恆香冰室

营业中

休息中

打算入佐敦食過早餐。見到在澳洲牛奶公司條長龍（我沒打算去食澳牛的，只是平時經過會慣性看看條隊有幾長）意外地發現隊尾有間恆香冰室分店開左，就入去試下。男友叫左D餐：沙嗲牛肉麵🍲炒蛋轉太陽蛋🍳方包🍞方包有驚喜🤩熱度適中🤭牛油同方包有烘過🤗沙嗲湯底既味道都唔錯，唔係死鹹，感覺個湯底都幾有心機調味😌因平時早餐有食方包都無咩特別🙃第一次試而間餐廳我就叫左G餐：雙併湯麵餐➡️自家製叉燒及厚切午餐肉見到「自家製」及「厚切」所以就選擇左而兩個😗叉燒是甜味，似用叉燒醬整，佢唔係燒味店那種，似屋企可以整到嗰種。厚切午餐肉係一塊圓形既半塊。燈光舒服💡雖然裡面大概可能有十張枱，但都好整齊👍不過無卡位就唔會考慮入黎食😛整體黎講，我覺得唔錯，會有想再幫襯😄😄

當澳牛依舊大排長龍之時，兩舖之隔既位置已靜靜地開左一家恆香冰室。冰室地方雖小，但因為樓底夠高裝修光猛既關係，感覺都既舒服。早餐選擇算多，炒蛋色澤黃潤蛋香OK，多士件頭比較小，火腿米粉及格，餐肉蛋治無烘底，有點昔日茶記味道。服務方面，伙計都快手有禮貌，又唔會強逼要客人搭枱，都及格。唯一需要改善係茶檔伙計，點解要將張單放響碗粉上面，感覺唔係好衛生。餐廳門口有售賣恆香餅食，不過無聞到任何香味，估計係同餅家分店一樣既預先製成品而非即場烘焙。其實如果有焗餅香味，應該會吸引更多遊客客人留意呢間冰室。