忠記咖啡屋‧私房菜 (已結業)

星期日阿媽都要返工，所以放工就不煮飯了，我們一家四口出街吃，我早兩天已經book了忠記私房菜，幸好已訂位，當晚真的坐無虛席！海南雞二人套餐這個是經濟之選，$208有自家湯，菜，兩餸，兩碗白飯和糖水！份量足價錢平！這晚是紅蘿蔔南北杏湯，好滋潤！海南雞半隻一上枱已經見到雞的質素好好，皮帶光澤，雞皮入口爽，肥瘦適中，雞胸肉都嫩滑無比，有雞味，高質！蠔油生菜，生菜新鮮爽脆！自選套餐的小菜有十幾款，我選了我最愛的咕嚕肉，咕嚕汁酸甜味調較得好，有麥芽糖，咕嚕肉炸得夠脆！另外我們多點了兩個餸，一個是陳年花雕鴨舌，另一個是豆腐斑腩煲！花雕鴨舌好入味，這個是冷盤，花雕裡面還有杞子，鴨舌好爽口！豆腐斑腩煲熱辣辣，豆腐很入味，斑腩先炸過，金黃香脆，啖啖無骨魚肉！最後還有糖水姜茶湯丸，很滿足！吃到飽飽都沒有覺得口渴，食物沒有加味精，值得一讚！下次要再來試其他菜式！

朋友約在銅鑼灣食飯，飯後我們一行四人都讚不絕口，呢次我哋因爲貪方便唔想煩就諗都唔諗點了四人餐，$688四位用。先來的是私房靚湯，今日是蕃茄薯仔湯。呢度的小菜水準極高，而且鑊氣夠，上菜速度快，令所有食物都熱辣辣上枱，眼見星期二都有九成滿，我哋食完都一致覺得一定會encore!第一道是我最期待嘅金牌口水雞半隻，辣是屬於微辣嘅級別，雞肉得滑，最好味係那些醬汁，我哋研究咗一輪，覺得有沙嗲成份嘅醬好好味，填平時唔多食飯的朋友都要求攞咗兩啖飯撈汁食。之後嘅稻庭烏冬帶子好有驚喜！烏冬好滑，有一壹看似麻醬的烏冬汁俾我們自己倒在烏冬上，個醬汁加咗少少日式芥末，連埋火喉控制得好好嘅煎帶子，極讚，我覺得全個套餐這烏冬最好食！茄汁爆原隻大虎蝦個汁調得好好！有個朋友唔食蝦我可以食多隻超開心，呢種茄汁蝦唔可以斯文食，要先吮唒好味的汁，然後先慢慢剝殻食，而蝦應該好新鮮，所以勁彈牙。家鄉私房椰菜炒肉碎，有點點甜味，僻除了椰菜本身嘅青味。連生炒臘味糯米飯都好高水準！用一個類似砵仔的碗盛飯，造型幾得意。已食到好飽，但都唔可以放過精美糖水！初時以為是行貨的紅豆沙之類，誰不知是薑汁湯圓！以港式奶茶杯裝著的糖水賣相特別，湯圓係

新春大吉！拜年後，朋友帶著我們到''忠記''食晚飯。地點非常方便，裝修簡單整潔，不會逼夾。以住家菜為主，有新鮮海魚、扇貝等供應。可惜新年期間，來貨少，很快就買光。三文魚籽糖芯皮蛋，皮蛋Q彈，味道有點辣。稻庭烏冬北海道帶子，帶子大大粒，烏冬份量也不少，配有蟹籽和青瓜絲。醬汁是芥末芝麻醬，用小瓶子另上，多少自由決定。口感多層次，味道清新，是一道不錯的開胃前菜。沙鍋雲吞雞，有八隻大雲吞，不少娃娃菜。雞肉非常鮮嫩，雞胸肉也不會乾柴。雲吞裡有大量青菜，非常適合新年大魚大肉後的我們。冬菇時蔬扒紅燒豆腐，味道比較清淡。晚餐加$15，可以有芝士蛋糕。芝士味香濃，質地細滑。每位客人還有老火湯（沙參肉竹煲豬骨）和薑汁湯丸糖水送。一間難得的鬧市私房住家菜餐廳。

新年放左幾日假，一開工當然要約公司為食嘅同事們夜晚刷返餐啦，不過最可惜係我地為食四人組嘅組長仲放緊假未返，我地唯有三人行去品嚐一下之前組長推介過銅鑼灣渣甸街呢間忠記咖啡屋‧私房菜，再影D相俾佢睇下啦。😝雖然銅鑼灣呢間忠記咖啡屋‧私房菜我係第一次黎，不過我地其實經常會去西灣河間忠記咖啡屋嘆茄湯米做早餐。我地7點到，雖然未到晚市繁忙時間，不過客人已經好多，餐廳裝修簡約，座位寬敞，都坐得幾舒服。😚菜單有好多頁，小菜款式好多，當中我地覺得個二人套餐最抵食，有湯、小食、帶子烏冬、兩個小菜、糯米飯同埋甜品，$308唔駛加一。我地點左一個二人餐另外加左一客小菜，三個人應該好夠食。今日嘅私房靚湯好有新年氣氛，除左有意頭好好嘅蓮藕之外，仲有發菜，湯底味濃，幾好味。餐前小食係陳年花雕醉鴨舌，酒味都幾濃，鴨舌爽口入味，而且份量好多，我地三個人分都好夠食。👍二人餐嘅北海道帶子稻庭烏冬有兩份，帶子好鮮甜而且好大隻，烏冬份量好多，口感彈牙，配上混有小小芥末嘅日式芝麻醬，非常惹味。😋跟餐小菜我地揀左香橙江南小排骨同野菌芥末安格斯牛柳粒，因為香橙缺貨，轉左用菠蘿。小菜大大碟又夠鑊氣，安格斯牛柳粒肉質軟腍，排骨外脆內軟

想同朋友食返啲傳統嘅中餐。之後，見有朋友介紹呢間私房菜好似唔錯，好抵食好大分咁，就上去試下。由於我哋約咗星期五晚聚會啦，所以我哋就趁早打電話去book位訂枱。然後嗰日去到嘅時候發現星期五都滿座。雖然餐廳環境有少少擠迫，但服務質素唔錯，侍應都好主動咁成日幫我哋添茶。我哋坐低咗之後就嗌咗個南非鮑魚至尊盆菜餐。第一度嚟嘅就係冷頭盤，名為四醉拼，分別就有醉雞、雲耳、豬手同埋鴨舌。雲耳開頭食落都非常之爽脆彈牙，但係下面嗰啲就浸得太多酒就有少少偏鹹。啲醉雞起咗骨，食起上嚟嘅時候好方便，同埋吸咗啲酒味都非常之香濃。而豬手就好大份同埋食落爽口。第二道菜係湯。一打開個蓋就見到個湯非常之足料，同埋充滿咗肉，仲有好大塊嘅花膠。飲落清甜而唔油膩，啲湯料有Ｄ太多，食唔曬覺得有d浪費。 之後就上盆菜，大家都驚嚇咗一下因為真係份量超大，非常足料！尤其係隻蝦非常鮮甜好食，個醬又好特別。另外嘅一個驚喜就係盆菜入面竟然有烏冬！仲要係索咗啲濃郁湯底嘅烏冬！超滋味搞到我同朋友要搶食！阿老闆仲成日走過嚟幫我地加湯底，認真之好服務。個盤菜真係非常之豐富，包括有：鮑魚、魚肚、瑤柱、帶子、髮菜、芋頭、蘿蔔、娃娃菜等等．．． 真係多到

朋友生日,次次例牌食西餐。今次就破例幫襯一下中菜。有朋友介紹銅鑼灣有抵食好味私房菜。忠記咖啡屋‧私房菜就係渣甸中心，一D都唔難揾。青瓜清新爽口帶點微辣,又有點蒜香嘅味道，餐前醒胃！椒鹽雞軟骨，外皮鬆脆。$42/碟份量還適中。鐘意食脆口嘢嘅朋友可以試下。陳年花雕無骨醉雞 , 呢個菜真係堅正，醉雞是江浙地區的傳統名菜。酒香濃郁，浸住滑嫩嘅雞肉，人同雞都醉咗，雞肉都已經去骨處理，方便，仲會有種令人越食越想食嘅衝動！XO西蘭花炒斑片, 西蘭花夠入味，斑片新鮮，呢味菜亦都係推薦之一。功夫鮮鮑燉蛋係一味私房菜，所謂功夫，當然係要有製作功夫，原隻鮮鮑採用蒸燉嘅烹調方法，保留咗鮑魚嘅鮮味，蛋燉嘅火候恰到好處，香滑可口，感受到濃郁嘅雞蛋味，四粒杞子加仿翅賣相加分。味道算清淡，當然清淡先襯得出鮮鮑嘅鮮。

招牌以紅白色為主嘅忠記私房菜，裝修以簡約為主，除咗大枱座位之外，另外仲有房間可以供客人選擇。除咗鐵觀音之外，仲有各式各樣嘅汽水、橙汁同埋啤酒供應，任君選擇。首先來一個前菜-夏日豐盛五小碟開胃。金杯美酒配北海道海膽糖芯帶子賣相非常壯觀，配以六杯金杯美酒🍷。蘋果酒味道鮮甜，飲完之後就食大大隻嘅帶子，帶子好爽口，面頭嘅海膽非常鮮甜新鮮，食埋底下嘅紫薯蓉，非常滿足。另外燉湯舞茸黑豆燉龍骨非常滋補。由於我唔係好食蠔，不過朋友都大讚酥炸美國桶蠔炸得好香脆，食落去好滋味。私房香橙江南小排骨好香嘅香橙味道，排骨肉質鮮嫩，而且非常入味。食咗咁多肉類，食返碟蔬菜野菌上湯浸芥膽，入面有好多配料，例如蝦米、肉碎同埋蒜蓉粒等，而且芥膽好大條，味道好鮮甜。石榴荷葉飯非常的骰，用荷葉包住啲飯，飯粒充滿着荷葉味道，仲有少少肉粒碎，好有咬口。除此之外，仲有好特色嘅古法家鄉鹽甑雞、甜品意大利雪糕同埋蛋白杏仁茶，食完之後真係好飽，非常滿足。

銅鑼灣鬧市新開一間私房菜叫做《忠記咖啡屋‧私房菜》，位於鬧市區嘅渣甸中心，而且地下有燈箱賣廣告，所以好容易就搵到。餐廳燈光光猛，而且座位寬闊，職員態度殷勤親切，隨即就俾咗一壺茶就係南岩鐵觀音我哋濕濕口。之前已經訂咗六位，每個人只係＄398，就可以食到十款以上嘅餸菜。首先來兩大碟嘅夏日豐盛五小碟，冷盤分別係鴨舌、番茄仔同埋芽菜，熱食就係蒜香雞軟骨同埋椒絲炒椰菜。每一款都各有味道各有特色，我最鍾意就係食辣辣地嘅椒絲炒椰菜，椰菜炒得好入味，同埋好有鑊氣。套餐中嘅餐湯舞茸黑豆燉龍骨尤其出位，一大碗燉湯上，店員服務一流，幫我地分碗上，入面有冬菇、瘦肉同埋螺頭等等嘅配料，非常足料，難怪燉湯味道非常香濃。我最欣賞小菜中嘅古法家鄉鹽甑雞，原隻雞用紙包住，焗到好香，再切成小件，放入瓦煲入面保溫。雞肉非常香滑、肉質鮮嫩，啖啖新鮮雞味道，唔需要點任何醬汁都好好食。最後甜品意大利雪糕同埋蛋白杏仁茶，意大利雪糕好似蛋糕咁大，真係好Surprise，而且雪糕嘅硬度適中，食落去更加有口感之餘，香濃嘅朱古力係口入面慢慢溶化，好食過出面啲雪糕！總括而言，套餐中嘅食物真係一流，食物高質素，而且小菜炒得好有鑊氣，每一款菜式

聽朋友講話呢度啲嘢食OK，就帶家人嚟試下呢一碟避風塘鮮魷同去骨九肚魚好正上檯嘅時候就好似一幅畫咁靚啲鮮魷炸得幾靚，舊舊都漲卜卜幾好肉炸粉好薄，上面有一小層椒鹽粉，蔥同埋辣椒粒都好靚食嘅時候點佢旁邊嘅醬汁，以為好似豉油嘅鹹，點知原來帶微酸，味道又唔會搶過魷魚嘅鮮味，配搭開胃唔錯去骨九肚魚旁邊就配椒鹽粉嘅，鐘意食重口味啲嘅都得啲九肚魚都係肥嘟嘟嘅，舖頭好細心咁去咗骨，食嘅時候就唔使點咬九肚魚本身都好滑溜，炸完之後外脆內軟好好食呢度菜嘅兩味不禁令我諗起大排檔風味，呢度絕對唔輸蝕之後佢有個荷葉飯，跟人頭上嘅，係新鮮嘅荷葉包糯米飯一打開荷葉撲鼻香，入面嘅飯有臘腸，雞肉，份量唔大隻，啱啱好夠滿足口癮最後不得不提嘅係呢個勁薑湯丸！！！薑汁嘅重手佢認第二冇人敢認第一細路仔就食唔慣，但係老一輩就好欣賞佢夠薑，驅寒每盅湯丸都用咗個好得意嘅盅裝住，有個福字，好啱嚟緊新年嘅氣氛入面嘅芝麻湯丸同埋薑汁都幾夾食完湯丸飲埋湯水，出到外面幾大風幾凍都唔怕

又到農曆新年！慶祝佳節，當然要同成班朋友食餐好嘅！ 今日行開銅鑼灣， 上openrice睇下有咩一大班朋友可以圍埋一餐好餸嘅地方， 見到好多人推介忠記， 決定一於嚟試下佢哋嘅手藝。七點幾上到去好多人已經食緊羊腩煲 同埋其他小菜， 室內仲暖笠笠好溫暖， 我哋一行五人搵咗張圓枱坐低，決定一齊過一個肥年，食盆菜宴🙌🙌話咁快前菜已經上臺， 已經聞到陣陣酒香， 呢個四醉拼分別有木耳、露筍、鴨舌 、豬手及滑雞。個人最鍾意鴨舌， 鴨舌厚肉，完全滲透酒香，加埋杞子作調味，香味有層次。每件雞件已經去骨， 可見餐廳的細心💕呢啲得番個位數字溫度嘅日子...唔飲湯係生存唔到嘅， 這壺熱辣辣嘅燉湯完全係雪中送炭✨✨燉湯清澈， 味道豐富， 經過多個小時用各種貴價材料淆成， 每人一壺燉湯，碗碗材料多到滿瀉， 有大隻花菇、猴頭菇、花膠、乳鴿肉、雞絲等等， 淡淡都係肉嘅鮮甜。跟住就到全晚重點.. 至尊鮑魚虎蝦帶子盆菜索曬汁嘅鮑魚煮得好淋， 成隻南非鮑魚放落口啖啖肉， 係幸福溫暖嘅感覺！刺身級嘅帶子仍未熟透， 半生熟嘅狀態係享受鮮味同嫩滑口感嘅最佳時機， 大大粒 帶子放咗喺盆菜最頂層， 記得唔好煮熟佢 ，第一時間食咗先！

夜晚嚟到銅鑼灣食好嘢，樓上舖以為會冇咁多人，點知上到嚟都仲係好多人等位，睇嚟呢間嘢幾掂睇一睇咗menu，感覺都幾多嘢食，有9道菜，2個甜品同其他飲品小食首先試下佢個原隻一口功夫鮑魚燉蛋用咗嘅係南非鮑魚，同一般係香港食到嘅唔同，特別有海水味同彈牙本身以為淨係普通嘅燉蛋，原來外面睇落好豐富，入面都內有乾坤！首先鮑魚嘅四邊有杞子，上面有啲仿魚翅，最上面有厚厚一坐山嘅蟹籽蛋係用咗少少薑嚟燉，順便可以幫海鮮辟腥，底部沉澱咗少少細細嘅薑粒同蘑菇令到整個味道層次有一個昇華鮑魚嘅鮮味都滲入燉蛋度，令到整體味道鮮甜火焰炭燒蜜汁豬扒皇真係著住火咁上，可以享受埋視覺效果之餘又可以打卡燒得7788之後啲火熄咗，店員幫我哋揭開錫紙原來整個煲入面係足足有6大塊豬扒！！！我哋全部都好驚訝，因為通常私房菜每一個餸都只會得少少份量，但原來呢度我哋一人有一塊扒据店員幫我哋分好之後，再細心咁淋上蜜汁每塊扒都大過手板，真係好誇張好彩嘅係塊扒真係好好食，蜜汁燒完嘅味道有少少似叉燒，但係肉質仍然保持細嫩唔鞋豬扒本身都靚，有啲連住骨，靚肉加上啱火候嘅烹煮方法，成就咗呢塊豬扒皇乾隆八寶生菜包，幾欣賞佢呢度菜嘅用心除咗一擺上枱香味撲鼻

今日就去咗銅鑼灣一間私房菜食飯 ，入到去發現其實都幾多人啊， 我哋五個人就揀咗張門口枱坐低 ，環境都唔錯， 餐廳面積雖然唔大，但座位幾闊落 。天氣凍所以就揀咗個盆菜餐嚟食， 一開始就有四個 前菜 ，應該係用酒煮嘅， 味道偏鹹 ，但係用料新鮮，份量亦都好足 。當中 醉雞最令人驚豔 ，去咗骨，肉質好鮮味， 吸收曬酒香。之後嚟咗一個猴頭菇嘅湯， 用足料熬製的湯果然與別不同 ，好明顯感受到同平時市面上嘅湯嘅分別， 清澈而有鮮味，層次十足。花膠好有咬口，夠養顏，仲有大大嚿猴頭菇~老闆真係超級大方! ❤❤跟住上嘅就係主菜盤菜，佢主打嘅係南非原隻鮑魚， 非常足料， 一共有成十八種，有大蝦、 帶子 、髮菜、 鯪魚球等等，食得好滿足呀 。我哋五個女仔一般都食唔曬，之後就又食又拎，店員好熱情， 立即幫我哋打包好， 咁就唔會做大嘥鬼啦! 我哋有人臨走漏左野 ， 店員特登跑出嚟提我哋拎返， 真係好好人 。總之呢一餐 ，有fd有好嘢食又有熱情嘅店家， 兩個字講曬--滿足!!

一家人最鐘意食樓上私房菜始終一齊坐張圓枱，食個中餐先有團聚嘅感覺佢最近做緊呢個江南鮑魚虎蝦宴，菜單雖然改咗但係都仲有好多好嘢食！而且唔會一味淨係得傳統嘢，啱埋年輕一輩嘅口味最後寫住預訂嘅話生日滿月又有嘢送，都幾抵食和風芥末雞絲波菜冷麵，溶合咗和風沙律同冷麵嘅特性，又有青瓜蟹籽蟹柳，又有雞絲冷麵醬汁係胡麻醬，另外用一個小瓶裝著嘅，落幾多可以自己控制芥末味唔算好重，雞絲，青瓜同蟹籽口感好豐富，下底嘅波菜麵味道同平時嘅冷麵一樣，食落覺得更健康杏汁銀杏燉豬肺湯落足料去煲，好重杏汁味，湯好濃稠店員首先幫我哋分咗每人一碗，然後仲有好多，飲完可以再添之後佢再幫我哋撈起湯渣，有豬骨，豬肺同銀杏(白果肉)，可以沾醬汁豬肺雖然補過，但仍然好滑嫩，夾上去有少少容易散，滋補又唔油膩，真係啱哂大家飲鐵板茄汁大虎蝦，應該係本身煮完再放上鐵板上面，下面有新鮮洋蔥墊底，中間有原個蕃茄淋完醬汁之後都滋滋作響，每隻蝦都好新鮮厚肉，處理嘅時候廚師去咗啲蝦鬚同埋剪開咗，食落方便易剝殼醬汁嘅味道係帶甜嘅蕃茄味，食落好似平時媽媽係屋企煮嘅茄汁蝦當我哋全部人食飽哂，唔記得咗仲有甜品？！cheese cake出乎意料哋好好食，唔知係

同幾個舊同事新年前聚餐 o黎食盆菜私房菜依度招呼好親切 侍應姐姐話專登攞 d 有顏色 ge 餐紙巾畀我 o地話係靚 d ga, haha各式 ge 醉冷盤, 酒味都幾濃係增加食慾 ge 前菜呢住家湯好好料呢花膠有個碗 o甘大 好滋潤 ar! 可以添到兩碗!主角 ge 盆菜好壯觀! 有好多珍貴 ge 好料, 仲砌得好靚 o添虎蝦有我隻手掌 o甘長依排 o甘凍食番個臘味飯就 o岩 la個“福”字碗好有意頭~有臘腸潤腸, 好正呢 炒得唔咸, 調味 o岩 o岩好蛋白杏仁茶賣相好可愛入面仲有芝麻湯圓, 好好食!

星期五放工後，我跟朋友來到一間非常抵食及美味的私房菜館。二人餐只需$308，有7款食物。點菜的時候，我以為食物份量應該不多，而且我有點兒餓，所以還多點了一份小食。沒想到食物份量比我想像中的多，所以我們是非常非常的滿足。套餐包括了兩碗私房靚湯，是日湯水是胡椒豬肚湯。胡椒湯十分適合冬天飲用。喝著熱辣辣，並帶有濃郁胡椒味的靚湯使人變得暖烘烘。餐前小食包括陳年花雕醉鴨舌、陳年花雕無骨醉雞 （$54）及稻庭烏冬北海道帶子。用上陳年花雕浸至入味的鴨舌及雞肉，真的十分美味。鴨舌的份量很多，而雞肉則是很嫩滑。套餐包括兩款小菜，我們選了香橙江南小排骨及乾隆八寶生菜包。小排骨酸酸甜甜很開胃，而生菜包生菜夠多，所以能夠吃到非常的滿足。接着我們還有每人一碗生炒臘味糯米飯，糯米飯不會油膩，臘味的味道亦算香，所以是頗高質的。最後用黑白奶杯放着的是精美糖水-薑汁湯圓。薑湯薑味十足，而且甜度適中。有這個糖水作為這一頓豐富晚飯的完結，真的是人滿足！