德國餐廳 (翠怡花園) (已搬遷) 新店位置

飽受疫性困擾，作為一個成年都冇得飛既香港人，梗係要諗辦法調節下內心既不平行啦！有見及此，我就黎咗呢間德國餐廳食晚飯啦！德國🇩🇪菜出名大份好食😋，我照舊點返一份喊豬手同香腸，再額外加多碟西班牙海鮮炒飯！喊豬手炸得好脆，入面既肉好嫩滑而且入味！大大份的，食得我好滿足！餐廳仲好細心咁配咗份介辣醬比我同雞蛋沙律比我，一啖喊時一啖甜，體驗非常唔錯！德國香腸大大條，仲有薯角做伴碟，份量同豬手一樣多呢，香腸肉味濃厚，配上酸味味的茄汁，整個配搭另人難忘！最後係西班牙海鮮炒飯，整體符合水平，飯既味道都非常突出，但海鮮既表現反而平平無奇，令呢個送唔能夠有好既表現，期待下次既進步。晚餐既尾聲用一杯足料芒果沙冰個總結，成個晚餐體驗不錯，希望下次來臨時，能夠品嘗到超水準既西班牙海鮮炒飯啦！

難得可以同朋友堂食晚市，梗係揀間好食啲嘅～我哋一致決定去Das Bier食德國菜🇩🇪，由太和站行過嚟都係大約７－８分鐘。轉咗新舖，meun都轉埋用網頁版，疫情下呢個安排都幾細心。德國鹹豬手配酸菜及薯仔沙律　$218熱辣辣香噴噴嘅豬手，賣相非常誘人佢豪邁粗獷嘅外皮、柔軟juicy嘅肉質，簡言之就係皮脆肉嫩！豬手本身都唔會過鹹，撈啲蜜糖芥末醬、德國酸菜同簡單清新嘅薯仔沙律點綴下，就更加豐富滋味西班牙海鮮飯　$188每一啖飯飽含湯汁，香辣超惹味！海鮮有三文魚、蝦、青口、蜆同魷魚圈，廚師專登將兩隻蝦砌成心形畀我哋😆特別值得一讚嘅係啲蜆肉好鮮，食到海水味；三文魚肉質堅實，風味濃郁可能疫情關係，見佢哋一路接好多外賣單。整體嚟講，呢度環境舒服，食物唔錯，會再支持！

久不久就會掛住Das Bier嘅德國豬手，今日又捉老公陪我嚟過下口癮German Pork Knuckle with Sauerkraut & Potato Salad　$218必點嘅豬手！我本身食任何肉都唔食皮，但呢個豬手嘅皮真係做到又脆又煙韌。外皮脆得嚟又唔硬，肉質軟腍得嚟又有咬口，炸得非常出色豬手醃得好入味，有油香但唔油膩；配埋啲酸菜一齊食好開胃，一流絕配！伴碟嘅薯仔沙律都係誠意之作，好creamy好好食Das Bier Larger　$48有豬手梗係要有啤酒啦～呢款啤酒口味清爽，微苦中又帶啲小麥嘅甘甜，算幾易入口。一啖鹹香豬手，一啖冰凍啤酒，冇得頂Strawberry Fantasy Smoothie　$68超級好飲！沙冰打到奶昔咁細滑，士多啤梨味酸甜清新，一飲就知真係落咗好多新鮮士多啤梨；上面嗰層厚厚嘅芝士奶蓋鹹鹹地，芝味濃郁順滑，飲到最尾嗰啖都仲有芝士味呢杯奶蓋沙冰真材實料，飲完好似食咗個豐富甜品咁，絕對對得住價錢！

食肆重開晚市堂食，又係時候同知己好友出動食好野，今晚又係去太和大埔一帶食野。今次呢間鋪其實之前一路都想試，但就碰巧遇著禁令，而家重開就決定實際行動去試下Das Bier餐廳門口招牌餐廳內部裝修自己Google一下餐廳名，原來係德文啤酒意思，難怪餐廳裝修擺設充滿德國酒吧氣色餐牌睇完餐牌之後，同友人就決定叫四款菜式食餐勁德國鹹豬手配酸菜及薯仔沙律德國餐廳豬手當然係必點食物，豬手送上既時候已經整齊切好，我亦唔執輸即刻試下。豬手外脆肉滑，鹹道適中，肉質軟得黎又唔會太腍，保留返咬口。配上酸菜及薯仔沙律，可以中和一下豬手肉膩感香草醬煙肉三文魚意粉意粉香草醬較乾身，味道好特別，難以形容，好味。煙三文魚大大片，煙香味濃郁魚油亦剛剛好，整體水準好好德式肉丸燴松露意大利飯意大利飯松露醬汁味道濃郁，飯粒生熟程度適中，肉丸外脆內軟，兩者配合成為一度佳餚英式炸薯角薯角熱辣辣送到桌上，火候掌握得好好，味道香脆可口，而且份量十足，絕對係飽肚之竹選

餐廳唔算好大間，但係每張枱都好闊落，可以坐得好舒服～ 餐廳用電子餐牌，選擇都好多🤩 我同朋友兩個人就首先叫咗炸魚薯條做前菜，炸粉夠薄不過又夠脆，咬落去啖啖都係魚肉，配埋沙律醬，好好食～ 另外仲叫咗個西班牙海鮮飯，海鮮份量都幾多，有蜆、鮮蝦、帶子同埋魷魚等等，而下面個飯就偏向似蕃茄味，米粒有咬口👍🏻最後就係重頭戲：德國鹹豬手配酸菜配薯仔沙律🤣豬手個皮好脆，肉質好鮮嫩，一啖有雙重口感🤩而且唔會切到好細塊👍🏻 😆配埋黃芥末醬，又增加左味道層次👍🏻 食豬手就點少得啤酒，點左一杯rosee 同埋 一枝apple cider👍🏻 好正😍

星期五放工同媽媽去大埔搵食，見到呢間餐廳好評幾多，所以就一於去試吓餐廳用電子餐牌，用QR code就可以搵到餐牌～ 首先就點左兩杯酒配豬手豬手上枱啦！份量好巨型，兩個人見到都嚇親第一下咬落去，個皮好脆卜卜，但係豬手嘅肉又好嫩滑又有肉汁酸菜同薯仔沙律份量都唔孤寒，酸菜配埋芥茉醬配豬手食真係一絕媽媽就叫咗個西班牙海鮮飯，有二人份同埋四人份揀，上碟夠晒熱辣辣，飯面仲有好多海鮮，而啲米飯亦都係一粒一粒有咬口 如果個飯可以多啲汁就好啦！最後仲叫咗個炸魚薯條，都有成四至五嚿，仲有一大同薯條，完全係冇意想到嘅咁多炸魚嘅炸皮好薄，食得出真材實料，好大舊魚肉魚肉亦都係雪白新鮮

平時都好少寫食評，但今次百二蚊叫左個外賣咸豬手德國腸配蘑菇忌廉飯，d豬手小到得嗰幾塊，味道同大x活既飯差唔多，份量都相當小...可能堂食既份量同味道會好d掛..

難得去開大埔呢頭見個餐牌有午餐就試下午餐得3個選擇：和風豬手/德國豬手加德國腸 /半隻燒春雞諗住叫個豬手加德國腸配意粉就穩啦點知個餐既份量根本就係少到爆炸（參考下圖）個湯仲要係同個汁一樣同行既叫左燒春雞其實味道可以接受不過份量都真係唔太多48蚊無野飲要加錢唔緊要但你仲要收我加一講真個區呢個價錢仲有好多選擇仲會包埋野飲如果唔係見到佢食評ok我都唔會走入黎食呢間野真心無下次我亦建議大家唔好好似我咁做勇者

疫情期間真係好少出街食飯 難得今日放假又想同朋友出街食餐飯，起屋企附近搵到間德國餐廳 就決定去試吓 入到去見到餐廳個環境幾好 真係好似去咗德國咁。Menu入面好多嘢食都好吸引好想叫 但係得兩個人又驚食唔晒喎 最後決定叫西班牙風乾火腿凱撒沙律，德國鹹豬手，墨西哥香蔥芝士薄餅同卡邦尼意粉。首先嚟咗個前菜先，個沙律幾好食，啲菜好新鮮好甜。 最令我驚喜係個墨西哥香蔥芝士薄餅，真係比我想像中更好食，好多芝士再夾埋啲醬一齊食好正。之後就係主食 德國鹹豬手同卡邦尼意粉，個豬手真係好大份 啲皮又脆 啲肉都幾彈口，果然無令我失望。而個卡邦尼意粉就不過不失，兩個人食四樣嘢真係好誇張啊 因為佢嘅份量真係好足夠，兩個人一路傾計一路咁食，最後我哋真係飽到攬住個肚咁走。

之前都聽朋友講過das bier呢間德國餐廳，嚟到翠怡花園呢頭發現個位都幾入，但平日晚飯時間食客都唔少。嚟到店員有話呢度可以嗌埋隔離西班牙餐廳嘅食物，簡直一次過滿足兩個願望！我地就各嗌咗德國同西班牙最特色嘅食物-鹹豬手同西班牙炒飯。呢度仲有其他德國特色嘢食㗎，好似香腸拼盤咁，西班牙菜個邊都有啲tapas。豬手上到枱真係嘩咗聲，好大份，而且睇落好惹味。食落口雖然係炸過，但唔會好油膩，而且鹹度適中。側邊仲有啲薯仔沙律同酸菜。德國酸菜係好多人嘅惡夢，但呢度嘅都幾易入口，而且好開胃。另外上場嘅仲有西班牙炒飯，海鮮配料好多，食落都幾新鮮。飯嘅質地食落都夠乾身，好有咬口。話得係德國餐廳，呢度都有好多啤酒選擇，有大路嘅1664, asahi, 德國啤酒erdinger, 香港手工啤咁。我地就嗌咗款英國stout, 飲落有朱古力味，都好特別！

因為疫情都有年幾冇去過旅行，呢日同朋友嚟到大埔呢間德國餐廳，諗住食吓德國菜，重拾下係德國旅行嘅回憶。為咗防止病毒傳播，呢度係用電子菜牌落單，一嚟夠環保，二嚟乾淨衞生。一打開餐牌果然有好多款有德國特色嘅食物，例如有香腸拼盤呀豬手咁。我地兩個人就嗌咗份鹹豬手。等候時間唔係好長，10分鐘左右豬手就上桌，果然好大份！餐廳已經好貼心幫我地切好哂，豬手啖啖肉，而且鹹香味十足，外皮都好酥脆。豬手沾一沾黃芥末味道會更突出添！另外佢伴碟嘅沙律同酸菜亦都好好味，一碟嘢夠哂滿足兩個人嘅胃口。諗起德國，唔少得就係啤酒，呢度嘅選擇好多，我地見做緊promo有枝朱古力黑啤，於是一人嗌咗枝嚟飲，一飲果然朱古力味好重，雖然係黑啤但女仔都會鍾意。呢晚簡簡單單肉加酒就一解無得去旅行就憂愁。

🍖𝙂𝙚𝙧𝙢𝙖𝙣 𝙋𝙤𝙧𝙠 𝙆𝙣𝙪𝙘𝙠𝙡𝙚 𝙬𝙞𝙩𝙝 𝙎𝙖𝙪𝙚𝙧𝙠𝙧𝙖𝙪𝙩 𝙖𝙣𝙙 𝙋𝙤𝙩𝙖𝙩𝙤 𝙎𝙖𝙡𝙖𝙙鹹豬手唔夠味，靠個sauce吊味。皮上枱嗰陣因為已經凍咗所以唔太脆🥺有點小失望諗住Signature點都會有質素保證🥺🍝𝙁𝙚𝙩𝙩𝙪𝙘𝙘𝙞𝙣𝙚 𝙬𝙞𝙩𝙝 𝙎𝙥𝙖𝙣𝙞𝙨𝙝 𝙃𝙖𝙢 𝙖𝙣𝙙 𝙈𝙪𝙨𝙝𝙧𝙤𝙤𝙢意粉好足料夠creamy，份量亦夠晒多，值得一試👍🏿🥗 𝙎𝙢𝙤𝙠𝙚 𝙎𝙖𝙡𝙢𝙤𝙣 𝙬𝙞𝙩𝙝 𝘾𝙖𝙚𝙨𝙖𝙧 𝙎𝙖𝙡𝙖𝙙嘩呢個沙律真係似食芝士粉同汁多過食菜🤢鋪喺面嘅已經唔係平時食嘅芝士碎，我好怕食太重sauce嘅沙律，感覺食完已經漏到唔想食其他嘢，下次應該嗌走芝士粉走沙律醬會好啲😂🍲 𝙎𝙥𝙖𝙣𝙞𝙨𝙝 𝘾𝙤𝙤𝙠𝙚𝙙 𝘾𝙖𝙡𝙢𝙨 𝙞𝙣 𝙇𝙚𝙢𝙤𝙣 𝙎𝙖𝙪𝙘𝙚 𝙖𝙣𝙙 𝙊𝙡𝙞𝙫𝙚 𝙤𝙞𝙡蜆算新鮮多肉，底個汁都好重酒味，鮮甜味不錯☺️

今次黎到太和一間德國餐廳（Das Bier)食德國x西班牙美食😋係啊～原來喱間德國餐廳同附近一間西班牙餐廳合作所以都會提供埋西班牙餐廳嘅餐牌🤔喱個配搭好match 👍🏻！可以試兩個國家嘅美食😋環境方面，喱間餐廳外牆係石磚牆 仲有德國旗同擺設 好有德國Style座位闊落 😃 好岩三五知己過嚟一齊飲啤酒食飯傾偈服務方面，侍應都好有禮貌同笑容 落order都好快手［德國鹹豬手配酸菜及薯仔沙律］係德國緊係要揀招牌菜豬手啦！其實筆者好怕豬手整得好油膩🙈不過喱間餐廳整嘅豬手又唔會喎！勁高質添！💯首先豬手份量十足‼️上碟前已經切埋比你Tim ~ 伴菜仲有酸菜同薯蓉（薯仔沙律）加黃芥末醬豬手肉質嫩滑😻 亦醃得唔會大鹹 點完黃芥末醬味道好match 💗豬手外皮脆卜卜好爽脆tim🤪之有食完豬手再試埋酸菜&薯蓉可以減低肥膩感👍🏻［冬陰公、青咖喱香腸拼盤］另一招牌就係德國腸啦～我地就試左有泰國口味嘅香腸拼盤內有兩款口味🤩就係冬陰公同青咖喱‼️筆者比較鍾意短身個款腸～加上酸微辣嘅冬陰功味～味道好唔錯！拼盤加上薯角同酸菜 伴有茄汁同黃芥末醬 滋味十足［有機朱古力啤酒］飲品方面，筆者好喜歡飲甜甜地嘅啤酒🥂咁岩見到

踏入11月秋冬季節天氣仍然未覺凍，疫情反而漸趨平穩，是時候出黎食好西了😋，餐廳地址以大埔作結，如果係區內朋友仔見到地址都會約略知道其實係太和站附近。如果你想去的話，記住係「太和」站出閘，並唔係「大埔墟」站喔～Das bier 即係啤酒嘅德文，所以當晚食客全部都飲緊啤酒，十足十去左德國啤酒廠咁🇩🇪當晚七點幾去到，可以係人潮到達前入席，一坐低就即刻scan QR code睇下電子menu有咩好西先！餐廳主要分左德國菜menu同西班牙菜menu，梗有款 "Your favorite"。最後決定叫西班牙蘑菇火腿寬條麵🥓🧀🍝、德國鹹豬手🐖同埋朱古力啤酒🍺叫完食物，就要欣賞下店內裝潢。枱與枱之間都有塊硬淨嘅間隔板，將食客隔開，減低傳染風險。另外，牆上有德國旗仔、大型餐具擺設同埋寫住"oktoberfest" (啤酒節的德文🇩🇪) 的banner，原來而家店內正舉行啤酒節優惠，不同酒類都有promotion呢🤩蘑菇火腿寬條麵：份量勁多！芝士味恰到好處！好濃郁嘅芝士味！仲有好多火腿粒同蘑菇仔，一個水準以上的主食🥳🥳德國鹹豬手配酸菜及薯仔沙律：1種好經典嘅德國招牌菜，炸過嘅豬皮脆卜卜💥，肉質鮮嫩入口鬆軟

我好耐冇黎過呢到食野，咁啱同朋友傾起，佢話呢到既乳豬超好食，於是我哋就黎左食飯。坐低左之後，店員介紹返因為疫情，餐牌改左做電子餐牌，我哋用手機scan左佢枱面既4個QR code就可以睇到menu。揀完一輪之後，我同朋友叫左︰德國香腸拼盤、特色烤乳豬、地中海式炸魷魚圈配檸檬蒜香蛋黃醬。MenuMenuMenuMenuMenuMenuMenu店內裝修，超大既餐具地中海式炸魷魚圈配檸檬蒜香蛋黃醬德國香腸拼盤防疫隔板，好有心既設計，搞到我都想試下呢個啤酒特色烤乳豬地中海式炸魷魚圈配檸檬蒜香蛋黃醬︰香口、好脆，幾大份，應該係全隻魷魚喺哂到，除左有魷魚圈之外仲有魷魚鬚同身，幾唔錯德國香腸拼盤︰有四款腸紅色長身︰芝士腸，脆皮，咬落去會爆漿，差啲噴左落件衫到白色︰豬肉腸，唔係脆皮既，比較腍，幾好食紅色短身︰辣肉腸，脆皮，都幾辣，聞落最香係佢白色長身︰芝士腸，唔係脆皮既，冇紅色果種咁爆漿，同白色豬肉腸相比，多左芝士味，感覺豐富左唔少除左腸之外，薯角都好好食，好香脆，超邪惡Wasabi好辣，甚至有錯覺覺得佢比辣肉腸更辣，我個friend話佢有啲似青芥末嗰種辣特色烤乳豬︰皮脆肉嫩！超級好食，絕對係必食推介