影片
开饭介绍
微熱山丘「夏顏」鳳梨酥只以6、7、8月採收的鳳梨熬煮再低溫熟成入餡，盛夏熾烈的陽光使土鳳梨的風味更加奔放，而漫長的製程則更使風味更顯濃郁。
继续阅读
营业时间
星期一
10:30 - 19:30
星期二
全日休息
星期三至日
10:30 - 19:30
以上资料只供参考，请与餐厅确认详情
食家推介
微熱山丘fb hk 官網已經上載2019年1月15號中環分店要結業啦！所以, 在中環分店結業前，我同hone再次黎幫襯（圖片1.來源：微熱山丘的香港Facebook 官網）圖片1.我是2018年12月光臨呀！店內宣傳聖誕節gift set ，我買了一個gift set是$115（用了klook 並且用了特別碼減$20）所以是$115！！☃️KLKSUNNY（各位請注意：我並不知道這個碼仲work 唔work ，請向微熱山丘職員查詢呀）😖要講一講：我即刻買完就係鋪頭開黎食，枝菠蘿汁記得要加冰先飲，因為係好濃郁嘅菠蘿汁，加左冰會好正！我覺得呢個gift set 係最平！！店內仲有其他gift set 賣，網上都有得睇！Tips: 1.微熱山丘中環店係有廁所借，廁所有亮點！2.中環店就在大館的圍牆出面，要把握機會在這裡影相呀，會有不一樣的感受！3.最好在5點前到達，會有意外驚喜！
继续阅读
經典版鳳梨酥 HKD85；不專業評級：6.5/10超好食鳳梨酥‼️ 一向唔食鳳梨酥既我 竟然覺得呢間的鳳梨酥好食😍😍 食之前放入微波爐叮15-20秒 暖暖地 真係好好食👍🏻 味道比普遍的鳳梨酥酸少少 唔會太甜🤤 有一絲絲既土鳳梨🍍係入面 味道濃郁又消滯 有種天然無添加既感覺🌱 而外皮好鬆軟 唔會壓得太實 仲好有奶香味！💗正！
继续阅读
台灣Sunny Hills的鳳梨酥出名，但每次去台北都無緣光顧，原來遠在天邊，近在眼前，就在我公司附近有一間！絕對不是同名同姓的舖頭，而是真正售賣相同產品的商店！店在中環半山的一條小巷內，地方大，木枱加木櫈以及特大的落地玻璃，配合了悠閒的音樂，真的要用世外桃園來形容此店。我的目的不是買鳳梨酥，而是想與朋友傾心事，享受一下這裡的好環境，所以就買了$24一枝的鳳梨汁。而店員之後就把每人一件的鳳梨酥和凍紅棗茶。這個「傳統」和台灣店一樣，就算不購物也都會送上一件給客人試食。本來是餅店，但變相成為了我們坐下閒聊的好地方，比起連鎖咖啡店還好呢！
继续阅读
係繁華既中環一帶，竟然見到一間望上去好恬靜休閒既餐廳。再望真D原來係台灣必買既鳳梨酥品牌 - 微熱山丘。 我實在太愛微熱山丘既鳳梨酥，每次我去台灣都一定會買返香港食，所以我毫不猶疑就入左去食啦！店内既裝橫好簡約自然，以木為主，周圍仲有不同既藝術品同掛畫。餐廳内只有一張木製長枱同旁邊既一張小圓桌。大家都一齊坐係張木枱度，感覺就好似將一堆原本唔認識既陌路人建立左個無形既聯繫咁。一入店内，服務員就好熱情咁招待你，令我懷念起台灣人既熱情，感覺分外親切。一坐落黎，店員就即刻遞上一份鳳梨酥同紅茶。我有D驚訝，因爲我都仲未點餐，原來每位到來既客人都會免費有一份。鳳梨酥夏顔版 - 季節限定既鳳梨酥，因爲係用夏天既菠蘿整既。食落比一般既鳳梨酥清甜。100%鳳梨汁 - 的確好重菠蘿味，但略嫌太甜。可能因爲我本來鍾意D清清地既食物。平日生活咁勞碌，偶爾咁休閒咁飲下茶食下餅，其實真係好寫意。鍾意慢活休閒生活既你，又或者鍾意台灣人果種熱情親切既你，都必定要黎試下！
继续阅读
吃罷素食早午餐後，便在中環閒逛，最愛在蘇豪附近，每間餐廳也看看餐牌及裝潢，走得有點累時，選擇來到這裡歇歇腳。坐落在斜路奧卑利街之中的寧靜橫街。港人對這個品牌應該不會覺得陌生吧？如果去過台灣或收過台灣伴手禮的話，這個品牌應該是近年的大熱之選吧？簡約的裝修，恰到好處的裝飾品，在偌大的室內享受在鬧市中寧靜的一隅。除了鳳梨酥之外，還有茶葉可供選購。無論前來的人們消費與否，店員也會誠邀顧客撥冗坐下，在寧靜的環境下喝口茶，慢嘗馳名的鳳梨酥。奉客的是烏龍茶，入口帶著甘甜微澀。鳳梨酥暫時只有台版(香港店曾出過名為夏顏之期間限定版)，鬆化的外層包著一絲絲透著酸甜的鳳梨肉，雖則濃味卻不膩滯，這就是在下非常鍾愛的原因了。
继续阅读