德發龍粥麵店

营业中

休息中

入去點咗 一碗 米王 ，炸兩 ，同埋炒河.. .已經做咗好多年呀， 多數街坊生意， 米王其實冇乜特別， 都係普普通通嘅味道； 但係已回復唔到好耐好耐以前嗰一種純白米香冇雜質 嘅味道， 人嘅味道記憶 可以保持好耐， 所以我好肯定。炸兩 中中挺挺， 如果 仍然即蒸即炸， 效果 會更好，但係價錢當然會再貴啲。炒河粉 就只係填飽個肚， 冇得多講。總體來說普普通通，平平地可以填飽個肚享受街坊 味道而已。另外我叫咗外賣， 蒸蝦米腸同埋一碗 魚腩生滾粥。回到家中家人說味道 ok，不過 就覺得會唔會有落味精，這就無從稽考了。其實今天也是一種 經驗， 平平凡凡的 午餐....

荃灣一路都係好多人🥵想找個地方食吓早餐🍳估唔到呢間生意都好喎，雖然舖仔細細，而且開放式，但都係好多人過嚟排隊😋食得飽之餘🫃仲要價錢係唔貴💰個人每次買炒麵都會落好多大量的芝麻和甜醬🍝原來食完一餐都係咁簡單👏粥品類都是都市人的需要～平靚正，又可以食到飽🤩🤩

今日過來荃灣, 去依度食下粥做早餐, 叫左柴魚花生粥, 同家人share 一條油炸鬼同蔥花蝦米腸粉, 等左一陣送來油炸鬼, 都有以前大排檔粥舖的風味, 唔係太脆, 有d開始出油, 但味道唔差, 柴魚花生粥食落幾香, 粥底唔差, 入面都有好多柴魚同花生, 但d粥結左少少😅越食越飽😂, 再來蔥花蝦米腸, 份量都唔細, 有蔥花同蝦米配搭幾香, 腸粉皮非常滑👍👍好有驚喜,幾好食😍現在傳統粥店已經好少了

叫叉燒腸及一杯豆漿，被告知豆漿一枝枝咁賣，落單時已對樓面阿姐講咗多次叉燒腸、豆漿. 等了二十分鐘仍未見叉燒腸就問阿姐重有幾耐，位廚房阿姨竟然問你食乜嘢？係咪要白粥？位樓面阿姐盲住果位阿姨眼都突埋！ 間嘢有幾大？咁近都聽錯晒！果一刻個心都已經覺得瀨瀨地嘢。埋單時好似係$47-$49、問點解咁貴，因為中環叉燒腸、豆漿連炒麵都係差唔多價錢，個收錢姐姐話一枝豆漿$20 ！ 粥麵檔$20一枝豆漿真係良心街坊價 ！ 基本上唔會再幫襯

喺度住咗咁耐就食咗咁耐，最鍾意食佢嘅碎牛粥同埋及第粥，碎牛粥感覺好輕盈，同埋啲味道都調得幾好嘅。另外配埋個炒米粉，我覺得口感同埋味道，亦都係啱啱好，最啱輕食嘅時候食。

今日經過荃灣，入咗呢一間平民粥店舖頭細細，但客人好似流水咁冇停過我就叫左個佢餐牌有寫嘅粥(生滾粥可以有好多自由配搭)腰潤粥(豬潤豬腰粥)：豬潤和豬腰呢兩種材料都具有豬肉的香氣和鮮嫩口感。粥鋪將佢地切成一片一片，加入到白粥。豬潤同豬腰嘅風味同粥完美咁融合在一起。另外，食粥點可以無油炸鬼，外脆內軟嘅口感，酥脆可口。搭配住個粥一齊食，認真冇得彈。無論是單獨食粥定係兩樣一齊食，腰潤粥同油炸鬼都係受歡迎嘅選擇。除此之外，呢間粥鋪仲有好多唔同嘅食材俾我地去揀，食一次絕對食唔勻，可以瘋狂過嚟食。

別光顧，兩條油器收$40。唔認收錯錢，正x店。要等半個鐘俾佢查cctv，死唔認錯，難道好人好姐為$20騙佢哋，仲要在門外企等咁耐，如果唔係爲左據理力爭，真係唔會企喺佢門口好似乞兒咁

澳牛冇禮臭檔都有佢道理，起碼人地快靚正。呢間德龍老派伙記阿姐都唔係做野嘅，只係叫個外賣落個單都要等成3，4個字，邊個黎先大嗌就受，嗌晒唔該話落單嗰啲就叫等陣。大家街坊唔係唔肯等，如果真係咁忙嘅就請多啲人，問題係眼見人又已經比平時少，仲要人等、做野又冇系統、唔跟次序，咁唔憂做，永遠都冇下次！

話說 19-11-2022 (Sat) 傍晚喺德發https://www.openrice.com/zh/hongkong/r-%E5%BE%B7%E7%99%BC%E7%B2%A5%E5%93%81%E5%B0%88%E5%AE%B6-%E8%8D%83%E7%81%A3-%E7%B2%B5%E8%8F%9C-%E5%BB%A3%E6%9D%B1-%E7%B2%A5%E5%93%81-r14993想買菜乾豬骨粥食,但賣晒,咁大前日(20-11-2022Sun)同老公買餸前嚟食啦,今次我哋氛呢間,嚟到時都九成滿,乜咁多人?我哋決家要同樣$18.00嘅菜乾豬骨粥同牛肉腸,$16.00嘅牛肉粥同$10.00嘅蘿蔔糕.好快,除咗牛肉腸外,其他嘢都到齊,心諗牛肉腸要蒸,亞姐擺低張單後我睇睇,唔係喎,冇落單,於是再叫返,咁就邊食邊等.首先食好耐冇食嘅菜乾豬骨粥,菜乾幾多,豬骨唔多,但我食到豬軟骨,成個粥唔太鹹,菜乾都幾靚.味道:4分牛肉粥就好熱,因為要灼熟啲碎牛嘛,呢個味道正常冇問題.味道:3分蘿蔔糕好鬆軟,豉油係甜豉油,所以唔會過鹹.味道:3分之後牛肉腸到嚟,食落係滑嘅,芫茜份量適中,而一碟原

噚日(7-8-2022 Sun)同老公買餸前食早餐,前晚已諗起呢間嘅炸兩可以轉用牛脷酥,於是走嚟,嚟到嘟完針咭同搓手後,收銀即問食咩嘢?未諗到啊,咁坐低至諗啦.最後我哋要咗:1. $18.00嘅皮蛋瘦肉粥材料唔太多,味道口感都正常冇問題.3. $16.00嘅艇仔粥老公食,睇見碎牛大大舊.我唔記得”撩”起魷魚嚟影.4. $10.00嘅粉果兩個脹卜卜兼size正常,食落,粉果皮口感正常,食到五香粉味,但啲料就差啲,冇沙葛同脆口花生.味道:1.5分2. $20.00嘅炸兩轉牛脷酥即叫即蒸,所以耐啲,牛脷酥味道固然比油炸鬼甜,口感又厚啲,腸粉滑溜,試咗後,都發覺用返油炸鬼會好啲.5.後加 $8.00嘅凍豆漿唔太甜,豆味唔太濃.味道:2.5分上次食評係2022年4月13日刊登嘅呢篇: https://www.openrice.com/zh/hongkong/review/yeah-%E5%A4%A7%E5%A4%A7%E6%94%B9%E5%96%84-e4356418衛生係4.5分, 抵食係 2.86分其他:呢次見到佢哋換上粉紅色圍裙,令人眼前一亮同好醒神.

大前日(10-4-2022 Sun)同老公買餸前食晏,諗唔到食邊間,就突然記得上次食嘅鹹煎餅(食評係2022年2月17日刊登嘅呢篇:https://www.openrice.com/zh/hongkong/review/yeah-%E5%A4%9A%E5%BE%97%E9%B9%B9%E7%85%8E%E9%A4%85-e4327024),於是走嚟,點知呢間https://www.openrice.com/zh/hongkong/r-%E5%BE%B7%E7%99%BC%E7%B2%A5%E5%93%81%E5%B0%88%E5%AE%B6-%E8%8D%83%E7%81%A3-%E7%B2%B5%E8%8F%9C-%E5%BB%A3%E6%9D%B1-%E7%B2%A5%E5%93%81-r14993唔做堂食,要轉彎行返嚟態度差嘅呢間,好啦,為咗鹹煎餅都要嚟.嚟到時,亞姐循例捉住人嘟安心出行,探熱,連用酒精搓手都捉實,入到去,剩返最後一張枱坐,亞紅又企定定等我哋落單,我就即刻話要鹹煎餅同牛肉粥,亞姐行去攞鹹煎餅嚟先,老公就要炒麵同豆漿,亞姐話豆漿係樽裝.好快,所有嘢都嚟齊,我先食大大

5-9-2021(Sun)朝,同老公買餸前食早餐,由於好似有熱氣嘅跡象,於是諗起飲豆漿,咁邊喥有豆漿飲?粥舖有,於是走嚟.我哋去到探咗熱至入,跟我後面嘅老公就被亞姐問有冇探熱,我老公答有.我哋坐低後睇完一輪,決定要:1. $10.00一支嘅豆漿?夠凍,唔算太甜,ok 嘅.味道: 4分2. $18.00嘅皮蛋瘦肉粥?老公食,我冇食到.4. $10.00嘅蘿蔔糕用筷子夾時覺得好實,呢個係名副其實嘅蘿蔔糕,除咗白蘿蔔外就冇其他料,而佢嘅味道都清甜.味道: 3分3. $8.00嘅燒賣8粒係魚肉燒賣,同樣睇除咗魚肉外,就冇其他料.佢嘅口感同味道正常.味道: 3.5分5. $18.00嘅蔥花腸熱騰騰,都係普通正常嘢.味道: 3分服務:由於我哋決定咁要咩時,亞姐已經唔得閒,我老公就走出去order 嘢食,亞姐就問佢係咪外賣?我老公就答唔係,係因為你哋太忙,我行出嚟叫.而佢order完返嚟同我講冇蔥花腸,諗第二樣,咁要魚片腸啦,佢又行出去講,亞姐話有花腸.佢就叫佢咁唔使改.老公同我講,有就唔同喺我落單後講”有”,冇至出聲啦.係囉,點解每order一樣嘢亞姐又唔答”有”?上咗頭4樣後,亞姐問係咪欠蔥花腸

總共幫襯過兩次 1次堂食 1次外賣第1️⃣次就同朋友坐低食早餐同朋友一人一碗粥 我叫咗艇仔粥 (💰16) 朋友就叫咗鹹蛋瘦肉粥 (💰27)另外 叫咗碟蔥花炸腸(即係炸兩) (💰20)同埋 叫咗碟腸粉 (💰8)啲嘢食夠熱 味道都ok嘅 做早餐都唔錯嘅😆第2️⃣次就咁買咗條牛脷酥返屋企食唔係好記得個價錢 大概係幾蚊到掛～好耐冇食過牛脷酥 雖然拎番屋企就凍哂不過好彩屋企有氣炸鍋🤣🤣🤣用部氣炸鍋整番熱食 食落都唔錯嘅😆

前日(6-9-2020 Sun)晏晝,同老公去買生果,買完佢話想食少少嘢,我諗又去堅信號食生煎?佢諗許留山,我問想食甜品?我又答唔.跟住又話嚟呢喥食腸粉炸兩.啊,但又要小心佢哋啲態度喎.我哋去到都有位,咁啱幫客人探熱嘅店員行開咗,其他店員都有禮貌地叫我哋等等.探完熱入得.每張本身已經好細嘅圓枱,中間放一張隔板,令兩個人坐埋一邊會好迫.我老公見唔多人,就一人坐一邊,因為張隔板開咗個位放醬油,但醬油放高咗,所以我哋都重有個洞一齊share嘢食.我哋要咗:2. $8.00嘅牛脷酥因疫情,所以就算堂食都以外賣形式端上,店員自動將牛脷酥剪成4件,加兩支竹簽.牛脷酥味道口感都正常冇問題.1. $10.00嘅炸兩炸兩就用紙碟端上,油炸鬼好脆,腸粉薄.3. $10.00兩件嘅黃糖糕 其實我哋要一件$6.00,但店員話兩件啦,$10.00.咁老公就要兩件.呢個有蔗糖嘅甜,但唔太甜,ok.服務:其實嘢食冇乜問題,不過1.我老公講咗3次至落到單.2. 店員上晒頭兩樣嘢俾我哋後,話冇晒黃糖糕.咁我哋算啦,最多唔食黃糖糕.之後佢拎蘿蔔糕嚟,我哋話冇叫蘿蔔糕喎.然後佢哋又話有黃糖糕,我老公話咁要啦.店員就話兩件啦

讚1. 以前真心係有啲污糟，反而肺炎後，呢度乾淨左好多2. 即蒸炸兩唔錯，腸粉薄，油炸鬼脆；豬骨粥足料彈1. 味精係重左啲，唔知係粥定炸兩用既豉油有味精2. 冷氣好凍凍凍凍