必勝客

营业中

休息中

今日唔使煮飯,就叫外買pizza返屋企食.(1)大批孖寶:千島海鮮pizza和意式風情pizza.千島海鮮pizza:磨菇、魷魚、帶子、蜆肉和蝦,海鮮亦都足夠,配上千島醬,食落都幾滿足.意式風情pizza:豬肉粒、洋蔥、火腿、青椒和紅椒,肉粒都唔少,食落去啖啖肉,味道和口感都保持到質素.(2)萄汁雞皇焗飯:洋蔥、紅蘿蔔,雞都算滑,但萄汁太多,令到個飯好濕,唔係咁好食.(3)酥脆蝴蝶虾:這個下次不會再叫啦！因為送到黎已經淋曬.

今日忽然間想食pizza，於是就幫襯呢間餐廳買外賣！餐廳雖然唔大，但間隔唔算狹窄！今日有幾款優惠套餐，當然最優惠係外賣啦，單買一個大pizza有半價買咗一個我的最愛千島海鮮大批味道口感都保持到質素，正！！！

最近看到pizzahut出了優惠 單點餐牌7折 外送速遞也可享有 已很久沒吃了 所以便上網下單我們點了一客細辣肉腸pizza厚批 一客肉醬意粉和優惠價$10/3罐百事可樂 到達時間比預計遲了15分鐘左右(預計半小時送到) 仍可接受 食物收到還熱 這點加分 但可能是辣肉腸關係 pizza略咸 這次點了厚批 有點像麵包 個人比較喜歡吃簿簿脆脆的簿批 肉醬意粉外觀ok 但味道也是咸了一點 吃完要喝多一點水解渴 如果能減少咸味會比較好吃 折扣後總數百多元 經濟實惠

端午節，同朋友游完水，唔想在街食，又唔想自己煮，當然就是叫外賣啦。好耐無食過pizza hut, 朋友們都想食下，其中2個話唔算好肚餓，6大1細叫左一個三人大批套餐，朋友再用積分換左一個飯及小食。大致等左40分鐘左右，都係我地預計時間內。食物保持到溫度，這個是基本而重要的。大批叫左意式風情變芝心批，味道不錯，如果芝士可以溶化一點就更好，不過以價錢來講，算差不多了。蒜香意粉乾左一啲，不過幾香。葡汁雞焗飯味道不錯，雞肉是仲有肉汁。個忌廉長通粉都唔錯，小朋友鍾意食。薯格好受大家歡迎，好快食曬，外賣都無淋到。我個人就最鍾意雞翼+腸仔，雞翼肉質唔會淋，味道keep 到。至於湯我就無飲，朋友話淡左少少。6大1細，其中一個生日無計佢錢，圍返每人俾$60，都算幾抵。

新出了海鮮凡立貝薄餅，我個人喜歡薄批，新出必需試下。這間像外賣快餐，先到收錢付錢選菜，再回坐位坐下等送餐，當然這沒加一很經濟。和平時pizza Hut不同，但地方衛生可放心。食了多年海鮮闊條麵，我一直對份量不滿足，總是不夠飽肚。 所以我另外再選了薄批，新出海鮮凡立貝薄餅，有很多粟米粒，蕃茄，酸酸開胃口感很好。海鮮闊條麵係有十年喜愛，這款真的完全是我最愛，雖然Pizza Hut不是很高級餐廳。而這款意大利粉完全俘擄我味覺。

仲記得上次喺呢度食咗個千島醬海鮮pizza, 雖然冇乜服務, 但真係幾好食, 而且見到隔離枱有人叫隻燒雞, 一直心思思想去試下, 今次終於有機會啦今次我就咁散叫咗半隻香草烤雞, 其實都心諗會唔會好多骨, 或者似係一般超市買嗰啲bb燒雞咁細隻. 隻燒雞隔咗一陣就到喇, 比想像中大, 正呀 最重要嘅係, 除咗雞髀同雞翼位有骨外, 其餘係冇骨㗎, 廚房已經好細心咁幫你起曬啲骨出嚟 仲有都算多份量既薯格, 同埋一款茄汁,一款類似燒烤醬嘅醬汁.講下個味道先, 唔會太鹹而且有少少燒過嘅味道, 但又唔會好似一般燒雞咁燶, 真係燒得啱啱好喇 配埋嗰啲燒烤醬汁, 個味道就啱啱好至於個口感呢, 冇一般雞肉咁“鞋”, 最重要係, 食落啖啖肉 真係好好味.價錢方面印像中記得散叫係108蚊港幣, 如果跟餐加呢隻烤雞嘅話, 好似先至78蚊, 抵呀

夜晚行過蝴蝶商場,度度都好多人,甚至大排長龍,唯獨pizza hut仲有位無人等,於是就入去食.呢間店唔同一般既分店,係唔會有人招呼你,要你自己去收銀果邊買,買完會俾個 感應器你,先至會送餐上嚟. 今次要個 意式風情普通批, 小食轉做肉丸配拿破崙醬汁. 等左大約10分鐘左右,野食就嚟到. 個pizza 不過不失, 係新鮮焗起嘅, 千島醬配豬肉粒同火腿係正既,d肉既份量唔會太少, 比例啱啱好, 食落去啖啖肉,唔錯 至於加錢轉嘅小食係肉丸, 食落唔似普通肉丸咁濟, 雖然睇落平平無奇咁, 但食落去喉嚨好舒服 同埋都有8粒咁多, 真係唔錯

依間位於屯門蝴蝶村商場既pizza hut真係好抵，因為佢吾同出面大城市既pizza hut，呢度既野食係特別平！呢種平民版pizzahut係香港吾多間 得觀察既都係屋村商場至會有環境同裝修同平時既pizzahut都係一樣吾同既係食物價錢！呢個午餐manu只限堂食 外賣拎走就吾係依個價架喇～我叫左個a1餐燴葡汁雞皇飯+凍0茶（$44）凍飲吾洗加錢，另外再加配左一個忌廉磨菇雞湯（$12）先係櫃面落down，付款後店員會比個感應器我，簡好座位後放係枱既感應器位置，食物就會自己送上！因為呢間係平民版，所以餐具等等都要親自封到自助bar到拎，bar上面仲有熱水可以拎，加更吾少得係有調味料，有tabasco,芝士粉，黑胡椒粉我拎好餐具之後埋到坐位，店員隨即送上雞皇飯葡汁既關係，所以成碟都好黃，但係葡汁十分之甜，好好味，主菜係雞，雞件好滑份量多，配菜有洋蔥，經椒同青椒磨菇湯非常creamy,一d都吾會水，裹面有好多細細舊雞肉，亦有磨菇，呢個湯豐富！埋單$56，平日食午餐人吾多，我自己坐係四人卡位，好舒服，仲有好多空既位置！今次午餐體驗吾錯，下次會再食！

養傷在家日日叮嘢食，悶到唔想再食屋企的存貨，想起11月食過嘅PIZZA幾好味，不如就叫外賣PIZZA食啦，一個人又無咩好揀，一不做、二不休，叫返上次個2-3人餐，最多午晚餐都食佢，網上訂購滿指定金額，仲送一個薯蓉，抵喎比預定時間早咗15分鐘送達。心思思芝味批滋味2-3人套餐一個普通批、一個通粉、一個焗蔬菜、一個小食、2罐百事可樂、送一客薯蓉。Parma Lam - 心思思芝味批訂購時已說明因為太受歡迎，雙色芝士缺貨，祇得一種色，所以視覺上有點遜色，仍然熱辣辣，味道OK好食。芝士菠菜蘑菇長通粉呢個好香又好食，芝士汁剛好，長通粉軟硬適中，菠菜仲係綠色無變黃加咗幾粒車厘茄，顏色豐富辣味雞翼拼意式迷你腸正常味道，無投訴。萄汁焗蔬菜呢個要讚，蔬菜保持口感，唔會腍啫啫，青綠無黃，加埋萄汁好好食，食到停唔到口，最先食光呢樣。白汁煙肉薯蓉薯蓉幼滑，撈埋白汁幾好味，煙肉都幾多喎一個人一餐梗係食唔哂啦，2個人食埋晚餐都仲有剩抵食喎。

Pizza Hut又出新嘢啦， 呢期係近排好興嘅鹹蛋黃醬所研發嘅Pizza菜式， 而由於近期佢又有呢個芝士火鍋推出，搞到真係唔知食邊樣嘢好，既然諗到頭都爆，咁不如就兩個都叫曬啦！鹹蛋黃醬芝心批-軟殼蟹天王今期嘅pizza有兩款，一款係萬人迷唐揚雞，另一款就係我哋嗌咗嘅呢一款軟殼蟹天王，材料有大蝦，軟殼蟹，洋蔥，青椒，橄欖，魷魚同火箭菜。整體上食嘅pizza食落係唔錯嘅，蛋黃醬嘅味道都幾突出，軟殼蟹唔醒， 大蝦都夠彈牙， 火箭菜甘甘涼涼， 最後係個夾住芝心嘅外皮邊，芝味十足亦都脆脆地， 加上鹹蛋黃醬嘅蛋黃味， 成個pizza嘅味道百感交集， 只係嚟到嘅時候個pizza唔夠熱， 如果熱啲就更加好食啦。星級瑞士芝心鍋大蝦，麵包，香草香腸帶子，薯條，炸雞對於呢一個星級芝士火鍋，我個人係好失望嘅 ，呢個芝心鍋完全唔夠芝味， 雖然佢個芝士醬好傑，但芝士味真係冇， 以作為一個好鍾意食芝士嘅人嚟講，簡直完全唔覺得食緊芝士，而配料嚟講，只有大蝦彈牙係可取既，其他配料可以話係冇咩突出之處， 只可以叫食物，唔可以叫美食。

放工後回到屯門找東西吃, 巴士在蝴蝶商場前下車, 便順道來買麵包和覓食. 這個商場一向都人較少. 基本上很多餐廳也不用排隊. 看見很久沒吃Pizza Hut 便入去試試. 這間PIZZA HUT只有兩枱食客, 非常寧靜和舒服優閒, 我們一行二人不算太餓, 於是叫了2款食品. 迷你超級至尊, 2人吃剛剛好, 很久沒吃芝心批, 份外有親切感. 熱辣辣脆卜卜. 好吃. 雞棒拼脆薯格, 很久沒吃薯格, 很香脆美味, 雞棒亦很淡淡肉. 蝴蝶商場還有很多美食, 而且人流小, 不用等位, 亦很清靜. 建議屯門人可多來光顧.  

lunch經過呢度，響門口望吓個餐牌，見幾抵食，就試吓啦…嗌咗個葡汁雞皇飯同至尊pizza，飯只係40幾蚊，抵食但係個pizza價錢我覺得唔算抵，一個超細迷你批要60蚊！點解我話係超細迷你批？因為個pizza大細係平時大家響酒樓放碗嗰款size嘅碟！味道就唔錯嘅，始終pizza hut有佢自己嘅pizza味道嘅，個葡汁雞皇飯都幾好嘅，熱辣辣，不過啲汁同啲雞同啲飯係食到3part囉…咩意思？即係佢哋首先放個白飯響底，再放幾舊雞肉響中間，最後淋啲葡汁響上面，完成葡汁雞皇飯。不過我下次唔會再嗌pizza餐囉…以價錢嚟講我會再去嘅，不過只會嗌飯同意粉餐

本身都算係pizza hut fans 有咩新嘢出都第一時間試 呢間分店啲職員啲態度垃圾到爆 明明係自己唔啱 order左嘢成個幾鐘都未有 好聲好氣問點解 佢話係咁耐架啦 等多半個鐘啦 一句道歉都冇 真係貼錢買難受 仲要好似趕住拎出世紙咁就唔理你 我俾錢架！！！ 自己都係做服務業 所以平時都會對人唔該前唔該後 都係第一次講粗口話唔要！ 第一次寫食評鬧！ 唔該pizza put 你地間公司做得幾好 但呢間分店！一係就培訓啲員工！如果唔係就執左佢算吧啦！

I keep coughing these days and lost my appetite so I decided to get the tuna panini I used to have on the tea set menu. However, it seems that they have changed and the panini is no longer on the menu. As an alternative, they offer tuna cheese croissant but I think it will be too greasy for me so I picked the tuna waffle with black coffee.At first I thought the waffles are savoury but there is syrup on top of one piece and whipped cream on the side. I didn't eat it with cream becos the syrup is

最近愛上了日本品牌美津濃(Mizuno)的跑步產品，從跑鞋到跑衣、跑裙、短褲、跑襪，我一律都喜歡。從mizuno香港的官方網頁上找到屯門蝴蝶廣場有一家體育用品店專門寄賣mizuno的減價貨品，於是特地坐巴士入屯門。屯門蝴蝶村位於屯門碼頭附近，離屯門市中心有一段距離，如果坐西鐵來屯門，可以轉輕鐵在蝴蝶站下車；如果坐巴士，可以在屯門公路轉車站轉乘59M巴士在蝶心樓下車。蝴蝶廣場原本是舊式公屋商場，經過領展翻新和重建後，增添了室內街市和美食區。我曾經去過樂富廣場，也是領展旗下的項目，不過蝴蝶村街市的規模和面積要比樂富大得多，不只有日常街市賣的蔬菜、水果、肉類、海鮮、家禽等，還有乾貨鋪、糧油雜貨店、改衫店、鞋店、印尼商店，豆腐花店，連郵局也有！離題了。當天我逛完球鞋店準備去吃午飯醫肚，在商場二樓Baleno的對面有一家pizza hut，我才發覺回港工作後我基本上就未吃過pizza hut，因為在美國讀書時幾乎天天吃pizza，兩年前回港後我盡量避開pizza。那天心血來潮，和家人試一試久違的港式pizza連鎖店。這家pizza hut採取快餐自助形式，需要顧客自行購買食物和攞位，類似euro