德國熱狗 (已結業)

德國熱狗一共開左五間分店，我地今次試左位於天后嘅分店，佢地嘅熱狗真心唔錯又多款式，值得一試😋。墨西膠熱狗🌭️ ($48)：食得辣嘅朋友仔就真係要試下佢地嘅墨西膠熱狗啦 。呢款熱狗其實係墨西哥辣腸配車打芝士、德狗牌墨西哥肉醬同自家製酸瓜醬。麵包烘得啱啱好，外脆內又保持到鬆軟。而主角墨西哥辣腸煎到外皮香脆，咬落去肉汁豐富，加埋自家製嘅酸瓜醬，食落好夾，酸酸辣辣嘅味道亦都好開胃。肉醬撈丁($43)：餐廳除左主打嘅熱狗之外仲有肉醬撈丁，我哋今次試咗個肉醬撈丁加德國腸仔同煎蛋。撈丁最忌個”丁”煮得太腍，而佢哋嘅麵煮得幾彈牙唔錯。平時食開印尼撈麵，估唔到肉醬撈丁又幾夾喎，別有一番風味，而且味道啱啱好唔會太鹹。

今日有嚟到位於天后水星街嘅德國熱狗😝😝夏惠姨 $48匈牙利辣肉腸，夠曬惹味，入面仲有粒粒芝士，好食，腸又烤得好香脆，正👍🏻👍🏻成個熱狗，一邊用茄汁，另一邊用沙律醬，一個熱狗滿足你兩個願望入面嘅菠蘿又甜又多汁，令成個熱狗唔會太齋，夠清新😝😝😝加$14可以升級做套餐，薯條加汽水👍🏻👍🏻薯條揸得好趣，唔會太窿，入面嘅薯仔又夠多，夠晒飽肚整體嚟講係好高質嘅熱狗，有機會一定要嚟👍🏻👍🏻👍🏻

大狗大 / 亞美利堅熱狗入到鋪頭見到超級多款熱狗可以揀跟set有薯條同汽水千挑萬選揀左大狗大同亞美利堅原來佢地肉腸都有好幾款飽烘到軟綿綿熱辣辣加上芝士同肉醬好好食薯條係細個時候喺學校小賣部買到嗰款厚切波浪形薯條加上熱狗墊住嗰張白色通花紙好有懷舊feel其實經常係附近出沒都唔知道原來呢度有熱狗店得知熱狗店告急先專登去左搵佢出黎買lunch去到店鋪未開門都見到可能係同路人一齊淋雨等開門下次再幫襯過 🙌🏻

今天外面 斷斷續續 下著大雨 🌧🌧 因為到天后 辦點事 OpenRice 看到這間 熱狗小店 裝飾像老香港 評價不俗 便去試了 店面不大 只有2張食桌 吧枱有位置 熱狗口味 選擇多 還有本地 手工啤酒 茶餐風食品 各項出品 高質 出乎意外之好 🍺🍺選了個 馳名港狗 即港式熱狗 除了大大條 德國脆皮腸 加了炒蛋 煙肉 自制沙律醬 溶化芝士 肉腸皮脆多汁 煙肉煎至香脆 包也烘至 脆卜卜 每項食材 配合恰當 🌭🌭 🧀🧀還點了一份 德國炸豬手 皮脆 肉質爽嫩 咸香 少許酸椰菜絲 若早知味道好 會點半隻或一隻 🐷🐷手工啤酒 口味獨待 冰涼可口 配熱狗 薯條 豬手 無敵 🧊🧊老闆是位 年青人 雨一直下 沒很多客 聊了會 才知是間合營店 因為 親力親為 質量高 現今好店難找 希望他能努力 看似酒吧的小店 味道勁正👍👍

平時經開天后水星街，都會比呢間外表出眾既熱狗店吸引左，今日終於有機會上嚟試吓啦！ ！大家可以自由配搭唔同嘅腸同配料等，但如果懶惰同有選擇困難既話，可以選擇佢預先配好既套餐今次就叫左日耳曼經典，經典法蘭克福腸加德國🇩🇪酸菜同甜酸瓜，香腸好香脆，酸菜同酸瓜好食，有德國既味道，香港好難食到，醬汁又好好食，好多👍🏻👍🏻👍🏻另外加多少少錢就可以有套餐：薯條/薯餅加野飲，都好好食😋😋整體來講好出色，鍾意食熱狗🌭️既一定要黎食❗️

喺炮台山group見有人介紹呢間嘢，今日遲放工一於過黎試吓啦～😁 由街頭行到街尾，都見唔到間嘢！？😲 原來喺條巷仔度！真係少啲眼力都搵唔到間舖👀舖頭細細，得兩張細枱，但佢嘅裝修無論門口或者舖頭入面都整得好有心思，好似坐穿梭機返咗去以前咁，好有香港情懷！呢度除咗佢主打嘅熱狗之外，仲有漢堡包、撈丁、薯蓉，都有唔少選擇架！我第一次嚟就梗係揀佢個熱狗🌭淨係熱狗都有十幾款，真係花多眼亂呀！最後我選擇咗個細餐$36肉醬熱狗+薯條/薯餅/飲品(任選一款)，佢呢度係即叫即整同埋可以揀醬，夠哂新鮮熱辣！❤️ 細餐(肉醬熱狗+薯條) $36返到屋企打開見到嗰盒上嘅設計，粵語殘片嘅感覺返哂嚟，一睇就知係屬於香港人嘅熱狗。個包有煎過，暖暖地脆脆地，同埋好軟熟，以前食開傢俬舖嗰間啲包好乾😂 脆皮腸正正常常，但略嫌條腸有啲細，細到我食第一啖以為得肉醬無腸😂好彩佢個肉醬攞返唔少分，肉粒較細，料足有肉味唔太鹹，醬汁稀稠啱啱好，唔會滴到周圍都係。另外細薯條就炸得好脆口但勁吸油。好食度：⭐️⭐️⭐️(3/5)餐廳推薦度：⭐️⭐️⭐️(3/5)總結，我買外賣時三位哥哥都好好服務，輪流問我要唔要呢樣嗰樣，好有禮貌！😛如果咁啱喺附近都一

Joy Joy子一直好想試呢間，宜度已經係第三間分店。放工行去食，地方幾隱閉，店舖不大，不過勝在環境舒服，設計幾靚，一嚟到打個卡先   第一次嚟德國熱狗，當然要試吓佢d熱狗，選擇幾多，最後點了肉醬熱狗配細薯條($36)，加西柚汽水 ($4) 可能係小店關係，去個時只有一個staff，之後食到一半就多咗幾個。唔知係咪個staff太緊張，問我要咩醬，我話bbq同芥辣，上餐個時隻狗係冇加醬，個時就覺得有d奇怪，咁我咪自己加番。開始食個陣，個staff先醒起，同我講佢唔記得咗！賣相我覺得一般，冇咩驚喜，肉醬唔夠juicy但夠熱，食個時小心燙。我幾鍾意佢個芥辣，幾濃！薯條幾多，唔會太鹹，唔加茄汁都好食。

target咗要個晚食佢，另一半聽見不斷點頭（burger hotdog狂熱份子）。去到其實已經8:30，佢哋9:00關門。依然不厭其煩解釋同介紹俾我哩個，患有眼闊肚窄選擇障礙症候群既人。結果揀咗一個Venetian HotDog，一個Chicken & Mushroom Burger，其中一個轉set。佢哋係即刻整的，來到所有野都熱辣辣。個包松松軟軟，加埋混醬同芝士簡直覺得煩惱一掃而空～係等待既時候仲有一首X-Japan既Tears，突然覺得成件事完美了。個人比較鍾意HotDog多D，隔離個個就兩個都鍾意食到眉飛色舞🤣。食飽飲啖沙士（無錯係沙士）有一個完美既句號，就慢慢行返去了。

亱麻麻有啲口痕，行過巷仔見到間好sharp裝修嘅舖仔同一班後生仔喺度吹水，諗住都係嗰啲綽頭嘢，點知真係有驚喜！个熱狗多料到一手都係，薯條大碌又鮮炸，値得幫襯👍👍