御麵の坊

营业中

休息中

見圖表示午市沒有加一收費但原來星期六的下午有收加一入座時又沒有提示感覺餐廳不老實做生意駁人唔問就收顧客加一服務費而且沒有任何服務可言食物質素普通如果知道有加一唔會幫襯在收費時已表示不滿希望寫上OpenRice 令其他人知道防範

朋友在紅磡做瑜伽，我們約定在晚上八點過後才開始用膳。來這家餐廳用餐有一個好處，就是容易找到位置。除非是演唱會的日子，否則這個商場晚上人流相對稀疏。我們分別選擇了以下晚餐套餐，每個套餐都包含一杯飲品：1. 醬汁豬軟骨拉麵 + 熱珍珠奶茶(小)豬軟骨非常嫩滑且入味，但拉麵的質素一般般。相比之下，奶茶卻帶來了一些驚喜。茶的香氣濃郁，帶有茉莉花的味道。可能是因為熱飲的關係，珍珠的口感比較軟嫩。不過，我個人很喜歡這樣的口感。2. 滑蛋吉列豬扒飯 + 凍柑桔檸檬(小)豬扒有點乾身，可能是炸得比較久的緣故。然而，滑蛋搭配醬汁的味道相當不錯。柑桔檸檬的酸甜度剛好，非常解渴。值得一提的是，餐飲提供額外的配料，例如珍珠、椰果和盧薈等，讓客人可以按照自己的口味進行搭配。而且，客人也可以選擇少冰少糖的選項，真是非常貼心。

92蚊一份照燒雞扒炒烏冬，但極細碟之餘仲要用垃圾級唔洗雪嗰種嘅烏冬，食落口酸味味，雞扒得3舊，92蚊喎大佬你俾啲咁嘅嘢我食🥲嬲咗 呢啲垃圾餐廳試一次都嫌多我兩個friend就食泡菜豚肉拉麵同埋冬陰功海鮮拉麵，一個76蚊一個就82蚊，都係話唔知食咗啲乜，啲麵硬到好似未煮熟咁🤮其中一個friend叫我特別提及，跟餐個杯咖啡都係災難級，得水同埋苦味，一啲咖啡味都冇個人認為，就算係喺旺區，收得咁嘅價錢但咁嘅質素同份量真係幾冇良心，希望大家以此為戒

12:40分到店，我是第一人在店外排隊，店內有一名白髪高瘦(似男人)的女侍應，淨係叫我等等，其實店內有幾張枱都沒人坐，但那女侍應一直都不讓我入座，在門外等咗十分鐘後，我問可否讓我入座，那女的態度及語氣超差，「唔好意思我未得閒喎，你唔高興就走啦⋯⋯」唔知佢係咪老細，但係咁嘅服務態度真係超級趕客⋯⋯唔會再幫襯⋯

御麵之坊-紅磡今次去到紅磡置富都會，選擇左一間日式餐廳，裝修雖然唔係太華麗或日式風情等，只是簡簡單單的餐廳，但餐廳入面都很多客人，所以決定入去試一試。咖喱吉列豬扒飯+凍珍珠奶茶 $67叫了一個咖喱吉列豬扒飯，咖喱屬於辛口的日式咖喱，味道都算濃郁。至於吉列豬扒餐廳已切好一舊舊，外炸皮厚度比較厚身，而且豬扒都偏結實，不過整體味道都唔錯。日式餐廳有得叫珍珠奶茶雖然有啲特別，不過見到又想叫杯飲下。這餐廳最特別的是點餐時珍珠奶茶除了好似平時的選擇多冰少冰或甜度選擇外，還有得選擇多珍珠少珍珠，而且是不用配外收費。至於味道方面，奶茶味道比較一般，茶味及奶味都不是很突出，珍珠煮得硬度適中，有q彈q彈的口感，整體感覺都係一般

睇演唱會前取應援物耗費了時間，所以只能在距離紅館最近的置富都會搵餐廳食晚飯！許久沒在這商場用膳，唯有在視線範圍內隨意找兩間餐廳，兵分兩路去排隊，最後因御麵の坊能快點入座，就在這裡晚飯啊！在以前的工作地點都有過御麵の坊，大概都知有什麼類型的餐點。座位之間較為狹迫，想舒適用餐的話就不太建議。餐點方面，我選了涼麵，從前光顧時，間中都會點涼麵啊！同行親戚分別點咖喱吉列豬扒飯、泡菜豚肉拉麵及醬汁豬軟骨拉麵，食物好快就上桌。煙三文魚涼麵，有少量煙三文魚、蟹柳絲、青瓜絲及紅薑片，拉麵的麵質軟硬度適中，澆上胡麻醬，微酸的涼麵，清爽開胃！咖喱吉列豬扒飯，除了有吉列豬扒外，配菜還有椰菜、紅薑片及粟米粒。吉列豬扒普通，沒有那種鬆脆質感。咖喱汁不夠香濃惹味。泡菜豚肉拉麵，配菜就只有豚肉片及粟米粒，豚肉片煮得過熟，不夠嫩。泡菜湯底只帶微微酸辣，不夠突出，親戚表示不喜歡這湯底味道。醬汁豬軟骨拉麵，有豬軟骨、半隻滷水蛋、鳴門卷及粟米粒，再額外追加一隻滷水蛋($8/隻)。豬軟骨尚算夠味，且軟稔易咬，滷水蛋同樣入味！吃著這碗拉麵，就充滿昔日學生年代的回憶。以往吃的拉麵就是用上這些配料，沒什麼紫菜，溏沁蛋的！每份餐奉送指

因為去紅館睇林家謙演唱會，所以收工快快取就過左置富都會搵食😋見呢間仲有4人位，唔使等，就入去試試一坐低無餐牌，有QR code 自己點餐👍真係岩哂快食既人！食完即走🤣叫左個🔆靖魚定食配豬軟骨飯 三文魚沙律 $100🔆煙三文魚冷麵 $72🔆泡菜雞絲冷麵 $703個主食都ok，唔會太咸，加上一叫好快就上菜！真係好似澳牛式既快速食法🤣如果一個正餐來講，女仔食其實都有啲飽！加上呢個價錢再配多杯飲品，其實算係咁

同朋友睇演唱會前食Dinner, 隔離間間排長龍, 見呢間吾洗等好耐, 諗住日本野吾會衰得去邊, 試吓.. 點知就伏左😢 泡菜豬頸肉炒麵-泡菜得2條, d麵油到一個點, d肉油到滴左出黎,極之失望😣 $100呢個水準就係好差, 永世吾會再去食

諗住lunch time 試新野，雖然係外賣，但賣相都唔使同餐牌爭咁遠掛，另外豬肉好肥膩，外賣盒冇分隔搞到飯都好油，整體味道極一般，餐盒入邊的（被豬肉蓋住）滷水豆腐和菜都非常一般，性價比極低，我冇試過其他菜式，但呢一款就極不推介。

午飯時間總要排隊，最近疫情關係好多寫字樓WFH，今日經過見買外賣有85折，加$5飲品可加大，就試左豬軟骨拉麵。雖然沙嗲湯無乜特別，但豬軟骨好大舊又入味，最重點係杯珍珠奶茶，茶味濃又滑，珍珠亦好煙韌。

過來呢邊出job，係店門口睇到呢間嘅poster覺得幾吸引。.🌸和風汁煮牛俐飯 $58睇相覺得好吸引，兩個人都order左呢個。上到黎飯量感覺有d小，不過之後都夠食嘅。面頭鋪左三塊牛俐，薄身但大塊，味道ok。但飯嘅質素就⋯ 十分之麻麻，太濕潤。雖然我order左多汁，但飯本身就較為濕潤，而且唔夠入味。.用App落單，雖然幾方便。但好多都冇圖，得個名。希望店家可以update下。或者配埋hard copy嘅menu，唔好就咁俾個QR-code。

今次叫左醬汁雞扒飯 呢度最正嘅係自動汁另上😂😂所以我呢啲唔太落汁醬嘅人就啱晒～不過佢個份量就唔算話好多 質素我覺得正正常常 但呢間餐廳其實有好多選擇 所以有機會都可以黎試試

🥢紅磡睇演唱會前快食日式冷麵🥢呢排個個都去睇Joey 演唱會，睇show 前最方便就是去旁邊商場食個飯，然後快快入場🥢泡菜雞絲涼麵 $66 附飲品需加一涼麵真的很適合夏天食，味道就不意外是用普通日式芝麻醬，加上辣辣的泡菜，涼涼的好開胃🥢煙三文魚涼麵 $68 附飲品需加一有三塊大大的煙三文魚，醬汁是甜甜的感覺，加上蟹柳絲，麵質拉麵算ok,不會太軟身🥢凍麵好啱趕時間的人去食，可以好快就食完一餐的感覺，快快去睇演唱會，而且算比較坐得舒服的御麵の坊地址: 紅磡都會道6-10號置富都會7樓754號舖

好耐冇去過紅磡食飯，難得去到，就要去回味下以前去開既餐廳，所以去左御麵度食。見到menu 有蕃茄濃湯撈麵拼香煎雞扒，好吸引，所以就叫左個來試。個麵好彈牙，個蕃茄湯好甜，d雞肉好香，唔un，又好大碗wor !!! 所以幾正架仲可以跟餐送飲品，我叫左杯凍珍珠奶茶，少甜，味道唔錯。

之前一直都冇機會試此餐廳，因為星期日冇營業，今次旅行前終於有機會試吓。和風汁煮牛脷飯嘅牛脷好淋好入味，雖然係得三片牛脷，餸飯剛剛夠。咖哩豬扒飯炸得唔錯，咖喱汁嘅味道都係甘口為主，只係個汁有啲少，撈白飯有啲唔夠。煙三文魚涼麵份量就最少啦，可能係冷麵嘅原因，感覺只有平時拉麵嘅¾份量。最難得呢度每個餐都陪一杯細嘅珍珠奶茶，雖然話係細嘅珍珠奶茶但係其實個份量都係有350ml 嘅啤酒樽size。如果係理工學生或者住喺附近嘅三個屋苑，仲有八五折添，晚餐來講都係經濟之選。