心選 (已結業)

有時候，想寧靜一下，過了午飯時間上來樓上咖啡店，會有種不一樣的寧靜。吃頓簡便午餐，再看看書，是輕省的生活態度。這家小店，是朋友介紹，說她做的食物不俗，環境舒適合意。下午來，就是瞄着午餐之選，其中一個「Lunch Choice」，只是$68，從9款食材中選2款，再配搭意粉、長通粉或飯，拼一款醬汁，並奉送$36以下飲品，可補差價改選其他飲品。「火腿煙鴨胸長通粉配忌廉汁」就是我的組合，雖然店子小小，做菜不賴，忌廉汁長通粉很好吃，入口有嚼勁，忌廉汁又很香滑，煙鴨胸也叫人吃得滋味。炎炎夏日，雖然室內冷氣足，但手裡拿着冰飲，才有炎夏實感，故寧願加錢要了一杯「芒果沙冰 」（+$19）。沙冰一身橙黃，份量十足，啜一口令人涼透心，而芒果味十分清甜，沙冰打得細緻。飯後，靜下來看看書，想想人生，人生路確有很多事情要作出選擇，一頓飯你可以匆匆吃碗牛腩麵，也可以悠閒吃碟意大利麵，我就選了一個人喝爽甜的芒果沙冰。

早排電競節 舉行，趁機會成班機友一齊出嚟gathering今次唔好咁宅啦！搵個地方坐得舒服啲嘅，交流一下最新情報！最緊要係任坐唔嬲，無限時間任我哋吹水。價錢唔係話特別平，但食物質素果然係出乎意料之外，樣樣都即叫即做，所以要花點時間，反正我哋唔趕時間就由佢慢慢啦！一行四人全部人都唔想諗食乜，一於就叫左呢個套餐。$168 /位 另外有加一。首先係是日濃湯，入口真係好濃郁，南瓜忌廉味，好味道跟住就係凱撒沙律，淨係見到煙肉碎就已經知道唔係Hea啦！沙律有少少汁同芝士嘅味道都好match小食我哋要咗焗青口滿隻青口都有檸檬薦底，味道感覺更加清新！跟住喊牛肉法包，鹹牛肉一貫好味，加埋芝士更加香濃的。法包烤得好鬆脆。跟住主食我哋揀咗吞拿魚忌廉焗長通粉味道比連鎖店的好食好多，只可惜份量比較少，我哋四個人分就唔係好飽啦！另一個係 香蒜海鮮意粉，感覺比較清冇咁多汁，但係香蒜就勁爆有蝦同有元貝粒粒都算收貨最後要杯餐飲，前後坐左成兩三個鐘，爽呀

同舊同事行完化妝品舖頭 又到食晚飯時間喇！見好多舖頭刀食過 所以開左op睇下附近有無新開既餐廳 原來近近地既昌記大廈開左新cafe 就去左試喇！入到大廈入lift 但lift只可以去三樓以上 所以需要搭到三樓再行樓梯落二樓。入到去 環境比較細 但有大大既sofa比客人坐 仲播有音樂 令感覺更加relax！這裡食物可以散叫或選擇套餐，我們因為不想諗食乜，一於食套餐，乜都有吾洗煩！首先來飲品，我選了芒果紅茶，冰涼而且不會太甜！今日餐湯是南瓜湯，濃濃的南瓜味，很好飲。酸酸甜甜的凱撒沙律，醒醒胃！芝士焗大啡菇：加入芝士烤過的大啡菇，香味濃郁，芝士惹味，美味可口！焗青口：青口焗到金黃色，青口有鮮味，底下有一片小檸檬，夾埋一齊食，酸酸地，特別開胃！黑松露野菌忌廉燴飯：黑松露和野菌都有香味，加入忌廉做成汁，令整個飯又香又creamy！呑拿魚芝士忌廉焗長通粉：呑拿魚份量都好多，加理用芝士和忌廉做醬汁，令長通粉十分美味可口。

今日同個fd行完旺角差唔多8點半又攰攰哋，想找個地方靜靜地傾吓偈和hea吓一於找間樓上cafe先環境需然唔大，但都坐得舒適，而且配合柔和既燈光和音樂，另到個人好舒服坐左陣有d肚餓就叫左兩個dinner、熱情果梳打、水蜜桃梳打和日式沙律。 日式沙律都幾大碟，有兩款菜、粟米粒、翠肉瓜和蟹柳絲，d蔬菜和瓜食落好爽口好脆好新鮮，加埋沙律醬來食，酸酸甜甜，好開胃西蘭花帶子南瓜忌廉汁意粉，西蘭花好爽，帶子口感嫩滑，南瓜忌廉汁完全包住意粉啖啖意粉沾滿左個汁而且意粉咬落硬度適中。 黑松露野菌忌廉燴飯，聞已經好香，食落去個黑松露味另到個飯更好食飯就煙煙靭靭，忌廉包住晒個飯好creamy 呢到可以一路食一路吹水，而且悶悶地有好多益知遊戲俾你玩，可以消磨一日

每次gathering最煩其實吾係約人 而係約左人要諗去食咩本身我好小揀一班人去café 感覺食物質素吾多好但今次朋友仔堅持話夏天要坐café gathering玩一日唯有順下佢意喇 估吾到咁有驚喜CAFÉ吾算好大 不過都有3-4張大枱FOR 8-10人CORNER位有吾同既board game玩不過黑洞最關注既都係食Dinner choice任選2款配料配意粉/飯/薯菜我要西蘭花+煙鴨胸飯配南瓜忌廉汁上菜見到只有一塊鴨胸有點失望但食落原來飯入面都夾住好多鴨胸碎 值得一讚係個汁 雖然南瓜味吾太出但好香既忌廉味而且吾太膩 整體似食緊risotto另一推介係小食拼盤 選擇困難症既我吾知食咩好拼盤可以揀5款小食岩晒 超爆中意花枝丸 完全係重拾台灣既風味魚柳手指配沙律醬好難吾好食哈哈蒜香雞翼堅係有d蒜鋪面好香口食完lamlam脷叫左個芝士大啡菇除左芝味夠足 咬落仲好juicy可惜1客得2件 人多既要叫多幾碟先夠分飲品方面好多選擇 特別係我最愛既milkshake我揀左oreo milkshake一戰飲落幾creamy但略嫌吾夠濃oreo味如果多d oreo碎可能口感好d整體食物質素好高 而且

九月中準備咗一趟花東之旅，機票、酒店亦一早訂好，行程基本上已度掂晒，喺有啲細位要執執，所以，趁出發前個半月，喺時候約啲「團友」開吓茶會，就番各人，選址旺角，揀咗數上咖啡店嘅「Choice Cafe」，貪佢環境夠迤，讓我哋可以慢慢傾。同人去旅行都要講夾唔夾，今次嘅旅行組合，可以講喺最佳「選」友之一，啱傾啱講！啱啱遇着大廈維修，現場通道比較亂同垃雜，不過，入到餐廳感覺就唔同晒，全場都喺大型梳化位，配以仿磚牆，感覺挺悠閒。但座位編排令有啲位嘅出入通道好窄，出入頗不便。而且，部份梳化用咗一段日子，梳化內嘅彈簧有啲移位或變形，雖然闊落，但變得唔算好好坐。天花嘅吊燈，牆邊壁櫃上嘅蠟燭燈、木偶，都顯示出店主都花過心思晌環境上，走一種精緻嘅路線。不過，另一賣點喺佢哋提供好多小玩意，我見有幾位媽咪，帶埋啲小朋友嚟，大人就食嘢、吹水，細路就周圍走、玩玩具，真喺好過上酒樓。翻翻主餐牌，選擇唔算多，但叫一應俱全，包括全日選套餐、早/晚餐、下午茶餐、沙律、小食、飲品，以及一個額外套餐餐牌。始終見佢哋喺無火煮食，地方又唔喺好大，廚房都唔可以設定得太大。All Day Choice 全日選 $98全日選等同慣常見到

之前一直都唔知道旺角豉油街有間咁近行人通道既café，星期六日睇街頭表演睇到累既時候就可以上去坐下食下野，呢間café感覺好舒適，全部凳都系sofa，軟lamlam 好舒服，有種好家既感覺，入去坐低，牆上面會有是日menu，有好多唔同選擇，如果想再選多d野食，就可以系侍應遞過來既餐牌我同朋友簡左黑松露野菌忌廉會飯，煙三文魚南瓜忌廉意粉，野飲選左荔枝soda，水蜜桃紅茶，café當然唔少得card game 呢間café 好多card game ， 唔系一般普通既大眾card game，黎呢度玩下特別既遊戲都唔錯，唔會咁悶。如果同情侶黎都唔錯，因為呢度燈光比較有feel，初認識既情侶黎呢度會比較好d ，唔會覺得怕醜。另外，café裏面擺左好多小擺設，全部都好有英倫風，比較中性，同時又好有特色。煙三文魚南瓜忌廉意粉有西蘭花做拌碟，有好多好多塊三文魚，忌廉汁味好濃郁，幾乎每一條意粉都沾上，意粉份量好多，同時忌廉汁又唔會令你覺得好膩黑松露野菌忌廉會飯，好有黑松露味，醬汁幾乎沾滿每一粒飯，飯既每一粒質感都好好，軟硬適中，而且飯裏面好多野菌，同時個汁有味得黎又唔會太膩另外，我地仲追加左個甜品，加少

是晚男朋友收工話好累, 想揾個地方坐底HEA下食飯就算之前聽個FD介紹話旺角有間CAFE坐得舒服野又好食價錢又唔貴咁就上樓黎左D間心選CAFE我地好早上到黎, 無咩人, MK中既綠州咁, 就算晏D多左人都唔嘈, 好舒服而且好多BORAD GAME玩, 忙裡偷閒MENUDINNER CHOICE: 腸+煙鴨胸+黑椒汁+長通粉黑椒味好香, 黑椒同長通粉出奇咁夾, 鴨胸同腸都幾多, 食得出係用心制作 蕃茄海鮮意粉海鮮好似唔洗成本咁落, 抵呀! 蕃茄汁夠香濃, 應該係新鮮蕃茄煮成, 誠意之汁! 但意粉略為過硬, 如果可以煮淋少少就好, 比較之下個人鐘意長通粉多D蜜糖雞翼雞翼+蜜糖一向都係絕配, 而心選將D味蜜糖雞翼既好味度再提升一個層次, 食落好有肉汁, 煮得岩岩好, 蜜糖又唔會死甜, D個係必叫呀!芝士蛋糕唔係是但比舊蛋糕你, 而係會係隻碟畫下花, 真係好有心機, 食落芝士味濃, 軟硬度適中, 係完美既句號呀總結黎講朋友冇介紹錯, 環境好, 食物佳, 唔算貴,  必定會再去既一個HEA點!

今日係旺角約左朋友行街，行到攰攰地係戲院隔離望到樓上有間cafe，之後朋友提議上去食個晏同休息下，最重要係飲返杯野。上到去睇到全部都係梳化，已經有一種超hea既感覺🤣坐低左之後，睇到餐牌有自選意粉、長通粉或者飯，對於任意配搭既餐點有點興奮！最終我哋叫左兩個餐share，一個蕃茄汁吞拿魚蝦意粉及忌廉南瓜汁磨菇帶子長通粉。對於白汁黎講唔知點解係覺得要配磨菇先至夾😂蕃茄汁係用新鮮蕃茄加茄膏，仲有少少洋蔥粒，感覺清淡好味👍🏼唔會太咸或者唔夠味，仲有新鮮既茄味❤配料豐富南瓜汁係有新鮮南瓜加忌廉煮成的，白汁比蕃茄汁浠少少，感覺有啲水狀，味道清甜👍🏼磨菇新鮮好味。我見佢係即叫即整，好有住家既感覺💋我哋叫左兩杯special drinks ，一杯叫「點紅點綠」啲蒟蒻波波真係好好味，配上蘋果綠茶，好green😛碟粉未黎到，我已經飲左一半😂如果有蒟蒻奶茶就正啦!而我朋友叫左蜂蜜薑梳打，啲冰係用磨左既薑黎整，咁好心機，係誠意啊！！不過當啲冰愈溶得多，啲薑蓉隨著梳打就要一齊飲埋，愛薑人士值得一試❤

旺角既樓上CAFE，百花齊放今日又去左間新店嘗新新開既緣故，是日晚飯時間，並未滿座，但都坐滿過半位置還放置了些小家品飾物，增添好感度朱古力沙冰~朱古力味濃郁，沙冰混和CREAM後，口感細滑而且和餐廳環餐頗匹配香焗蜜糖腸蜜糖腸外皮卜卜脆的，有爆炸的聲音而且澆上大量的蜜糖，外甜內又甜而且不是平價的腸腸，外皮是脆的，咬下又可有爆汁的感覺鰻魚炒飯 很香、很香、很香很香不單是因為加入了鰻魚醬汁還因為入面真有很多貨真價實的鰻魚不同在外吃的鰻魚炒飯，鰻魚數量不多這裡的，吃上幾口便有一顆鰻魚，而且還頗大的性價比真不賴煙三文魚南瓜忌廉意粉另一道意粉，味道則比鰻魚炒飯淡雖是平實菜式，但也有它的特色忌廉意粉滑溜，軟硬適中，不屬有嚼頭的意粉煙三文魚色澤新鮮，不會過咸

今天和好友逛旺角，正行到腳軟又肚餓之時，好想找間cafe hea下休息一下。在OpenRice 見到這間<心選>cafe是新開的，於是便上來一試！門口的招牌簡約卻帶有美感入到內面很寬敞，而且有很多軟軟的大梳化，感覺好舒服呢！而且有大量小遊戲，而且配件都十分齊全，從包裝盒的新舊度看，可以肯定全部都是新買的，大家要好好愛惜喔！食物方面，友人選了1人的Dinner Choice 。而我則簡簡單單揀了套餐。先來我杯跟套餐的水蜜桃梳打。淡淡的水蜜桃果香混合在冰涼有氣的梳打水中，再加上凍塊，在淡淡夏天中渴真的好舒暢喔而友人點單的泡沫咖啡亦接著登場。頂層的泡泡非常棉密細緻，口感一流！再配上奶味稍重的咖啡，感覺很香滑！而我們點了兩個小食，其中一個是咖喱角。這個小食雖然是雪藏類現成點心之後才在cafe後期製作，但出來的效果卻很好！咖喱角炸得好香脆而且不油膩，而且肯定是即點即新鮮炸的，因為從口感便可以肯定不是翻炸食物！而另一個小食，芝士焗西蘭花更加出色！西蘭花新鮮爽脆是基本的。出色的在於那個芝士汁！芝士汁的質地是稀身的汁狀，但芝士味卻十分濃郁！所以整個西蘭花沒有飽滯和膩的感覺，正中我們想來

估唔到旺角可以搵到有自家煮既意粉，是家的感覺...今天友人同我去旺角行街，睇見樓上有cafe 就試一試。入到去有好幾個胡桃夾子，牆壁同檯都係用木紋、木材print既 stickers 包住，啡色既梳化，整體好woody 感。我同朋友叫左兩個自選意粉set lunch 加錢配特飲，我果杯係薑味蜂蜜梳打，冰係用薑蓉整成，真係估佢唔到！意粉雖然硬左啲，但整體黎講我覺得係好味既，起碼無好咸、怪味、味精既感覺，最重要係覺得係有人係屋企住緊俾你食既感覺❤️好窩心我見佢仲有board game供應，我林假期一定好多人黎hea😌

旺角行街行到好攰，又肚餓，於是搵間cafe坐吓食吓嘢，一向鍾意試新野，見呢間環境唔錯，全部sofa位幾舒服就揀呢間啦！晚餐+$2 荔枝梳打：一般cafe果味飲品會太甜，加左梳打就唔駛擔心有呢個問題，呢個荔枝味道幾似真，令我突然好想食荔枝，哈，不過飲到最後就有點淡。椒鹽花枝丸$48: 椒鹽味道永遠令人流晒口水，炸過嘅花枝丸唔太油，口感煙靭，真係有花枝喺裡面架。晚餐 鰻魚炒飯$90: 個飯有粟米同紅蘿蔔係加分，增加口感，飯都夠汁夠濕潤，但鰻魚味較弱，同時鰻魚亦好細粒份量較少。芝士焗大啡菇$58: 大啡菇切開有爆汁效果，好有菇香又多汁，芝士屬凝固了的狀態，所以難以和啡菇融和，不過芝士味幾濃，在口中融合後也不錯。芝士焗西蘭花$45: 相對啡菇，這西蘭花的芝士反而較少，奶味比較重，西蘭花翠綠新鮮。晚餐+$25 藍莓芝士蛋糕：藍莓比較少，芝士蛋糕似是new york cheese的質感，濃郁又實淨，加點cream令口感更幼滑，女仔食完甜品先感到滿足。張梳化有啲太軟，唔係好慣，不過旺角cafe黎講環境真係唔錯，唔迫，又有大玻璃感覺開揚，而服務更加要讚，店員夠晒細心，我地走果時仲提我地上一層搭𨋢添！

跟朋友見面又不喜歡逛街，最好的辦法就是找家cafe坐一整晚，又有東西吃又有冷氣，爽歪歪~ 得知這家cafe新開就上來試下啦~這家店不大，裝修用啡色為主，感覺natural~ 看到大大張sofa都覺得舒適~這個choice menu由配料，醬汁，意粉和飲品都是任君配搭的，想怎樣吃怎樣配也可以，其實這幾種選擇已經能配出多種可能性，貫徹了餐廳名字的主題，(隨)心選(擇)。全日選也是任君選擇的。有選擇困難？沒問題。餐廳牆上的黑板有些預先配好的組合，好方便的。我和朋友決定自由配搭~飲品先上，朋友選的是青蘋果soda，好大杯，大熱天時喝有汽凍飲，條氣都順一點，加上青蘋果味糖水不會過甜，不錯呢。我比朋友更怕熱，所以要個沙冰來消暑才得。選了水蜜桃味，也是超大杯，忘了一直喝的話一定會滿瀉。一入口又香甜又冰涼，身心舒暢，內裡還有些果肉咬下，非常滿足。我們的心選意粉是蒜蓉雞柳帶子長通粉，因為覺得這個組合又夾又惹味。上菜時看起來頗精緻的，我們以為蒜蓉是個醬汁，但是用了炸蒜呢。雞柳沒雪味，肉質比想像中還要嫩滑~ 帶子的份量不少，爽口帶甜味。除了炸蒜，其實也有蒜蓉的，味道都滲進食材中，好濃郁啊全日選可任意配搭五款

閨蜜結婚派帖，佢話想搵間靜靜地，可以坐耐少少，傾到偈嘅地方。聽到佢咁講，我寧機一觸即刻唸起樓上Café，因為我地細個成日都會去。上網見呢間「心選」Cafe係新開，當然要試下啦~因大廈外牆維修關係，所以入口唔太起眼，樓下亦無banner廣告，所以要細心留意。等電梯時，保安員細心提醒2樓無電梯到，要上3樓落一層，或直接行樓梯~Café 裝修同氣氛唔錯，牆身以特色磚牆為主。座位寬敞，大大張梳化好舒服，靜靜地嘅環境好啱傾偈。旁邊仲放咗好多胡塗鴿子嘅裝飾品，令餐廳更有特色。牆上有塊黑板，老闆攪笑咁為選擇恐懼症嘅客人，挑選嘅幾款套餐。而櫃上面放滿好多益智遊戲，俾客人娛樂一下。Order 咗個 2人套餐 $168/位 南瓜忌廉湯南瓜忌廉湯好濃，第一啖已經飲到濃郁嘅南瓜香味，湯中有細碎的南瓜肉，令忌廉湯不失咬口。但飲多兩啖開始有d偏鹹，鹽嘅份量可能要控制一下。凱撤沙律沙律菜好新鮮，入口爽脆清甜有菜汁，上面撒上煙肉粒、芝士、麵包粒，更脆口。爽脆開胃 。焗青口每隻青口都加入一小片檸檬去焗，青口鮮味再加上淡淡清新嘅檸檬香，令美味提昇 。鹹牛肉法包法包混入咸牛肉、洋蔥、芝士、香草。法包烘至金黃脆口，芝士微微溶