心鉄板燒

营业中

休息中

The star of the show was the lively South African abalone, caught right before our eyes, adding a fresh and dynamic element to the experience.Starting with a palate-refreshing salad, we moved on to the impressive South African live abalone. Its generous size, delightful chewiness, and sweet flavor made it a standout dish.The black codfish, featuring silver cod, showcased expert cooking techniques, resulting in a crispy and golden outer layer. The firm and flavorful fish meat, coupled with crispy

今晚去了尖沙咀一間樓上餐廳「心鉄板燒」食晚飯，我們叫了「鐵板燒特選二人餐 $2,280」，包括：1️⃣ 野菜沙律、南瓜蟹肉蓉🥗 野菜沙律採用新鮮沙律菜，鮮甜爽脆，再加上一件刻有「心」字的玉子燒；南瓜蟹肉蓉 則以「心形」，賣相吸引，相當用心又美味的一道前菜2️⃣ 湯 有三款不同的湯選擇，我們揀選了其中的兩款：🥣 法式龍蝦湯 味道十分之香濃，職員還會幫忙在湯面寫上「心字」，令賣相更吸引🥣 松露蘑菇湯 松露蘑菇湯 十分美味，結合了松露和蘑菇的風味，造出深厚而濃郁的口感3️⃣ 黄金大虎蝦🦐 大虎蝦 鮮嫩而多汁的肉質，而且口感彈牙爽口，再配上鹹蛋調味，令人回味無窮4️⃣ 甘鯛魚配忌廉豬骨汁🐟 甘鯛魚 用鐵板燒方法烹調，肉質豐潤，口感滑嫩，燒烤過程中立鱗形態突出，外層食落口十分之脆口，再配上忌廉豬骨汁，令人垂涎欲滴5️⃣ 北海道帆立貝配脆蝦醬🥢 北海道帆立貝，鮮甜爽口，質地細膩，口感豐富，配上脆蝦醬，更能感受到海鮮的美味6️⃣ 主食有豚肉及和牛選擇，我和朋友各選了一款共享：🥢 神戶黑豚厚燒，豚肉薄燒配蘋果蓉 神戶黑豚厚燒 肉質鮮嫩多汁，油花分布均勻，口感十足；豚肉薄燒則配上蘋果蓉的甜酸味，互相融合，帶來一種獨特的鮮美風味

位於尖沙咀亞士厘道的「心鉄板燒」一直都在我的探店名單上，今晚終於相約了好友一齊探店。餐廳有無敵海景，門口佈置優雅，有吧枱，餐枱座位，可以近距離欣賞師傅👨🏻‍🍳手藝，又可以和師傅互動，氣氛感覺良好🔺鐵板燒特選二人餐｜$𝟐𝟐𝟖𝟎/𝟐位🔸野菜沙律/南瓜蟹肉塔：新鮮爽脆沙律菜，配上可愛心型南瓜蟹肉塔，好開胃🔸法式龍蝦湯：龍蝦湯🦞濃郁鮮美，質感濃郁，師傅還在湯上畫上心形🧡，造型的吸睛🔸松露蘑菇湯：口感豐富而濃郁，蘑菇的質地柔軟，口感順滑，帶有微妙的嚼勁，充滿著蘑菇的香氣和松露的深邃風味🔸黄金大虎蝦：大虎蝦肉質鮮嫩，彈牙有嚼勁，黃金大虎蝦還搭配了美味的鹹蛋，十分惹味🔸甘鯛魚配忌廉豬骨汁：甘鯛魚經過燒烤後，魚鱗煎至脆脆的狀態，外層金黃酥脆，內部魚肉則保持著鮮嫩的質地，配搭忌廉豬骨汁後，口感更加豐富🔸北海道帆立貝配脆蝦醬： 帆立貝的口感嫩滑，入口即化，帶有微妙的甜味，配搭香辣惹味自家製脆蝦醬一齊食，真是不得了🔸神戶黑豚薄燒： 黑豚肉在煎烤後，保持了肉質的嫩滑焦香，搭配爽口微辣的泡菜，絕佳的組合🔸日本A4伊藤和牛厚燒 & 肉眼薄燒： 厚燒🥩肉質嫩滑，脂肪分佈均勻，帶有豐富的霜降紋理，肉汁爆滿；肉眼薄燒，

呢間鐵板燒位於尖沙咀，高樓層可以望到好靚嘅維港景色，同事生日一於過嚟同佢慶祝生日，叫咗個商務午市套餐（二人前）$988，呢個套餐包新鮮鮑魚，係即場見到師傅喺魚缸捉上來，絕對超新鮮✨季節沙律沙律菜新鮮爽脆加埋芝麻醬一齊食好夾✨中南非活鮑魚鮑魚肉質相當扎實有口感和嚼勁，肉質非常鮮甜，點埋鮑魚蟹膏汁一齊食，可以增加層次感✨石班柳石班魚肉質細膩，油脂豐富，廚師煎到兩邊金黃，非常香口✨清酒煮蜆蜆肉大大粒，充滿海水味，蜆肉剛剛好熟，加埋清酒味道更鮮甜✨牛肉薄燒火喉控制得，剛剛好，牛肉味比較濃，肉質軟嫩，而油花細緻✨神戶黑豚薄燒豚肉肉汁香濃，包埋泡菜食更惹味✨炒飯鐵板燒炒飯最正係可以炒到粒粒分明，師傅炒到非常乾身，再加上蔥花，紅蘿蔔🥕粒，蛋一齊炒，香味十足，仲有少少飯焦✨炒雜菜用鐵板炒得非常爽脆，食炒雜菜可以清一下之前嘅油膩感✨麵豉湯湯味道唔會太鹹，麵豉湯好香，加上好多日本腐皮，好足料✨焦糖多士配布甸第一次見焦糖多士係鐵板上邊整，可以煎到多士兩邊金黃色，好脆口，布甸奶味香濃

朋友從來都未食過鐵板燒，所以帶左佢黎呢間試下佢既商務午市套餐一個價錢有2人份量，而且見到南非鮑魚係個養岡活捉。覺得好新鮮仲會係到跳舞好活躍同好大隻。前菜黎個沙律開開胃之後就係主角之一既南非活鮑魚，夠晒大隻，而且食落有彈性同同有甜味石班柳用銀雪魚，魚肉外層夠晒香脆同金黃色。魚肉夠晒結實。煎過後都十分之香口，配上煎香既脆玉瓜，中和番口腔復雜味道。清酒煮蜆，蜆肉無沙粒粒鮮甜飽滿脹卜卜，個蜆湯好甜又夠清香。牛肉簿燒，食落有肉味。燒過後好香口。好有油香。去到尾聲仲有炒飯、炒什菜、漬物、麵豉湯。蛋炒飯配上櫻花蝦。焦糖多土配奶凍，個奶凍係師傅親自製作。勁香濃同香滑再配上脆卜卜焦糖多士，都係現場師傅即場製作的。

尖沙咀亞士厘道而家開咗好多餐廳，有好多選擇，今日下午去了這間商業大廈裏面嘅鐵板燒。餐廳有個轉角位，所以好開陽，可以睇到好靚嘅海景，店中間有個大魚缸，見到海鮮特別新鮮。點了二人套餐$988，前菜有個蟹柳沙律菜及螺肉。南非鮑魚配蟹肉味噌，新鮮嘅南非鮑魚，入口彈牙，廚師手勢一流，看著鮑魚由生煎到熟，完全一個視覺上嘅享受，鮑魚切開一啲都唔韌，先食原味，又鮮又甜，之後配上旁邊蟹肉味噌，鲜味更特出。石班塊配意大利番茄乾及他他醬，斑塊煎到外皮焦香，中間肉質依然鮮嫩，配上他他醬，魚味更鮮甜，加上旁邊嘅意大利蕃茄乾，味道更有層次。清酒煮蜆，用上大量清酒，酒精燃燒後，味道依然強烈，食完蜆之後個湯先至係主角，入口十分醒神。神戶黑豚配泡菜及蘋果蓉，肥膩嘅豬肉捲住清爽嘅泡菜，入口味道清新，旁邊嘅蘋果蓉非常清甜，一鹹一甜嘅組合味道又好融和。牛肉薄燒漬物，中間不是青蔥而是昆布及牛旁，帶和風味道，入口味道由濃至淡，配少少生葵可以減少油膩感。日本高菜櫻花蝦炒飯，高菜通常配九洲拉面，今次用嚟炒飯，入口鹹香，鮮味十足。最後有炒雜菜及自家製奶凍多士，廚師炒喺鐵板上慢慢煎到焦磄化的多士，非常香脆又有心思。

雖然係五天工作週，但間唔中都要返一個星期六，雖然只係返半日，但感覺返六日好辛苦😓所以放工通常都會食餐好啲，今日揀咗尖沙咀亞士厘道嘅心鉄板燒。午市套餐抵食又好食，一於試吓一坐低就俾個維港海景吸引住，對住咁靚嘅海景，食乜都加咗分啦揀咗個二人套餐：有沙律，鮑魚，石斑，豚肉，牛肉，煮蜆，炒飯，甜品湯都係$988，好抵食沙律新鮮爽甜，開吓個胃先南非鮑魚 size好大隻，師傅火候控制啱啱好，剛剛熟一啲都唔韌，只用少許鹽同牛油調味，反而食到鮑魚本身嘅鮮味跟住嘅煎石斑塊，師傅好俾心機慢慢煎香煎脆兩面，石斑表皮香脆入面保持肉汁。配他他醬好似食緊魚柳包。另外配旁邊嘅意大利風乾蕃茄一齊食，又有另一番風味清酒煮蜆，蜆新鮮清酒甜，蜆嘅鮮味煮埋落啲清酒湯度，好味到連湯都飲埋黑豚肉薄燒，入面包住Kimchi，新穎啲嘅做法，減低咗豚肉嘅油膩感，非常好嘅組合和牛薄燒有別於一般嘅做法，入邊係包住漬昆布同牛蒡絲，亦都係好特別嘅組合，但比食開嘅蔥蒜又有咗新鮮感炒飯就加入咗日本高菜，即係類似本地嘅雪菜，但味道比較淡口啲，再加入埋櫻花蝦增加口感，整體炒飯合格炒雜菜就正常發揮，食咗咁多豐富嘢之後清一清個口腔，可以再食甜品自家製奶凍

預約多時終於來了，因為入座時人客挺多，所以侍應姐姐安排了我和朋友二人坐旁邊二人座，還好不會吸得一身油煙味，但又能望到師傅整鐵板燒。鐵板燒特選二人套餐野菜沙律、南瓜蟹肉蓉(非常fresh的前菜)法式龍蝦湯、松露蘑菇湯、大蜆鯛魚湯(3選2，我和朋友選了龍蝦和鯛魚，龍蝦很濃郁，鯛魚比較清但飲到淡淡魚的清香)黃金大虎蝦(新鮮的蝦肉從不令人失望配上濃烈進擊的咸蛋香氣很夾)甘鯛魚配忌廉豬骨汁(魚的皮脆炸過，但肉仍很嫰滑配上濃濃的忌廉汁，好味得連汁都想飲光)北海道帆立貝配脆蝦醬(大大隻的帆立貝配鮮咸脆蝦醬汁好好食)神戶黑豚厚燒,豚肉薄燒配蘋果蓉(豬都整得軟糯，肉汁多，非常高質)櫻花蝦高菜漬炒飯，太陽蛋(蛋是整碗飯的精髓，很香口的澱粉質)炒什菜甜品配雪糕～有開心果味和朱古力味，還有餐廳自製的奶凍，3選2最後選了開心果雪糕和奶凍，另外配上鐵板燒焦糖多士(又脆又凍又香甜，好正啊)。

又和朋友慶祝節日食好東西，今次在尖沙咀，提前預約了，入座時已經座無虛席了，所以安排了2人雅座，由師傅即席鐵板燒親自送上桌。我們點了鐵板燒特選二人套餐野菜沙律、南瓜蟹肉蓉法式龍蝦湯、松露蘑菇湯、大蜆鯛魚湯，我們點了龍蝦和鯛魚。龍蝦味道濃稠，大蜆鯛魚就非常鮮味。黃金大虎蝦，新鮮彈牙。甘鯛魚配忌廉豬骨汁，脆皮嫰肉濃汁。北海道帆立貝配脆蝦醬，咸香的醬汁有咬口，配上鮮味彈牙帆立貝，味道好夾。日本A4伊滕和牛厚燒，肉眼薄燒配梅漬蕃茄，蕃茄勁開胃，中和和牛的油膩感，肉味香濃軟糯。櫻花蝦高菜漬炒飯，太陽蛋配上炒飯，味道一絕。炒什菜，吸收了牛油的香但仍保持菜鮮。特色甜品配日式雪糕～開心果味雪糕，自家製奶凍。配焦糖多士，香脆濃甜。

媽咪生日帶佢去食鐵板燒openrice訂位叫二人餐有9折去到都幾驚喜，佢有平餐有貴餐我地三個人，叫咗最貴果兩個餐。個龍蝦超好食（不過我唔記得影相）整體嚟講啲野好好食

放工後輕鬆一下是必要的,今日上班的時候好像很不順心,所以今晚就選了間有心的餐廳。到店後二話不說就選擇了鐵板燒特選二人套餐。野菜沙律及南瓜蟹肉蓉,沙律新鮮配柚子醋,酸酸甜甜很開胃;南瓜蟹肉蓉味道甜美。法式龍蝦湯,店員整了個心心給我很窩心的,龍蝦湯很濃郁,味道很鮮不會太鹹,龍蝦肉彈牙可口。黃金大虎蝦,蝦肉很彈牙,雖然比較大隻但肉質結實得來不會鞋口,鹹蛋黃的味道不會搶過蝦的鮮味,還增添了咸鮮的味道。北海道帆立貝配脆蝦醬,帆立貝肉質嫩滑,脆蝦醬真是一絕,味道鹹鹹脆脆甜甜,豆豉及芝麻還有蝦油的香味十分出眾,跟帆立貝一起吃做到提鮮效果,用這醬很跟会飯吃應該是一流的。金鯛魚配忌廉豬骨汁,鯛魚肉是一梳梳的,肉質的油脂不少可用肥美來形容,魚鱗煎得脆口就如吃薄脆的杏仁片一樣,忌廉豬骨汁很濃厚。肉眼薄燒配梅漬蕃茄,薄燒的牛肉中間配上帶少許甜味的昆布原來是這樣配合的,昆布中和了牛肉的油膩,牛肉的味道也因昆布提升了鮮味。日本A4伊滕和厚燒,入口即溶的一刻就是吃和牛的最高享受,和牛跟日本芥辣是絕配,芥辣使和牛的油脂更香,啖啖滿足。櫻花蝦高菜漬炒飯,炒飯在鐵板中起舞,飯粒在跳躍中,再配上一隻燶邊太陽蛋,櫻花蝦的香味

今晚食鐵板燒，揀咗鐵板燒特選二人套餐。🔸野菜沙律，南瓜蟹肉蓉沙律菜新鮮，柚子汁的酸味令人開胃；南瓜蓉有洋蔥片和蟹肉，味道很甜。🔸大蜆鯛魚湯鯛魚湯味道濃郁，蜆肉口感結實冇沙。🔸黃金大虎蝦虎蝦的肉質爽口彈牙，蛋黃有起沙的口感，為虎蝦添多份鹹香，我連蝦膏都唔放過，真係鮮甜美味，茄子有少少鹹香。🔸甘鯛魚配忌廉豬骨汁魚鱗脆口，魚肉清甜肉質頗滑，配忌廉豬骨汁，味道帶點肉的香味。🔸北海道帆立貝配脆蝦醬帆立貝軟而滑身，三文魚籽流岀有鹹甜的汁，脆蝦醬很特別，有點豆豉鯪魚香、芝麻和蝦米鮮香。🔸神戶黑豚厚燒，豚肉薄燒蘋果蓉黑豚厚燒油分豐富，肉質軟滑。豚肉薄燒包著泡菜，口感嫩滑帶微辣，蘋果蓉清甜。🔸樱花蝦高菜漬炒飯我揀左熟蛋，雞蛋味道較淡，剛好有鹹酸菜搭夠，飯粒煙韌。🔸炒雜菜有椰菜、芽菜和菇，芽菜爽口。🔸特色甜品配日式雪糕麵包上有層燒香過的焦糖脆片，味道唔會太甜，麵包亦很脆，開心果雪糕有果仁粒，味道都幾香。廚師將南瓜蟹肉蓉做咗個心形，個碟又會心大心細，甜品碟上又畫咗個心心，每當我望到呢啲心心，都不自覺開心起嚟。

熱愛鐵板燒的我倆, 又發掘一間有著維港美景的餐廳! 座位不多, 2張鐵板燒枱, 另有房間! 設計簡約高雅, 器皿食具是看得出的用心! 來客鐵板燒特選二人套餐 $2,280, 包羅萬有的, 主菜各一款, 試勻菜單上的菜色! 容許我由甜點開始! 實在太漂亮, 太可愛啦! 生日或慶祝日, 記得在訂位時說明啊! 開心果雪糕味道很濃郁, 牛油焦糖多士也超贊! 前菜: 野菜沙律、南瓜蟹肉蓉 ~ 蟹柳及南瓜也是心型的, 看著是有多開心! 湯: 法式龍蝦湯、大蜆鯛魚湯! 味道濃郁還有濃郁的鮮味, 海鮮也很鮮甜爽口! 黃金大虎蝦 ~ 蝦頭有很多蝦膏, 濃郁還很香! 蝦肉爽口彈牙, 配上黃金醬, 鮮味再被提升! 甘鯛魚配忌廉豬骨汁 ~ 魚肉稠密, 鮮甜及有彈性! 以鐵板燒亦可把魚鱗造型, 豎起如笠上蓑衣般的美態, 奇脆無比! 北海道帆立貝配脆蝦醬 ~ 肉很厚很鮮甜, 配上咸香三文魚子及脆蝦醬, 味道層次提升, 一種食材帶出三種味道! 日本A4伊滕和牛厚燒、肉眼薄燒 配 梅漬蕃茄 ~ 來自日本黑毛和牛種, 並非所有和牛都可以成為「伊藤和牛」，須日本伊藤火腿株式会社派出老行家精選的和牛才符合「伊藤和牛」資格!

#尖沙咀地膽 今次去心鉄板燒，一邊欣賞維港美景，一邊睇住廚師席上煮，氛圍感十足！我地揀左店員推介嘅二人餐，有前菜、湯品、海鮮、肉類主菜、炒飯同獨一無二嘅手繪甜品！驚喜滿分💯！🍽️鐵板燒特選二人餐 $𝟐𝟐𝟖𝟎/𝟐位 🥗野菜沙律/南瓜蟹肉塔🎃可愛嘅心型南瓜蟹肉塔，配搭新鮮爽脆嘅沙律菜，開胃又健康🦞法式龍蝦湯🍲濃郁鮮美嘅龍蝦湯，質感濃郁，仲有心字形浮在湯中！超吸引眼球呀！🦐黄金大虎蝦：鹹蛋控必愛嘅黄金大虎蝦！蝦肉彈牙扎實，配上威香味嘅鹹蛋醬，邪惡又美味！🐟甘鯛魚配忌廉豬骨汁：鯛魚燒魚鱗即席煎到薄身香脆，魚肉鮮甜軟嫩，配上忌廉汁與豬骨湯結合；又夾又好味！🐚北海道帆立貝配脆蝦醬： 帆立貝鮮甜又彈牙，第一片配搭三文魚籽食；第二片配搭香辣惹味嘅脆蝦醬一齊食，兩種都好食！🥩日本A4伊藤和牛厚燒 & 肉眼薄燒： 厚燒油脂香盈，肉汁爆滿；薄燒軟嫩無比味，肉味香濃！十分高質！🍚 櫻花蝦高高菜漬炒飯頂層煎荷包蛋，蛋漿流入炒飯，令味道更升華；飯粒飽滿且有嚼勁，份量好足！🥦炒什菜：營養豐富嘅炒什菜可解解油膩感！🍞甜品：酥脆的多士外皮，搭配著香甜的焦糖，入口即化！太美味！仲有超靚嘅手繪圖案！驚喜滿分💯 ！ 心鉄板燒📍