心夜來潮 (已搬遷) 新店位置

【薑蔥生蠔】 HKD128依間食過幾次，小菜碟頭🍽係細啲，不過幾有水準，譬如牛柳粒，蜆，鵝片等等都唔錯。不過今次叫嘅依個菜就中左伏啦❗蠔係好細粒，亦都唔太新鮮，食落冇乜口感。至於佢用薑蔥去煮，但係幾乎一啲香味都冇【蒜香薯仔牛柳粒】 HKD108依間嘅碟頭都係偏細，不過勝在大部分餸菜都煮得唔錯。以依個為例，牛柳粒🐮熟嘅程度剛剛好，唔會煮到好老。而且薯仔粒都有炸過，成碟餸都好香口。不過如果要我再揀嘅話，我會比較喜歡黑椒汁。【京燒蝦碌】 HKD128汁醬就幾惹美啦👍🏻甜甜地，辣辣🌶地。不過如果再去依間舖頭食，一定唔會再點依道菜。點解？因為蝦🦐唔大隻都算，正常就算唔大隻，但係只要沾依個汁都會好正。不過嗰問題係依度嘅蝦肉同蝦殻痴得好實，就算搣又好，咬又好，都會有層衣痴係蝦肉上面，變相食落嗰口感超唔好，鞋颯颯🤢

因為有朋友生日 一於近近地係旺角食飯 一致同意食打冷係旺中對面樓上 位置就腳 入面都好闊落 坐得舒服我地嗌左唔同既野食 呢個四季豆茄子炒豬頸肉好惹味 食落口都唔會成口油既感覺 聞落都好香呢個啫啫娃娃菜煲非常好食 食落口有少少辣辣地 而且娃娃菜好腍 食左第一啖之後停唔到口 我同朋友都非常之鍾意呢碟滷水鵝腸處理得都幾乾淨 唔會有腥臭味 而且仲有芽菜鋪底 上枱時會有辣椒醬同醋俾你點 而且份量都幾大碟 食極都未完蠔餅上枱時 我地都嘩左一聲因為都好大個 好香蛋味 d蠔都幾新鮮 而且切既時候卜卜脆 再點埋魚露食好香口我地仲嗌咗個卜卜蜆煲 一上枱同想像中唔同 我地以為係有蒜蓉同辣椒個隻揀 呢款係清湯做底 加埋d粉絲金菇粟米 成個湯飲落好清甜而且d蜆都好多又大隻都冇乜沙 幾新鮮整體來講 食物質素都幾好 而且環境都舒服 地點就更不在話下 侍應服務都好好 下次再來叫其他野食先

在鬧市外圍，位置不是太好，如不是刻意來這，實在不會行經這裡。又因店內地方太細，所以部份坐位安排在店外，但如天氣不好，就會比較麻煩。潮汕砂鍋粥（中蟹一隻）～ 用砂鍋煮出來的咸香粥，海鮮味道分外香甜；蟹肉新鮮嫩滑，但可惜蟹肉不是和粥一起熬製而成，令粥底完全沒有蟹味，有點點失望。醬醃螄蚶 ～ 因怕身體受不了，只輕食了一隻，想不到完全沒有腥味，而且非常新鮮。脆香手打魚蛋 ～ 大大粒魚蛋切片，口感彈牙，但無魚味。手工捻面猴 ～ 配料有肉碎，乾魷魚，蝦米，冬菇等等。一定要快食的麵條，感覺有點似刀削麵，但聽說是用手把麵團一片片捻下去而成，所以厚薄不一，口感新奇又煙韌。第一碗大家因忙著影相，所以最後麵條因放太久而淋了，大家決定叫多碗即食試清楚，原來即食真的是最好的。小米餃 ~ 配料有新鮮豬肉和大地魚乾粉加上特裝醬汁做成，一口一粒，煙煙韌韌，回味無窮。菜脯煎蛋 ～ 味道偏淡，煎得又唔夠香，普普通通。豬油渣炒菜心 ～ 菜心爽脆新鮮，但豬油渣唔夠香脆。坐在街邊，好有在台灣大排檔的感覺，和三五好友一起聊天吃飯，實在一樂也。*趣事一提，朋友影了幾張相片後打卡，店主竟然會有回應，實在始料不及。

五個人晚餐食食左$57x，話抵唔抵，皆因食物質素55波，五個都一致話唔再來，見到告示話會搬近3500尺地方，相信有佢成功之道，不過都想分享下今次經歷，希望新店改善啦蠔仔腥，鍾意食應該覺得ok，不過真係好咸，腎功能大大減低粒丸比正常爽實，但無乜特色無味滷水雞亦，餐牌圖不符，圖得2隻，上菜原來幾隻，味道就係無味，無肉，啜骨啜極都無味Xo醬炒腸粉。。。無語，食粉團一樣，醬還醬，粉還粉。。。。唔好叫，好伏食餃子食到入面有骨。。😑 感覺非常唔好。。。菜甫旦。。菜甫還菜甫，旦還旦，旦仲要無旦味雖然好多唔好，但都有以下係ok的牙簽雞幾香口脆，但encore果碟完全唔同。。。呢個蟹粥都幾入味，幾乎每台都有，但碎殻偏多，要好小心食，魷魚無乜味食到最後，，，見到好大隻小強周圍街，不過店員都好即時問候情況，但衛生環境真唔太好，食完一大堆待洗的碗碟存放位置相隔2尺就已經係坐位。。(非我坐位置)，我平時都有食開大排檔，但呢次經歷唔太舒服整體都唔會再來，因為食完5人中有3人都唔舒服，其中一個嘔，一個肚屙希望新店會做好d，唔好浪費129個好評

各位朋友喜歡夏天汗流浹背的感覺嗎?我大抵係很怕熱的人,但天生又怕被束縛,所以多怕熱也無損坐戶外吃飯的情意^0^,這夜多得{幾條冷食番餐}成員也不懼炎熱,到心夜來潮享受自由奔放的一夜!!上一趟跟車爸爸來吃過一次後便對它念念不忘,難得今次{幾條冷食番餐}都有興趣到訪,一於掃餐牌啦喂! 今次我帶了兩枝{梅酒威士忌}味道酸酸甜的,很受女仕們歡迎喔!!而好友的紅酒亦醇香好喝呢!! 飲勝!!希望大家能keep住月月相聚,開心食番餐Yeah~ {醬醃獅蚶}$36,處理得雪白的獅蚶,味道一貫的鮮甜可口,車爸爸晚了收工才到想再叫時已售罄喇!喜歡吃的朋友要早啲Order喔!! 沒有獅蚶退而求其次叫{醬醃生蟹}$88,細細隻的三點蟹膏可不少呢!不過味道挺鹹,建議送粥或白飯同吃較合適~{巨型脆香手打魚蛋}$32,上檯時巳切了片,外皮已炸至香脆,內裡質感較煙韌,味道頗香而且沒有腥味,點上店方自家制的香口辣椒油送酒很匹配啊~{菜脯煎蛋}$38,蛋香不俗係略嫌煎得未夠焦

喺櫻桃街踢完波,難得老婆大人話黎同我食宵夜,聽講附近有間食砂鍋粥,當然黎食返碗"夜粥"啦 !!因為踢完波無乜胃口, 同埋唔想白白浪費左啱啱努力燃燒脂肪嘅原因,我倆決定清清地.其實有好多海解揀:膏蟹,海蝦,鮑魚.....但係我地叫左蟶子,乾瑤柱,雞件粥底很綿滑,蟶子嘅鮮味反而比乾瑤柱還要突出, 雞件經過粥水快滾當然滑滑!啱晒我剛剛出完一身汗, 口乾乾嘅胃口.煲粥2個人當宵食其實都足夠, 但係老婆見到依度有菜茶食,好想試下.我當然好識做咁叫左碗俾佢啦! 菜茶其實係汕尾嘅節日食物，汕尾人一有喜慶節日就會整菜茶黎宴請客人.依度嘅菜茶都好足料:有多種蔬菜,臘腸,蝦米,魷魚乾,炒米,花生加上熱辣辣嘅湯茶.味道比較淡, 可以食到唔同食材嘅原味, 但係啖湯茶就綜合晒以上食材嘅味道,頗特別!ps.因為有炒米,所以要快手D食,就好似粟米片咁,加左奶就要極速盡快食,唔係就淋晒唔好食!夜粥你有冇食過? 我有,我真係有 !!!

這夜表親一家心血來潮約食飯，與幾位好朋友來到這間心夜來潮，一看就很覺得不簡單的店名，聽聞他是食潮州菜，最靚的是潮汕砂鍋粥，最不能不吃的是生醃海鮮，那怕腸胃有幾弱雞，幾大就幾大，試左先講！呢樹潮汕砂鍋粥分小鍋($150起)和大鍋($280起)，幾個人一人揀一樣，膏蟹、肉片、響螺片、魚片、雞件，加埋$290岩岩好！雖然唔算好大煲，勝在用砂煲上風味十足，而且材料使用十足，看那蟹蓋上的蟹膏呈鮮橙紅色，加上其他雞、魚等材料肴製出來的砂鍋粥，半條魚骨都冇，冇得輸吧..?說到食潮州菜，怎不能試試生醃醬海鮮?!雖說一聽到”生醃”的海鮮都驚驚，卻難以抗拒這種生醃誘惑，膽粗粗的點了這兩味醬醃螄蚶和原隻醬醃膏蟹($108)。螄蚶本來就非港人熱愛的海鮮，卻擁有著無比的鮮味，其橙色的螄蚶肉加上極其Juicy的深橙紅色肉汁，以黃酒、辣椒、蒜粒和芫茜生醃，看其擦到白雪雪的螄蚶殼，簡直鮮味到食唔停口！這味原隻醬醃膏蟹淨係上碟賣相已經夠晒吸引，一啖啜落蟹肉度，雖然有點咸咸的，但生蟹的新鮮滋味傾瀉而出，口感很像吃醃咸了的日本新鮮帶子，不過唔敢多食，小食多滋味！要訴說潮汕必食的小食推屆，必選這兩款巨型脆香手打魚蛋和家常牙籤

我唔知正宗不正宗還是口味問題結果不似預期，大失所望想食蟹，無蟹。。。叫左4餸1湯，大部分都好咸！而我平日最愛嘅醃獅蚶都咸到不得了，食唔出鮮香味，得死咸味醃海膽更加咸到指甲咁大要食半碗飯先蓋到咸味，怪不得有食評話食得飽而佢食物份量細得似小朋友份量，雖然佢價錢係平，但。。。我唔會同一碟餸叫兩次，而佢選擇又未多到想叫好多款如果。。。當佢小食店尚可接受，正餐。。。食完唔覺飽😓

星期六係屋企hea hea下又到搵食時間，上openrice見到呢間野咁高分，就梗係唔放過佢啦一去到條隊長到呢～為左美食唯有排啦！排排下見佢不停開枱盡量俾多d人入，算佢啦！呢種大排檔風味真係正到暈菜茶，睇個名完全唔知咩黎，睇圖覺得幾得意好地道潮州野咁，就試下啦，上面一粒粒小米咁，配搭花生同菜，唔似茶，但整體十分配合，對我黎講好新鮮完全未食過小米餃，細細粒咁一啖一粒，有d似魚皮餃，每粒痴住晒咁有點難夾起黎食，暴力咁分開佢地個皮就爛了醬鹵鴨，好入味，份量都唔少，有骨有肉咁，又有骨"損"下鹵水汁，又有大舊肉食下，正！重頭戲～ 潮汕沙鍋粥～ 呢個其實係車仔粥，要自己揀想要既材料加入去煲，有好多料可以揀，我地今次就揀左鮮雞同膏蟹，即煲既關係，呢個粥都等左成1個鐘，一路食住其他野一路傾計都唔覺既第一啖食落口，OMG! 有無咁甜呀個粥底！呢個粥真係同黯然宵魂飯有得揮 再睇下個膏蟹d膏多到呢～雞夠彈牙，食得出一定係鮮雞！ 小弟盡量唔會重覆食一間餐廳，但呢間，我要食完又再食先掂！

第一篇食評就要奉獻給心夜來潮係Openrice見到咁多評，同成日經過有好多人食同要排隊，以為係正野喇，點知......試過就算，不可再，完全唔明點解會有咁多好評囉話說當日7點前到，時間尚早，仲未需要排隊，但室內位已坐滿，而室外就遲遲未開，啲待應唔知係咪做野㗎，明明有幾堆人係到等緊佢地擺枱，安排入坐，但佢冇講明邊個先邊個後，等了15分鐘，終於開好枱，可以入座了。叫咗''潮汕砂鍋粥'' ($150起-細，$280起-大),配料可自由選擇，而我叫咗大膏蟹($170隻)，2份象拔蚌($30份)，1份蟶子($60份),滿心期待個粥終於黎喇，一黎到呆咗，蟹睇落係幾大既，但說好的膏蟹呢？一啲膏都冇，肉又唔多膏蟹變水蟹...叫咗2份象拔蚌，全鍋粥得一隻仔唔通1份等於半隻仔咁就唔好用''份''作單位喇，好明顯係誤導消費者，蟶子既量都有4,5條既。講真味道好一般囉，完全唔夠味，用成$290海鮮去𤉶呢煲粥，連最基本既鮮味都冇，真係極度失望囉另外仲叫咗牙籤雞($26),鍋燒肉($46),小米餃($20),手打牛丸($32),手打魚丸($32),菜茶($42-大),醬鹵鴨($68)。大部分小食都可接受既，份量細

手打牛丸味道幾好味,牛丸好新鮮蟹粥水份較多，反而米好少 ，味道就一般XO腸粉味道十分入味,辣辣地又幾好味,我不吃得辣都可以接受，亦不是太咸我最近愛去吃潮州打冷,心夜來潮都去了3次了，早前約咗住旺角的朋友出來聚會，朋友話見到我呢排分享心夜來潮,她看到我的食評都話想去試下,我就約她去吃打泠,之前去過幾次，今次不用朋友帶路,旺角店地方不是太大,它的服務都OK,起碼去了幾次感覺OK,今次叫了蟹粥/XO腸粉/手打牛丸 ，我覺得這裡出品都幾好

見到Openrice評價唔錯，今日終於決定去食，未夠7點就去到門口避開人龍。當然叫左最出名嘅砂窩粥，細嘅＄150起，大嘅就$280起，配料自選。叫左隻大膏蟹($170)，象拔蚌($30/份)x2，蟶子($60/份)，加埋就係一個大嘅砂窩粥。超初滿心期待，點知個粥一到，隻蟹大就夠大，但係一啲膏都無，根根本本就係一隻水蟹!!象拔蚌2份，全窩粥得個一隻咁大把，收我$60！！蟶子算似好啲，有5－6隻咁啦。咁嘅"砂窩粥"盛惠$290！簡真係一種侮辱! 侮辱左佢自己同啲食客！其他小食, e.g. 鍋燒肉,牙籤雞, 手打魚蛋, 牛丸, 小米餃, etc. To be fair, 幾十蚊一個，味道係唔錯嘅，份量多定少見仁見智。另外間鋪頭服務態度一流！問佢擺杯水，同我講話"唔好意思，我地無水供應"，做得食肆嘅水都無，唔係吖嘛！！回眸一望，仲有好多人排隊等食喎，不過香港係自由社會，佢地可以試一試間餐廳嘅，可能有另一番體會呢。

有一家相熟的改衣店在大角咀，每每去改衣的時候都會從旺角走過去，就在上天橋到大角咀的一刻總會看到有家餐廳把木餐檯放到店外，等候入座的食客很整齊一直線在店外等候；好奇心驅使我要去看過究竟才發現原來這家就是以潮州菜為招徠的心夜來潮。在Openrice看過食評，最吸引我的是他的生醃海鮮，起初還以為只是韓國菜的特色，殊不知原來潮州菜也有生醃海鮮。以往對潮州菜的認識都很少，幸好小店餐牌都有細心解釋潮汕菜是什麼的一回事，砂鍋粥、生醃醬海鮮等都是潮汕菜的名物。向來都是海鮮迷的我絕對不可放過任何嘗鮮的機會，先嘗醬醃海膽($28) 加白飯($8)，海膽呈濃稠再加入幾粒花生配一碗白飯，份量絕不多，當還在想$28給一小碟定價是否偏高的時候，淺嘗一口醬海膽，感覺就似我家爺爺品嘗他最愛咸魚配白飯一樣，醬海膽入口極具咸鮮，這個時候配上白飯食用，白飯的香甜味更突出，好中和海膽的咸鮮味。 再嘗原隻醬醃膏蟹($88)，膏蟹上碟前已先斬開幾份，雖然份量未算十分澎湃，但鮮橙色的蟹膏已經很養眼； 相比起醬醃海膽，膏蟹的鮮味更重，先味道而言，雖然兩款斬咸，但膏蟹的咸鮮味可接受，無論配白飯抑或淨食膏蟹斬是另一番味道；再嘗

下班後突然想食粥，便到了心夜來潮。其實係第一次尼食，一直都好想試，但多數就唔岩時間，見今日早收工，就快快手手趕過去，希望唔洗等位。果然，七點前到係有位既，不過七點半打後就開始多人，如果唔想等位就一定要早到啦。落單先叫左煲砂鍋粥，因為需時約半個鐘，所以第一時間就叫左先。兩個人食所以叫"小" 既SIZE，不過其實已經好夠食。小既粥$150起，配料就揀左鮮雞件、蠔仔同蟶子，3樣夾埋都只係$160。7.5/10分。 因為太肚餓而冇影到入面D料，其實都算足料下，蠔仔應該都食到有15粒以上，而蟶子都有大約12隻到，但有部分海鮮有沙，希望可以洗乾淨D啦。個粥清清地，但有晒所有配料既鮮味，而且食得出冇咩點落味精，食完都唔口乾。 手打牛丸，強烈推介，8.5/10分。同一般機製牛丸好唔同，除左牛味重之外，入面仲會保留到肉汁。雖然冇星爺既瀨尿牛丸咁勁，但食得出絕對唔係交行貨。 手打巨型魚蛋，6/10分。相比起牛丸，依個就遜色好多。雖然大大粒好特別，但奈何肉質唔彈牙兼魚味欠奉，似落麵粉多過魚肉。不過至少炸得唔差，唔會好油亦冇過老，加上醬汁酸酸甜甜，可算挽回部分分數。小米餃，7/10分。類似魚餃既小米餃係以

食過一次荃灣既心夜來潮，覺得好好食同好特色，今晚特登出旺角試多試，非常失望，由坐低完全冇人理會，跟住叫野完全唔知邊個係侍應，落單因為粥都等所以先叫，4個配料海蝦，肉片，象拔蚌同扇貝，冇寫低都算，轉頭就問我話唔夠150蚊，原來漏落海蝦，之後加左手打牛丸同豬油渣炒菜心，牛丸味道一般，感上香港仔魚蛋賣既更好食，唯一值得推薦係個菜心，味道香口但份量較少，後來粥來到，象拔蚌換左田雞，原來落錯單，因為本人係唔食田雞，同侍應講只答咁取消個田雞囉，但之後唔理，我問個粥可換？佢話唔得，試問唔食田雞又點食田雞味既粥？係冇食過個粥之下買單走，完全覺得不值，呢一間呢世冇第二次，以後想食都係去返荃灣！！