德國佬餐廳

营业中

休息中

試過唔同嘅白酒汁炒蜆肉扁意粉，覺得呢間最好味，性價比高！ 粒粒都咁大隻蜆肉冇沙白酒汁香，而且linguine 炒得啱啱好以$78呢個價錢，質素好好😋去西餐廳成日嗌白酒蜆肉意粉，真心覺得呢度做得出色。第一個食評，支持小店下次會再去

openrice搵嚟搵去在元朗都唔知食邊間最穩陣，唔想再食安娜餐廳， 睇咗youtube又睇埋食評揀咗呢一間德國佬餐， 點佢哋最出名 兼又有youtuber推介德國咸豬手 #超級失敗失望$238再加一，一食肉乾兼會咬傷牙因為太硬， 如果你話佢炸得皮脆，不如直接D佢皮硬唔好食， 烹調方法有問題， 就算係用急凍貨，也可以整出好味可惜佢哋唔識整， 配燒汁 汁稀 ，另有芥辣 溝水開又係溝得好稀。

嚟過好多次，逢星期六日，都特別多人，特別多行完山及踩單車嘅人士。唔洗加一，味道又唔錯，性價比高。最鍾意食佢嘅紅酒牛尾，屋企人就喜歡配意粉，我自己就鍾意配薯菜。牛尾煮得好淋及juicy,有好多件，平過自己買嚟煮。餐包外脆內軟，仲熱辣辣今日甘筍湯，唔係忌廉湯，感覺健康d，無咁肥

尋日啱啱去完德國佬餐廳食午餐…今晚朋友話想食西餐….我就帶佢去德國佬再食多次點知有驚喜喺佢哋門口今晚見到有兩個特價套餐…..分別係白汁焗海鮮飯和焗鮮茄豬扒飯…每份都係98元…又有湯又有麵包所以我同老友一齊叫晒今晚個湯幾特別…有綠豆的忌廉西湯….有別於一般餐廳嘅忌廉湯餐廳先上一個白汁焗海鮮飯…睇到都流口水份量超十足佢哋嘅白汁教得相當惹味🤗🤗🤗再嚟鮮茄焗豬扒飯….👍🏻👍🏻👍🏻酸酸甜甜，而且豬扒味道鬆軟💐💐💐我哋仲叫咗一個豬肋條食….老闆娘好細心….等我哋食晒兩個飯先至上呢個俾我哋慢慢嘆😆😆😆呢個豬肋條也是相當惹味的🫶🏻🫶🏻🫶🏻問一問原來呢間餐廳已經開咗10幾年…而且仲做好多熟客添😆😆😆我諗我都將會成為佢哋嘅熟客

今日放假，行行吓雞地突然之間想食西餐..就走入去呢間德國佬餐廳試試….呢間餐廳嘅午餐係12:00先開始…我11:55入到去都未有人….點知去到12點已經坐滿人了相信呢間餐廳都做好多熟客生意呢間餐廳嘅性價比都幾高….因為價錢唔會太貴，而且唔使+1添先嚟咗一個牛油小麥包再嚟一個忌廉西蘭花湯我主菜叫咗一個香煎豬扒配洋蔥汁飯…有兩大塊大大豬扒份量十足只係略嫌豬扒un咗少少最後飲咗杯大大杯嘅熱檸水下次我都要試吓佢其他唔同嘅午餐

位於元朗的德國餐廳 店舖劃分室外室內兩部分 位置沒有很多 要去吃的朋友建議先訂座 適合家庭聚會的餐廳👨‍👩‍👧‍👧💕點完餐每一枱都也會提供一籃餐包 包款式有兩款 麵包剛烤起 熱騰騰 很鬆軟 配上牛油或醋醬吃 美味😝🥗香辣鮮蝦凱撒沙律 💰98沙律菜新鮮 配上脆麵包 加芝士粉 醬汁吃 酸酸的 蝦有醃製過 煎香 口感彈牙 作為前菜蠻開胃 🥔法式田螺配薯蓉 💰108田螺有六隻 鮮甜 算大隻 下面配上一大堆薯蓉 要稱讚一下薯蓉 做得很creamy 牛油味濃 中間有配搭薯粒 增加口感 🍭特式德國腸拼盤 💰208 + 黑啤酒可以選擇3款德國腸 選了辣肉腸 黑牛仔腸 及 豬肉蛇型腸 本人比較愛吃辣肉腸 有少辣惹味 烤得脆口 可以配上芥辣醬或燒汁吃 🥘帶子墨汁意大利飯 💰168用帶子跟墨魚仔圍在碟邊 帶子煎至金黃色 帶鮮味 墨魚仔口感彈牙 墨汁飯帶濃郁蒜香味 意大利飯做得剛好 口感煙韌🍝蕃茄海鮮意粉 💰138海鮮比想像中多 有蝦 帶子 蜆 魷魚等 蕃茄味濃郁 酸酸甜甜 吃下更開胃🍖德國燒豬手 💰228 吃德國菜當然不可缺少主打的德國豬手 這家做到皮脆肉嫩 肉汁豐富 鹹香惹味 點上芥末醬吃 一流 🫶🏻

上次食完三文魚之後，今日再去試下晚餐，6點鐘去到室外都好多位，環境乾淨舒服。職員推薦哩個牛扒辣意粉。有兩片薄切牛扒，重點係個意粉好好食😋。我揀咗少辣，辣辣地好惹味 好香。$158大大碟意粉，份量真係比想像中多，好抵食👍🏼👍🏼佢地晚餐仲有好多款式選擇下次約埋朋友一齊試多幾款👍🏼另外一讚：老闆娘好好人，職員服務態度都好好👍🏼 係元朗區好有人情味，又用心經營的老店，值得支持同推介⭐️⭐️⭐️⭐️⭐️

平時多數都係去食午餐 午餐個燒雞真係又好食又平今日經過就試下晚餐 估唔到水準一樣咁好塊三文魚煎到好香配芥末醬好好食🤤餐廳服務態度都好好值得推介⭐️⭐️⭐️⭐️⭐️

鍾意食西餐的朋友，可以試下去元朗呢間德國佬，呢間餐廳最出名德國豬手，餐廳地方不太屬小店形式，座位唔算多。今次同朋友一齊食，叫咗一個德國豬手，一個西冷牛扒，兩個肉汁鮮嫩，入口即溶，平價西餐推介。

中伏了！和朋友襯疫情稍為緩和約咗吉吉燒BBQ,之前諗住去happy hour ,本來book 左另外一間元朗餐廳，但係去到嘅時候佢哋未開，於是乎源路就行過德國樓餐廳就入左去點知伏左，在門口嘟左安心出行但無職員跟進疫苗通行証，令我們全程擔心會唔會被罰$5000，入到去order左啤酒Erdinger $68/杯 正常價薯條$58/碟 接受 但價值60/pc 牛仔肉腸一碟得一條，唔明白點解超級市場賣緊$59.9 有6條的腸仔點解會得一條性價比超低 你贏就因為呢條咁貴嘅腸仔令我成個體驗都感覺不好

元朗德國菜皇者 - 德國佬餐廳係元朗番工知道公司附近有一間叫德國佬既餐廳, 一直聽同事講好正, 想黎試好耐, 今次都唔介意等位耐都要黎食一食。餐廳店子小小, 座位又唔算多, 午餐時段唸住打黎訂位, 點知係唔接受訂位, 只接受WALK IN ! 不過都係等左大約10分鐘就入得, 算好彩了。餐廳以木色做主調, 富簡約風格, 燈光微昏暗, 幾有情趣。 其實黎食德國菜, 燒豬手係必嗌既, 但見二人套餐($398)有齊沙律、湯、主菜、飲品同甜品, 都令我好心動 ! 最後我都係叫住鎮店之寶燒豬手先, 下次黎再試其他。 點餐之後送上兩個餐包, 分別係原味有D穀物粒同香草味, 侍應仲會提一提小心熱, 好窩心! 麵包外邊脆脆地, 帶咬勁, 包芯鬆軟唔會過濕, 麵粉味好香, 隨喜好伴上牛油或油醋, 好快就已經食埋下一個包啦 ! 未上湯前仲估緊會係上雜菜湯定係忌廉蘑菇湯,  結果兩樣都唔係, 竟然係罕見既椰菜花忌廉湯, 熱度好夠, 等左陣先飲到。 奶味好濃但又滲出一絲鮮甜, 順滑細緻, 唔會睇到粉粒既出現。燒春雞係要另外叫先有架, 裡面嘅肉亦唔會太乾，鹹香有致。大過塊面既份量, 女士叫一份應該都夠飽了 ! 

喺元朗住咗咁耐從來未去過呢一間德國路餐廳, 因有戶外坐位關係所以選擇咗呢間餐廳😄但無奈地現場得兩個侍應做嘢我哋企咗喺門口等咗5分鐘先有得入去, 跟餐已經配好餐湯, 麵包同餐飲👍🏾餐湯同麵包比想像中好，但湯比較稀身😓1/ 意式肉醬意粉$53蕃茄味濃，面頭鋪滿芝士，好有住家自己做既意粉嘅感覺2/ 煙三文魚帶子香草忌廉闊條麵 $65叫咗闊條麵點知黎左意粉, 帶子為一般的急凍帶子而三文魚用煙三文魚，整個餐不過不失, 果腹為主😅兩個餐飲我哋都叫做冬朱古力, 過得去！為求飽肚以上價錢冇加一服務費都算幾經濟自選👍🏾

下午茶時間見到德國佬就梗係要來個德式下午茶。德國卷式蝸牛腸再加上德國啤酒，一黑一白一樂也。艾丁格嘅Dunkel真係麥味香濃無得輸，佢嘅白啤都好味，不過如果要飲真係要飲Dunkel。條德國卷式蝸牛腸就一般般啦，但係佢個酸椰菜太鹹。整體都唔錯嘅，老闆娘都幾nice，可以一試。

團契十幾個人要搵達地方開餐有人提議呢間德國餐廳話好好食不過就一定要book佢話唔book一定Walk in唔到就算兩個人都一定要book😂果然冇介紹錯我覺得德國豬手非常美味好似仲好食過出面啲大餐廳隻德國豬手好大隻，皮脆又肉嫩啲腸都好好食，加埋啲芥辣醬簡直冇得頂啲意大利飯款款都好正雖然個鵝肝就細咗少少啲蝦都好爽又夠大隻墨魚飯啲墨魚都好咬口有新鮮不過我最欣賞都係頭盤嘅水牛芝士超好食，好想成碟都係我一個人食晒😂

食肉獸表示：為了呢個德國豬手，我已經唔知第幾次返來食了。豬扒一如既往咁外脆內嫩，外皮脆得來係鬆嘅，肉汁juicy,pickles 中和咗油膩感。唯一同之前唔同嘅係，醉忌廉焗薯變咗薯條，失色咗少少🤏