德發牛丸粉麵

营业中

休息中

今日朝早一醒就立刻去德發度食野，害怕去遲了很多人，要排隊。去到食翻個招牌牛丸喇，呢度嘅牛丸真的是粒粒都飽滿，雖然不是很大粒，但是吃的時候真的感覺得出很彈牙，同出邊嘅牛丸完全不一樣吖。吃幾粒我就已經滿足喇。仲有呢間嘅牛腩也是絕品好食，唔會腥唔會老，火候岩岩好。牛雜也是不錯的選擇，一份就已經好多喇，絕對夠飽吖!不過呢間德發真的很亂的，位置也是比較偏，服務都一般般喇，如果唔熟可能都難揾到。仲值得一提嘅係，紅豆冰都幾正下，好大一碗，料足量多，難揾到第二間吖，得閒找個機會帶班frd過黎試下。

地點唔系很好搵，雖然就喺酒店附近，走5分鍾就到了，但系由於佢隱藏喺街市里， 所以路過好幾次菜單很詳細有牛丸、牛腩、牛什、牛雜搭配着面、 粉、 粥等。我哋要了一碗牛丸面，牛丸很大一咬下去非常非常嘅筋道，而且一碗牛丸面里面有4，5個牛丸嘅樣很值哦。一碗牛腩面，面也系非常有噍勁，就系普通嘅鹼水面 我特咪愛食呢種面。還有一份牛丸粉，果個肉丸能食嘅出嚟，確確實實都系用肉做嘅，冇加乜面粉，里面嘅粉也系非常爽滑、細嫩~最最抵稱道嘅就系果個湯，超級鮮，太棒嘅店了！

 牛丸牛腩河 $28尖沙咀想搵平民價嘅野食我諗應該就只有熟食中心吧係橋底嘅街市入口進入 穿過成個街市終於都到到呢個好隱蔽嘅地方見天氣凍凍地 就揀個食粉麵嘅試下牛丸比較硬身 可以算係普普通通牛腩比牛丸好啲 肥瘦均勻又夠林湯底較為油膩 份量都算岩岩好粉麵普通 無咩特別整體上都算係過得去 不過不失畢竟28蚊係尖沙咀搵餐食 可能已經係好大嘅恩賜

多年來吃著德發的牛丸，每次食都水準如一，從未失過手。前幾天經過海防道又不期然地走進去吃個牛丸河。牛丸氣孔細密、彈牙、無筋; 帶薄薄牛臊味，湯底帶著滷水味道，夾著幼滑的河粉吃真是啖啖美味。由十多元一碗食到二十多元，德發牛丸依舊彈牙香口，將來亦只會繼續光顧。

牛丸。會想起元朗勝利，也會想起尖沙咀德發。但我真的第1次吃，因之前，曾在裏找來找去也找不到，星期三又休息，現在加了些指示，在海防道，跟著往熟食市場走，直走深一點，過了要彎下頭的路，再直走，不是第1間食店，再入2間就是，請搜尋牛肉丸。$28 可雙拼，獨沽幾味配料，牛丸，根，什，腩。叫了個牛什拼牛丸河，第一啖。。。。很咸。。。不知是否已晚上6時。。材料很入味。牛雜。。。不過不失，但說實話，沒有太大特色。。。但也叫炆得諗。。至於牛丸。。是彈牙，但又好像沒有什麼咬勁，牛味又不太重。。真的未能留下深刻印象。。辣椒油，倒覺幾美味。。香，辣俱備。$28 雙拼，在尖沙咀算抵食，但試過就夠了

尖沙咀,搵到30蚊碗樓下既粉麵,仲有咁好質素同份量,加埋熱辣辣既天氣,爽!1) 牛丸米,好多粒好丸,唔知點解會一早加了少少辣醬,但都幾好味.九丸好香牛味,不過唔夠元朗出名個間咁實,但實素已經夠好,其實都幾彈架.依間米粉我覺得都係特色之一,唔同平時粉麵鋪個種架,好似有點一節節感覺.其實店我會叫河粉,依間我鐘意叫米粉!2)牛丸牛根河,雙併好抵叫喎.牛根幾好食,份量仲好多,腩汁又夠濃味.辣油都OK記錄一下:牛丸百二蚊斤不過太耐無來,現在範圍又好似廣了?而且隔離多左唔同名既牛丸店,不過夏天來真係好熱,座位都好近爐位,可能我揀錯位了 係海防道花店位行入來,都好快入到,沿路唔太難行,只有中間一個位要低一低頭過.

Haiphong Temporary Markets is only temporary in name as it has been "temporary" for over 25 years. Venture past the florists and the halal meat stores and you’ll reach the cooked food section where Tak Fat Beef balls is located.This very traditional dai pai dong is obviously famous for their beef balls - served in a rich broth with a hint of dried mandarin peel, with your choice of noodles. There are some optional extras as well: beef tripe, brisket or tendon. I go for the lot - the broth is rea

今日約了一家之煮睇話劇，在此之前，當然要醫醫肚啦！一家之煮很多年前在尖沙咀打工時，經常光顧德發牛肉丸，有一陣子沒有食，她又想念牛丸啦！所以今日就陪一家之煮重溫她的回憶啦！德發牛丸在天橋底，穿過花店就見到幾間熟食店，德發就在其中～還好是冬天，不然會很焗很熱呀！黎德發，當然要食牛丸啦！點了一碗牛丸米($27)，牛丸爽口彈牙而且肉味頗濃，米粉湯頭添了腩汁，微辣的，倍添滋味，加上蔥花，香味十足！牛筋米($27)，牛筋的分量十足，軟綿綿的牛筋，煮得非常入味，同樣添上腩汁的湯頭，香辣惹味！為了添加纖維量，所以點了一碟生菜($12)，忘記了走醬，被添了滿滿的蠔油，生菜保持清脆，不錯～見到隔離枱的多士好像很美味，所以又點了一份奶醬多($11)～ 厚厚的多士，外面脆脆的，內裡煙煙韌韌，添上大量的奶醬，那有不好食的道理？食完，一家之煮又想食河粉，所以雖然已飽飽，也點了碗牛雜河($27)試試～河粉頗粗糙，不過牛雜份量頗多，全都煮得非常入味，當中的牛腸帶有小小牛脂，脂味無窮呀!!食得飽飽的，才一百大洋，真的很抵食~ 更重要的，是讓一家之煮重溫了想當年的味道呀~~

Daddy話要帶我去食彈牙牛丸入到去坐低就馬上叫左碗淨牛丸，5分鐘都唔洗就有野食！一碗都有8粒！加埋佢地既辣油真係好正！牛丸夠晒彈牙，入面仲有蔥，好香口！價錢還可以～值得一試！但環境地方都預左唔係乾淨，所以都食完就馬上埋單走～怕熱既朋友們真係唔好夏天去食～

已經唔記得幾時認識這地踎式大排檔牛丸粉麵店, 那時可能還是十二,三蚊碗,自己那時候大部份就職的公司都是在尖咀區為主, 但時移勢逆現在這行頭已不太可能在尖咀租個單位做寫字樓了, 還記得在炎炎夏日沒有空調環境下只有大牛角扇這裡也客似雲來, 似雲來的原因是食完碗熱乎乎嘅牛丸河出一身汗唔走唔得! 現在這裏環境似乎改善了, 客人亦大部份是廣東道名店sales 飯堂, 或者內地/外國遊客, 我等老客戶鮮少再出現了, 皆因公司已不在這附近了,現在牛丸/ 牛腩粉麵 均一價$27牛丸四粒, 爽口感大大粒牛丸, 亦有一定嘅牛味, 太座要咗米粉,都ok嘅牛腩有一定口感同時亦有新鮮牛肉味肥羔不算多, 腩汁是帶色那種同粗蔥花的辛辣味配合得相當好, 有時候腩汁太濃味會搶過蔥花的氣味, 河粉只是正常野!油菜沒有太多油, 以12蚊碟來說份量是適中的了,奶茶$13是另一茶檔嘅產物, 又OK喎服務方面, 這裡的阿哥阿姐基本上好快手快腳, 記性又好, 這可能同日子有功有關,同一份工做得十年以上想唔變"神級"都唔得啦!希望15年好快可以再來食過!

行街行經海防記，老公話要帶我食全尖沙咀最好食既牛丸，就黎到德發，坐低二話不說就叫左兩碗牛丸河。阿姐落完單轉頭就有得食。牛丸果然好彈牙無得彈，老公話佢地既牛丸捨得落陳皮，所以味道還可以。河粉，湯底都係一般般。

其實都唔係第一次黎食,D牛丸真係我食過入面最好食,有牛肉味又有肉汁既而呢個亦都係我再黎既原因.成日都好爆,不過好彩除左澳牛係光速之外,呢到都係,等左3分鐘都就翻左台. 唯一唔好既就係個到太熱lor!

久聞德發牛丸大名，奈何要在街市吃，這點令人考慮考慮。一次提起勇氣去吃，撞正星期三休息！所以去吃飯真的要刨熟各食家評論和資料。再找一天去，穿過了一列花店和羊肉店，來到了熟食區。點了馳名的牛丸河。牛丸是彈牙，但沒有想像般驚爲天人，湯底普通。同事點的牛腩河也頗入味。

德發牛丸係我以前成日都會幾嘅食店, 不過有成幾年冇黎到, 唔知水準有冇差到呢?今日同朋友黎到, 我地兩個人都唔係好肚餓, 所以就只係叫左一碗麵同多士去share黎食. 招牌牛丸麵好快就送到, 今次叫嘅係雙拼, 牛腩同牛丸. 呢度雙拼幾特別, 因為係同單拼賣一樣價錢嘅, 客人就唔會覺得雙拼太貴而止步了. 牛丸係呢度嘅名物, 出名夠彈牙, 爽口. 冇食咁耐, 口感方面都keep到準, 但係牛味就比起以前少左啲. 至於牛腩都唔錯, 炆左好耐, 肉質鬆化, 但就稍嫌過肥了一點.另外仲叫左杯紅豆冰, 有成三分二杯紅豆, 十分足料! 紅豆煮得香甜軟腍, 配上碎冰同吃真係夠晒消暑!鮮油奶多亦都係德發必試嘅食物. 鮮油奶多其實就只係喺多士中間夾著冰凍嘅牛油同香濃嘅煉奶. 但就正正係呢幾樣咁簡單嘅材料配搭起黎就足以令人食完後有幸福的感覺. 唔怕肥嘅我仲加左少少砂糖上去, 砂糖嘅甜味同沙沙嘅口感簡直係令幸福感覺倍加!!!至於西多士就唔係太討好喇, 炸得唔夠脆, 食落去腍滋滋, 好油, 唔推薦.

依到一帶既大排檔,我都覺得非常好食,不過都係第一次食依到,不過都好似唔錯, 叫左依個牛筋, 牛筋都算炆煮得很軟,不過就有少少太,味道比起出面個種就比較清淡,不過無咩黏口既膠質,不過我自己就鍾意依種口感,反而牛肚就差少少,煮得太軟,入口就已經好似融左咁,，真係無咩質感同咬口,而湯底都係平平無奇,無咩太大既特別,加埋少少汁,不過唔算太多味精,所以都算清清地, 不過依到既牛丸真係殺得死你,佢牛丸係屬於滑個隻,唔係好鞋身咁種,我自己就比較鍾意依隻,口感比較溫和，入口感覺到細緻同幼滑，又夠彈性比較自然既口感，加埋好香既果皮味同埋新鮮牛肉既香味。唔會有牛既脂肪,不過都好香,果然係依到既招牌作,如果其他都能夠改善就非常之好。