心夜來潮 (已易手) 新餐厅

虾干通菜煲 超好味 好有獲氣鐵板豬仔骨 熱辣辣 濃味既黑椒味 都唔錯 不過個人略嫌太喊蒜蓉蒸鯇魚都ok d魚幾滑根主主打菜黎啦佢地個招牌海鮮粥幾乎每一枱都叫既我叫左蟹（中size) $200， 蜆 $40同鹹排骨$40隻蟹細到...... 個侍應當單既時候話當日無晒細蟹 得番中同大呢隻真係估唔到佢唔係細size....之後我再問另一個侍應， 佢話當日入既海鮮好差 所以咁 仲話細size 仲細....然後用手整個同隻蛋差唔蛋大既圈....嘩....唔係呀話.....咁都攞出黎賣然後d 蜆有三份一係唔開即刻死嘅咬落去入邊黑蚊蚊 真係唔敢食仲有食食下有隻烏蠅仔係我杯水度游水...個侍應好快就拎走幫我換過杯...不過我都無期望會好乾淨 ...呢間餐廳唔係第一次去 之前去過幾次都覺得食物ok 但食完今次真係唔會再返轉頭lu

今日同朋友行完荃灣千色，都已經夜深了，就黎左呢到醫肚啦！呢到有好多特色小菜，見到好多款式都想試試，但因為得兩個人的關係不能點得太多驚食唔晒，就只有點兩款菜式及1鍋海鮮粥嘗嘗。點完餐過了一會兒，食物就已經陸續送到。香噴噴既菜色，見到都已經流晒口水。炸饅頭炸得香脆可口，入口熱辣辣，非常美味。潮汕砂鍋粥裏頭海鮮份量十足，鮮甜美味好食到不得了，再配送埋鹵味一齊食，正 仲有好多款菜式末嘗試到 下次一定會再黎食過

年尾特別多飯局，成班人食飯可以吹水地方選擇唔多，加上今年冬天特別凍，放題、刺身都凍到唔想食，最好就係食啲暖笠笠嘅嘢！雞煲、打邊爐日日食都熱氣，今次就去咗出名多潮州餐館嘅荃灣三陂防搵食！雖然經過條街，每間菜館侍應都會出鋪sell自己間餐廳，我 依莉詩 就第一時間畀心夜來潮嘅砂鍋粥同原板海膽炒飯吸引咗入去啦！新派潮食   餸菜足料大大碟聽聞心夜來潮旺角嗰間都幾出名，而荃灣店嘅菜式原來同旺角店好多都唔同，就好似最吸引嘅原板海膽炒飯就係荃灣店限定。雖然餐廳都係主打潮州菜，但菜式唔止打冷，仲有唔少特別嘅菜式，好似涼拌蔥脆魚皮就唔係度度都食到。講到冬天最啱食梗係砂鍋粥，一路食有個火爐暖住，一定唔怕凍。而一大班人吹水食飯就可以揀啲鑊氣小炒，宵夜送酒都不失一個好選擇。菜式都係預多人一齊食，所以全部都大大碟，如果想食多幾款最好約多幾個朋友一齊去。天氣咁凍，下面有個火爐一路幫個粥加熱，真係超暖。沙鍋粥可以自己揀料，海鮮同肉料都有，即叫即整，除了今次揀咗嘅龍蝦同膏蟹，仲可以揀聖子王、象撒蚌仔、田雞等十幾種配料可以揀，每份都係 $60蚊內有交易！計番細煲最少揀$180，可以揀到 3份料，四個人食的話，每人唔止

從來沒有遭遇過這麼差的招待! 閒日晚上7點，來到荃灣三陂坊這間食店，店員說沒有訂檯的要等位，說要等到8點才有位。(心想: 店內還有很多位喎，點解唔可以俾我哋入去喔?!) 好! 我們等! 我哋在附近行了一會，8點返回食店，發現店內坐滿客人，店外亦有很多人站著、坐著等位。我們連忙問店員，我們何時會有位? 他說忘記了我們之前的留位，叫我們再等! 實在太離譜了! 我們既然一場來到，只好再等一會。我們坐在外邊，順便從菜牌選了想吃些什麼，希望一陣有位時，可以快一點落單，快一點有嘢食。誰不知，越等越唔對路，等到8:30，都沒有位給我們，而其他遲來的客人反而可以進去店內就坐。8:40了，我們再問店員，何時有位? 他說不知道，你等就等，不等就不等吧!我們滿肚子怒火，這刻已等了100分鐘，竟然得到這樣的待遇! 哼! 我們走! Black list 你!

荃灣不嬲多嘢食，今次就深入三坡坊食心夜來潮。砂鍋粥好足料，有薑有蟹有蝦有芫茜有蟹膏，每一啖都食到。你會奇怪，蟹膏乜唔係淨係喺蟹入邊先搵到㗎咩？你冇睇錯，蟹膏係其中一樣餸！粥煲得好綿，值得一提嘅係用嚟裝粥嘅器皿好特別，食到最後啲粥仍然係好熱！啲蝦好大隻，超抵食。值得一讚嘅係佢啲蝦一早已經剝曬殼，啱晒我呢啲懶人！🙈廚師真係好細心～☺砂鍋卜卜蜆煲有大同細兩種size揀。叫咗個細size但係一黎——嘩！細煲已經咁大，咁大煲咪重大？！啲蜆多到就黎跌出黎！落埋芹菜同啲蜆一齊煲，蜆有芹菜香，同蜆肉嘅鮮味互相輝映。蜆係大大隻，一啲都唔同你慳！除左蜆同芹菜，重有粉絲，真係一次過滿足你三個願望呀！啫啫秋葵煲唔止食得重聽得！事關一上枱就「啫啫」聲，剩係聽聲就已經feel到溫暖。食過灼秋葵、啫啫雞煲，但就未食過啫啫秋葵呢個配搭啦。見隔離枱嗌，好奇嘅我就梗係要試下啦！秋葵切到細細條，食落口夠腍又爽，同鹹魚粒同甜紅椒同蒜一齊炒，口腔充滿香得過份的鹹魚香～重味嘅鹹魚同淡味嘅秋葵配搭得天衣無縫，鹹味被秋葵中和，整體味道不錯👍。涼拌魚皮點埋wasabi食，好似食魚生咁，爽口有鮮味。手打牛肉球湯底有d蔴醬味，幾特別，牛肉

上星期氣溫突然下降， 突然想起暖粒粒嘅砂煱粥， 記得荃灣有間潮州菜店有砂煱粥， 名叫「心夜來潮」。餐廳佈置特別， 用木抬木椅為主， 好有中國特色。我哋得兩個人， 所以點了個小砂鍋粥， 客人可以自由配搭材料， 我加咗海蝦 （$60/份）、鮮蜆 （$40/份）、黃鱔 （$60/份）同鮮雞件（$40/份）。 食件雞先， 好有雞味， 鮮嫩幼滑， 配上豉油、味道提升不少， 海蝦肉質鮮嫩， 十分鮮甜。 我覺得值得點選就係鮮蜆，鮮蜆鮮甜無比， 整個砂鍋粥變得特別鮮甜， 至於砂鍋粥嘅粥底， 不似廣東粥般綿，還可以見到細少嘅米粒， 這是潮州粥的特色。 粥底真係好食到唔停得口，海鮮既鮮味滲晒落粥底，鮮味十足，加上芫茜蔥， 就更加香啦！ 每人食咗兩三碗， 大美味了。 《傳統鴨蛋煎蠔烙 $88》上枱時已經感覺到蠔烙嘅鬆化， 熱辣辣， 脆卜卜，加入鴨蛋嘅蠔烙， 煎出來特別香， 口感更加厚實， 蠔仔鮮甜亦無沙， 外形豐滿， 肥味可口。 《醬鹵元蹄 $138》係一道傳統菜色， 主要材料係豬蹄，以醬油、鹽、花椒、八角等配料燉制而成的，味道帶咸， 豬皮煙靭嫩滑， 有豐富嘅骨膠， 女仕食就一流啦！ 食物質素唔錯，由於好

話說其實我知道呢間店已經好耐了，心夜來潮！！記得當年小店一開張既時候好多報章雜誌爭先恐後地報導這潮汕餐廳，砂鍋粥更是招牌。今日趁著寒冬就後取一取暖。位於三坡坊，附近到處都係大排檔，好易搵到。大約6點多到時，店內還沒有客人，但不出15分鐘就開始滿無虛席了。所以黎之前記得先訂位呀！！！餐具也並不馬虎，都印了店名。餐牌十分特別，好似古代的書。------------------------------------------------------------由於得2個人，而且砂鍋粥份量都多，所以試唔到好多野。但其實重有好多野想食，可惜了。希望下次會約多啲朋友仔去啦。牙簽雞($58)先黎一客小食，朋友十分期待的牙簽雞。其實只是炸雞粒加了枝簽，但係炸衣好特別。好似有脆米包裹住，令到雞粒脆上加脆。而且份量都好多，每一粒都頗有份量，唔會好細粒。唔會有厚厚的粉漿，而且肉質唔老，但如果有肉汁保留會更加份。配上甜辣醬更惹味，但個人覺得就甘食已經好夠味了。值得一讚，食唔出有雪味哦。香辣魚仔炒花甲($108)身為辣妹子的我，無辣不歡。而且我係一個海鮮迷...快到達狂的程度了。但係呢碟香辣魚仔炒花甲既辣度滿足

今天晚上與友人五位在這夜開開會食好西想不到大部食物都有它的美味之處例如辣酒煮花螺，職員特別到來把酒倒進鍋裏並點着火，酒味濃，令辣酒煮花螺的香味即進我的心這裏的爽魚皮亦十分可口，我們點了兩碟...

雖然唔係潮州人 但係由細到大呢都會成日食到潮州嘢🙈今次呢就嚟到荃灣嘅心夜來潮 睇吓佢嘅潮州嘢有幾好食🤨一去到就叫咗一鍋潮汕砂鍋粥 $180材料就選擇咗膏蟹同埋海蝦膏蟹只係叫咗細 但係非常多膏 而且份量唔少👍🏻加埋海蝦令成鍋粥非常鮮甜天氣咁凍 最適合不過💓食潮州嘢當然要叫蠔餅 ($88) 啦呢度嘅蠔餅非常之大份 而且蠔仔亦都好大粒😍😍蠔餅唔算好油 炸得好鬆化 贊再叫左個滷水雜 $138有豬耳 紅腸 大腸 豬腩肉 豬脷 豆腐 勁多料呀 😍 滷水味足 不過要食滷水鵝的話就要分開叫了兩個女生食到好飽 份量真係好多 仲有好多野想試😣 下次叫齊朋友 一齊慢慢品嘗☺️

聽聞荃灣的三坡坊有很多好東西吃，Lucas小食家就上網搜一搜，找到這家「心夜來潮」，來試一試該店甚有名氣的海鮮粥，另外還有原板海膽炒飯，簡直是未出發先興奮。 飲品 －椰子汁已經很少見了，味道依舊好喝。 鐵板跳跳豆腐整個菜由鐵板上，上檯時還是熱辣辣的！此菜式加入了不少配料如香菇、肉粒，用來配白飯一流。 養生胡椒豬肚雞這是我頭一次吃，是升級版胡椒豬肚湯，加入了大量杞子、紅棗和雞，感覺很養生！ 龍蝦膏蟹砂鍋粥有整雙大龍蝦坐陣，賣相相當吸引。除了龍蝦還加入了爆膏蟹，令整鍋粥海鮮味十足，好像在喝濃濃的龍蝦湯！不要以為龍蝦肉會變老沒有味道，龍蝦肉肉質入口依然彈牙。 田螺大腸煲味道有點辣，田螺頗大隻的，適合配啤酒。 原板海膽炒飯應說是海膽撈海鮮炒飯，炒飯本身有鑊氣，而且有很多海鮮配料如蝦、帶子等，絕對值回票價。 總括而言，這頓晚餐十分豐富，很多下酒菜選擇，適合三五知己體驗佬味風情的朋友。

冬天嘅時候食啲乜嘢最好，當然係有個暖笠笠嘅火爐係你前面啦！今日去咗荃灣嘅三坡坊心血來潮想食心夜來潮，因為諗起佢嘅生滾粥，就蠢蠢欲動。一坐低就叫咗個蟹蝦砂鍋粥，兩個餸加埋只係$180，價錢合宜，仲有美味嘅粥底，天衣無縫。下面仲有熱騰騰嘅火一直幫個粥加熱，真係不得了。海鮮既鮮味滲晒落粥底，蝦肉同殻分離，完全係新鮮嘅表現！四個人每人食得一碗真係有啲唔夠喉。試決定叫多個卜卜蜆鍋，我只係叫咗個細嘅size，但係就已經好似我個面咁大盤！啲蜆多到食唔晒，裏邊仲有好多辣椒同埋蒜蓉，在湯中攪勻後，鮮味與蒜蓉味都互相輝映，帶有點點海水鹹味。最開心係叫咗個啫啫秋葵煲，出到嚟個煲吱吱炸炸，代表個煲非常有熱度，裡面既秋葵起碼有30棵！真係每人食10條都有突，配上辣椒及鹹魚粒粒，真係香噴噴逸鼻！真係忍不住口，一口氣吃了五，六條。最後要講下個一口炸饅頭，剛剛炸好的感覺，我相信我這一輩子也不忘記。皮脆內軟，金黃色的外殼，連着軟綿綿的麵包，非常鬆化，再點一口奶油，感覺濃郁，幸福甜蜜至極！

在荃灣去完event後，發現附近有一條街巷差不多全是潮州菜的餐館，見到這一間心夜來潮的裝修好像較有特式，所以就在這裡吃晚飯。面積不算很大，環境衛生潔淨，不會坐得太擠擁，幸好早來了，過了七時就開始人多。內裡的格局就像拍古裝片的庶民客棧般，帶有古雅簡樸的中華文化氣息。雖然這裡是主打潮州菜，但也不止於打冷，餐牌款式繁多，一向愛吃中式小菜的我就選了幾款小炒。椒鹽鮮魷 $78我每次在餐牌上見到椒鹽鮮魷都會必點，如此脆卜卜的香口炸物真是令我無法抗拒啊！外皮炸至鬆脆酥香，沾滿爆香了的蒜末、紅椒粒和椒鹽粉，鹹香惹味，內裡的鮮魷肉質彈牙爽口不過韌，而且炸得夠乾身，不會過份油膩，令人忍不住一口接一口吃個不停。方魚炒芥蘭 $68方魚即是大地魚乾，經常都會在潮州菜式中出現，就像是天然的添味劑，為原本一個平平無奇的家常小菜式增添獨特魚香。炒芥蘭口感爽脆，加入爆香了的方魚一齊炒，去除芥蘭本身的苦澀味，鑊氣十足而又香氣四溢。路邊炒米粉 $78雖然這是看似簡單的一道菜，但平日在街上吃到的炒米粉，要不油膩膩，要不就斷斷碎碎的，幸好今次這碟算是高水準。一上台時剛剛炒好熱辣辣，配料有炒蛋、土魷、肥豬肉和芽菜等，只是土魷質感

荃灣三陂防又稱為潮州街，因為成條巷都開滿大大小小既潮州菜館。夜晚去到就會見到每間菜館既侍應行出鋪外sell自己間餐廳，招呼客人入去，都幾有特色👍🏻 而我今晚就黎左街尾既心夜來潮，估唔到真係咁正！！第一眼見到本menu個封面已經覺得好靚👇🏻Menu都算多野食揀，亦都分好哂唔同section，就算唔係食開潮州野都好容易揀要啲咩。店員主動走過黎叫我地一定要試佢地招牌菜- 潮汕砂鍋粥。我地揀左膏蟹($120)同蠔仔($60)配粥。我想講，唔食由自可，一食真係不得了，因為真-係-好-好-好-正！先講個粥本身，煲得好綿好滑，食落好似以前跟婆婆番潮州鄉下食過既味道，童年回憶都番哂黎😊 另外，啲膏蟹真係好多膏啊😍😍😍 啲蟹膏分散喺成鍋粥度，差唔多啖啖都食到加上啲蟹好足料，相信海鮮愛好者見到都會好興奮啲蠔仔都落足料，唔會成鍋得果幾粒咁😂另外，黎之前已經睇過啲食評介紹牙籤雞($58)，所以亦都試左呢味咁趣緻既餸😂啲無骨雞塊炸得好香脆，咬落仲有「卜卜」聲，好味！仲有一樣必食既就係呢個「亂棍打死豬八戒」($88)。本身的確係因為個咁得意既名先嗌，估唔到係咁好食！豬肉每塊肉質都夠爽，連四季豆下齊炒得超夠鑊氣，好

真心覺得好食我係一個比較嘴叼的人，但是我認為這間心夜來潮是所有人都可以接受，價錢又合理，味道又好，不過位置就比較狹小比較逼。衛生都不錯👍🏻，上菜速度都好快。推薦大家食砂鍋粥、炸饅頭、脆魚皮、蠔餅......下次一定會再去食架

朋友聚會揀左呢度， 裝修得幾骨子。椅子無靠背， 不過夠闊唔會迫。 我地四個人第一件事叫左個蜆煲， 已經係細size, 但非常大煲， 食極都食唔晒, 味道都唔錯。裡面有少少粉絲， 落多點會好點， 宜家咁大煲只撈到幾條絲， 感覺菇寒左啲。仲叫左份聖子， 都幾大隻，而且炒得入味又唔老， 唔錯唔錯！炒飯夠乾身又香口， 正！炸饅頭我最鐘意食呢碟小米餃就有點不知所謂， 裡面餡料一pat野咁， 味道又怪， 真係唔識欣賞…佢寫住係汕頭著名小食， 可能我唔鐘意汕頭口味啦