必勝客

营业中

休息中

記憶中此連鎖餐廳的下午茶餐很便宜，又好吃。今天午間太忙，直至三時半才有空吃午飯，剛巧路經此餐廳，就決定以下午茶餐代替午餐好了。餐廳雖位處旺區，但由於是樓上舖，室內頗寛敝明亮，下午茶時間亦顯得清靜，在此吃個下午茶餐，上上網，亦一樂也！下午茶餐有很多選擇，豐儉由人。最便宜由$22起，被精美圖片吸引，我選了公司三文治+汽水。等了很久，肚子咕咕叫，食物終於到了，可惜三文治和薯條都温温吞吞的，令我食慾大減，只好胡亂填飽肚子就離開。

As with all pizzas, i hate the crust.The new starbites pizza has two flavours seafood or meat.Every bite is packed with something and the crust is stuffed with cheese hence delicious!!!!There is also a mini pizza but you have to spend over a certain amount.

今日出開旺角途經好耐冇光顧過既呢間必勝客，印象中下午茶唔錯，於是和友人再去一試，可能係平日啦人唔太多，去到即有位睇一睇下午茶餐牌，可能耐冇黎啦已經有D改變，有幾款茶餐2-30幾元（以前都冇咁平既）不過如果食薄餅或意粉就比以前貴咗少少喇下午茶餐我地叫咗個千島海鮮迷你批及卡邦尼煙肉意粉，可樂2杯（免費添飲一次）等咗幾分鐘意粉先到，急不及待就試吓，一啖入口芝士味帶点重奶味，奶味稍為重咗少少，意粉質感唔錯，汁料多咗一点，不過不失一般啦之後薄餅到，未用口食已經用鼻感覺到好香食落口鬆軟度唔錯而且夠熱，只稍稍覺得薄餅上既配料如果多番D會更加好，靜靜地和友人休閒下午茶呢度都係一個唔錯既選擇丫

今日初五唔係開工好日，被公司迫放假，lunch time約左同事食buffet食到三點。晚上約朋友食返仲飽緊，所以都同朋友講食得唔多。佢建議食Pizza Hut.她叫了個忌廉湯，蒜蓉包同大蝦炒意粉兩個share.我仲叫左杯汽水。忌廉湯我無飲，佢講好夠濃，夠creamy,不過無乜“餸”。 蒜蓉包外面焗得幾脆裏面就過多牛油，可能食buffet太飽既關係，食2片之後唔太想食了，不過係夠蒜蓉味同香草味嘅！主角就係炒意粉。今日唔想食太多醬，一Pat Pat既主菜，所以叫左dry d 既炒意粉。呢個意粉賣想不太好，亂七八糟之餘，啲蝦有啲白唔夠色咁，但ok爽口既。原來個意粉係辣嘅，仲要係幾辣唔係少少嗰啲。我朋友唔太食得辣，只係食左啲蝦同少量意粉咋，真係估佢唔到 。。。另外，我想講既係，以前汽水係free flow 嫁嘛，呢家只能refill 一次，唔知點解呢，感覺好似無咁抵，但為健康，限左你飲兩杯都係好事嚟嘅！

約左朋友食pizza，當然第一眼諗起食pizza hut❤️加上可以儲分換食物！十二點幾食午餐 都唔係太多人 唔需要等位 可能因為佢有一層好多枱啦！以為有一人尊享但原來今日無做到而個套餐加上天氣突然轉涼 好想食熱野結果同兩個朋友share左一份芝士火鍋$268😍有麵包粒 三文魚 青口 同 牛柳粒芝士火鍋set有送兩杯餐飲唔夠可以再加$48 換多其中一款肉類$12都會有蘋果粒或麵包或者意粉一客麵包粒正正常常 三文魚都唔錯但都係基本沙律個種味牛柳粒我覺得同芝士幾夾 食左好多❤️青口比較細粒 如果大粒啲就好啦芝士係重點！！！可以瘋狂拉絲！！！食落唔會太重口味 推測應該係水牛芝士比較多再叫左個千島海鮮大批pizza🍕$195 不過不失啦三個人夠曬飽 聖誕節假期後都可以食得好好 可以繼續開工啦要讚既係店員都有禮貌 問題都好有心解答客人

雖然牙仔仲痛，但為食的我忽想食pizza，好耐無去拍拖，今日有人良心發現陪同，心偷笑。。。。二人套餐276新批小龍蝦滋味，甜批普通，蜜桃同蝦唔夾，芝脆批連個底都更薄了，又將價就貨。批邊好差，終極咁少三文忌廉醬，無芝士咁，好中伏。巴馬火腿凱撒沙律，除左爽脆生菜同三塊火腿無其他，感覺求其。肉醬意粉份量適中，個底有點面水，普通。周打蜆肉湯幾多蜆，湯係忌廉雞湯既變奏。加10龍蝦湯，味道ok，十蚊抵俾。紅莓夢幻實為soda幾有味，唔假甜。柚子熱情都係soda黎，比一般呢度出既奶茶好。P.S.好嬲，個侍應竟然將我不左一啖既沙律想幫我收左佢，服務嚴重有問題。仲要賣單時勁差態度，多謝都無講，唔知佢點做生意，餐廳當時並唔忙，差進餐經歷，對必勝客好失望，有d咁既員工拖累曬。食後感：好希望呢個零笑容又黑面既部長大哥改善下啦，今時今日咁對客人，你害左多年黎pizza hut深入民心既好印象呀，賣幾多廣告都救唔番。同時希望高層留意培訓員工，注意下服務性行業該有的態度，中三中四畢業可能就請都唔係問題，係嗰種對客人流露出零善意係非繁忙時間都咁，真係好大問題呀。幸好，除了那位在客人未食完十分九沙律兼無禮貌既可能心情唔

大家約左好多次，終於約到啦！ Bb要飲奶奶，我地就搵個地方坐底食野叫左三個set , 叫左pizza同意大利麵仲有薯條～ 白汁雞意粉， 岩小朋友食多d, 對於我地大人黎講不好吃， 汁還汁，粉還粉🙄 意粉較'淋' 至尊厚批， 味道可口， 批邊都脆口，不錯👍🏻因為我想食薯條，友人話喱個好食，甘就試試，我覺得一般， 友人都話之前好味d , 吾知係咪有醬既關係， 好多都吾夠脆，'淋' 身

Pizza Hut既 pizza🍕 真係比其他店既pizza 高質 我成日同屋企人叫兩個pizza 再加其他小菜 咁又一餐😃個人黎講 最中意食至尊pizza 厚批 上面有好多料 有煙肉、火腿、青椒、雞肉等等 我本身其實唔食芝士架 但Pizza Hut 既芝士好食得黎又唔會有我唔中意既臭味 而且厚批好煙韌👍🏼佢既辣雞翼都好惹味～ 但好細隻 我覺得份量太少 價錢太貴 唔係好抵～

近期屍殺列車大熱，我同兩位朋友都買咗飛喺百老匯睇，離開場仲有一個鐘左右，咁我哋就近近哋去咗附近嘅pizza hut啦。雖然去pizza hut唔叫芝心批對唔住自己，但見個新批幾吸引，就叫咗新批好似叫「芝bite」個set，加一個炸雞薯條，真係好surprise pizza hut會有炸雞!帆立貝芝bite批幾有綽頭，其中一粒批邊嘅手指係有超辣嘅辣椒，食中咗就有罐可樂送，我真係好彩，竟然食中咗，而且係超級辣，難怪一定係要配可樂!!!!如果開個party仔的話，哩個批都幾好玩。講多小小先，批邊嘅一粒粒手指入面係包住芝士同一塊火腿嘅，但帆立貝份量唔多。而跟餐可以叫個飯，我哋叫咗個飯超級超級難食(唔記得咗個名科科)…大家都食咗一啖就放低咗冇再食過。反而令人驚喜嘅係個炸雞!!!pizza hut嘅炸雞竟然係好味!!!!件件雞都香脆惹味，食完想再食，估唔倒哩個竟然先係最令人驚喜!!!

話說星期三果日，同朋友出咗旺角行街，行到咁上下就打算食個tea。朋友話好耐無食pizza，咁我就提議不如食pizza hut啦反正過兩條街已經有一間。當時大約四點，店內只有幾枱客，但係咁大間舖只有4個侍應⋯⋯我地自己搵位坐低，仲download埋佢最新嘅app做埋會員拎埋coupon，應該都有十分鐘以上，都係無人幫我地落單（d侍應望到我地，我地亦有叫過唔該寫嘢，但佢地都係行咗去執枱）。結果要行返出去收銀果到叫人嚟落單，我地叫咗一個蒜香肉絲意粉，兩個迷你批同忌廉蘑菇湯。D嘢食都算嚟得快，而且熱辣辣都係厚批較出色，薄批有少少燶邊有d燶味。我好鍾意pizza hut個蒜香肉絲意粉，因為好少會失手，次次都好食。不過呢間分店服務認真麻麻，下次我會寧願去其他地方食。

最近餐牌改左 最後一次食海陸空精選芝心底係我覺得最好食 因為咬落去好鬆軟牛肉粒 + 辣肉腸 味道比較濃 加埋千島醬 3種濃味既野 加埋一齊~ 正!白湯 料好足 成個湯都係料 味道濃得黎 又帶有小小甜味,只係價錢上有D貴 一個PIZZA 成150蚊到

七一前夕同友人隨意走上pizza hut晚餐，一行5人等左好耐位，明明下一張就到我們，都等左超過半小時！入到去，叫了新的四人餐-濃醬香烤薄餅，pizza card價$448，批係海鹽TABASCO@烤雞，不過不失，個味無咩特別。個芝心邊幾好食，好脆，配料都算多，但烤雞比較少，得幾粒，唔講唔知係烤雞口味！Pizza上白色一舊係芝士粒，好香但一舊已經好膩！但應該會好岩中意食芝士既人！ 餐包兩個小吃和兩個意粉/飯，意粉比較辣，是黑椒海蜆意粉，多黑椒所以好惹味，但食完要不停飲水！飯就係雜菌意大利飯，好香白汁味，好足料，多菇，幾好食，不過無影相。另外仲叫左蒜容包，好香蒜味，但今次好似燒焦左，比較失準！

中場Yoga完結直奔近太子個間上2樓嘅Pizza Hut, 時間係6點幾我地可以坐到張好角落哪卡位枱正呀！今日興起想食芝心批！ HAWAIIAN Pizza 我地嗌左Hawaii pizza 加芝士on top(+$16), 芝心批同埋轉為千島醬，實行多重芝士嘅享受！得3個人就嗌左普通批，切成6件剛好每人2件(當然係食唔哂的)好多菠蘿粒同火腿粒，淋上千島醬加extra芝士，焗出黎個顏色好靚好energetic, 真心食指大動！趁熱食時芝士仲係熔熔地嘅狀態面頭有少少拉絲嘅效果，每一口都充滿菠蘿同火腿香！忌廉湯+Pastry 朋友想食酥皮所以其中一個蘑菇忌廉湯加左，即焗一定係好脆的。辣味雞翼 雞翼腌得好入味，隻隻都充滿油香，啖啖肉都滿是香辣嘅味道，推介！三文魚雜果salad 整整3大片肥美煙三文魚好入味，完全覆蓋左一個湯碗份量嘅生果salad, 切粒嘅生果都幾大粒，而周邊嘅沙律菜亦都好新鮮爽口。Li個份量3個人食都多左小小，剩返2塊好味pizza之後個早叮返一樣咁正，我地用左樓下阿姐派嘅$40 coupon成件事抵哂。

兩個人想食餐light 少少又坐得舒服既餐廳 其實pizza hut真係方便又不錯既選擇前菜- 意大利沙律~~雜莓蔬菜配紅莓汁， 清新又開胃。 唔太餓所以叫一個燒雞餐兩人食啱啱好燒雞出奇地好味皮脆多汁薯條就正正常常不錯的選擇，岩哂想傾下計，有野食下又經濟既一餐

成日俾广告誘惑到，一頭半個月無黎就經已唔抵得。是日叫左最愛既千岛海鮮芝心批，一黎賣相已好吸引，青紅椒切粒粒加好少的蝦，大量蟹柳魚柳同cheese既造型，好吸引呀，但食落就知真係將價就貨左，少曬什麼魷鮮蝦仔咁，用上勁多無咩味既蟹柳代替，好彩個千島醬本身夠惹味又濃郁姐。最正係批邊，軟軟既芝士好香滑，秘訣真係要趁熱辣先好食，唔係就差得遠喇，食到最後，我成功如常清左半個大批，但有人就食剩囉，認真浪費……