心夜來潮 (已易手) 新餐厅

😍海鮮😍．係好多香港人既至愛，亦係小弟既最愛，近期好好彩搵到檔街士海鮮檔，材料靚之餘又唔呃人，仲要好好傾，最夾既係，檔主都係好吃之人😊見佢平時去開，咁今晩有聚會，就膽粗粗叫檔主外賣海鮮去加工，順便可以試埋我好想朝聖既<<心夜來潮>>．試一試佢．大部份野正常．收費就公度自在人心．有D地方就一次過．但係我做生意就晤會殺雞取卵囉😌

一行三人，晚上七時左右去到，侍應哥哥幾友善，即刻安排入座，雖然坐門口旁邊，但座位空間尚算闊落。點了  砂鍋卜卜蜆、海膽炒飯、滷水鵝件共三款菜式。1) 滷水鵝件唔夠淋，味道尚可，但相比另外兩道菜式，份量相對少2)  砂鍋卜卜蜆所有蜆都開哂，無沙，湯底配粉絲、粟米及少許辣椒。湯底清甜非常好飲，如果怕辣建議一開始先夾起部分辣椒，辣椒滾開後，湯底微辣惹味3) 海膽炒飯整版海膽舖面，賣相吸引，惟拌勻後海膽味道不算突出，炒飯亦略為多油

媽媽很想試小米餃 但香港有的確實不多,一直知這裏有得吃,於是我們三人星期六晚上試了,抵達餐廳約6:30,已坐滿人,看看餐牌,幾乎所有手打餅類(魚餅...）都貼上售罄,我們點了小米餃,菜茶和南瓜烙小米餃皮厚餡極少,老實說,魚皮餃比它更好吃這菜茶味道還好,配料是雜菜粒,有些膶腸,但湯底胡椒粉味過重南瓜烙是最出色的,除了南瓜,還有點糖東瓜,這個菜屬比甜的味道三個人吃三個菜,其實不飽,只是我們點了2-3個餐牌上沒有寫「售罄」的食物,其實也沒有,店員黑口黑面,禮貌一般這間餐廳,可一,不可再😐

3個女人碌完ling ,就係荃灣遊蕩揾野食又少食潮州野，印象中係open rice評價幾好，襯早試下walk-in有冇位……唔洗等就即刻有位坐order 咗4個野試1.炸饅頭。size 唔大唔細剛剛好，加埋練奶冇得輸2.炒通菜，味道ok(唔食得辣既朋友會覺得好辣)3.個大拼盤，真係.好夠份量4.個豬軟骨入晒味，食到脷整體唔差

喺附近揼完骨，又係時候揾食!用openrice一search，“心夜來潮”喺附近有分店，仲喺三坡坊好近，一於試下!有個“潮”字緊係食潮州菜啦!其實之前見塘尾道開咗已經想試，但地址唔就腳冇去!已經夜晚9點，外面仲係好熱鬧好多人，好似以前屋企樓下大排檔“潮州佬”咁!入到去見到古式古香嘅裝修，好有電視劇嘅客棧feel~原本都諗住食砂窩粥，但一入舖就比牆上poster吸引住~又見隔離枱食緊~卜卜蜆!睇緊餐牌時就上左碟小食，呢個青瓜同平時有d唔同!個汁係有花生醬香味，食落有少少辣味!上枱時仲係凍嘅，顯得青瓜特別爽脆!爆炒醬啫秋葵加肉末爆炒完全冇滑潺潺嘅感覺，食落脆口又夠野味，好好味!秋葵其實好有益，但屋企人唔like佢滑潺潺似鼻涕!有機會要帶媽咪嚟試下，等佢對秋葵改觀!石板燒汁茄子呢個汁相對比較甜，我哋覺得麻麻地！傳統鴨蛋煎蠔烙呢個實物比起餐牌上張相炸得犀利好多！但佢又唔係粉頭果種，都可以接受嘅！蠔仔量唔算好多，可以再多少少會更加好！砂鍋卜卜蜆煲蜆雖然上枱時已經全部被打開，無咗一路煲一路"卜卜"聲咁彈開，唔夠過隱，但勝在蜆鮮甜無沙，加上有好多粟米同粉絲碎，可以食之餘仲可以飲湯，略嫌煲耐左粉絲變成

一坐低有熱水，讚！但其中一杯超多油，同大佬侍應要求換杯，但佢比第二杯都仲係勁油唔敢再叫大佬換，因佢唔多願。邊位大佬？係好高大黑黑實實果位。另一嬌小金髮姐姐反而好好笑容，好大對比！叫左呢幾樣：小米餃：皮超油，味道...唔識欣賞方魚芥蘭：基本上無乜味只係勁油，應該落左好少鹽，啲方魚好硬，如果本身係咁硬，切簿片會好啲！鹵鵝，熱既？有一舊咬唔開，紅既？唔熟？炸豆腐炸得唔錯，唔油，皮簿。如果想食傳統潮州菜，唔洗黎，因呢度無潮州粥，蠔仔粥仲有個廁所....個人黎講一次夠，無下次！

呢條街好多潮州菜，一直想搵間試下，見到呢間有少見嘅菜茶，就來試下😄菜茶第一次食菜茶，感覺好得意，有脆脆米同花生嘅脆口野，又有魷魚肉粒好趙口，加上好多唔同嘅菜，口感好豐富。勝瓜鮮甜蜆煲唔太鐘意食勝瓜所以問可唔可以轉生菜，冇問題！蜆雖然唔大隻但勝在好多！湯有d似胡椒豬肚湯咁好好味！家鄉粉線兜亂好惹味！好多料！肉粒好似燒肉粒咁好香口！d薯粉好彈牙！意料之外咁好食！小米餃幾得意，好似魚皮餃咁煙韌，但皮有d厚，個醬汁唔太夾 下次要試下d滷水野同海鮮粥😄

好耐無去打冷啦～但哩間d餸同平時食潮州打冷嘅好唔同wo！ D餸細細碟，唔算抵食！但係一大班人食飯吹水飲酒就一流啦！因為我覺得下面哩碟餸好岩送酒！「饅頭都有得炒？」辣辣炸饅頭～細細粒～唔會太易飽！越食就越辣，好過癮！會追住食哩個湯好清甜，又可以食下蔬菜，不過食到最後，窩底d 湯有好多沙，成個口都係，感覺好唔舒服！！這碟是小米餃，質感就似魚米餃，純粹餡料是豬肉。唔係好好食，可當佐酒小食～這個是脆炸獅子頭片～普普通通～口感同魚片一樣

三坡坊係潮氣十足嘅地方，好多間潮州小菜比街坊選擇。今晚隨意揀左此家心夜來潮，無論整滷水或正常嘅小菜都煮得好出色。另外，餐廳提供砂鍋粥給人客自選配料。供選嘅海鮮亦夠鮮味，並不是馬馬虎虎的配料，確係抵讚

Dinner口淡淡想食粥，又唔想食普通個啲，不如就食蟹粥，搵到呢間心夜來潮，見食評唔錯。閒日夜晚7點幾，唔太full，兩個人好易搵位。Menu一打開就係招牌海鮮沙砂粥，叫左一隻蟹120@ 花甲一份 60@ 田雞一隻@20 蟹好細隻 肉質唔新鮮 幾失望如果係佢招牌但幾多膏，成煲粥都係。花甲正常，田雞新鮮。但成煲粥好多薑，大大細細都有 唔係薑片，我數過有5舊，薑味蓋過鮮味😳反而小食ok牙纖雞幾過癮，一啖一件，脆口，外面個層炸板少少似米，kk話送酒一流😛😛 不過渣車無得飲。

老豆節同老豆通常都係食中菜，係Openrice 見到依間潮州菜食肆，之前又係fb見到有人分享過，所以就揀左依間。我以為唔使訂位，6點左右黎到都並差不多滿坐，好在早到，所以我地5個人坐張4人枱先唔使等好耐！真係好感恩，不過俾老公同細路話左幾句😭媽咪見到隔離枱食緊個沙煱，問係咩黎？我地見差不多枱枱都叫左依個 沙煱卜卜蜆煲。超多蜆，無沙，配粉絲同栗米。D 栗米好甜，湯底都甜，所以老公飲左d😁不過都有幾隻蜆唔開😆我地又叫左個小米餃，個樣好似魚皮餃，肉味同魚肉味好濃。個皮應該係糯米皮，好煙靭。😘隔離個d係蠔油，不過我覺得個小米餃已經好夠味，所以點唔點蠔油都得～通常食飯都最好叫碟菜，我地叫左個方魚炒芥蘭。芥蘭好爽脆，我好鐘意食方魚，佢炒得好香脆，又唔硬，咸咸地，好惹味！原本想叫海膽炒飯，但老豆唔食生野，所以只可以叫潮州炒飯。不過依個潮州炒飯都唔差，有魷魚乾，肉粒，炒得好香😬老公同細路強烈要求食蠔餅，勁多粒蠔，而且好脆，唔係齋食麵粉😁細路又點左個惹味秋葵，其實秋葵真係好個人喜好，有d人好怕佢d「潺」，但有d人又好喜歡。佢食度用左肉碎一齊烹調，調味我覺得係南乳，但媽咪話係蝦膏。不過我個人覺得怪怪的配搭

父親節晚飯，兩星期多前已訂座。前後有三次電話確認訂座，直到當晚都有確認。怕人多所以家人早到左少少，哇有排都未有位。我打去餐廳，長期唔通加留言。一去到，哇，門口咁多人既？再問，而家連大半小時訂座的都未有位，重點是都未知要等到幾時。好啦，滂沱大雨有老有嫩有手抱BB 一行十人於是在條街行來行去，終於有好心餐廳收留一句講晒，唔憂做早響哪！一早知就訂定另一間啦，全家人谷鬼氣

是夜因為要同媽咪慶祝生日，本來打算去荃灣另一間食，但後來呀哥提議去依間，打去book左6點，因為遲左驚要坐出面無冷氣同無大圓台。咁我地去到都仲早，只有一兩台客，咁我地就叫野食喇。由於咁早食飯我地都唔敢叫太多住，叫左個石板燒茄子、牙簽雞、豬手（細）、海膽炒飯，滷味拼盤、蜆、豬油炒菜心。其實各樣都真係唔錯，不過可能因為我屋企人都係潮州人關係，由細到大平時都食開依d又無乜覺得好特別，由其個滷味拼盤媽媽話唔夠入味一般。牙簽雞係特別既，由其小朋友最中意食。個蜆都唔錯（我自己無食到）但入面既栗米吸晒d清湯既味好鮮甜，我地仲叫左白飯黎送，可以變湯飯。同埋份量超多！叫左細既都勁大煲！數埋有4/50隻😱豬油炒菜心都好食，不過始終感覺太油都唔敢食太多唔健康。其實佢都唔算話真係做十分正宗既潮汕菜，因為有好多都唔係潮式野，感覺似fusion多d。不過整體都ok穩陣既。

又去荃灣探朋友兼飯聚, 雖知道呢區食店何其多, 比美旺角, 係唔知食咩好時途經呢間新式潮菜店, 我地不約而同大家對望了一眼就行入去, 點解咁老定? 事關早已係佢既旺角店開過餐!以印有店名既新式膠餐具侍客餐牌提供食物由小食, 海鮮類, 主菜, 炒飯/粉, 主要走平民化路線, 名貴既凍蟹, 螺片呢度唔會搵到!重口味友人率先點左呢碟香辣魚仔炒蟶子 ($84/2隻), 蟶子肉已預先起出, 一夾就食到, 好方便, 肉質爽甜, 但食到少少沙粒, 以大量洋䓤, 青紅椒配製而成既豉椒汁, 味道十分惹味, 用黎送啤酒就最岩數!食完D濃味野, 又係時候以呢個勝瓜鮮甜白蜆湯 ($88)沖淡一下味蕾, 材料包括勝瓜, 白蜆及粉絲, 白蜆數量仲多個勝瓜, 蜆肉雖細隻但食起黎無沙, 個湯底味道確實比較淡口, 與上一碟炒蟶子形成強烈對比!無需入長洲都有大魚蛋食, 仲要係超巨型, 呢粒巨型脆香手打魚蛋 ($34), 炸完後再切成片塊, 食落口感帶點煙韌, 點D酸辣醬汁食都唔錯再加埋呢碟家鄉路邊炒米粉 ($68), 以香菇, 蝦米, 洋䓤, 蛋皮絲, 肉粒一齊炒, 米粉口感食落幼滑, 炒得算乾身又唔算油膩, 材料雖簡單

心血來潮地去食心夜來潮😂😂呢間係荃灣三坡坊既新式潮州打冷外型已經同其地打冷唔同 連菜式都幾新潮架💁🏼.自選生滾砂窩粥 $200 呢個必叫！生滾粥大大煲要等成廿幾分鐘 即叫即煲 肥妹揀左 小膏蟹 豬骨 同 榣柱 等到頸都長 望到煲粥滿佈蟹膏 粥都變埋金黃色 😍😍雖然榣柱先叫左一份 但都好足料 鮮味入晒煲粥到 超正.炒饅頭 $68幾surprise既菜式 饅頭係迷你版 炸過再炒都係外層脆卜卜 有少少麻辣既味道 好香 但食落又唔會好辣.一口牙籤雞 $42🐔🐔牙籤雞一啖一舊 外面好脆中 入面雞肉可不咬到一絲絲 點埋個泰式酸辣醬食 食唔停口啊.整體黎講菜式都唔錯既 但餐廳職員唔夠主動 檯面既水無人會fill 等咁耐驚會落漏單 好有禮貌咁問下佢 又唔係催單 但都唔多耐煩咁🤦🏻‍♀️🤦🏻‍♀️.📍心夜來潮 荃灣三陂坊30號地舖