快樂蜂 (黃埔天地)

营业中

休息中

最近見黃埔新開咗間jolibee 就同朋友一齊去試吓新野 舖頭幾大幾光幾舒服 我地叫左個歡樂套餐A 份量算係比四個人食啦 有四杯飲品 四份小食 兩份意粉套餐亦有六件炸雞 (三件雞胸同三件雞脾)佢既雞都炸得唔錯 肉質好嫩滑，炸雞好鬆脆同埋好入味😋加左佢個炸雞汁會更惹味😋但呢一間分店就冇比手套🤔套餐仲有兩份肉醬意粉 意粉嘅醬幾好味 蕃茄味都好濃 同肉腸既味道好夾😋 值得一試另外小食我地就叫左兩份薯蓉一份牛油粟米同埋一份薯條佢既薯條炸得比mcdonald好 幼身得黎又有足夠份量既薯係入面仔 味道不錯薯蓉嘅汁比kfc嘅多 好好食😋牛油粟米就冇咩特別 不過不咁啦整體嚟講係幾好食嘅 但佢嘅份量就真係細咗啲 食完都唔係太飽 想食多啲份量嘅朋友可以諗下其他配搭🤔

菲律賓的Jollibee, 我尤其喜歡他家的炸雞, 以前只能在中環看到他, 現在終於衝出中環了.黃埔店開了一段不長的日子, 今天終於能抽到時間嚐嚐.5點左右, 不是店內最繁忙的時間, 還順利的找到位子.點了我經常光顧的2塊炸雞拼蘑菇飯加一杯汽水, 點餐之後就在旁邊等叫號碼取.大概5分鐘之後就順利取餐.那雞塊炸的很香脆, 熱熱的, 配著那蘑菇醬, 實在很好吃.而且那雞塊的香味和脆度, 跟以前一樣, 沒有改變, 這一點, 對於做得久的店是很難保持的.反而是蘑菇飯, 味道淡淡的, 比起雞塊, 真是有點失色.但是整體來說, 我還是非常滿意的!

Hall附近最近開咗間新嘅炸雞店附近D野已經食到厭 梗係去試吓新野啦去到個時 條隊排到出門口等左20分鐘左右 終於先有位我同朋友夾左一個四人餐有兩個薯蓉 兩個粟米 四杯嘢飲 兩個意粉 一包細薯條 同埋六件雞嘢食大部份同KFC都差唔多薯蓉比KFC多醬汁 較為好食粟米麻麻 唔甜無牛油 意粉係蕃茄腸仔意粉 上面有芝士粒 好好食 雞黎講 偏鹹但雞鮮嫩 都唔錯薯條普通 同M記無乜大分別野飲有得揀朱古力或者橙汁 岩哂我呢啲唔中意飲可樂嘅人4人餐埋單$175 每人44蚊 成個餐份量唔多唔算抵食 但可以一試

一直都好想試下jollibee，聽講啲炸雞好好食。之前lunch time都行過幾次，心郁郁想食，最後因為覺得佢對比起其他快餐店貴好多，又冇咩選擇，所以次次到最後都冇食到，因為覺得好唔抵。今日放break經過見到咁啱做緊tea set, 個價錢都唔算好貴，就走左入去叫黎試下。其實tea set選擇都唔多，我今次就揀左set A🙈setA有兩舊雞柳、一包薯條同埋一杯汽水。先講雞柳，佢兩舊都唔係好大舊，味道幾咸幾濃，但冇特別大驚喜，冇我想像中好食，有啲失望😢要特別講下薯條個醬，係沙律醬😍平時食薯條都中意點沙律醬，但去親啲快餐店全部都係用茄汁，今次見到沙律醬真係好surprise😭仲要個沙律醬好好食，為個薯條加左唔少分😭❤

叫左個C2餐一件雞髀一件雞胸一包細薯條就加多一杯野飲雞髀同雞胸比KFC嘅好食，啲皮比較脆，而且多汁啲薯條都比較乾身，脆口，算唔錯，但係成個餐來講分量就較少，女仔食嘅話應該都啱啱好，男仔食呢個餐就唔會夠飽呀

Jollibee係菲律賓有名嘅快餐店，姐姐們十分喜愛。紅磡分店終於都開咗喇，今日約friend home party，一於買外賣加加餸😙試吓佢點解咁為人喜愛。下午十二點幾去到，都已經好多人，排隊差少少就要排出門口。食物選擇都係以套餐為主，今日只係想買炸雞，散叫只有一個選擇：一桶雞$105/7件（3件雞膇+4件雞胸）。炸雞好香🐥雞肉好嫩好juicy一咬d汁立刻流出嚟🤤外皮就算係外賣唔係即食都但仲到卜卜脆！就算買完成個鐘先食，都冇油淋淋👍🏻朋友都一致好評，下次可以再encore😋

Jollibee 今早經過黃埔，見到Joliibee⋯⋯新嘢未食過試下先，呢間嘢好似係菲律賓好出名㗎噃。睇下餐牌，啲相，好似好正，乜都有。又牛角麵包，又炸雞，又漢寶包，又熱狗！ ！多款選擇！ ！見個樣，最初以為同牡丹樓差不多。今次就試牛角麵包加蛋連熱飲嘅早餐先！＄20蚊！賣相，一般！其實唔係太得！當然，有包裝紙包住時，可以的！但是一開後，就唔得囉！味道，一般！真係唔係咁得！可能我食唔慣！蛋，有啲汁，令到乾身的牛角麵包索了啲汁，燜曬！最初以為好正，點知成件事錯曬！ 下次，可試下炸雞🍗，睇下贏唔赢到KFC先！

聽講黃埔開左分店，咁啱要去紅磡買野，一於試下。可能因為新開張，再加上星期日，我一點鐘去到，條隊要排到出門口。好彩佢地人手都夠，排左10分鐘左右就到我地1人套餐有好多唔同配搭，蘑菇飯，意粉，薯條🍟，炸雞樣樣齊，我地一人3人，本身想叫桶餐，但原來無嘅⋯佢果度只有桶雞，但就無set,咁唯有分3個餐黎叫，再share喇，埋單136，都算唔貴，我地選擇左外賣返屋企食，略嫌包裝有點唔環保，太多膠袋了，意粉又用發泡膠盒。。。賣相就麻麻地嫁喇，不過肉醬意粉就比想像好，值得一讚嘅係炸雞，外賣依然夠脆，亦唔會油淋淋，仲有雞味，比KFC好喎。總括而信都算ok嘅，以後去開黃埔又多一個選擇

當一間餐廳衝出自己嘅國家開分店嘅時候，一般嘅想法都係「梗係冇原版咁好㗎喇」。快樂蜂又係咪呢？終於等到紅磡嘅快樂蜂開喇。只從5個月前喺馬尼拉試過佢哋嘅 chicken joy （樂脆雞）後，真係念念不忘。每件雞都炸到金黃色，食落口非常爽脆，雞肉醃得非常入味，仲出奇地 juicy 添。我哋一行四人叫咗兩桶樂脆雞，一個漢堡牛扒飯同三包大薯條。香港嘅樂脆雞係絕對、絕對丶絶對無令我失望嘅同喺馬尼拉食過嘅一樣：好脆好入味好 Juicy 真係令人非常 Joyful 嘅 Chicken Joy Jollibee 嘅薯條係直得一提嘅。薯條有好香牛油味，同埋比起其他連鎖快餐店嘅薯條，快樂蜂嘅價錢絕對貼地至於漢堡牛扒飯，係充飢之算。但係我會建議將重點放喺樂脆雞度。總括嚟講，哩隻快樂蜂將香港嘅炸雞快餐推上一個更高水平。簡直係我哋一眾吃貨嘅喜訊（伯伯要睇路咯）。