忠仔麵 (御海灣)

营业中

休息中

屋企樓下開左間車仔麵，裝修懷舊而食材都相當入味，值得再去👍🏻第一次食叫左一碗「嗱喳（過橋）忠仔麵油麵 清湯走蔥」有齊哂所有精要款式，雞中翼 雞翼尖 牛肋條 牛筋 金錢肚 豬紅 豬腸 豬皮 魷魚 鳳爪，最欣賞是雞翼尖，牛根，都相當之入味🥰「四餸麵」 揀左 齋麵筋，韭菜餃，蘿蔔，鮮竹墨魚卷，最特別是他的蘿蔔是關東煮出來，份外甜美，另外齋麵筋大大件，而且不會過分淋，正呀👍🏻「燒BB雞翼」 這款雞翼令我有驚喜，細細隻，而且肉質很滑嫩，我揀了孜然粉零舍香口♥️備註：🔺內部裝飾寬敞，而且以懷舊主題，打卡也不錯📸🔺四餸麵比較抵食😝

香港嘅經典菜式又點少得車仔麵！但一碗好食嘅車仔麵已經越嚟越難搵…聽朋友介紹屯門新開左間車仔麵幾好食，所以今次就同媽媽去屯門覓食🤪店內裝修走懷舊香港路線，由紙皮石地板到牆上嘅兒時玩意，真 叫 人 懷 念 舊 香 港。經 典 麵 套 餐 $70配料有豬皮、豬腸、魚旦、牛肋條、豬紅同蘿蔔，包冷熱飲品而湯底我就揀左豬骨湯加腩汁。由於我食辣但媽媽唔食辣嘅關係，店員好貼心咁幫我將個招牌大辣汁另上👍🏻成碗麵擺盆好有心思，表面嘅蔥絲更令”拿渣麵”睇落更加高級。所有配料都好正宗，不過要數是日MVP就一定係 蘿 蔔 !蘿蔔厚切得黎炆得非常入味，咬落又甜又多汁，係令人滿足嘅味道😌牛 霸 小 食 $66有齊牛筋、牛丸、牛肋條、牛柏葉同金錢肚🐮牛肋條炆得好淋但肉質唔鬆散，牛筋啖啖都係Collagen❤️表面淋上柱侯汁仲有菜底，對於唔想食碳水化合物嘅牛魔王我會推薦呢個！蒜 香 雞 翼 尖 $26雞翼尖炆得相當入味，食到蒜香味之餘亦唔係死辣🌶️香 脆 炸 魚 皮 $26脆卜卜嘅魚皮份量非常慷慨，點落車仔麵個湯底一齊食一流👍🏻

呢間位於屯門既 -忠仔麵- 一向都非常有名的😆 而家除左良景總店 御海灣都開左分店啦🤩 餐廳復古格調主題 裝修大部份以90年代初為主 去到見到好多細個曾經玩過既玩具同傢俱😆 瞬間帶你回到過去甘🫣雖然餐廳主打港式車仔麵🇭🇰🍜 但menu上有多款不同既小食 涼拌 飲品等等😌 最重要系 呢到真系大件夾抵食🫡 員工話俾我知 佢地老闆既宗旨系一定要食得飽啲客😂 所以我食既時候 感覺麵既份量好似市面上加左底甘多🫣自選兩餸麵 $39 + $2揀左豬紅同韭菜餃 配米粉🍜 另外 雙倍惹味甜辣汁(+$2)🌶️ 豬紅非常入味 而韭菜餃足料又大粒👍🏻 而甜辣汁 甜味辣味鹹味好balance 辣味令甜味降低左 而鹹味又突顯到甜味😊自選兩餸麵 $44 +$2 + $2揀左牛筋腩 滷水豬腸同豬紅 配台灣Q彈麵(+$2) 🍜 加上自製沙嗲醬(+$2)🥜 牛筋腩腍中帶爽 牛味夠濃 而滷水豬腸滷水味好夠 軟而不韌👍🏻 台灣Q彈麵軟糯又有嚼勁 仲好彈牙tim😬 沙嗲醬更有特別風味🤪港式五寶 $50五寶有豬皮 魚蛋 蘿蔔 魷魚 牛栢葉 配上咖哩汁🍛 豬皮Q彈勁道 魚蛋結實又富陳皮甘香 蘿蔔鮮甜無渣 魷魚有嚼勁 牛柏葉口感爽脆😋

屯門美食 🇭🇰香港地道懷舊車仔麵🍜😋8吋珍寶蟹柳🦀真係超長呀～🙆🏻‍♀️屯門街坊一定聽過呢間忠仔麵，我之前去良景店食過幾次都覺得好正🤤，不過座位唔多經常好多人等位🫣今次去呢間新店位於御海灣，大間咗好多呀🤩座位闊落，空間十足！！店內裝潢充滿🇭🇰香港特色，貼滿香港景點照片，仲放滿舊時小玩意，✈️跳飛機、竹蜻蜓都令人勾起好多童年回憶🥰呢間車仔麵自選配搭超過40款食物😲我淨係揀餸都揀左勁耐🤣🤣🤣因為樣樣都好吸引好想食！必食推介✨招牌魷魚🦑甜辣汁好惹味🌶️仲有8吋長珍寶蟹柳🦀係我每次都必叫配餸之一，淨係賣相已經好吸引食慾啦😋8吋長脆皮腸都好正🤭另外仲有陳皮魚蛋、豬血、牛柏葉、豬腸，食材新鮮入味店長推介⭐關東煮蘿蔔我見隔離枱個女仔嗌左一大碟😳每件都超大舊，睇黎真係好好味，不過我今次就無食到，太飽了🤣🍜一碗麵4個餸份量十足，另外嗌咗2個小食，孜然雞翼麻辣雞腎都好好食，加埋支懷舊玻璃樽可樂，呢個價錢食到咁多野，真係幾抵食！😋下次再去食關東煮蘿蔔~🤤

行入去係一間以香港80年代懷舊風裝修嘅車仔麵佢係俾你自己劃單並唔係俾你望住啲餸揀嘅車仔麵推介台灣麵 好彈牙好有咬口嘅麵同埋佢哋嘅自家沙嗲醬辣辣哋又香好開胃 沙嗲醬入面仲會有啲花生碎餸就嗌咗新有嘅牛筯腩 好淋好入味陳皮魚蛋都好正 彈牙有咬口條腸就爭啲啦 應該係浸得太耐上枱連層脆皮腸嘅皮都脫離咗 性價比算唔錯的一間車仔麵~

好耐無食過車仔麵，難得遇到呢間，所以就去試下啦▪️三餸一麵(柱候牛肋條、鮮竹墨魚魚卷、8吋長、豬骨清湯、雙倍惹味甜辣醬、河粉)首先豬骨清湯可以令到個甜辣醬既味道更加突出，甜辣醬就有少少甜醬再加少少辣，係大部份人都接受到既辣度，唔怪得叫做惹味。牛肋條都整得非常腍，好容易入口。而鮮竹墨魚魚卷都非常足料，好飽滿。珍寶蟹柳係超正，平時一兩啖就食完既蟹柳，宜家可以食到我非常滿足，鍾意食蟹柳既人一定要試呢個餸。▪️三餸一麵(必食牛筋腩、古法金錢肚、8吋特長脆皮腸、豬骨清湯、米線)我覺得佢既牛類食物都整得好好食，所以牛筋腩、金錢肚真係好容易咬得開，唔會好似係到咬得橡筋。個脆皮腸都好正，食落都好似有芝士味▪️爽脆藤椒魚皮呢個係我最期待既食物，非常爽口，雖然有藤椒，但係唔會令到嘴唇好麻。雖然呢個辣度比較高，但係會令人好過癮👍🏿▪️雙拼(韭菜餃、雲吞)每款有3粒，隻隻都非常飽滿，用料非常足夠，雲吞係會咬到隻蝦，而且湯底非常好味▪️菜心苗、腩汁份量不錯既菜心，加埋腩汁就更加好食，但好彩無過多腩汁，如果唔係就會好膩

食過忠仔麵良景店 懷舊車仔麵，去開屯門泳池附近屋苑探朋友，見到有間忠仔麵開咗御海灣店，我同朋友去食大碗麵。朋友自選三餸麵，牛筋腩好軟腍，柱候牛肋條多肉又juicy，配蟹籽包心爆丸，同埋兩條珍8吋長寶蟹柳，油麵索晒湯同腩汁，真心好味又抵食，都係$44。同時，可以飲到茶餐廳都叫到熱鴛鴦，真係好享受呀!我點了瑞士汁雞脾芝士撈麵，雞脾有手掌咁大隻且厚肉，轉台灣Q彈麵，麵底更爽口，配搭杯裝凍豆漿好醒神!餐牌內有好多款小食，加配瑞士雞翼(五隻) $32，雞翼有瑞士汁香甜味道。雙拼(韮菜餃, 鮮蝦雲吞)，菜餃同雲吞皮薄，食落好彈牙。淨牛丸(100%牛) 六粒都係$36，啖啖濃郁牛肉味道。必食炸魚皮，口感卜卜脆。點了菜類: 腐乳通菜。下次去食吓嗱喳過橋忠仔麵，10樣餸嗱喳車仔麵有：雞翼尖、金錢肚、雞中翼、牛肋條、鳳爪、豬腸、豬皮、魷魚、牛筋、豬紅。忠仔麵 (御海灣店)屯門海皇路23號御海灣地下5-7號地舖

放假走到男友家，晚上到訪位於御海灣的「忠仔麵」簡單食個車仔麵作晚餐；小店走懷舊本地裝修風格，衛生企理車仔麵及小食價錢合理，車仔麵所有餸菜均毋須額外加錢店員親切友善又有禮，送菜速度非常高，加分！==========🔹三餸一麵 $44必食牛筋腩、瑞士雞中翼、五香牛筋牛筋腩炆得夠腍，肉質緊實；瑞士雞翼入味嫩滑；五香牛筋口感Q彈又入味，充滿骨膠原；油麵份量充足，口感細滑點選豬骨清湯加腩汁，鮮甜不膩==========🔹三款淨餸 (菜底) $39柱候牛肋條、墨魚頭、鮮蝦雲吞牛肋條質感細緻，牛香不俗；墨魚頭爽口彈牙；鮮蝦雲吞皮薄餡鮮點選豬骨清湯加腩汁再配上惹味甜辣汁，甜辣汁味道平衡，令湯底層次感更豐富，夠滋味！==========🔹大碟菜 $20選擇了腐乳通菜通菜鮮嫩翠綠，份量剛好==========🔹麻辣火雞腎 (大) $42份量夠多，麻辣加上大量蒜蓉的雞腎入味又滋味，辣得過癮，佐酒一流==========🔹淨韭菜餃 (6粒) $36外皮薄滑，韭菜及豬肉餡豐富而新鮮==========🔹熱檸水 +$5🔹凍奶茶 +$8

今次我叫咗牛肋條，牛筋，韭菜餃同牛丸。牛肋條同韭菜餃我不嬲都會嗌，水準都一流，韭菜餃皮薄，搞到食嘅時候都穿咗。牛筋就好入味，好有腩汁味。牛丸亦都好彈牙，講真呢啲餸真係會繼續食。不過出事嘅地方嚟啦，今次貪新鮮叫咗個麻辣湯。對比番佢以前嘅馬來沙嗲湯遜色不少！個湯就冇乜川辣味，反而只係得一味辣同少少麻，反而少咗其他米線舖嗰隻湯底味。搞到好大失落，所以下次都會帶返普通湯，再加返藍汁應該好食好多！所以我極度唔推薦今次嘅川式麻辣湯！

初開張食係幾好的，份量又多，又唔貴後尾愈來愈差，叫菜底，個菜份量少到似伴菜咁仲有一次係個外賣蓋上面見到有條毛髮，觀感真係好差好差，真係以後都唔會再食呢間了！！！！

由細到大都好鍾意食車仔麵！細細個嘅時候係屋企附近已經有好多車仔麵舖頭，係最傳統嗰啲停完紙仔之後就可以跟自己喜好切咗一碗麵出嚟。細個嘅時候覺得好正，因為有好多選擇，連面底、湯底、配料全部都可以自己揀。不過而家車仔麵越來越少，附近連傳統，甚至新式嘅車仔麵店都買少見少。今次嚟到屯門搵嘢食，咁啱見到一間網上評價幾好嘅懷舊復刻版車仔麵。佢係用新式嘅方法，包裝傳統嘅車仔麵。連湯底都比以前upgrade咗，湯底好濃郁，麵同配料都好正，推薦。

#搞串個pantry而家新起嘅屋苑樓下商場🛍️，都係輕奢華豪宅風💫。今次我哋就去到有呢類屋苑嘅 #屯門 ，試一間網上都幾多人講💬嘅 #車仔麵 舖頭🍜。舖頭嘅裝修好有懷舊香港特色🇭🇰，有傳統遊戲，例如跳飛機✈️、飛行棋♟️，又有舖頭鐵閘裝飾⛲️。我哋嗌咗🔴墨魚頭、三星蔥漿爆丸、關東煮蘿蔔河粉($42)，🔵瑞士雞中翼、滷水豬腸、招牌魷魚河粉($42)，🟢腐乳通菜($19)。湯底🌟🌟🌟🌟可以揀幾款湯底汁✅，我哋揀咗腩汁🐮加秘製甜辣汁🌶️，同時間食到香濃嘅牛腩油脂味，同埋惹味微辣香味😆，配埋索湯嘅河粉真係好正😍！我哋仲揀咗多葱🧅，切成粗絲嘅葱咬落好有口感🫦，不過食嗰陣會彈到成面都係湯汁🤣。墨魚頭、招牌魷魚、關東煮蘿蔔、滷水豬腸🌟🌟🌟墨魚同魷魚幾有口感、幾爽口😗。不過有啲位會有筋，或者比較韌🤨，配埋香濃嘅湯底都唔錯嘅💕。關東煮🍢嘅甜味、鰹魚味都超級濃郁🐟！不過蘿蔔質地可以再腍啲😗。豬腸嘅內臟味、油脂感🐷好出，如果鍾意食豬腸嘅人會覺得好正😛！三星蔥漿爆丸、瑞士雞中翼🌟🌟丸入面嘅餡係薑蔥🫚，同想像中相若，不過姜味明顯過葱味🤨，而且可以再多汁嫩滑啲，如果鍾意薑味嘅朋友會鍾意🙋🏻。瑞士雞翼🐥嘅調味幾好，甜味🍬好出

今次犀利啦 比我搵到呢間車仔面估唔到呢度新開左呢一間裝修別致 有懷舊風味現代版嘅港式車仔麵第一次食呢間車仔麵真係好有驚喜因為呢頭附近嘅餐廳食過曬到未搵到一間可以做飯堂嘅餐廳 而呢一間車仔麵性價比高好坐 好食 好睇帶朋友嚟食多唔怕失禮 食物質素唔錯我特別鍾意食甜酸齋、腐乳通菜、沙嗲牛肉佢嘅湯底同醬汁有好多自家特製嘅醬汁例如甜辣汁、沙嗲汁等等餸菜方面 有兩個係特別推介 第二啲餐廳未必有就係八吋珍寶蟹柳同埋超長八吋脆皮腸佢嘅脆皮腸其實係芝士長，但係延伸咗去8吋佢經濟實惠 例如三餸一面都係$50以內絕對係以後開飯嘅好選擇 真係太開心啦

車仔麵整體個麵底就一般，咁我今次叫咗牛肋條，三星蔥醬爆丸同韭菜餃，份量就唔係叫多，牛肋條有四粒，三星蔥醬爆丸同韮菜餃就有兩粒。食落去牛肋條軟靭適中，三星蔥醬爆丸反而最有驚喜，佢同一般將爆丸有啲分別，有浸特別嘅味道。韭菜餃啲皮好薄，雖然餡唔係太多，不過都有啲肥豬肉，喺入邊令到個口咁彈牙。我加咗馬拉沙嗲湯，個湯就好好味，不過有大量芝麻，一打開個蓋啲香味已經攻出嚟。環境今次因為喺屋企食環境，應該最好。不過店舖裝修就睇得出都係有心思，用咗好多懷舊嘢，用舊式香港主題做裝修。都好期待下次去堂食。

我係食咗好多餐，買過幾次外賣，淨餸，雞肉卷都試過，先至喺度出post，食物味道唔可以話驚為天人，但係方便程度，價錢，仲有佢嘅營業時間，去到夜晚9:30都仲有一碗熱湯麵，我相信如果天氣轉涼，絕對係一間窩心小店👍同佢喺本店一樣入邊都有好多，扮懷舊嘅裝飾，其實都幾得意，開張嗰陣時真係人頭湧湧，熱潮退減，依然有捧場，屬於區內數一數二多人幫襯嘅食肆，希望佢第日可以再增加多啲餸嘅選擇，另外呢我覺得佢個頭像有啲甜，其他都冇乜投訴啦