忠記咖啡屋‧私房菜 (已結業)

今天跟朋友嚐嚐私房菜 。稻庭烏冬北海道帶子作為開胃菜，帶子煎得很香，煎得剛剛，不會很硬，帶子吃進去還是很嫩的，稻庭烏冬香滑彈牙，胡麻芥末醬汁只是微微的辣，吃後胃口大開，之後的菜式可以盡情享受啊！ 金牌口水雞口水雞辣度剛剛，吃唔到太辣的我，也可以吃上幾塊，微微的辣，淡淡的香，辣味是吃後慢慢的往外移動，辣味的感覺緩緩的跑不出來，這是才知道自己吃了辣的口水雞，倒也是很美味，難怪那麼多人喜歡吃口水雞。 酥炸美國桶蠔愛吃蠔的人大概也喜歡蠔的各種煮法，我就是一個吃蠔控，各種各樣的蠔我都愛吃，而且都會特別欣賞。炸蠔的火候掌控要比較好，否則就不能吃到蠔的嫩滑，外面酥脆，裡面肉汁鮮甜且嫩滑，口感十足！ 茄汁爆原隻大虎蝦大大的虎蝦，爽口彈牙，茄汁的味道，美味至極，茄子的味道剛剛好，不甜也不酸！ 家鄉私房椰菜炒肉碎椰菜的炒得很有味道，可能因為個肉碎的味道調得好，令整個菜炒得剛剛好！生炒臘味糯米飯臘味甜甜香香的，粒粒的蠟味很有層次感，糯米飯炒得很香。吃得很飽，很滿足的一個晚上，會再去光顧！

係銅鑼灣行街到咁上下，要搵晚飯食，上到餐廳見唔使排隊就一於入去試一試。坐定定之後，因為唔想多諗，就索性叫個二人餐。一上黎有兩個例湯，係蕃茄薯仔豬肉湯，飲落味道偏淡，麻麻地。不過，值得一讚係上菜速度相當快，套餐既海南雞半隻同土魷煎肉飯都一齊黎，連同一個白飯同一個油飯。先講下個海南雞，份量算okay，但無乜雞味，而且都唔太嫩滑，有啲失望。至於個土魷煎肉飯，外皮都煎得幾香脆，但係味道只可以話係不過不失，唔算突出。特別一提係個油飯，除左見到個表面係略帶光身之外，食落同普通白飯一樣甜品方面就係薑汁湯丸，因為岩岩煮好，上枱個時仲熱辣辣，比較搞笑係用茶餐廳啲熱飲杯黎盛載。味道就真係幾好，薑汁味夠濃，湯丸就有兩粒，係黑芝麻涵。是日點餐: 二人餐海南雞半隻家鄉土魷煎肉飯蠔油菜心兩碗飯兩碗例湯(蕃茄薯仔湯)兩碗糖水(薑汁湯丸)

平時食炒餸小菜嘅地方都聚集係九龍區，例如品香樓、萬發等等，今次要就一就港島腳，朋友睇完openrice就揀咗呢間，係銅鑼灣到食佢係樓上舖嚟嘅，一出lift就見到門口。當時係星期日晚上八點左右，入面都已經full咗，要等幾分鐘咁啱有人離開就入到去首先會每人上咗一壼湯先，飲落真係好夠火喉，味道豐富不單一，證明好足料椒鹽雞軟骨同出面唔同，呢到外皮薄薄地，輕輕咬落去就有卟一聲，入面嘅雞軟骨就同平常一樣味道瑤柱肉鬆蒸水蛋超級好味👍🏿 首先啲蛋夠哂滑，然後每幾啖都會食到瑤柱絲，成個蛋每一啖都有好勁嘅瑤柱味，令成個味道昇華咗，撈飯一流椒鹽黃金豆腐坊間有幾款唔同size嘅椒鹽豆腐，通常酒樓都係細細粒嘅，呢到就係大磚。外層嘅脆皮超級之薄，基本上用筷子夾個時都有機會唔小心夾破，入面嘅豆腐係滑豆腐鐵板忠記小炒雞呢到一上菜就已經聞到好香，見到佢充滿鑊氣。朋友一食就已經話好正，入面雞肉好有鮮味，肉質結實有雞味，炒嘅調味非常之香口，絕對係招牌菜金銀蛋上湯浸時蔬同坊間唔同嘅係，呢到嘅上湯味道更加豐富濃郁，唔係用普通雞湯就做到嘅味道，而係真係有落足料嚟帶出嘅味道除咗一張張大枱成個家庭嚟食之外，亦有啲枱係兩個人食，因為

啱啱開完會，又到食飯時間，近近地揾番銅鑼灣區，同事想炒餸食飯，佢提議去忠記，我咁就得人，緊係無所謂la!一於就忠記la!今晚叫左個2人套餐，包: 餐前小食，私房靚湯，小菜兩款，稻庭烏冬北海道帶子，生炒臘味糯米飯和糖水，都係$308咋！超值餐前小食~ 陳年花雕醉鴨舌一上桌已聞到好香的花雕酒味，濃郁的花雕酒完全滲入大大隻的鴨舌中，還帶點杞子的甜味，好惹味私房靚湯~雖然只是青紅蘿白湯，但不似一般的例湯般清淡如水，相反還有老火湯的味道，有家的感覺稻庭烏冬北海道帶子~北海道帶子又大又厚肉，表面煎得金黃微焦，內裏肉質爽口鮮甜，配以青瓜絲，蟹柳絲，蟹籽和彈牙的稻庭烏冬，精妙之處來自那個自家製Wasabi混麻醬，令這個冷盤頓時變得清新無比小菜 ~ 乾坤八寶生菜包配料有豬肉碎，紅蘿蔔粒，紅椒粒和炸米粉，半肥瘦的豬肉碎肉質鬆軟又入味，加上蘿蔔粒，紅椒粒和炸米粉口感豐富加埋新鮮生菜包住食更覺爽脆無比，絕對可以解去肉碎的膩，又可以食多幾個生菜包la小菜~ 野菌芥末安格斯牛柳粒安格斯牛柳粒牛味濃郁，又腍多肉汁，配以青紅椒，洋葱和菇，整道菜炒得好有鑊氣，又香又可口生炒臘味糯米飯~糯米飯炒得好乾身，加上臘味，葱粒和

私房菜 近期好似好流行 每次去試呢d 私房菜既餐廳，都無令我失望蒸蛋好滑 入口溶化新鮮雞蛋山抄排骨多肉 又酸酸甜甜 餸飯必點佢仲會送熱辣辣主家湯 係附近返工既人 應該可以做一個飯堂了 😂

係銅鑼灣行完街又凍冰冰想食返d熱野，中菜係一個不錯的選擇。餐廳名叫咖啡屋，實情主打私房菜，仲幾抵食。店員幾有禮貌，有問必答仲要係秒答，完全感受到佢地對菜式的熟悉。食物款式有太多，在選擇困難的情況下點了二人餐，全部野都幾啱食，勝在唔洗煩。首先來的是餐湯，花生眉豆豬骨湯，都算老火，豬骨豬肉都煲到好入味，融化晒，花生同眉豆咬落去充滿湯汁。小食是花雕醉鴨舌，就咁聞已經好大陣花雕香味，入口更是爽脆，作為小食份量都幾多，一口一粒，細細粒但好多粒。稻庭烏冬帶子可以當冷盤咁食，烏冬彈牙煎帶子又大隻又甜，淋上特製的芝麻醬，香得來帶點芥辣，份量唔算大，唔怕食烏冬食飽。安格斯牛柳粒的牛柳肥瘦剛好，肉汁滿滿，鑊氣好夠。不得吹奏一下作為配菜的冬菇，鑊氣比牛柳粒更強，吸收了肉汁和醬汁精華的冬菇可謂妹仔大過主人婆，香氣在口中繞樑三日。上湯杞子芥膽，清而不淡的一道菜，芥膽切到可乾淨，基本上得返最嫩的芯才放碟上菜，芥膽甜而不澀，好嫩滑。炸蒜杞子等配料為芥膽錦上添花。跟餐以外叫的椒鹽鮮魷，用籃裝住好有特色，魷魚炸得鬆化，魷魚新鮮爽口彈牙，食多幾塊都唔覺滯。臘味糯米飯係餐廳招牌菜之一，糯米粒粒分明，煙韌不粘牙，加上臘腸臘肉

忠記有私房菜食，但我哋人少就散叫咗小菜呢度啲 Menu 都幾多相，可以睇睇個賣相先嗌 👍🏻見枝竹羊腩煲好正就叫左呢個～我覺得羊腩煲實物仲靚過張相 🤣煲到㷫烚烚就食得，夠晒暖身！羊腩分量充足，無羶味連啲冬菇都好入味 😋生菜好新鮮翠綠，淥兩淥就 OK 🥬臘味糯米飯係另一個冬天必食 item炒得幾香，唔油，仲炒咗啲蛋絲喺面個福字碗咗好喜慶𠻹 😁鉢酒美國桶蠔超惹味！好鍾意呢個酸甜嘅汁 🤤桶蠔超巨型，外面炸得脆口入面係好 creamy，好好食！估唔到唔係食套餐都有糖水送呢個薑汁芝麻湯圓唔錯 🥰

秋冬將至，想吃羊腩煲暖暖身子，就想起了銅鑼灣的忠記私房菜。除了有羊腩煲外，這裡的小菜也非常岀色～先點了一客惹味地三鮮雞球，鑊氣十足炒得好香地三鮮是東北傳統小炒，有茄子、薯仔和青椒，簡單的食材加上雞球，炒得金黃惹味，咸香十足，充滿家鄉的味道這鍋雙冬枝竹羊腩煲跟生菜份量十足，煲底下有火持續加熱，煮得咕嚕咕嚕的～羊腩煲香而不羶，羊肉燘得軟腍雙冬即是冬筍和冬菇，加上枝竹和用湯汁來滾生菜，配料煮得很入味。這條蒸盲鰽也很正🐟少刺又啖啖肉而且蒸得清香鮮嫩，值得一嚐另外再點了同是冬日必備的生炒臘味糯米飯，炒香的糯米飯沾滿了臘味的油分，入口溫熱噴香，非常美味最後還有每人一杯暖入心的薑汁湯圓，薑味十足，可以溫潤祛寒。湯圓煮得綿綿的很軟糯，內餡芝麻味濃～吃完這一頓豐盛晚餐感覺全身都充滿暖意～

餐廳名”忠記咖啡室•私房菜”好特別，後來睇openrice先知原來係“忠記咖啡室”嘅分店 😂餐廳係渣甸中心一樓，出咗銅鑼灣地鐵站行幾分鐘就到，位置都幾方便我同女朋友兩個人揀咗精選二人餐，價值$308（唔洗加一），小菜有幾樣嘢揀，我哋就食咗以下幾樣嘢：花雕醉鴨舌：鴨舌入味，而且份量都真係幾多稻庭烏冬帶子：帶子煎香咗，旁邊黑色樽入面係有啲wasabi味嘅芝麻醬，加埋入去烏冬度好食 😋上湯杞子芥膽：據聞食芥膽可以下火 🤔江南小排骨：小排骨上面有啲橙肉，酸酸甜甜幾開胃臘味糯米飯：糯米飯都炒得幾香，上面仲好細心地有啲蛋絲薑汁芝麻湯圓：湯圓係用個咖啡杯裝住好得意，每人大概有五粒，食埋就真係飽晒喇 😋

話說，一向喜歡吃中菜的我，上週與三位朋友朋友一起來試試這間中菜館，見好評頗多的。餐廳環境乾淨，新裝修不久的感覺。我們四人就叫了一個私房菜晚餐set。店員首先送上前菜四喜臨門，我覺得當中的醉鴨舌最好吃，酒味濃郁，份量又多。另外三款其實也不錯，炸雞軟骨好惹味，炸得香脆，非常邪惡。牛舌厚切，調味不錯，喜歡上面的炸蒜~之後，重頭戲XO醬鮮百合炒10頭鮮鮑魚就來了！這一碟很夠鑊氣，炒得很香口，鮑魚夠彈牙又不會韌，露筍也不錯吃，少根。至於好邪惡的椒鹽鮮魷無骨九肚魚，真的夠重口味😆，炸得非常香脆，不過挺油膩。杏汁豬肺湯來說，雖然我一直都不是很喜歡杏汁，但這個湯我覺得可以，杏仁味挺重，整體挺惹味的，湯料超多。當晚我最喜歡美極香煎大虎蝦，很夠鑊氣，蝦大大隻，肉質算新鮮。招牌生炒糯米飯用這個碗盛著太可愛了！足料的有很多臘腸粒，糯米飯一粒粒又煙韌，唯一是有點油膩。薑汁芝麻湯圓好好吃薑汁夠辣夠熱，湯圓煮得剛好，皮算薄又煙韌，最喜歡芝麻流沙餡！整體來說，挺滿意的一頓聚餐，樓面有位姐姐服務態度很好，非常細心。

老友好耐冇見面，今日約埋喺銅鑼灣食私房菜相聚吹水。私房菜館位於銅鑼灣鬧市樓上鋪，交通非常方便，裝修比較平實，但有種家的味道。這間私房菜館，有不同私房菜菜單任君選擇， 如果人少來吃飯，又可以揀二人套餐或小菜，豐儉由人。江南五小碟 涼拌麻辣大豆芽 ~ 刺激食慾鹽雞軟骨 ~ 卜卜脆， 粉薄而炸得不油膩芥末蒜泥牛脷 ~ 好香蒜味，加埋wasabi ，令到啲牛脷一啲都唔膻花雕鴨舌 ~ 花雕味濃，鴨舌做得好爽滑和風芥末溫室蕃茄 ~ 調味做得好好，估唔到番茄都可以整咁好味金杯美酒配和風芥末汁桶蠔桶蠔超大隻，輕輕煮過而不過熟，是怕吃生蠔 的人最佳選擇，每隻桶蠔加上海膽，除咗造型靚，仲加添鮮味。配甜甜蘋果酒一起吃，好特別。鐵板茄汁大虎蝦虎蝦超大隻，用鐵板上，加上甜甜酸酸嘅茄汁，非常惹味。我用刀叉享用，簡直有種鋸扒的感覺。至尊佛跳牆材料豐富，湯底清甜，有鮑魚、魚翅、瑤柱、北菇、雞、排骨、杞子…… 好味得嚟又滋補。金牌無骨口水雞雞肉好嫩滑，最好嘅係去哂骨，啖啖肉，味香濃又不太辣，我連平時不敢吃的雞皮也不捨得放棄。北海道帶子和風汁稻庭烏冬帶子好大粒，表面煎得香脆，但內裏只係半熟， 所以香得嚟而仍帶刺身帶子的口

今晚OT完要去銅鑼灣幫媽媽攞改好左嘅褲, 仲要自己一個人食飯, 所以我決定食好d, 去左呢間之前姊妹推介過嘅忠記咖啡屋開餐。餐廳渣甸中心入面, 雖然唔係地舖, 不過客人都好多。餐牌上面有好多套餐, 不過都係以二人或四人餐為主, 我自己一個當然唔會叫啦, 我點左客三文魚籽糖芯皮蛋同家鄉土魷煎肉餅, 兩款食物份量都好多, 煎肉餅外層微脆, 肉餅口感嫩滑多汁, 皮蛋配上大量魚籽, 味道香濃。由於食物好大份, 最後我都冇叫白飯, 餐廳唔需要加一, 性價比高。

其實之前已經黎過渣甸中心好多次，雖然每次搭𨋢都會經過呢間私房菜，但總係冇機會入去幫襯。今次，終於可以借朋友生日請食飯呢個機會入去窺探究竟！一入到去見到疑似茶記格局，心諗唔係呀乜咁大整蠱，點知原來係「禾稈冚珍珠」，食物的質素先係重點！江南五小碟：五小碟分別為鴨舌、雞軟骨、大豆芽、車厘茄同埋牛舌。唔同既食材用上非常惹味的醬汁，好似「和風芥末汁」、「蒜蓉芥末汁」、「麻辣汁」等等，十分開胃醒神！和風汁稻庭烏冬：大大粒的帶子表面非常乾身，但入口時卻非常juicy，值得一讚！另一方面，下面的稻庭烏冬亦十分煙韌，配埋酸酸甜甜的和風汁真係不能不試！至尊佛跳牆：燉湯火候十足，睇得出廚師落足心機去炮製，必食！金杯美酒桶蠔：絕對稱得上係一道別出心裁的藝術品！已經整熟的蠔上面放上海膽，下面再配上新鮮翠綠的蔬菜作襯托。入口時蠔鮮味的口感實在令人回味無窮！另外，所謂「美酒」其實係用上apple cider炮製而成，就咁睇重有幾分似花雕添，夠晒特別！鐵板茄汁大尾蝦：熱辣辣的大蝦用上鐵板上枱，然後先淋上茄汁，咁就唔駛驚蝦因為索晒醬汁而變得太腍啦。口水雞：非常唔錯，雖然食得出取材自冰鮮雞但整體尚算嫩滑，辣度亦洽到好處，

近年私房菜係香港越黎越流行，無論日本菜，韓國菜，中菜都可以有私房菜。是日屋企有老人家生日，我地打算帶佢去食私房菜慶祝。私房菜嘅好處係自己定budget，想食咩就食咩，唔需要擔心套餐上有咩唔啱食。是日我地試左各式各樣嘅菜式，由小食，小菜，到甜品不等。江南五小碟：江南五小碟賣相真係好吸引，五款小食分別放係五個唔同嘅小碗裡面。五款小食分別有蒜蓉牛脷，大豆芽，雞軟骨，車厘茄同埋鴨舌。車厘茄配上和風芥末汁，入口有微微嘅wasabi 味，味道清新，好開胃。鴨舌食落有好香花雕杞子香味，入口爽口彈牙，味道唔錯。炸雞軟骨炸粉唔會過厚，食落唔油膩，入口脆卜卜，令人一口一口咁食過不停。金杯美酒配和風芥末汁海膽桶蠔：桶蠔每隻大約好似手掌咁大，非常新鮮，肉質creamy肥美，加入和風芥末汁後味道非常清新，配埋蘋果酒真係完美配搭。北海道帶子和風汁稻庭烏冬：大大粒又厚肉嘅北海道帶子加入青瓜絲，蟹柳絲，爽滑彈牙嘅稻庭烏冬同埋和風汁後，味道酸酸地，帶輕輕嘅辣味，感覺清新醒胃。至尊佛跳牆：鮑魚，翅，花膠，冬菇，螺頭，瘦肉同雞肉等等嘅食材煲過後， 味道非常出，入口鮮甜，無咩味精，感覺相當健康。鐵板茄汁大虎蝦：呢味菜真係非常

是日約左3個美女去食私房菜今次黎到銅鑼灣 忠記咖啡室一人幾百蚊就有正野食😍先黎左四喜臨門 最正係炸雞軟骨粒粒脆卜卜 另外牛舌都好淋身👍🏻之後椒鹽鮮魷無骨九肚魚 好香脆至於我地4個本身對杏仁都有少少抗拒但呢個杏汁豬肺湯杏味適中 都岩飲😬至於XO醬鮮百合炒十頭鮮鮑魚同美極香煎大虎蝦 都好惹味🤤最後薑汁芝麻湯丸 暖笠笠😋_________________________裝修環境：✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂