必勝客

营业中

休息中

食物質素：連鎖餐廳食物大致上都差不多，沒有什麼特別的評價。正常發揮。服務方面：剛到店 企左係店鋪入面2-3分鐘都無人理我，我仲要係舉起左我想要既坐位人數既手指，（其間係有3個職員見到我），最後我要再行去佢面前先帶我去坐。上飲品好慢好慢好慢，我食哂所有野先到🙃🙃另外想一讚個小肥哥哥，落單上出現誤會，哥哥都幫忙處理左好一段時間，都亦然保留住應有既態🙏🏻🙏🏻

我去Pizza Hut（旺角店）享用晚餐。餐廳位於熱鬧的旺角區，裝潢簡潔而現代化，提供了一個舒適和輕鬆的用餐環境。菜單上有各種各樣的選擇，從招牌披薩到沙拉、意粉和小吃，滿足了不同口味的需求。我點了一個海鮮披薩和一份蘑菇意粉。披薩的外觀誘人，烤得金黃酥脆，上面滿滿的海鮮令人垂涎欲滴。每一口都散發著新鮮的海洋風味，配料的搭配非常出色。蘑菇意粉則是以新鮮蘑菇和奶油醬汁為基礎，口感豐富滑順，配料的味道完美融合在一起。價格方面，Pizza Hut的價格合理且物有所值。菜品的份量足夠，價格與品質相符。無論是情侶約會、家庭聚餐還是朋友聚會，Pizza Hut都是一個不錯的選擇。

今日黎食二人餐嘢食非常滿意 個套餐包左兩個餐湯一個意粉，一個普通批，兩份小食，兩杯嘢飲份量十足，兩個人食好飽但係服務真係好想比差評第一 到餐廳門口既時候 冇人招呼攞左飛都冇人嗌明明有超多空枱 要入去搵職員問有冇位第二 入到去既時候 我地張枱隔離搞緊生日party 應該散晒場客人走晒，員工清理緊但係不斷係我地隔離吉爆D氣球一路食嘢一路比D氣球爆炸聲嚇親😅第三食到全部嘢食都就黎食完嘢飲都未黎超口渴😅😅 又要問先有嘢飲D員工好似完全唔知做緊乜咁全部要人講先去做 入黎食嘢冇人招呼要自己黎嘢飲一路漏單都冇發現要人追問先有嘢飲😅😅😅😅😅

由細到大我都最鍾意食pizza！尤其是Pizza Hut出品嘅 我都好喜歡 佢哋嘅芝心批 真係冇得輸 入口芝士味非常濃郁！同埋我最鍾意食佢哋嘅千層闊條麵 香港真係冇乜邊間餐廳做得好食過佢哋

同朋友真係好耐冇食Pizza Hut，今次經過旺角見到有即刻入去試吓🫡我哋叫咗個超級至尊厚批～一上到嚟熱辣辣要即刻食🤤厚批邊依然都係口感煙韌得來又好脆👍🏻芝士每次都好多😆勁拉絲又同茄膏好夾！隔咗咁耐冇食，依然都keep住水準，正！

好日都唔食一次Pizza Hut，竟然係兩個禮拜內食咗兩次新出嘅極芝熔岩批，真係要評下佢。-❤️‍🔥極芝海鮮呢款Pizza 算係薄皮，就算係外面個圈都唔會太硬同太厚，唔會俾個餅底整到好飽好滯，平時食開薄皮嘅人表示好啱口味。上面啲料嘅配搭都係「比較」fresh。🧀芝士真係好多，係比較流質嘅，拉唔到絲個種，但同時唔會好膩，芝士味好香好足。🆚對比起芝士扭扭批同芝心批，呢款無論係個餅底定係啲芝士都更勝一籌。

Pizza hut算是香港一間歷史最悠久的薄餅店。Pizza hut的薄餅種類繁多，而且調較到非常適合港人口味。最近試了瑪格麗特大厚批，厚厚的批邊，口感煙韌，夠晒飽肚，批邊焗得金黃色，夠晒香脆。Pizza配料有大量高質芝士、番茄仔、茄汁和香草。番茄仔新鮮多汁，配合上番茄醬，酸酸甜甜，非常開胃。經過烤焗的香草，發草清新香草味。值得一試再試的美味薄餅。

hello 歡迎大家入黎睇Clover_EatEatEat嘅食評，今日同大家分享一間pizza連鎖店：pizzahut！pizzahut 每一期都有唔同嘅特色pizza 今次嘅pizza係海鮮芝士扭扭批！我今次嗌左呢個pizza係享有六折優惠價！因為pizzahut有活動可以6折買！❀ 海鮮芝士扭扭批我地次次食pizza hut都會嗌佢個千島海鮮批！因為超鍾意海鮮！今次呢個海鮮芝士扭扭批就非常吸引我地食！pizza配料有好多海鮮，帆立貝、蝦、魷魚、蟹柳等！表面加左大量芝士，每一口都好滿足！扭扭邊入面都有芝士，比傳統pizza更有特色！值得一試！

晚餐諗唔到食咩，最方便就係外賣自取Pizza Hut。今日叫咗個二人餐，有一個普通批，一個小食/意粉，兩罐飲品。👍意式風情芝心批👍海鮮闊條麵呢兩款都係我每次喺Pizza Hut一定會食嘅組合，無論幾多年都改變唔到我對佢嘅愛。

-//位於旺角Pizza hut，勁多分店喺香港另外店員服務態度好好👍🏻值得讚許👍🏻外賣咗兩個迷你批+包小食+包一碗忌廉湯📍夏威夷迷你批+迷你腸+薯格🍕$69叫左厚批係好煙韌，幾有口感 好有咬口🤣個Pizza真係有啲邪惡，烤到邊位好脆口仲有滿滿嘅芝士🧀仲有我最鍾意嘅菠蘿🍍一定要趁熱食咗先，凍左冇咁好食啦呢個價錢真係超平，不過係下午茶餐先有小食就普普通通，另外有個忌廉湯好濃郁另外 至尊迷你批套餐 $55🍕迷你Pizza一個人食的話，份量都算多～呢個價錢都算抵食，整體唔錯，可以再食🤩📍必勝客 (旺角)旺角西洋菜南街168號2樓

可能因為由細到大食Pizza多數都係食Pizza Hut所以我自己都鍾意Pizza Hut嗰種味道，比起其他出邊唔同嘅Pizza舖頭，我真係鍾意Pizza Hut多啲，可能佢哋做嘅Pizza我自己覺得正宗啲。

早排試咗🍕玩轉佛跳牆批🍕。1月27日至2月9日(年廿五至初九)期間限定供應。個pizza勁足料，有花膠又有海參。鮑汁加上芝士鹹香鮮味。花膠同海參彈牙又充滿膠質，而且仲好入味🤤。

見佢出咗個新批，佛跳出好似好特別，但又驚有啲啲伏都係想試一試。於是真係被伏到了。完全食唔出餐單上面材料嘅味道。就係好夾硬地將一啲食材擺上一個披薩度。兩者根本唔融洽。而且呢個批仲要唔抵食。真係強烈建議大家唔好試。不如食返傳統芝心批嗰種仲好味。餐單上話有花膠，但係淨係食到少少好似半融化嘅啫哩狀的物體。另外豬仔骨都令人好失望，肉好鞋，而且一啲都唔juicy,亦唔夠味道。份量好少 得呢度少少就要加多七十幾蚊。非常唔值得。一定唔會再試。

香港人食Pizza第一時間真係會諗到Pizza Hut啦，呢個係香港嘅Pizza始祖。Pizza專門店，但係我都覺得Pizza Hut係絕對係最好食嘅 今次試吓去呢個漢堡肉真係好好味，好多漢堡肉

Pizza Hut 必試新品 ~ 開心時刻 Pizza Hut 😍《芝加哥式深芝批》有2️⃣款口味選擇 - 「海鮮芝加哥 」及「火雞芝加哥」，2️⃣款都份外好「芝」味，比一般批邊高及批邊加入雙倍芝士份量🧀 ，pizza烘烤熱騰騰♨️ ，拉開pizza有芝士拉絲效果，口感加倍脆卜卜😋 !芝加哥式深芝批 - 🦃火雞芝加哥口味餡料有煙火雞片、火腿、意大利青瓜、車厘茄及紅洋蔥、紅莓醬，新鮮配搭，好滋味!下次試另一款口味: 海鮮芝加哥深芝批，有海鮮同珍珠帶子，加上蜜糖芥末醬🍯，甜蜜又超惹味！