗個app（AMC Smart Club) 俾我，download左，結賬時出示就有半價buffet 優惠❤️好方便，唔執輸😌首先，酒店環境都算舒服，當日見到有8-9 成滿座。我係星期五晚食自助餐，折左之後都係$ 394.8！連鎖酒店級dinner buffet 真係冇咩可能低過400蚊。而食物方面呢，海鮮都算幾豐富都好似7-8 樣，龍蝦🦞，長腳蟹，蟹鉗，青口，蝦，螺等。長腳蟹真係好好食超級鮮甜，真係狂食佢，都可回本🤣！熟食款式都有唔少下，有壽司吧，車仔麵吧，沙律吧，串燒吧，款式一啲都唔單一，你諗到都有本人眼闊肚窄，首次黎就主攻海鮮，一次過未能試晒所有食物，下次一定會再嚟試多啲熟食。因為仲要留返少少位俾我第二個胃食-甜品，甜品選擇都吾少，個麵包布丁我比100分超級香牛油& 帶冧酒味。任食movenpick & Dreyer’s 雪糕+小量水果”整體來講我會比90分，性價比高！$400樓下仲要happy Friday,無得輸👍。唔一定生日先會嚟，下次帶屋企人試吓。唯一就係員工人手可能唔多😀未必即時有人回應，但十分禮貌。一定會再幫襯！

位於銅鑼灣的富豪香港酒店在聖誕節期間，已經換上聖誕裝飾大堂有大大棵聖誕樹旁邊又有巨型聖誕卡充滿聖誕氣氛入面的御花園咖啡室亦同樣加了聖誕裝飾平日的晚餐有半自助餐，介乎$400左右這次純粹吃晚餐不包自助餐的預先訂了座，所以不用等待事前餐廳亦會來電確認出席富豪牛肉漢堡 - $198果然是酒店，餐具及擺碟很有氣派左邊的薯條和茄汁中間有酸瓜及沙津右邊的就是牛肉漢堡薯條非常好吃，炸得非常脆口，帶點鹹味茄汁太多，有點浪費酸瓜有點太多，只好一口酸瓜一口漢堡的吃，一般是一起吃的奇怪的是沙津非常鹹，失去沙津應有的清新牛肉漢堡內有兩條煙肉、芝士、生菜、洋蔥及兩塊牛肉漢堡煙肉煎得很脆香，邊位有點帶焦牛肉漢堡煎得恰到好處，拿上手還會滴下肉汁，十分JUICY牛味亦同樣濃郁整個漢堡非常巨大，無法一口咬下，只好分兩層吃餐刀不夠鋒利，無法把它切件，最好可以上碟前一分為二

因為有些酒店現金券就黎到期，所以 book 左今晚個半自助晚餐。凍海鮮，沙律，剌身，甜點是自助的，主菜選了牛柳及海鮮喇沙，牛柳有三件份量不少，有肉味兼肉質十分淋，個黑椒汁好惹味，海鮮喇沙d海鮮十分豐富，個湯好濃烈好開胃，兩款主菜都吾錯。凍海鮮有青口、蝦、螺，刺身有三文魚、𩶘魚，大致上都普普通通，甜品種類頗多，芒果拿破隻崙個皮吾夠鬆化，迷你葡撻好香奶味，凍奶布甸夠凍又吾太甜。總括來說，一切都平平穩穩，沒有驚喜，也沒有甚麼失望！

其實少野食都無乜所謂，但服務態度好緊要！切魚生個阿姐，問佢可唔可以比多份？原因係佢本身嗰份得三塊，三塊魚生又薄又細！佢一句話：食完再返嚟攞！個個客都問可唔可以比多份，証明你既份量係極少啦，唔好搞到好似D客好貪心咁吖！其他fill野食既員工，有人企喺度佢就係咁唔該唔該催你行開，但D野食唔係熱！點解你要咁趕催人走呢？豆腐花一早無晒又唔fill，真係無諗過富豪服務態度咁差！我以為野食唔好係因為折扣問題，所以都唔想品評！

慶祝生日，想食自助餐，見佢有55折，好似好抵食。同朋友特登過海走去試下。book左7:45,入到去先發覺好細，的野食一眼望晒。攞左位，放低晒野就立刻出去夾野食，有蝦，龍蝦，螺，龍蝦鉗，長腳蟹。蝦都叫大隻既，龍蝦連埋我朋友都只係食左三隻，因為佢地吾refill，根本冇得夾泥食。長腳蟹吾錯，但係!但係!佢張枱吾會準備好剪刀同鉗。問侍應拎，佢只比個鉗我，同我講剪刀冇晒。下？!冇野嘛。你全場都坐吾滿，餐廳安排起碼都一枱有一套用具啦。佢竟然話冇晒就算。拆蟹拆肉得好辛苦。下一輪都冇咩興趣夾蟹腳食。熟食熱盤十隻手指數得晒。有咖喱，但冇薄餅配。有韓式既炒飯配豬肉，飯乾身，可惜冇咩味。我配左隔離既蕃茄長通粉汁撈埋一齊食。蔬菜都好少，的熟食根本吾洗refill,因為冇物人夾泥食。質素全部都一般般。佢主sell蒜蓉燒蠔，個爐好細，每次燒6隻，燒完，一個人都可以拎晒。朋友試到兩隻，話麻麻。然後個美食區可以冇晒的廚師，食客要等班廚師出泥。基本上得一位廚師處理食物。最後，大概9點就收錢，9點半甘上下都收晒野。生果都冇，食到最後一件既西瓜同蜜瓜。吾會補充食物。朋友想飲可樂，每人加左55蚊。我同朋友一致認為放題仲好過

9月25日夜晚，凍龍蝦開邊任食有添加，這一點值得讚！但熱盤羊架是凍的，後來再添加廚房加熱後才拿出來，當晚所見人客不足50人，但牛柳切了不到一小時已經沒有，但又沒有添加，供應實在太少，我想取的時候已沒有，結果一啖都沒有食到，很失望！洗手間要搭升降機落地庫才有，真奇怪！