忘不了

营业中

休息中

好耐冇來啦！又出新品，以前一直吃這間麻辣燙 因為湯底材料都好新鮮 冇咩味精。這次來竟然有新品干鍋！味道做法都好正宗 價格實惠，質素一直都冇變，老闆很熱情，吃得很開心😃

嗰腦細冇嘢下話 坐係到啱啱食完嘢就冇啦啦走過嚟話你仲食唔食嘢㗎 唔食嘢就快啲走 使唔使咁寸 我唔係幫親你姐 你唔使咁樣趕人走下話 啱啱食完嘢坐陣都有問題？食完嘢就冇啦啦咁樣俾人寸 黐線

西九food court一向都多選擇，而且食物質素唔錯，價錢又平所以去開深水埗就實揀呢度。天氣轉，想食啲辣嘢暖一暖個人。聽人講呢間位於6樓嘅麻辣燙好好食，咁就去試試佢。佢有四款唔同湯底，面都有好幾款選擇。我叫咗藤椒湯底，幾唔錯！配料都俾得好多，午餐肉係大塊嘅 鵪鶉蛋食極都有🤣好誇張！同埋要提嘅係啲丸感覺幾乾淨要encore

行過西九睇下food court有咩食，見到大家都清一式食依間嘅麻辣燙，一於跟風試下佢。同平時啲麻辣燙鋪頭仔一樣揀湯餸同粉仲有辣度。今次揀咗豆腐串 金菇 花枝丸 同肥牛 麻辣小辣 薯粉好正宗嘅麻辣燙風味 麻味十足 不過小辣唔太滿足我嘅辣度 食得辣一定要中辣或以上 啲餸入哂味 好好味 最估唔到嘅係花枝丸 本身唔對喱啲鋪頭嘅丸類有期望 但居然係彈牙有大大舊花枝粒 好味呀 係嫌個薯粉都係稔得濟 煮返硬身啲會完美。正佢嘅份量都係適中 四十幾蚊 四樣餸 初初諗住嗌三餸 但佢有最低消費架 話唔夠數 叫人揀多樣 不過喱個有埋肥牛 所以我覺得性價比叫中等啊

好耐無去西九龍中心，原來6樓增多了foodcourt 位置，一見到有麻辣粉就挑起了我條辣根，走去睇下餐牌發現價錢又幾實惠喎！就試一下點餐好似車仔麵形式，先選湯底再選粉麵同餸，湯底有辣有唔辣，平日食開麻辣湯底，但見佢有款未試過的滕椒湯底就先試一下，點了薯粉、鹵水牛𦟌、豆卜、八爪魚條、豬紅、菜心，叫咗中辣。碗湯係綠色、呢款湯糊辣比麻多，好啱我心水，豆卜吸咗D湯口正、D粉夠軟滑（我怕食太煙韌），牛𦟌好好食夠淋又入味，其它的食材都唔錯。下次可以再試下其它。佢地有幾款低糖果汁，我飲咗石榴汁又幾好飲喎！下次要試下桔仔汁，跟餐叫平$2正！