影片
港铁大窝口站 B 出口, 步行约10分钟
继续阅读
营业时间
星期一至日
07:00 - 23:00
以上资料只供参考，请与餐厅确认详情
今(3-6-2018 Sun)朝同老公去AEON買餸前食o野,老公話o黎好坐o既呢間,啊.我o地去到都8成滿,坐o係張6人枱後就睇叫咩食,睇睇menu,竟然將炒麵配豬柳漢堡,三文治同all day breakfast配白粥,實在太新奇,我o地都係唔試,叫返啲正常餐算.老公要$29.00o既M11,頂級餐肉煎蛋公仔麵,加$3.00要凍冬瓜茶.我要$31.00o既M6,豬扒,豬柳漢堡,牛乳炒蛋配牛油厚多士,飲熱冬瓜茶.落完單冇耐,我o既熱冬瓜茶到o黎,味道甜,但好彩未去到好甜.幾分鐘後,老公o既頂級餐肉煎蛋公仔麵到o黎,頂級餐肉係火腿午餐肉,佢食落,話唔係公仔麵而係出前一丁,咁正?佢差唔多食完,杯凍冬瓜茶至到,睇見顏色通透.而我o既豬扒,豬柳漢堡,牛乳炒蛋配牛油厚多士?重未見到影,催個侍應都唔見佢有催.然後再催都依然冇,足足10分鐘份餐至到.件豬扒係o岩o岩炸起熱騰騰,由於我太熱氣,所以先食牛油厚多士,一件厚一件薄,烘得唔夠兼已經唔脆L;牛乳炒蛋唔兜有牛乳,似普通正常炒滑蛋;豬柳漢堡冇過鹹,OK;最後到豬扒,厚度同鹹淡適中,唔會太乾仍有啲juicy.味道唔卓我老公o個份,係2.56分, 抵食係2.8分服務:侍應其餘係唔錯,今次係出菜出得太耐累事..上次食評: https://www.openrice.com/zh/hongkong/review/%E7%AE%97%E6%9C%89%E9%A9%9A%E5%96%9C-e2943693
继续阅读
唔使返工ㄧ個人周圍去逛街, 行到 tired 連晚飯都懶得煮, 買個外賣便算, 本來想食粥, 但今日都幾熱, 見到餐牌上個菜遠班腩河幾正, 於是就買返屋企食, 落單後等左 15 分鐘先 ready, 都算耐左少少。返到屋企打開盒外賣, 都幾大盒, 班腩都多嘅, 加多幾條都算青綠嘅白菜仔, 睇起上來都唔錯, 食落就感到多油, 但勝在唔鹹, 飲品要了熱銀菊蜜, 都濃嘅, 有蜜糖嘅甜味。如果個廚師肯為 d 食客着想, 煮食物時少油少鹽少糖就更加好, 我相信會吸引更多客人光顧的。
继续阅读
年初三, 食開的茶記無開, 去左呢間所謂連鎖式的餐廳, 諗住質素點都有保證睇下相先啦, 我地兩個人, 一人一個早餐我要豬排漢堡扒全餐配熱奶茶再叫一個火腿通粉炒蛋腸仔多士配熱檸茶結果......火腿通粉如相片中, 好似乞衣食過咁, 來到咁既樣, 點食得落炒蛋過晒火, 乾過鹹魚乾, , 奶茶無端端同我少奶, 叫佢換過杯, 攞同一杯俾番我放張單在枱上, 一睇有三個餐, 兩個人點食三個早餐, 佢話係之前個客的.....亂七八糟我個豬排漢堡扒全餐, 來到無左塊豬扒, 我問, 佢仲問番我仲差咩野, 仲要我攞番個餐牌解釋先知衰, 換來的是一塊麥樂雞咁大的豬扒.....你要啦我一定唔會再去, 成間餐廳得三個阿姐, 一個經理都無, 亂到無譜張枱無鹽無胡椒粉咩都無......用手食!??
继续阅读
今日同屋企人去這間餐廳到食晚飯種類多 價錢算恰當$41分量足夠一位男士成年人夠飽熱飲加$2 叫咗幾款小食 包括鯪魚球,xo蘿蔔糕,腸粉,炒麵 特別要提蘿蔔糕----裏面的蘿蔔好多粒食物味道不錯**但係服務態度非常差明明店內侍應有成六七個人但最終工作的只有兩三個叫咗一個飯等咗成一個鐘都未到最離譜已經吹咗三次嗰侍應都冇理過我哋我哋吹完之後佢好似當冇聽過咁（仲留意到有幾檯客人舉手好耐都無人理）最後我哋好無奈咁直接埋單走人
继续阅读
午飯未食, 行過心粥館見到門外餐牌, 下午茶時段, 聲稱無味精煲仔粥只須$25, 即入去試試。茶餐廳格局下午茶餐中西都有, 任君選擇。荔灣艇仔粥 ($25)艇仔粥原煲上檯足料, 有一齊猪皮、瘦肉絲、花生及魷魚等, 粥底煲得軟棉, 但不是漿糊狀, 味道不濃, 只帶少少鹹味, 混合其他粥料同食, 清清地幾好食, 還有食完真的沒有口渴, 感覺較健康, 今次之後, 我地己經再去了2次試其他粥品, 最後還是覺艇仔粥最好食。混醬腸粉 ($9加配)腸粉有些少米香, 亦算滑, 而混醬是甜醬混芝麻醬加芝麻, 跟普通的混醬無異, 無咩好評。辣子雞 ($48)特登叫來送粥, 辣子雞加大量辣椒、蔥段、豆豉及洋蔥同炒, 雞件入晒配料味, 加埋麻辣醬, 香香辣辣, 十分惹味, 用黎送粥無叫錯, 坊間辣子雞過鹹的通病這間也有, 如果用來送粥可以接受, 送白粥更隹。
继续阅读