德麗食店 (已結業)

我平時喺呢家餐廳食晚餐. 日日都返嚟買嘢食係因為啲嘢真係好好咩！ 我食過佢哋啲番茄蛋，豬耳仔，咕嚕雞，牛脷，雞排，豬扒，雞髀，魚餅， 等等； 所有嘢我超鍾意 ：） 餐廳嘅阿姨阿叔都好有人。 嚟呢度食嘢畀我個好舒服home溫暖嘅感覺。 之後，嘢食嘅價錢唔錯This restaurant has it all: good food, good prices, good service, and good location. I have been a recurrent customer for more than a year now, and don't plan to change that soon; both the food and the restaurant owners have a very homely feeling that makes one feel happy. Really recommend!

近期多咗買外賣 周圍搵好味又抵食嘅兩餸三餸飯 有啲係勁鑊氣 又油又炸 講真係好香口 不過食多幾次喉嚨就唔舒服 有晚經過呢間小店 比較晏少少 剩下啲選擇唔多 就隨便揀兩餸+湯 心諗無乜要求 乾淨簡單就一餐 第一口感覺佢哋啲食物都是偏清淡 真正係少油少鹽 但是食物本身啲鮮味就出晒嚟 雞扒入味唔油膩 滷水蛋雞肶 味道啱啱好 蒸水蛋非常嫩滑 老火湯日日不同 清甜 舒服潤喉清淡的煮法 帶住濃郁的住家味 完全無味精 老闆夫婦誠懇的人情味 食完餐飯 唔止係醫肚 你係感到好開心 完全唔洗左揀右揀 想食住家飯 我一定揀佢哋 佢哋都好受呢區啲學生街坊歡迎 老闆 你要繼續煮俾我哋食啊😋😋😋🧡

最近疫情關係，整體食市生意都唔係咁好。不過，無論疫情如何，好的餐廳都一定會繼續支持不同餐廳中，我自己同屋企人首選都係德麗 中午食飯時間，西環想搵一間好食又有人情味嘅小店真係好難，所以德麗係我重情重義嘅原因。講返野食，一如以往都係抵食！3 餸飯依舊咁正，仲有老火湯。小兒比較瘦，老闆娘主動多飯真係心存感激 另外疫情期間，我見到餐廳都好注重衛生，不單為客人量體溫，也特地煮了很多蔬菜，老闆娘話希望大家身體健康 下次會帶同事一起來食

今日下午西環，四周圍去搵餐廳，不過天氣太熱，所以附近隨便試試搵一間餐廳去食飯，看到這間小店想試試，結果喜出望外！😍😍首先，食物有好多款式，好多選擇。我個有點三心兩意，所以花左一段時間點，最後叫左 2 餸食，仲有野飲 😮😮可能一開始無特別期望，原來D 肉著得好入味，食落唔覺得有任何味精，落足料去煮，抵讚！🤩🤩老闆好好人，對人好友善，見我一個人又同我傾計，真係好好啊 😊😊下次再來西環一定來這家餐廳 😋😋推薦推薦 🥰🥰

住咗西環幾年都無發現呢間不起眼嘅小店，琴日無聊睇吓附近有無良心小店試下，發現咗佢。（HKU站B1出口過對面馬路，係津津前面轉左第一個鋪位就係）30蚊兩個餸，38蚊三個餸送例湯。阿姐同伯伯都好好服務，因為我有啲偏食，會問佢地呢個係咩，果個係咩，佢地都好耐心回答，而且滿面笑容～食物方面，都幾多選擇：魚同菜都都有幾種，豬扒雞扒又有，仲有蘿蔔炆牛（我唔食牛所以無叫）我自備飯盒，伯伯裝好多飯比我，舊魚都好大好多肉！雞扒啱啱煎好，仲好金黃好脆（就算返去有點焗軟咗，無皮個面都仲係好脆），本身怕啲魚會腥同唔夠味，結果好鮮，調味都啱啱好。菜都唔係白烚，似屋企煮個啲。例湯係冬瓜薏米扁豆湯，應該無味精。女仔可以叫少飯。基本上就係住家飯嘅味道～食得到嘅心機同健康（唔油唔會太鹹，又好足料完全唔會因為價錢而比得少）住港大附近鍾意叫外賣嘅朋友一定要去試下～

好食，不過認真講句，唔環保，超抵食，價錢算平，30蚊就可以食到兩餸飯，38蚊就3餸飯，+3蚊就有湯飲，味道唔錯，服務就一般啦，勁似自助餐，隨便揀2-3樣餸，不過人哋會幫你夾埋，👍，嘢食有茄子🍆、苦瓜蛋、鮎魚⋯⋯又真係幾好食😋，適合大家去食，好似飯堂咁，值得介紹俾大家試吓，👍👍,very good，啱晒大家

雖然呢間飯店無堂皇既裝修,但估唔到D野真係好好食!未食過價錢咁抵又好好食既三送飯!最鍾意食呀姐整既三文魚,豬排,魚餅同雞排有時什至要訂先有得食!而且有好多菜選擇真係唔可以睇小佢!呀姐成日一個人搞掂,但服務態度都好好!強烈推介呀!

以同類熟送食店o黎講我諗唔會搵到呢個價錢！一個兩送飯都係$16!! 本人食量細，所以去親都係要兩送走飯，都系$11！$11就可以搞掂餐晚飯去邊度?？D送就普通款式同埋似住家送，例如蒸肉餅，煎/蒸魚，炒瓜菜o甘。基本上以瓜菜類多（據聞因為隔黎檔菜檔都係佢地所以菜類較多）。而且D送仲無乜味精添。另外例湯味道就淡左D。最緊要就係佢地收得呢個價錢服務態度仲係好好！"不"送o既時候絕對唔會話慳住慳住，D阿姐真係成個盒裝到滿一滿比你。不過由於通常都係得一個阿姐係廚房一腳踢，所以佢地裝完盒送都係要D客自己入袋同埋裝筷子。堂食o既衛生環境就真係麻麻喇，所以各位最好都外賣返屋企啦。另外D送有時可能唔夠熱，返到屋企返熱食會好好多。呢個價錢就可以搞掂餐晚飯，好過自己煮啦！最後建議各位如果想幫襯o既朋友，如果明知係外賣返屋企食，就儘量唔好o羅人地D木筷子同膠匙，始終小本經營同埋野食已經o甘平，唔好曬人地D物資，又可以環保D。百物騰漲，真係好需要呢D食店幫幫大家抗通脹的。

總唔可以餐餐大魚大肉, 間中都要慳d, 平平地填飽個肚就算. 呢度都係煮好晒揀食送, 二食送+飯=$10, 三食送+飯+湯=$15, 係好平好平. 食送晚晚都差唔多, 會有蒸大魚鯇魚, 肉絲茄子, 鹵水雞翼雞肶, 椒鹽九肚魚, 炒菜, 蘿蔔等等. 味道係麻麻, 肉絲仲通常韌得滯, 但都叫做入到口, 人地收呢個價, 仲要係招呼好客氣, 小本生意, 都係搵啖食0者.