影片
营业时间
今日营业
08:00 - 17:45
星期一至日
08:00 - 17:45
公众假期
08:00 - 17:45
公众假期前夕
08:00 - 17:45
以上资料只供参考，请与餐厅确认详情
相关文章
奶茶總得分：2.14🐑🐑叫得做冠軍奶茶王，一定要嚴格啲品評佢。今日杯熱奶茶，係喺唔係茶走，同埋冇落糖嘅狀態下試味：1）奶茶熱度夠-9分2）杯茶冇茶香。應該咁講，成間舖頭都好有茶香，但杯奶茶嚟到枱面，擺到埋鼻聞，都唔係好聞到茶香-1分3）茶香缺乏，茶味當然亦貧乏-1分4）茶身好薄好薄，個情況就係，如果冇加黑白淡奶淨飲茶的話，就根本同飲水分別不大，一樣咁薄身-1分5）茶色較偏向奶色，一杯茶色靚、濃度足嘅奶茶，應該係偏向琥珀色先係上品，呢度嘅茶葉調配，明顯係幼茶份量不多-1分6）茶、奶比例，當然亦會影響茶色，呢度奶嘅份量偏多，保守估計佔咗成杯奶茶嘅4成-1分7）奶茶回甘完全欠奉，粗茶調配明顯不足-1分🐑鮮油厚多士有水準-8分
继续阅读
坐嘅位置喺茶餐廳嚟講都不算迫，而且仲有戶外位置，天氣涼涼地坐出面很舒服。聽聞奶茶同鴛鴦都好出色，所以特登嚟試吓，奶茶同鴛鴦都好滑，感覺奶茶係好多奶，茶味反而相對冇咁出，但係都好好飲！平時就比較少飲鴛鴦，所以呢杯鴛鴦對我嚟講真係好出色，佢係咖啡同奶茶仲有奶嘅份量超級balance，好好飲！好推薦！另外嗌咗個沙嗲牛肉米，沙嗲味比較少，但牛肉是好食的，成碗嘢比較清冇咩味，所以不是好吃的沙嗲牛肉。還有雞扒印尼撈，味道正正常常。不過佢炒蛋幾好食好滑，多士都有烘底好脆。整體嚟講我覺得淨係嚟飲奶茶同埋鴛鴦就好了，因為真係好出色，但嘢食方面真係麻麻地。
继续阅读
專登嚟到試佢嘅奶茶，冇失望。茶色靚，茶味香濃，茶奶比例適中。但本身唔鍾意食三文治和沙嗲牛肉，所以就冇試啦。叫咗普通火腿通粉，有好多粟米同兩條生菜，個人唔prefer 有其他蔬菜類沾污普通簡單嘅火腿通。 通粉還算軟硬適中，湯頭偏淡。好一般般。 亦都冇雪菜肉絲米粉嗰啲嘢。 所以整體嚟講，我覺得佢開個頭飲杯奶茶OK，其他就唔需要特別過去試。 （講開又講，citysuper 而家有carry 幾個牌子嘅本地樽裝港式奶茶，我覺得一樣咁好，而且隨時都可以喺屋企飲到）。
继续阅读
一直都知道依間餐廳，奶茶係招牌，係拿過獎既。今日專登黎試下佢既奶茶，睇下咩料先。茶香而滑，奶係用黑白淡奶，撞埋一齊好正！怪唔得係拿獎！但我最主要想講既係佢既常餐-滑蛋雞扒出前一丁麵配波蘿油！首先一定要講既係佢既雞扒煎得好出色！表皮係非常香脆既，而雞肉肉質都仲係好嫩滑，有水準！滑蛋正常唔係好驚豔。丁麵煮到剛剛好，仲有少少硬既，岩岩好！另外佢仲有比埋包麻油你，加埋落去食真係正！佢既波蘿油都值得一提，個包係即叫即焗，個包係熱既，而兩塊牛油係厚切，非常邪惡！吃落口波蘿香脆而牛油冰冷，冷熱既香味係口中不停爆炸，絕對值得一試！
继续阅读
其實已經嚟過好多好多次，叫外賣返屋企都叫過好多好多次但好多時就係，愈食得多，反而愈唔記得影相…今次終於記得影一影，可以出篇openrice介紹一下呢間喺我 neighbourhood最愛嘅茶餐廳!必點1 – 奶茶! 作為奶茶王，杯奶茶不負所望，奶絲滑茶香濃，超愛!!必點2 – 奶油豬! 麵餐+$10就可以由多士轉奶油豬，烘到超脆口，大人小朋友都鍾意!!必點3 – 蘋果吞拿魚三文治! 加咗蘋果令到個口感同口味都upgrade咗~~必點4 – 雞翼米粉! 雞翼好入味好夠肉，新竹米粉亦係我喜歡嘅口感!必點5 – 餐蛋治! 好簡單好日常嘅三文治，但就係好厚切好好味!!
继续阅读
您可能会有兴趣的...