影片
以上资料只供参考，请与餐厅确认详情
招牌菜
通粉很淋，湯底只有鹹味，啲雞翼又硬，好似隔夜咁，隻雞蛋又硬又凍應該是煎定的，成個早餐比較好食的就係個麵包，裡面夾咗一小塊鮮油，連凍飲埋單26元。我個人覺得最多值18元。因為杯凍奶茶幾好飲，但係就有大半杯係冰，啜兩啖就飲完。
继续阅读
短短2-3年間，呢間野既加價速度及幅度可謂又迅速又驚人，尤其是最受歡迎的魚旦粉同特餐，我唔記係2008定2009年，一年內竟然可以加左3-4次價，果時都未開始物價上漲，已經加成咁，睇下今年會唔會加得更加瘋狂，今年新年前後d價錢已經唔同左喇 !!!一碗魚旦粉，2-3年前由$15加到$22；一個特餐由$24(包凍/熱飲品)加到$30(而家凍飲加$2)；仲有晚市既小菜，唔好睇佢加幾蚊好似好少，其實每次已經加左你10%，真係唔覺架，你地人工有無加得咁多?!我而家已經好少去呢度食，因為佢不斷加價之餘，食物份量小左、質素又差左囉。
继续阅读
一行四人去晚飯。魚蛋和魚片爽口彈牙，河粉又薄身唔淋，湯底清清地，好味！推介星洲炒米，米粉炒得好乾身，碟底少油（最重要！），叉燒、蝦仔、青椒份量都算多。生炒牛肉飯唔好食，牛肉碎完全冇味，又冇咩其他配料，無味囉。兩碟油菜，芥蘭和菜心，不過不失啦。飲品先係致命傷。兩杯凍奶茶都好．難．飲。我不是什麼食家，但都覺得不能接受，茶還茶，奶還奶，水還水的「奶茶」。
继续阅读
今日經開土瓜灣, 去完欣榮花園附近銀行羅完錢, 見有d肚餓想食碗粉, 就去左間大茶餐廳德昌啦~記得之前經開九龍城, 見依間野出面排晒長龍, 雖然依間係分店, 但都去試下啦~入到去, 嘩, 原來間野咁大架, 入面可以等同成間美心/大快活個d, 差唔多坐滿架, 坐底左就叫左碗魚蛋粉同杯凍奶茶~侍應招呼都快手, 唔似上次德福個間野...等左唔駛幾耐, 碗粉到啦, 雖然我叫魚旦河但碗粉有幾片魚片~唔會成碗剩魚蛋, 4粒魚蛋3塊魚片~^^幾足料架河粉都算滑, 係個湯底清左d無乜味~另外杯奶茶奶味同茶味都有~適中~唔錯~
继续阅读
懷念以前工作地點土瓜灣，專登由將軍澳坐車。去到立即叫一碗雙白河(魚蛋墨丸河)。 河粉不會太林，魚蛋和墨丸是真材實料，爽口彈牙，辣椒油落少少，已經辣到飛起。唯一不好是湯底是味精湯。價錢方面貴了一點，雙拼$24。
继续阅读