德國百帝王啤酒雞煲主題餐廳

营业中

休息中

今次試咗佢地既招牌菜分別有：啤酒雞煲，德國烤豬手拼盤同蜜椒薯仔牛柳粒。啤酒雞煲顧名思義就係將啤酒倒落個煲同啲雞一齊住，煮既過程啲啤酒已經蒸發晒，個湯好濃郁，好香，啲雞煲極都咁嫩。豬手外皮炸得好脆，有薯角同酸菜做配菜，大大份好抵食，呢架價錢做到呢個水準同質素好唔錯。問落原來係間開左10幾年既小店，啲食物質素仲keep到，相當唔錯。環境喺大排檔附近黎講好ok，算乾淨企理，食得好舒服。老闆娘好nice,好好招呼，好熱情推介同問我地洗唔洗添啤酒🍺。整體黎講係值得再去既小店。

德國保羅蘭啤酒雞煲套餐 $388＊送300ml保羅蘭啤酒兩杯🍻雞煲送上爐巳經好香，佢同平時食開嘅雞煲有啲唔同佢係比較多湯。而配料方面佢有洋蔥，豆卜，三色椒同少許蔥段。我地有朋友仔唔太食得辣，所以只叫左b辣。雞肉方面佢真係滑，就算食雞胸位置都唔覺得好（鞋）但雞件就覺得比較細，唔知係唔係用左啲細雞所以比較嫩。叫雞煲就會跟一籃生菜🥬 黃金鮮魷魚 $138上枱好夠熱，口感唔都錯，可以乾身點。不過咸蛋香味就一般般，味道可以濃少少。另有有少少豆角跟炒火鍋配料美國肥牛（安格） ＄108呢碟牛肉就真係一般般，厚而不滑，而且牛味一般。而份量都應該有十幾塊到。最後朋友仔唔夠飽嗌左一個烏冬同出前一丁結論出前一丁係勝過烏冬既🤣天氣太熱，加上食火鍋又坐正半室外，所以叫多左杯德國黑啤（濃），夠凍易入口。眼見其他枱食客都飲黑啤多，我諗應該都係呢間食店最歡迎啤酒之一。

老老豆豆；今日返工真係好累.......放工3條友話想飲啤酒，特意選址之前老細介紹過的德國啤酒雞煲一到場，同一般3線酒吧無異，坐低睇menu......啤酒雞煲......最頂引係menu最後個頁.....火鍋加配......都係一般打邊邊材料.....媽呀，究竟係德國餐廳定係佬味邊爐？好啦....因為太口渴，一坐低就叫杯maisel.......屯門區好少有，呢隻啤酒係我少愛的啤酒.....再睇menu, 因為老細之前介紹過，我地就叫個啤酒雞煲，佢好快就放低個用gas的爐，成件事已經好佬.....再要放盤生菜，根本就係打邊爐我地再叫多個sausage platter......諗住平衡吓落晒單之後，工作人員就放低碗同碟，再自己係枱邊搵到筷子........好快，個雞煲到了.....係真心好味，我地叫小辣，幾惹味，唔太辣，但有味，有feel跟住個sausage platter....諗唔到咁多款腸，雖然唔記得邊款打邊款，但每一款都有唔同味道，唔錯仲有；雞煲同腸併，我地係叫套餐，即係每個餐有2杯300ml的啤酒，可以比唔同人試吓唔同口味﹗一路食一路傾......食到咁上下落生菜嘩....

好令人有驚喜嘅雞煲可能食慣都係中式台式，惹味香辣為主，講真佢上檯嗰陣，睇落個雞煲清清地仲諗𡁵會唔會太淡味，唔係重口味食唔慣一定唔過癮啦點知！！！！一食，啤酒味少少飄香出嚟食落係清，但係好味清！反而唔係太重口味變相食多咗好多好多雞湯底唔油膩，好似好健康咁仲要就咁當雞酒飲咗兩碗👍🏼👍🏼👍🏼豬手配薯條，但香腸拼盤姐姐專登配個炸餃子嚟話多花款細路仔食開心（食飯前已經拎咗啲玩具比佢哋）無論大人細路，簡直係大滿足啤酒3款輪住飲，最出色蜂蜜啤酒下次再飲！

呢一間餐廳的位置真係啱晒飲野，佢有個露天的地方，雖然環境唔係一流，只係街邊地方，不過勝在唔喺馬路旁邊唔會車來車往做人肉吸塵機，曬吓太陽飲返杯冰凍啤酒確實係賞心樂事。呢一間餐廳個名就係佢賣嘅啤酒牌子，於是就試下。呢個就係德國百帝王啤酒的真身，佢係麥啤來的，小麥味都幾香，D泡都滑，幾易入口，好啱女士同埋那些唔鍾意太苦啤酒的朋友。另外佢仲有一隻無酒精啤酒，因為其中一個朋友揸車，所以貪得意叫黎試下，佢嘅味道又真係幾似啤酒，不過當然都係有酒精嗰D好飲D啦，但係試下都幾過癮，個樽都似啤酒，如果同人鬥飲時可以飲呢隻就不得了。

自從舊年因為疫情嘅關係12月中開始冇得夜晚糖食，我就一直好掛住呢一間餐廳嘅德國啤酒，今個星期終於可以去番啅喇。試過佢幾樣野，老實講佢個德國豬手只屬一般，反而佢個招牌雞煲有驚喜，個老闆自誇話佢個雞煲咁好味全靠落咗麥啤落去吊味，雖然好似有啲誇張，但係又真係比起出面其他地方食到嘅雞煲好味啲。至於佢啲德國啤酒就真係好正宗，同以前喺德國飲過嘅味道相近，當中最鍾意嘅就係同佢間舖頭個名一樣嘅德國百帝小麥啤，仲要係生啤，出現的確好少見到有得飲。我鍾意呢隻麥啤嘅原因係麥味香得來又唔會飲落去好滯，我自己覺得都幾容易入口，食住雞煲飲生啤，一樂也。

德國豬手、薯仔牛柳粒、椒鹽鴨舌、黃金系列都係最愛。坐係街邊非常有風味，又可以飲啤酒。老闆娘非常好人，又親切。會請我哋食酸蘿蔔☺️就算搬離開咗屯門，每次返嚟都必食😋🥳

何福堂大排檔食街既角落頭有呢間隱世小店只從我朋友帶我試完一次，我已經上左癮。然後每次我都帶唔同朋友去試，唔飲酒既朋友聽到好抗拒然後一試難忘。真 係 唔 誇 張 ！ ！ ！ 舖頭既招牌菜毫無疑問係啤酒雞煲。啤酒湯底加辣唔會有啤酒苦味，如果飲埋個湯你會感受到湯底有好微既啤酒香味。再配埋雞去淆湯，雞仲係好嫩口 完完全全毫無違和感😚 我最欣賞既係啤酒雞煲好足料，你可以食足幾個鐘都仲撈到好多雞件，個湯仲越淆越入味。黃金炸鮮魷同黃金蝦係必食面頭唔會有好厚既炸粉，反而都係啖啖肉！仲有仲有，蝦一定要連殼食！

雖然疫情之下應留在家中避免傳染人或者被其他人傳染，不過話晒係長假期，個心真係飛咗出去，點都係想外出走走，唔去得遠都近近地喺附近行下啦。呢間餐廳其實我成日會幫襯，因為佢嘅麥啤生啤真係好好飲，出面好少地方見到有嘅，個老闆又好吹得兼飲得，飲大兩杯仲好搞笑架，吹水吹到無朋友，又話好多城中名人黎飲酒食飯，我問佢有邊個佢又講唔出，話總之好出名 XDDD，最後就話周中成日黎，我咪回敬佢一句︰「周秀娜黎先同我講啦XDDDD」不過老實講，佢嘅麥啤真係好飲，易入口，香麥味，真心爽，配豬手都真係唔講得笑。