快樂蜂 (振華大廈)

营业中

休息中

世一炸雞🍗超耐冇食Jolibee啦😙😙🔸Chickenjoy + 蘑菇飯✨超推薦佢地嘅炸雞！一個套餐有兩件炸雞+一個蘑菇飯+一杯自選飲品炸雞外層雞皮超鬆脆，熱辣辣！即叫即炸，所以等候時間會較長雞肉好入味，另外配左蘑菇汁🍄‍🟫超惹味蘑菇飯入面都有少量蘑菇但略嫌唔夠多汁～📍 快樂蜂 (振華大廈)地址: 北角英皇道370-374號振華大廈地舖電話: 23333538#香港美食 #炸雞 #炸雞控 #北角美食 #油麻地美食 #旺角美食 #尖沙咀美食 #炮台山美食

周末，愛玩小生做完運動，好想食炸雞，剛好經過北角Jollibee，就去醫醫肚呀！一直以來，身邊的炸雞迷朋友分享，Jollibee的雞件較為香脆又嫩滑呀！今次食過都表示認同呀！不過，雖然炸雞沒有其他品牌連鎖店咁香，但雞件Size都算大件、而且外皮超級酥脆呀！雞件炸得香脆亦充分鎖好雞汁，不覺得太乾身呀！此外，原來Jollibee新推出咖哩飯和意大利粉，當中，愛玩小生認為Jollibee咖哩終於不是太甜，而且口味岩返香港人啦！題外話，北角的Jollibee分店大改造後，室內採光和用色設計，明顯光鮮亮麗，更加入自助訂餐機呀！

唔使文縐縐，直接講，今次去嗰間餐廳真係整到我一驚一乍嘅！🤤 首先嗌咗個雞棒餐，嗰啲雞棒不熱但又唔係冰蚊蚊，喺微暖嘅狀態入口就最正！佢配上嗰啲雪凍咗嘅沙律醬，嘩，真係talk to me嘅味道。撈埋啲薯條，一啖一啖都咁夠晒嚼勁。最震撼嘅係加左$6嘅蜜桃芒果批，小小一件，但真係好出彩！每一啖都滿滿啲蜜桃粒粒，香甜得嚟又唔肥膩，我只能講，值得加！店內人手有啲匱乏，等食都要耐咗啲，不過姐姐服務態度好得滯，讓人等得唔心急。😌喺這個有限嘅篇幅入面，我想話各位知，呢間唔只係一間普通嘅快餐店，係一個小小驚喜包裝嘅所在。下次大家路過，又或者諗唔到食乜好嘅時候，記得試下依度咖！👍

第一次光顧,因為係附近飲宴,又早到咗,見到有間Jollibee.就入去叫咗個樂脆雞堡套餐.樂脆雞堡套餐:有一塊炸雞件,薯條和汽水.雞件炸得外脆內軟,裏面嘅肉又嫩滑.味道唔會太濃,恰到好處.加埋兩塊包咬落非常鬆脆,好滿足呀！薯條絕對合格,每一條都炸到金黃色,雖然薯條係幼身的,但都有口感.畀m記好食得多,m記嘅薯條係軟身的,這家薯條又香又脆.好好食.冰凍可樂.透心涼.正呀.整體來說:食物質素不錯,下次一定會再來.

當日係假期黎既同朋友效遊完肚仔餓要覓食但係食飯黃金時間一定要等位等到傻把心一橫 買個外賣炸雞回家吃第一次接觸Jollibee係係一個婚宴上面由於仲有段時間都未入席有位朋友係開宴前自己買左一個餐係酒店食咁我就第一次食一食之後就再冇食 KFC 了Jollibee 的炸雞即是係唔同分店 唔同時間水準都可以保持到咁高質次次去食 炸雞都可以保持到熱度唔會凍冰冰 因為炸野一凍左就會唔好食炸粉個皮好簿好脆 真係好好食一咬開炸雞 肉汁會爆出黎如果新鮮出爐 記得小心會燙傷個口肉質係非常滑同多汁既連鎖炸雞店 真係冇一間夠佢好食！冇得頂！相比KFC 大部份時間D雞又凍又鞋一試之後立即轉會經過都心癮起呀！蕃薯條本人十分喜愛蕃薯條有得叫都一定升級蕃薯條脆身有淡淡甜味好食😋

諗唔到夜晚食咩好，有朋友提議食傳說中全港最好味嘅炸雞，就係快樂蜂我哋叫外賣自取，有原味同辣味嘅炸雞、地瓜條同薯條一拎返屋企梗係即刻打開個盒食啦估唔到佢焗咗喺外賣盒一陣仲係好脆口，每一塊雞皮都唔可以放過，忘記卡路里盡情咁食先得，因為太好食啦辣味都唔係太辣，係接受到嘅程度。雞胸都唔會「鞋口」，雞鎚肉都非常滑真係忍唔住一啖接一啖咁食 醬汁唔使點，已經好夠味。薯條正常，唔係重點，地瓜條甜甜地都幾好食，可以encore

早兩日，行過菲律賓名物蜜蜂炸雞， jollibee,同第二間連鎖炸雞店相比，Jolibee嘅炸雞感覺上比較Juice，用少啲味精，食落去更加有雞味。今次叫咗原味炸雞同埋辣味炸雞， keep得住水準，一咬落去，啲雞汁噴出嚟咁樣，熱辣辣又好食，每舊炸雞到有一定嘅份量，唔似第二間炸雞連鎖店甘樣，雞髀得一隻膠匙羹咁大，似返一隻正常size嘅雞，辣雞翼別有一番風味，鍾意食辣嘅朋友千祈唔可以錯過，但係針冇兩頭利，蘑菇飯比較失色。當然啦，入得來做呢啲就預咗，炸雞先係主角

食過幾次jolibee嘅外賣，講真感覺不大，普普通通，可能係外賣盒焗住，影響咗佢嘅質素。🫠今日終於一嘗堂食jolibee套餐😀以雞論雞，佢係炸得好過kfc，炸粉薄得嚟、又脆！佢有個自家嘅醬汁配雞食，食落冇咁熱氣，肉質方面比kfc嫩滑，雖然肉汁不多，但起馬唔會「柴」。一間連鎖快餐店做到咁，可以收貨！🤝🏻另外，想講講薯條，新鮮夠熱，香脆得嚟，入面又少少柔軟，不錯不錯！😼一個單雞套餐36蚊，性價比不差，與質素相符！🫶🏻

薯條絕對合格，條條都金黃色，又唔會炸到硬晒，份量方面就細啲啦，似M記細薯條，無多餘嘅鹽，味道啱啱好，一樣啦，鐘意嘅咪點吓茄汁。每份雞都新鮮熱辣，味道唔會太濃恰到好處，食落仲嫩口多汁，啲皮絕對無得輸，啖啖肉之餘，仲係卜卜脆，不過代價就會油膩啲喇！如果想要濃味啲，可以配埋佢哋嘅Gravy醬汁，一樣無得彈！每份雞都新鮮熱辣，味道唔會太濃恰到好處，食落仲嫩口多汁，啲皮絕對無得輸，啖啖肉之餘，仲係卜卜脆，不過代價就會油膩啲喇！如果想要濃味啲，可以配埋佢哋嘅Gravy醬汁，一樣無得彈！

今日約咗朋友去做運動，做運動前梗係要補充體力食返個肥仔餐先啦！😂呢間菲律賓過江龍jollibee喺北角開業以來我已經食過好多次，試過一個禮拜食咗兩餐Jollibee😈而佢哋嘅水準一直都keep住，無令人失望。好多朋友食過都覺得好食過老人家嘜頭嘅炸雞🍗！入到店內都見到有好多菲律賓人喺入面進餐，可想而知係幾受當地人愛戴，可以俾佢哋食返家鄉嘅味道。店內裝修無乜特別，同一般快餐連鎖店差唔多，面積都算大。有個幾好嘅地方係店内有條斜路，行動唔方便人士可以上斜路唔洗上樓梯。上完個小樓梯仔行多幾步，就會到counter。點完餐等咗幾分鐘就有得食！❤️ 兩件樂脆雞(辣)+薯條 $45個脆雞外皮脆到不得了，脆漿唔算厚，同啲肉緊緊相連，唔會皮同肉分離。咬落去夠熱，有煙出㗎！肉質特別鮮嫩多汁，一咬有肉汁流出嚟，好誇張！😛 雞嘅辣度亦啱啱好，好惹味，後勁十足。炸雞餐有配gravy sauce，味道恰道好處，質感較稀唔算鹹！好食度：⭐️⭐️⭐️⭐️(4/5)❤️ 肉醬意粉+1件樂脆雞(辣) $40朋友叫咗個肉醬意粉，醬汁味道唔係一般出面食到嘅肉醬味道，帶點甜味嘅南洋風味，加上大量芝士配少少腸仔，麵條偏淋同長度較短。好食度

喺北角有啲嘢做，大概12點幾就去咗jolibee 食午餐，餐廳範圍唔大，枱枱之間嘅距離亦都很大，加上好多人，所以好難搵位，最後我哋搵到喺門口附近嘅位置，因為係落地玻璃，所以比較熱，餐廳有提供兒童高椅，亦都有廁所和廁所外的洗手設施。我哋叫咗兩個餐，一個係肉醬意粉配炸雞飲可樂，價錢係$42，肉醬意粉份量唔算少，炸雞都好Juice，本身配嗰隻醬都唔錯。另一個係兩件炸雞配薯條飲可樂，價錢係$40，今次炸雞一件係雞脾，另一件係類似雞胸，但係雞胸這塊比較少肉多骨，薯條正常。整體我覺得幾好味，因為啲雞有雞味，唔乾，好Juice。

今次是我第一次光顧Jollibee 可能是廣告宣傳問題它一直給我的感覺都不算太吸引這樣 也只是菲庸的主要集中地不過那天剛在附近弄些銀行事情 就過來吃一下了店面很奇怪 有長斜和樓梯 搞不清是否給家長推嬰兒車還是鋪面設計的問題如果一不小心 很容易把食物倒翻老實說 它的炸雞不及KFC的好吃 相信這個也是分店沒有太多的主因而最特別它附上一個類似磨菇汁的醬汁 起初也不是太懂的要怎樣來吃原來是用來伴雞的 看見有些客人吃得津津有味至於意粉有喜出望外的感覺 儘管賣相不算很好 但味道卻十分好吃 茄汁夠味 有些切粒香腸 配搭起來很快被我吃光意粉比起炸雞好味我就是吃這個餐 但這價錢未包飲品這店最好的是 有檸檬茶 加2.5元 這一點要讚附上無相關的有招牌圖案的餐巾 哈哈總括來說 Jollibee 的好味程度未至於我會乘坐幾個電車站去吃但它是有它的忠實粉絲

炸雞快餐店中, 我覺得這間算不錯。 早前就去過一次。 因為想與家人一同分享, 就外賣回家去。這在北角的店舖分兩層。 有一條暗斜的通路相連。$99套餐共有四件炸雞丶兩份意粉丶兩件芒果桃批和兩杯汽水。可能是㚈賣回家, 炸雞皮沒那麼脆, 但雞肉厚肉, 肉質還濕潤。 相比起其他炸雞快餐店, 我覺得更好吃。茄汁意粉是把意粉煮腍後, 再把茄汁醬放上去。 其實這樣的話, 味道一般。芒果挑批味道不會過甜。汽水是一般質素。這快餐店較好吃的是炸雞。 但以這個價錢及份量, 其實是可以的。 下次還是堂食吧, 熱呼呼的炸雞更好味道。

今日在北角工作，午餐時間到了jolibee。之前一直聽朋友講，炸雞味道不錯，但從未有機會 光顧，今日機會來了~點了一個套餐，包括了2件炸雞，薯條以及飲品。首先薯條幼身，味道正常，沒有太大驚喜。而炸雞吃了一口，炸衣確實很脆而不油膩，內裏的雞肉十分嫩滑。最有驚喜是套餐附上的沾醬，醬汁鹹香，用來沾炸雞和薯條一起吃，也是不錯，但多吃就會有種過鹹的感覺。 整體而言，價錢和食物質素相比，算是不過不失，偶爾經過也可買來試試。

Jollibee's chicken joy is basically crispy, juicy fried chicken. Make sure you have it with their gravy sauce and the thigh parts are larger here in Hong Kong than those served in the Philippines. Rice is served with mushroom sauce on top but I prefer the meat sauce spaghetti that is a bit sweet and flavourful. As for the pineapple hamburger (Aloha burger) they are not worth trying. I did not like the chicken fingers because they were really dry (white meat) and the dip didn't really make it tas