德發鳳凰粥麵專家

营业中

休息中

晨早流流六點去食早餐。點了幾種粥，滑牛、鮮魚片、皮蛋，再加一份炸腸。粥煲得很完美，細密順滑，大大的讚。配料給得很多，喜歡喝粥的不建議混點，容易被喧賓奪主。炸兩是那種實心的，好堪飽，加上腸粉好好味！粥的話，記得好像都是$22一份，炸腸$14，在今時今日的香港，算有良心。很傳統的老店，好多街坊幫襯，服務態度個人覺得很OK。可能自己是斯文有禮貌的人，「唔該」、「唔好意思」係口頭禪，所以待遇自然也好，彼此彼此嘛！有機會再來。

我係29/8/2023晚上十點黎到這間老字號的粥店買一碗鮮肉片粥（用外賣碗盛載）$30及一份炸兩（已自備玻璃保鮮盒盛載）$12，問又高又瘦的店員合共幾錢時，我心裏已計算係$42，點知店員話我知係$46，我話平時兩樣買開要外賣盒連膠袋都係$44，今次只有碗粥係用外賣碗，而炸兩係自備玻璃盒，點解要收$46？後來那個店員無解釋、亦無致歉，就話碗鮮肉片粥計埋外賣碗$30，炸兩$12，收$42，作為消費者覺得幫襯咁多年這間粥店，竟被這個有意收取不實的費用，不但有欺騙成份，此舉也令顧客感到會減少光顧，以免上當，大家到這粥店買外賣時，要預先計算價錢，以免被店員不實及有心欺騙收取費用的行為得逞。

今日去呢度買外賣, 係門口等左十分鐘, 個亞姐都無理你, 做自己野, 又去執枱, 都唔理外賣客, 門口寫住排隊, 根本就無人排隊, 隨口叫就可以打尖...永不幫襯火都黎, 去千色附近果間外賣都係人多, 但人地唔駛一分鐘就搞掂.

荃灣區好似另外兩間都叫德發，但唔知有冇關係，試過另外兩間，我最鍾意都係呢間。每次都叫豬潤粥，豬膶厚身夠爽冇怪味😋仲要好多件。油炸鬼正常，唔會話好油膩，就算唔係啱啱炸起攤咗一陣都夠脆。因為我好鍾意食豬潤，所以都會叫豬膶腸，豬膶腸入面豬潤數量唔係特別多，但腸粉都滑，唔黏口。

介紹一間賣少見少嘅舊式粥店啦！裝修簡單啲店面掛起「知粥嘗粥」橫匾，其粥品絕不簡單🥴！粥檔入面滾熱嘅粥底同腸粉蒸爐，炊煙渺渺，即點即製煮出一碗碗生滾粥🥣。間中食下粥暖下胃，感受下街坊嘅人情世故不失為一件樂事。————————————————👅艇仔粥（$17）👍🏻聽店員姨姨落單艇仔粥又叫「灣仔」，調好味嘅粥底鹹鹹地，每粒米都熬煮到開花，配料有碎牛肉、水魷絲🦑、豬皮同蔥花等，每一羹都潷到料，非常鮮味👅皮蛋瘦肉粥（$19）👍🏻粥底米香綿滑，混和醃過嘅瘦肉絲同皮蛋粒嘅香味，簡單配搭更得我心👅牛脷酥（$8）👍🏻「油器三寶」點少得我最愛嘅牛脷酥🐮，混合麵粉同砂糖後油炸而成，外酥內軟，內裡香甜鬆軟，最愛糖餡流出黎炸成酥脆邊角位👅淨腸粉（$9）👍🏻腸粉皮幾薄，食得出有少少米漿顆粒質感，唔係街邊10蚊4條，食起粉粉糊糊個種腸粉🙅🏻‍♀️，甜醬、辣醬、花生醬同豉油放係檯面任加，有無人食腸粉要多醬架？————————————————🚩總結：57蚊就食飽兩個人，行過路過唔好錯過————————————————🌟注意：近大窩口站，行5分鐘就到，記得要配合餐廳嘅防疫守則

嚟大窩口做嘢都總會經過呢間粥麵舖, 係舊式舖頭, 好傳統咁~近日天氣轉冷, lunch都想食下啲暖胃嘅嘢, 突然醒起可以試吓呢間~我通常係朝頭早喺度買個外賣炒麵, $12一大盒好抵食, 仲可以自己落醬料同芝麻!但粥就一直都冇試過, 今日係第一次。一坐低, 見到隔離食緊個蔥花腸, 另一邊就食緊大大碟炸腸, 好似樣樣都好吸引, 花多眼亂~我最後就叫咗碗皮蛋魚片粥, 再加份油炸鬼。個粥底都唔錯, 又夠快手, 哩頭叫嘢嗰頭就上!埋單都唔駛$30~

早上時間，開始有點秋意，行過粥店，想食碗粥暖暖胃哩間粥店由大窩口港鐵站行，大概3分鐘左右，舖位置唔當眼，籣單裝修粥的品種幾多，有生滾粥，自由配搭，又可多加配料皮蛋魚片粥，粥底幾綿，魚片新鮮，加咗少許薑辟腥炸腸就麻麻地，裹面既油炸鬼韌韌的，唔脆，可能放耐咗，腸粉面就滑，睇裏頭有師父即做其他腸粉

買咗碗魚片粥及炒米粉, 魚片都算多, 粥底夠綿, 唔會好稀, 最特别係有少少生菜絲, 更加帶出碗粥嘅香味 , 炒米粉加咗紅蘿蔔絲, 火腿絲, 仲有葱, 可惜炒得乾咗 d 同埋油膩咗少少, 但都大盒嘅, 算抵食。

晚餐唔知食乜, 剛好經過德發, 於是外賣ㄧ碗皮蛋瘦肉粥及ㄧ盒炒米粉返屋企慢慢嘆。粥底好綿, 又唔太咸, 皮蛋都算多, 花生都有幾粒, 盒炒米粉我落咗勁多芝蔴, 夠香口, 見到係味嚇親呢

天氣禁凍, Vi夜晚一個人就想食下粥黎暖下胃禁岩係大窩口見到呢間店好多人, 就湊下熱鬧入去試下先叫左個炒面..極失望, 好乾身雖然份量好多 (Vi禁細食實食唔哂), 但係質素真係麻麻個炒面冇咩肉絲, 淨係得d芽菜, 唔怪得order左半分鐘就出到貨 "上妝前""上妝後" 炸兩腸即叫即整 熱乎乎, 好正!!個腸粉皮幾滑幾薄, 而醬料味道可以平時甜醬既味道有機會好假, 但呢個係Vi平時食開ge味, 而且食腸粉最緊要多醬,同埋油炸鬼仲脆身,不錯~艇仔粥幾好味, 有魚肉、瘦肉同埋魷魚,粥咸咸地, 食到魚肉既鮮味但材料份量就唔係太多>< 17蚊黎講都接受到ge 豆漿不過不失啦, 食左禁多咸味野點都要叫番杯 清清喉嚨ge~Vi最後埋單有驚人發現!!!留意下呢張單個名同店名好似但唔係完全相同, 地址直情係另一間荃灣名店原來呢間係佢既分店!! 真係大窩口既隱世分店!!