德善堂

营业中

休息中

今日中午去徳善堂買左兩枝暖嘅五花茶，返到屋企開黎飲，點知發覺枝五花茶有些苦味，應該係阿姐加左一殼廿四味落去，原本諗住買比個小朋友飲，結果個小朋友無得飲。諗住打電話話比阿姐知，但上網又搵唔到正確嘅電話號碼。

臨食飯前，行過B 仔附近，見到＄10一底的雞蛋仔，嘩好平WOR。而家物價高企，普通一底都要＄12 至＄14，如果出名D ，宣傳做多D 的，要成＄18至＄20一底，我估＄10一底，真係碩果僅存，唔係好多地方搵到。最搞笑係，佢居然係一間涼茶鋪買到，我估涼茶鋪為分擔租金或者開源，所以分租左部份位置俾阿姐賣雞蛋仔、格仔餅。講下個味道，都幾好，夠脆，不過就唔係幾夠蛋味，加上去貨唔夠快，凍左少少，如果新鮮剛剛出爐，一定更加好味。下次想試埋個＄10格仔餅。

昨日下午4黑点幾，買左支大庶水$29，飲左啖嗅左變左味道，即返轉頭同亞姐講要換，佢唔肯換，只系一味話好新鮮剛搾出來架，$29都都要呃我，已後唔會再幫襯德善堂啦！

小時候,媽媽經常提起她幼年時在她家鄉經常採摘崩大碗,今日途經這間門口一個個壺....就比佢吸引咗...叫咗..一盅大龜靈膏 -- 好重藥味, 30 元, 一杯崩大碗 -- 好草味, 牆上重貼住防癌添...一杯雞骨草 -- 具有清熱袪濕、利肝袪黃的功效, 味道都ok.埋單48元...

行完山出來,來到德善堂,當然要解渴啦！背後寫着三天內要飲完,其實咁好飲,好快就飲完啦！結果,買定多支回家飲,鷄骨草好飲,好好味,值得推介

五月下旬‧晴熟悉我的朋友，都知我不喜歡燒烤，不過有時，不喜歡不代表不用參與，就如是日，又要參與燒烤的聚會。聚會本身會另撰食評，但就在這裡買了幾支涼茶來助興。白花蛇舌草 ~ 是個人的心水，因為佢個描述夠吸引：「清熱散瘀，消腫解毒，利尿消腫，還可抗癌...」等等。所以除了買了一支給大家喝，也買多一支給自己喝。甘甘涼涼的，不知藥效如何，至少似飲有益野；夏枯草 ~ 佢話：「清肝，明目，清熱，散結...」，相傳是不少煙民令自己繼續心安理得的吸煙的治標良藥，也是為當日的煙民朋友而設；五花茶 ~ 是最user-friendly的一款，兩個字：「清熱」，無事飲佢亦解渴，雪凍了才拿出來，三支一陣就飲清了。18蚊一支，足三碗。當然在座的有人也說，自己煲一大煲，十蚊都唔使。但煲三款喎，我還是願意乖乖付出54蚊。