德美壽司

营业中

休息中

服務態度十分差！食物上枱等候時間太長，當要求樓面跟進時他們並沒有積極處理，反而大聲對客人呼喝。非常差嘅用餐經驗，員工態度及質素必須認真再培訓，或嚴選有質素嘅員工。

今日好早約咗朋友係沙田圍，以往平日行過都好多人排隊。今日竟然見「德美壽司」店有位，馬上入座，點咗幾樣食品。✅鹽燒三文魚頭✅黄金汁焗蠔（2隻）✅德美甜玉子燒✅牛油果軟殼蟹卷（原隻）✅鯛魚刺身（5片）✅蟹肉忌廉薯餅（2件） 總括：性價比高👍👍食品新鮮👍👍服務員態度殷勤，店舖算幾大。原來「德美壽司」擁有多間分店，設計主要係日式木門設計，款式猶如置身於日本，供應日式料理包括刺身、壽司、卷物、炸物、等多樣選擇。

沙田圍附近晚呢間德美真係隱世名店，入面d刺身丼飯水準極高，可以講係頂級，好新鮮。魚子蔥吞拿魚腩茸丼 145 元呢個飯不論魚茸同蔥等等都好新鮮，配合埋佢個調左味晚飯底真係非常好食。牛油燒帶子串 41 元牛油味好出，燒到香口再食。北海道甜蝦帶子魚生丼 147 元甜蝦好新鮮，食落都好爽口好鮮味，三文魚同帶子都好多份量，非常推薦大家黎食。海膽茶碗蒸蛋(需時較長) 55 元佢話就話要時較長，但都好快上菜，海膽味加落去真係鮮味無比，令成道菜飛昇一個層次。

老實，最近去食啲食材質素同份量都下降左好多，啲飯煮得很差（似係元氣啲質素咁）件花之戀先細到嚇親人，啲三文魚（🤦🏻‍♂️），另外啲衛生都差左，大部份啲師傅件衫黑蚊蚊咁，啲帽又一撻撻污垢，雖然唔一定，但啲師傅連防口水罩都無用，我見佢整時同樓面講嘢，件嘢嚟到我都唔知食唔食好，地下感覺又黐立立🤦🏻‍♂️，其實之前真係做得唔錯，都可以叫比較高質，有心做，而家感覺，實不相暪，有啲感覺似清舊貨…….啲嘢求求其其

之前已經同大家介紹過佢嘅抵食午餐定食，今日特意嚟試一試晚餐，水準一如以往keep到❤️左口魚裙邊三文魚丼飯 $135其實用料相當豐富，除咗主角左口魚同三文魚之外，亦都有三文魚子、青瓜絲、吞拿魚，飯入邊仲有菇🤣炙燒左口魚撈飯極正，三文魚亦都好靚有水準👍🏻❤️三文魚腩刺身六片 $82唔好睇佢好似細細舊，其實係卷埋左，比丼飯嘅三文魚厚切，充滿油脂一樣正❤️牛油果軟殼蟹卷原隻 $88見到佢個刻真係大到嚇親🤣無論係壽司定係軟殼蟹都係Mega size，用元氣嘅標準就係兩粒等於佢一粒，份量同丼飯有得揮！軟殼蟹新鮮炸出，上面鋪滿嘅蟹子清爽，牛油果creamy，到熱熱地嘅軟殼蟹，全部都好夾，雖然款式唔多比起之前介紹嘅古今二仲出色😆總結：除咗厚度之外，第一次食到三文魚同三文魚腩冇乜分別🤣可見佢新鮮程度，比起連鎖式壽司店絕對係質素嘅分別，但又比傳統日式餐廳平，CP值相當高，超推薦想平食壽司刺身嘅朋友👍🏻見到佢有個二人套餐三百幾都唔貴，樣樣都有得食，下次再試！評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️⭐️價錢：⭐️⭐️⭐️⭐️地址：沙田沙田圍路9-11號田園閣地下E號舖如果喜歡我地嘅餐廳食野情報就foll

由尖沙咀分店食到返屋企樓下沙田分店的德美壽司，香港壽司品牌話咁快就過左一個十年。站於香港興衰加上社運疫情的持久戰，相信呢十年並不容易過。所以要支持仍然屹立不倒品牌德美壽司是常識吧。平日午餐CP值十分高，呢晚趁住兩口子有空閒可以夜訪用餐就分享一下。[壽司卷物]🍣三文魚(腩位)壽司(2件) $42花之戀(1件) $46海膽花之戀(1件) $70加州卷$54推介:⭐️⭐️⭐️⭐️⭐️由於客人較多，安排坐BAR檯正好由壽司師傅即場製作後放於面前，壽司上檯鮮美吸引，有種久違的親民Omakase感覺重現。兩款花之戀尤其滿足，整碟帶著一份三文魚特盛餐點的鮮甜口感。而4大件加州卷比想像大件飽肚，包裹著的蟹柳加青瓜蛋絲爽脆，美味滿意。 🥟🦪炸雞皮餃子(4隻) $65黃金汁焗蠔(2隻) $58推介:⭐️⭐️⭐️⭐️兩客小食交足誠意，放盤一如以往每客都會讓你感受到色香味的色彩配搭，香脆雞皮餃子沾上醬油味道口感出色，而焗蠔落足醬料熱烘烘放在眼前，火喉到家，蠔身仍保持脹身熟多汁。🍲海膽茶碗蒸蛋 $55推介:⭐️⭐️⭐️⭐️價格十分合理的海膽蒸蛋，高湯底咸度比連鎖塊壽司店清淡，反而食得返蒸蛋的原味，建議將海膽混入蒸蛋的中心位置拌勻更加入味

德美壽司係大埔開咗十多年都係第一次同家人來，日式木門及窗棱設計，室內尤如置身於日本🇯🇵，環境恬靜優雅！平日嚟講人客量坐至8成，建議book枱。🍡牛油燒帶子串$35🍱德美海膽魚生飯$195除咗海膽仲有其它刺身蓋面，有大蝦、嫩嫩厚身油甘魚、立魚、三文魚、帶子、、甜玉子、蟹柳、黃金魚子及蟹籽，超級豐盛鮮甜，啖啖滿足。套餐配麵豉湯及沙律，高質必吃！🐟立魚湯$48魚湯我至愛呈奶白色，鮮甜湛濃，仲有立魚片和豆腐好有營養🍤天婦羅烏冬$82大蝦、南瓜、番薯及茄子等蔬菜，鹹甜滋味交替，炸得香脆可，點上蘿蔔泥汁會冇咁熱氣，熱騰騰烏冬Q彈滑溜，十分精緻食物方面，有壽司、刺身、燒物等選擇⋯好適合節日慶祝，價錢高質抵食

店舖好容易搵到，外面掛住好多燈籠，進入店內，日系佈置環境舒服。今晚食咗呢幾款極上刺身拼盤白身魚(爽口，唔腥)帆立貝(夠大粒、肉質彈牙)油甘魚（甘甜，魚油香）牡丹蝦(鮮甜蝦肉、爽口)海膽(軟滑、鮮味)活赤貝（肉質爽厚）呑拿魚腩（魚油脂甘香）玉子（鬆軟、蛋香）鮮葱呑拿魚腩蓉山掛卷呑拿魚腩蓉口感嫩滑、油脂濃厚。蕎麥冷麵（冷麵汁）蕎麥麵就算係冷麵，都會感受到蕎麥嘅香味。附上（芥末、葱粒、鵪鶉蛋），可以拌勻用麵條沾上，就能轉換另一種口味。七味燒雞腎雞腎非常野味，咬口爽脆。白鰻魚串燒過嘅白鰻表皮香口，肉質鮮嫩冇腥味。

👧🏻🇯🇵 高質日本餐廳-細細個成日去河畔食野 好耐無去過 點知呢度都仲係有咁多好野食😋🍽️ 精選二人餐 $358呢個套餐幾抵食! 連埋加一 人均唔洗$200 仲要都幾豐富下🫶🏻🍴味噌湯🍴日式前菜🍴枝豆🍴和風沙律淨係前菜已經好豐富❤️日式前菜係螺肉 我估應該日日都唔同🤔沙律🥗都幾有驚喜 上面有好多蟹籽同蟹肉🫶🏻另外枝豆都係2人份量🍴鹽燒鯖魚燒得剛好 仲幾多汁 淋上檸檬汁🤤味道好夾👅🍴三文魚刺身總共有4塊 每塊都好厚切❤️🍴雜錦天婦羅推薦🤤好耐都無食過薄粉而真係好鬆脆既天婦羅🍤🥺個炸蝦仲要好足料 真係好大件 同肉質紮實❤️另外仲有炸洋蔥🧅😂好少見 幾特別🍴野菜牛肉鍋個湯底係壽司燒味 甜甜的 再撈埋隻雞蛋食😍❤️好味！🍴日式炒飯係一人一碗😆👍唔使自己裝 個炒飯亦唔會炒到好油或者好乾🍴是日甜品無諗過原來仲有甜品🤣❤️係芒果味既雪糕糯米糍 完美既收尾📍德美壽司@沙田沙田圍路9-11號田園閣地下E號舖

由以前人手落單，食到電話電子落單，呢度午餐種類很多，有壽司set，壽司拼烏冬set，定食set。☀️魚子蔥吞拿魚腩茸飯午市定食（$ 93）魚子，唔係好咸果隻👌🏻蔥吞拿魚腩茸，味道濃郁。生鵪鶉蛋作裝飾及調味，令到魚腩茸口感滑。☀️燒左口魚邊三文魚丼（$ 92）燒左口魚邊（4-5塊），入口即溶好正。三文魚（3塊），十分厚切，魚味濃。再肥美一點會更好。一定會回頭👍🏻*免加一🙌🏻*沒有享用餐廳其他特別優惠

Have been a loyal customer of Sushi Tokumi for many years already, since the quality of the food never fails to disappoint.I normally go for the super value for money 角切櫻花don, but they always sell out immediately once they open for lunch! Nonetheless, I had their salmon and 左口魚don and it was absolutely delicious. The fattiness of the fish was soooo indulgent and perfect with a spoon of rice. What I also love about this place is the amount of dishes you get served for lunch 😝 salad, soup, steamed

食物：5/5環境：4/5服務：5/5性價比：5/5 相信大家就算未食過都聽過呢間日料餐廳。次次午市去襯都爆場。食唔到第一輪等第一批食客離場都要45分鍾左右，建議大家就岩時間去食。食物：種類好豐富，跟餐送飲品、茶、面豉湯、沙律、甜品(雪米滋)。餐黎就又有壽司定食、刺身定食、丼飯定食等等，應有盡有。壽司同才刺身比起出面一般日式連鎖更好食，材料夠鮮味、解凍足夠、款式及份量都夠。仲要有擺盤。環境：正常日式料理格局，如果1-2人好大機會被安排在吧枱，但為左做多d客吧枱同隔離位頗近。扣左1分。服務：睇落吧枱得幾個師傳，但手腳極快，執料搓壽司又快又冇漏，非常專業。樓面經理服務很好，落單快埋單快，對餐廳而言可做多轉客，對客人而言又快搞掂，winwin雙贏。性價比：午市set $80幾至$100中都有，多款任均選擇，平均都幾好食，好食過市面所有日式連鎖。但晚市就偏貴。

沙田友成日諗邊到先有正嘅日本野？呢間離沙田市中心唔遠，係正河畔嘅餐廳一定啱choice炙燒左口魚裙邊丼 $135左口魚真係要燒先至帶得出佢嘅油香，之前食有幾間都冇燒，完全冇咗呢款魚嘅特色，呢到一個丼仲要大大碗，除咗左口魚仲有3塊三文魚同埋啲熟嘅三文魚碎，可以夾埋左口魚一齊食更加香口！吞拿魚蓉三文魚籽丼 $145滿滿嘅吞拿魚蓉😍😍😍呢到我估起碼有近百gram，仲要有同佢最夾嘅三文魚籽！呢個份量呢個價錢真係物超所值！個人覺得丼係呢到嘅主打三文魚刺身 $72/6片6片厚切，但長度就冇丼飯個size咁長，就算近背位都好香三文魚味鮟鱇魚肝 $98鮟鱇魚肝就正常發揮，但係如果個汁可以再配合得好啲，成道菜就會更加出色白鰻魚串 $116/2燒到個皮好脆，而且肉好香，唯一缺點係唔夠大舊🤣牛油燒帶子串 $41調味做得唔太好，食唔出帶子嘅鮮甜味

果日同個女去左沙田交通安全城玩佢就好盡興..我地就攰到得番半條人命😮‍💨好彩隔離就有間高質嘅日本餐廳可以醫肚有好嘢食即刻醒神哂🥰🥰睇得出門口嘅裝修都落咗啲心機入到去就見到壽司吧枱可以望到兩位壽司師傅埋頭苦幹我哋叫咗兩個刺身丼, 一碟卷物, 同埋幾串串燒~魚子蔥吞拿魚腩茸丼 (HK$145)左口魚邊三文魚丼 (HK$135)首先賣相100分啦💯另外好驚喜嘅係佢哋嘅壽司飯係有特別處理有紫菜同冬菇絲響裡面😯令每啖飯都有味而唔係單靠豉油非常啱我口味😋😋😋另外刺身份量冇保留滿滿舖滿一碗三文魚勁厚身火炙過嘅左口魚邊勁香油香味三文魚子同吞拿魚腩茸堆到成座山咁性價比極高👍🏻👍🏻牛油果軟殼蟹卷 (原隻) (HK$88)又係大大份因為原隻軟殼蟹響晒個碟上面個軟殼蟹炸到脆卜卜好正同軟滑嘅牛油果襯埋係一絕串燒: 黑豚串 (HK$38) / 鰻魚串 (HK$52) / 雞軟骨串 (HK$25)另外叫多左3串串燒因為阿女想食肉😂全部都燒到有少少燶邊好香口😋阿女食到停唔到口細牛肉稻庭烏冬 (HK$62)欣賞餐廳有得揀細碗版嘅飯/烏冬照顧到細胃組織或者小朋友嘅需要雖然細細碗不過一D都唔揸流好足料而且佢呢款烏冬非常滑口

上星期約咗朋友去沙田行街～佢哋話想食日本嘢，醒起德美壽司喺沙田都有分店，就同佢哋一齊去試吓啦～第一次嚟沙田分店，餐廳設計得好日式，離遠已經見到一排燈籠🏮即刻有去咗日本嘅感覺😂好在我哋早咗同埋平日去～如果唔係就要排長龍啦🤩我哋叫咗三個晚餐，每份都有沙律🥗同麵豉湯🥣而且份量好大！啲魚生好新鮮😍仲要係厚切🍣個牛肉鍋好鮮甜😋好味啊👍🏻🍱德美海膽魚生丼 🍱北海道甜蝦帶子魚生丼🍲野菜牛肉鍋 食完仲有雪米糍做甜品😆好滿足呢！呢度仲有其他熟食～飯類、串燒、煱物、爐端燒、天婦羅等等👍🏻