德興燒味茶餐廳

营业中

休息中

本身係燒味飯fans 但佢應該係我食過最難食既叉雞飯⋯第一次食係因為朋友話幾好食點知一開個飯盒就知唔好食中伏啲叉燒又乾又鞋又唔上色冇咩味份量又極少 飯最多但又唔好食俾勁少豉油以為油雞最安全啦 點知都係鞋同死咸係今日唔知發咩神經想去得記點知行錯左呢間諗住當俾多次機會佢啦 但都係咁難食隔離間雙餸飯既燒味雙拼都只係$28仲要好食過佢好多 次次都俾雞髀靚位呢到$41請我都唔食 狗也不__🙂‍↔️嬲到我食到一半dum左個飯真心大家樂都好食過佢⋯唔明點解仲有咁多街坊幫襯佢 垃圾口黎？

久違嘅人情味，睇完醫生搵早餐食，見好耐無嚟過呢間燒味茶餐廳，就入去食。未入門口，只是在門外睇吓餐牌，阿姐已好有禮貌招呼：「食咩呀？有早餐，飯都有得食架喇，入嚟坐啦」坐低，叫個B餐，雞扒出前一丁，餐跟方包及火腿煎蛋，飲熱奶茶，我問阿姐：「唔想食火腿，要煎雙蛋得唔得？」阿姐爽快回應：「得得得，無問題呀」然後落單俾水杯，枱面有熱水，檯打開櫃桶有餐具，紙巾。1分鐘，熱辣辣嘅奶茶送上，未至於驚為天人，但奶茶控嘅我絕不失望，香、滑、茶味都有，唔錯呀。落完糖，煎雙蛋+方包及雞扒一丁已到，普通的大眾食物，沒什麼好評，夠熱，乾淨，麵唔會太淋太硬，雞扒唔係炸，係煎，滿意的。環境雖小，只容2-30人的小店，但滿滿人情味，進食途中，唔少公公婆婆入嚟買嘢，有位婆婆回叉燒飯+菜幾錢，阿姐話$39+$22，婆婆話加兩條菜咁貴架，阿姐同燒味師父異口同聲話，等15分鐘丫，11點廚房幫你整個菜遠叉燒飯，平啲。今時今日嘅香港，如果每一個人都好似你兩位咁，將來一定會好。

叉燒都幾好味，環境都算ok啦！光度太暗😮‍💨😮‍💨但係嘢食同嘢飲嘅味道都ok😏，雖然餐牌好細😅😅老闆人品都幾好嘅😁😄🥲🥲如果未試過，我建議你試一次啦🥲😂🥲🙃店口就唔係太明顯囉😁😁空氣不足！員工服務態度幾好喎😃😃😃🥳🥳🥳你不妨一試呀😊但係間店就有啲老土，蔬菜比較少，但係佢嗰啲肉都幾好味㗎喎！咖哩羊腩飯同埋海南雞飯，好味喎😊😊😃所以呢間都幾好喎！！😃😊😆😁

外賣一流，一盒燒鵝飯六十幾七十蚊，全部係皮同骨，打去同收銀阿姐講番盒飯，佢即刻話下次賠返一盒飯畀你，幾體貼～你幻想一下當你好肚餓打去開盒飯嘅時候見到全部喺皮同埋骨有乜嘢感覺？另外相中嗰嚿叉燒係另外加，如果閣下想練下牙力應該幾好，因為根本係一嚿鐵，講到尾都係我唔啱，無要求店員比小小鵝肉，同佢地係為我好比哂瘦义我，真係要多d去呀😎

超級無良餐廳外賣燒鵝飯六十幾蚊，全部係皮與及骨先唔認態度又差，仲好意思同人講話畀咗半隻脾我，如果我有半隻鵝脾或者正常有點肉，我 都唔會咁得閒打去投訴， 多謝佢話畀我聽叫我永遠不再幫襯

一家我在嚴冬臘月才會幫襯的店，它的煲仔飯滾燙火辣，很受歡迎。其他日子，其他選擇。今天破題兒，只因為是免費消費，阿公請客。小店地方狹窄，陳設老舊，整體不大吸引，但服務不錯，職員很主動。翻它的menu，泰國風味的食品大多已停賣，只剩下些老生常談艱難地存在。我們3人放棄千篇一律的燒味，分別叫了豉汁白鱔、蝦醬通菜豬頸肉、西蘭花牛仔骨，一份晚餐+飲品要價$74，在香港仔區並不便宜。【豉汁白鱔】鱔魚很新鮮，很有風味，沒有太多骨，無奈份量偏小，只有十塊八塊，可能是因為來貨太貴了。豉汁減去魚肉的油花肥膩，叫人食指大動，一絕。【蝦醬通菜豬頸肉】蝦醬味道不突出，淡淡的提鮮倒令通菜更加出色。豬頸肉有10片左右，很爽口、鬆軟。這道菜我質疑的是材料上的配搭，可能是我鄉下妹，很少吃到炒著吃的豬頸肉，我吃了一片，不是很喜歡。味道是好的，尤其通菜。【西蘭花牛仔骨】牛仔骨是咸了些，有5，6件，口感有少許奇怪，可能是用上了鬆肉粉。西蘭花炒得不錯，沒有過老也沒有太生，份量亦足夠拌飯。只是老問題又出現－材料配搭怪異。西蘭花炒牛肉可能平凡些，但起碼正正常常，大家都能認同，小店選用牛仔骨，我心裡納悶:「得唔得㗎」?從小店出來，天

Staycations at L’Hotel Island South既然係趁酒店大割價，當然堅持用最優惠嘅價錢食最好嘅嘢。逛下逛下，見到啲燒味好靚，入到去見到餐牌⋯真係抵食夾大件。二人餐：有兩個餸，其中一個重要係蒸魚，兩碗白飯，有湯或飲品。130蚊都唔使埋單。真係平到你唔信！通菜炒牛肉火候十足，牛肉嫩滑。豉油蒸倉魚，雖然不及豆豉蒸咁惹味但係都已經10分足夠。掛住食條魚都唔記得影相😅。餸及飯溫度都恰到好處。👍🏻老板、侍應及大廚合作無間，相互補位。落單後不忘一句多謝，上菜時亦會説句：慢慢食。滿滿人情味，亦不做作。盡顯香港人茶餐廳的味道⋯⋯最後，食客亦好有禮貌及人情味。話說進去時，餐廳已坐滿。因為疫情關係，好多單人坐一張枱。再行一轉，有兩位食客都去埋單，讓出座位。真香港人！難得！時代抗疫！康復香港！

有心支持、肯定貴店，我們才會來飲食1.   餐廳是令客人開心享受飲食的服務行業，2.   設備的不足或店員的過失，不可抵賴到客人身上。3.   客人増加訂單，是對該店的一種肯定，應該感謝以對。4.   客人是根據店内列出的菜單叫菜，只要是店内表示的都是菜單。5.   無列明外賣就是堂食，不可詭辨！！飯後温和對話即指摘客人，非要三番四次理論，就是因為電腦改不到２件「半只」為「１只」？？？堅持以客人「兩次落單」是客人的問題。。。然而事實上，是得到店員同意「半只」改「１只」才落訂多「半只」。。。這不但損害了客人到貴店支持的心，也完全破壊了客人剛剛在貴店進食的心情。仲要被店員反問「你想想如何解決！」，有問題仲要求客人去想解決辧法？？？為了自尊為了幾蚊，失去的是食客與口碑。

諗住買外賣半斤燒腩仔$50收銀話無晒 問我要吾要燒肉 我話ok之後無神神叫我轉一條骨 又無講清楚價錢但心諗應該差吾多點知原來要$105半斤 足足比普通燒肉貴一倍垃L圾 祝早日結業

2019 年2月1號晚上,到位於東勝道(德興茶餐廳),食晚飯,我是第一次幫親的,當時的叫了一碟叉鵝飯 $60- + 凍O 茶 $15-, 共$75-.我心想咁價錢一碟飯,D 燒味應該很有水準,但當伙記放低碟到我面前時,我當時目定口呆,一碟D 叉燒切到時很碎的,一堆的柴皮叉燒,我再返起D 燒鵝一看,共五塊鵝皮，只有兩塊有少許2mm厚的肉,(一睇就知係D 斬淨出來嘅頭頭尾尾),唔係呀嘛! 一碟價值$60-元的叉鵝飯,連普通一間的燒味鋪三十幾蚊的都遠不如,我永遠唔會再幫親囉。😡😡😡😡

昨天食午餐$49义燒油雞飯，飯少，义燒少，油雞得頭頭尾尾，雞胸都無，雞翼尖都係得半隻，唔講以為係下午茶餐，亞姐的服務態度差到呢，應該係五星米芝蓮得獎舖頭，以後唔會再去

16/6/2016新裝修後，入內叫咗個叉燒燒鴨瀨粉，招呼很差態度傲慢。唔知$47哩個價錢算唔算貴，但服務同食物質素加埋落去就認真唔值；食到一肚子氣哩啲乜嘢食肆，香港幾時淪落到客人受番餐館氣，真係服務差價錢貴嘅典範。

做到好攰好夜，想搵一個靜靜地，無自由行，無趕住要你食完即閃，無無厘頭付加費，無D睇見都唔想食既晚餐常餐。呢度係一個唔錯既選擇。雖然，佢叫燒味餐廳，主打好老實係試叉燒，燒鴨，其實內裡既獨門絕技係蒸魚。時間掌握得好，令到骨肉分離，肉又唔會變老。豉油有蔥香，送哂成碗飯，淋埋落碟菜面，直情係大滿足。次次食，次次好食。算係咁啦！呢度最回味係人情味，老街坊成日都幫襯，對望笑下，傾兩句。見老人家送例湯。等等。呢D情境，係香港，只會減少，唔會加。

今晚1/25約9點幾路過呢個荼餐廳, 見到有NOW 足球直播喎, 咪入去叫左一碟菜遠排骨抄河 $39, 有贊有彈贊: NOW 足球直播, 平平地睇波; 加杯咖啡就加5蚊, 味道唔差; 叉燒味道都幾好, 係肥左少少彈: 見碟菜遠排骨抄河賣相唔錯, 不過一夾即散, 仲就到紅, 有時出街食飯, 如果遇到D排骨有一兩舊未熟晒都能夠理解, 但成碟排骨全部得3到4成熟又真係幾得人驚, 有相為証; 我同個待應講, 佢就比幾5舊叉燒我, 一句道歉都無, 仲想靜雞雞咁收走碟証據, 搞到好似美女廚房現實版咁, 完全唔食得希望呢間荼餐廳日後會改善

好耐無食過紅燒雞翼啦~ 完全俾呢個紅燒雞翼配熱狗下午茶餐吸引左入去~$21 有埋餐飲~ 超抵食~ 好過去快餐店啦~雞翼好大隻, 一路食隔離個小妹妹一路望住我食, 係幾吸引ge 隻雞翼 仲有一隻肯花功夫做的hot dog~裡面有生菜, 蕃茄, 炸過的腸仔...我最欣賞就係個千島醬...味道配得剛剛好再加上焗過的熱狗包...奶茶~ 可以!