德興美食坊

营业中

休息中

這次吃的是雞中翼配西多士,,現在很多食肆的西多士沒有花生餡,,所以當我吃的時候,,也很驚喜..價錢還可以..不過因為這種自助形式,,吃光才發現原來蜜糖是要自己加的-口-雞翼夠可口,,啖啖滋味..

光顧時候大約晚上十時正, 點左一個時菜排骨飯 估唔到佢間餐廳俾左一碟冷冰冰的白飯 伴菜有可以數得到的幾條洋蔥 有少許白黃色的蛋花 清淡而無味的排骨 硬到石頭咁 本人較喜歡去好運中心個一間好d.不過, 有次去到d夥計竟然無主動招呼客人 客人點菜 d夥計詐看不見今時今天咁樣服務態度 真係太過時啦!

太太坐月子, 要買東西就只能由我代表去買. 聽見一田的BB用品減價. 早收工回港, 特來一轉沙田, 掃貨.掃貨前, 總要填飽肚子. 記得在希爾頓中心有一快餐店式既食肆. 是晚既晚餐, 就決定俾你賺.自買票後交水吧. 傳統的快餐店手法. 所有佢地做得出既食物, 已經一一的在收銀處後面的大水牌, 一目了然. 看了晚餐, 中式麵飯, 西式麵飯. 都感覺普通非常, 正想回頭去扒王時, 就在餐牌上方. 發現了鐵板餐. 正合我意, 因為我想, 食塊扒.非常經濟的一個食坊. 鐵板餐. 有湯飲, 有奶茶. 成份野, 功夫多多, 又大碟, 都只是$40. 至少係我心目中, 叫做抵. 即叫即做的, 要等15分鐘. 牛扒配薯菜, 加上燒汁. 弄好了, 自己把汁淋上去, 自己啫....`幸地, 油煙彈到奶茶內了. 結果要飲一杯加了油的奶茶.牛扒, 非常腍的, 可是呢一種腍, 大概是用了梳打粉嗱成. 不過, 沒有梳打粉的味逗留, 已算是功夫做得足夠. 燒汁, 味道香香的. 加上了那牛扒, 能令質素只能說是一般的牛扒, 錦上添花. 著條, 伴菜, 全部有版有眼. 用40元鋸扒, 能額外要求什麼嗎.例湯奶茶雖是普通

話說某天途經這地，漫無目的叫了一碗牛腩河加冰檸茶，原本只作飽肚之用，味道卻比想像中好，可惜也沒有為那一餐影下相片，思前想後決定擇日重賽。其正餐時段的價錢略為頗貴，下午茶時段單拼十七元一碗，雙拼則是廿二，再加上一杯凍飲，剛好三十大元，據樓下的食友所言，收銀阿姐的態度有點問題，恕我時運較高，看不見這情況，由於麵食部和水吧分作兩邊，要分兩次去取食物，確是有點不方便。取了食物後，再找位子坐下，環顧這裡的環境和衛生確是一般，相對上生意卻是出奇地好，可能是食品眾多的緣故吧 ! 說回食物，這裡弄的潮式牛腩什，是主要用五香粉調料的湯頭，加了腩汁之下，香濃而不算肥膩，舀麵的師傅更加了大把冬菜上去，令味道添上兩口甜香，整體合格有餘。肉類方面，今次選了腩什雙併，對牛腩的部位也是一知半解，只知沒有要求之下的五件腩件，都依附上隔膜及不肥的筋位，肉質甚有彈性，既不會出現咀嚼橡膠的情況，也沒有咬到一口肉碎的黏牙狀（註：我的牙齒生得比較差），不肥而爽口，還嚐出一點肉香。論香港那麼多間這樣的粉麵店，既品嚐過一些出名的名店，而庸店也曾光顧過，這一間算是名不經傳，今躺的牛腩沒上次的那麼鬆化，印象下總算不錯......

諗住食隔離食完明將之後,行過見門口貼住有"紅豆沙,綠豆沙",平平地$8一碗,就諗住再試埋這裡的綠豆沙啦~本想坐係卡位的,但見到裡面有電視睇,那位抹地阿嬸叫我們可以坐入去,於是就搵個位坐低睇電視食糖水~這間店要自助的,綠豆沙一來到了,食落口,嘩......超甜.....甜到好似落了很多糖一樣......食過那麼多綠豆沙,呢間食過真係第一次咁難食......

叫了一個常餐,花生蓮藕湯 - 無味加水之行貸，只是補充水份．西芹腰果雞柳飯　飯一般，腰果也脆，雞柳一般雪藏水準，疏菜比例也算多．咖啡　沒有咖啡味，再一次補充水份．＄２７元一餐，無話可說．雖然此店食物質素一般，但勝在是地道的港式連鎖快餐店，價錢大眾化，食品比其他連鎖快餐店有較多選擇，迎合大眾口味，所以早午晚餐也人流不絶．

男朋友話我近期有幾聲咳,盡量避免食煎炸野,提議去海皇粥.食過一次希爾頓果間坐得幾舒服,今次又行番去果邊.點知8點鐘既海皇粥咩野食都賣晒咯~商場內仲有幾間茶餐廳, 選中了德興.貪佢乜?貪佢多選擇.冇餐牌, menu就寫晒起收銀後面幅牆, 整整齊齊.我只可以食粥, 男朋友就想食粉類.是日晚餐:- 皮蛋瘦肉粥+叉燒腸 皮蛋瘦肉粥又出場喇~~~~ 個粥好綿, 料就冇乜.好熱, 都可以啦~ 叉燒腸個皮超厚, 見到有叉燒粒食落又冇叉燒味. 就算加0左豉油都無補於事.. 星洲炒米 好味, 食完成個咀都螢光色好攪笑. 好大碟, 衰在冇得加兩蚊有野飲啦!餐廳分開3個counter, 粥類, 粉面類同小菜炒飯類. 自己拎住將單過去拎菜. 個感覺似馬來西亞大排檔, 不過今次起室內囉.

星期日中午食飯時間, 周圍都冇位, 唯一呢度有位, 所以就入黎試試..........呢度全部都係靠自己, 同舊式快餐係冇分別.........叫咗1碟支竹班腩飯+凍奶茶, 1碟金菇肥牛炒烏冬........ 支竹班腩飯 -> 都叫做幾大碟, 味道都可以, 但個獻汁勁咗少少 凍奶茶 -> 好甜, 冇茶味, 冇奶味 金菇肥牛炒烏冬 -> 好濃味, 好大碟, 有d肥牛, 有d普通瘦牛肉 例湯(送的) -> 係木瓜煲雪耳, 好勁味精** d食物看似好抵, 但其實係貴, 因為佢唔包飲品.............. **

德興美食坊有兩個好處，一是在我家附近，二是價錢廉宜。可是我從來不覺得這是一所好食肆，食物水準欠佳，服務態度惡劣，衛生差勁。這回我為了位置的方便而去買兩客魚蛋河，可是收銀的阿姐不專心，以為我只要一客。我把票尾交到粉麵櫃檯，等了一會兒，裡面的廚子略帶呼喝道：「係咪買外賣架？」我問他：「係咪魚蛋河？」那廚子竟然不回答，只是睥睨着我。魚蛋河的味道很普通，湯底略為油膩，似乎有味精。魚蛋算不上有彈性，而且略帶魚腥，可能不夠新鮮，或者原料質素欠佳。值得一提的是，我有一回在店內晉餐，發現餐廳的筷子和金屬食具都沾有殘渣或者略帶油脂，幸好沒有食物中毒。

大除夕趕左去沙田倒數,見剩1個鐘時間,求其就入左呢間德興美食坊度食野,當時我就揀左個沙嗲牛肉炒麵,而女友就叫左碗墨丸牛腩米,,點知去度俾單師傅做時就話廚房炒野收左,得返粉麵,咁我就拿張單去退錢改野啦,我同個收銀講廚房收左,個炒麵退錢轉碗牛什麵,點知個收銀就撞聾咁以為我兩樣野都要退晒,態度差到無人有咁同我講(o個碗米粉有架嘛,唔駛退丫嘛),我忍住度氣同佢講我係要炒麵轉牛什麵總括黎講,呢個收銀係我遇到最差最離譜既一個,妳要趕住收鋪就一係同客人講要夠鐘收鋪,點都唔應該黑口黑面對住客人同埋搵d客人來出氣的,我最多去第二間食,但妳老闆又要做生意妳又咁既態度既話,不如唔好做啦

只要食品和服務不太差﹐本人一般都沒投訴﹐但今次真的火都來了﹗晚上同幾個朋友到在希爾頓中心商場內的德興美食坊吃飯﹐叫了幾個小菜和炒粉﹐出品簡直離譜﹗﹗先說食物﹐個通菜炒牛肉水汪汪﹐還咸到不得了﹗肉醬焗意粉醬焗到又黑又過火﹐醬又少﹗到個魚香茄子和牛肉炒河﹐煮法間直是油浸﹐差不多半碟都是油﹐最氣憤的是我們好言相告﹐老闆竟然隨便找個直口打發我們﹐說這是水不是油﹐難道我身為個廚師會連油和水都不會分嗎﹖

有食家說這家餐廳敎人大開眼界的是其服務簡直係感同身受!!!收銀的阿姐真係想鬧鬼佢, 男朋友真係好頂佢唔順, 話佢真係好唔得!自己唔記得比牌人就話我男朋友唔問佢拎, 大嬸呀? 我第一次黎, 鬼知咩? 佢得閒就講電話, 多人排隊又慢慢收錢, 問人要唔要飯, 好似串人咁! 不可一世!!!而水吧叫咪真係就好似喝令食客出來取食物, 大聲疾呼! 好似全世界得罪左佢咁! 監獄咩?食物:叫左西蘭花炒魚, 點知炒左翠玉瓜, 跟住問你要唔要, 唔好意思炒錯左...下? 係唔係未訓醒呢? 定係炒野炒得太耐呀? 眼訓呀? 之後見到個後生仔好似都有同類情況出現! 好無奈呢~叫左15蚊既貢丸米, 又係咁! 唔催佢, 佢都唔幫你整, 真係懶到唔想做咁~而清潔既嬸嬸又係唔多理人, 叫佢幫手收下野, 佢都慢十拍咁...唉!

10月18號，晚飯時間，不想四圍去，到飯堂．看看晚餐是什麼金針雲耳蒸滑雞，非常好，因自己也想吃得清一點．味道真的是一般，但不覺得難食．晚餐還有例湯及飲品．價錢便宜，是小弟經常幫襯之地，還有電視招呼顧客．

其實呢間野我去過好多好多次，因為我响附近住架嘛黎呢度我主要會食三種野1 粉麵2 常餐3 小菜講麵就真係一般，味道唔係咁好。我鍾意食濃味野，所以鍾意食潮州粉麵，最好加埋牛腩汁。但係呢度d粉麵湯底味道麻麻...........我亦經常食常餐，貪佢夠平.............26蚊有倨碟頭飯、餐湯同飲品...............但質素只算合格.............d小菜算係比較做得好,廿零三十蚊..................送例湯，但飯要另叩.....................我試過幾款小菜都唔錯。西蘭花炒斑塊、通菜炒牛肉、蒸桂花魚、蒸鯇魚等等............全部做得幾好..............呀，仲有，試過佢d蠔仔粥，都做得唔錯.............前兩個星期我訧一家人去，叫咗蠔仔粥、通菜炒牛肉、西蘭花炒斑塊同埋頁丸米線、油菜。頁丸米線保持一貫水準，麻麻地............最好係西蘭花炒斑塊，西蘭花好脆，斑塊彈牙，味道適中。蠔仔粥依然又平又幾好食........通菜牛肉夠晒味.................四個大人一個細路130蚊咋......

食完呢間,上openrice打德興先知呢間係分店中差較多的一間..叫左個肥牛炒河-汁份量適中,肥牛就麻麻地..但勝在夠比想像中多小小.睇見隔離台碟薯仔炆雞飯同送既比例係4:1 真係= =...杯凍檸茶半杯係冰..最憎呢d手段..TMD的!!!打咁小字就知真係好一般..~.~30$仲要得野飲..係咪通脹原因呢..以前25$左右就有湯有野飲..唔係快餐個d..係有水準的..而家就..服務就只可以講廚房d廚師係個d粗口爛舌既麻甩佬..係咁講野d口水肯定飛哂落去啦~